दशावतार मकारादि मत्स्याष्टोत्तरशतनामस्तोत्रम् Makaradi Shrimatsyashtottarashatanamastotram

श्री हयग्रीवाय नमः ।हरिः ॐमत्स्यो महालयाम्भोधिसञ्चारी मनुपालकः ।महीनौकाप्ऱिष्टदेशो महासुरविनाशनः ॥ १॥

śrī hayagrīvāya namaḥ |hariḥ oṃmatsyo mahālayāmbhodhisañcārī manupālakaḥ |mahīnaukāpriṣṭadeśo mahāsuravināśanaḥ || 1||

महाम्नायगणाहर्त्रा महनीयगुणाद्भुतः ।मरालवाहव्यपनच्छेत्ता मथितसागरः ॥ २॥

mahāmnāyagaṇāhartrā mahanīyaguṇādbhutaḥ |marālavāhavyapanacchettā mathitasāgaraḥ || 2||

महासत्वो महायादो गणभुङ्मधुराकृतिः ।मदोल्लुंठनसङ्क्षुब्ध सिन्धुभङ्गहतोर्थ्वखः ॥ ३॥

mahāsatvo mahāyādo gaṇabhuṅmadhurākṛtiḥ |madolluṃṭhanasaṅkṣubdha sindhubhaṅgahatorthvakhaḥ || 3||

महाशयो महाधीरो महौषधिसमुद्धरः ।महायशा महानन्दो महातेजा महावपुः ॥ ४॥

mahāśayo mahādhīro mahauṣadhisamuddharaḥ |mahāyaśā mahānando mahātejā mahāvapuḥ || 4||

महीपङ्कवृषत्पृष्ठो महाकल्पार्णवह्रदः ।मित्रशुभ्रांशुवलयनेत्रो मुखमहानभाः ॥ ५॥

mahīpaṅkavṛṣatpṛṣṭho mahākalpārṇavahradaḥ |mitraśubhrāṃśuvalayanetro mukhamahānabhāḥ || 5||

महालक्ष्मीनेत्ररूपगर्वसर्वङ्कषाकृतिः ।महामायो महाभूतपालको मृत्युमारकः ॥ ६॥

mahālakṣmīnetrarūpagarvasarvaṅkaṣākṛtiḥ |mahāmāyo mahābhūtapālako mṛtyumārakaḥ || 6||

महाजवो महापृच्छच्छिन्नमीनादिराशिकः ।महातलतलो मर्त्यलोकगर्भो मरुत्पतिः ॥ ७॥

mahājavo mahāpṛcchacchinnamīnādirāśikaḥ |mahātalatalo martyalokagarbho marutpatiḥ || 7||

मरुत्पतिस्थानपृष्टो महादेवसभाजितः ।महेन्द्राद्यखिलप्राणिमारणो मृदिताखिलः ॥ ८॥

marutpatisthānapṛṣṭo mahādevasabhājitaḥ |mahendrādyakhilaprāṇimāraṇo mṛditākhilaḥ || 8||

मनोमयो माननीयो मनस्वी मानवर्धनः ।मनीषिमानसाम्भोधि शायी मनुविभीषणः ॥ ९॥

manomayo mānanīyo manasvī mānavardhanaḥ |manīṣimānasāmbhodhi śāyī manuvibhīṣaṇaḥ || 9||

मृदुगर्भो मृगाङ्काभो मृग्यपादो महोदरः ।महाकर्तरिकापुच्छो मनोदुर्गमवैभवः ॥ १०॥

mṛdugarbho mṛgāṅkābho mṛgyapādo mahodaraḥ |mahākartarikāpuccho manodurgamavaibhavaḥ || 10||

मनीषी मध्यरहितो मृषाजन्मा मृतव्ययः ।मोघेतरोरुसङ्कल्पो मोक्षदायी महागुरुः ॥ ११॥

manīṣī madhyarahito mṛṣājanmā mṛtavyayaḥ |moghetarorusaṅkalpo mokṣadāyī mahāguruḥ || 11||

मोहासङ्गसमुज्जृम्भत्सच्चिदानन्दविग्रहः ।मोहको मोहसंहर्ता मोहदूरो महोदयः ॥ १२॥

mohāsaṅgasamujjṛmbhatsaccidānandavigrahaḥ |mohako mohasaṃhartā mohadūro mahodayaḥ || 12||

मोहितोत्तारितमनुर्मोचिताश्रितकश्मलः ।महर्षिनिकरस्तुत्यो मनुज्ञानोपदेशकः ॥ १३॥

mohitottāritamanurmocitāśritakaśmalaḥ |maharṣinikarastutyo manujñānopadeśakaḥ || 13||

महीनौबन्धनाहीन्द्ररज्जुबद्धैकशृङ्गकः ।महोवातहतोर्वीनौस्तम्भनो महिमाकरः ॥ १४॥

mahīnaubandhanāhīndrarajjubaddhaikaśṛṅgakaḥ |mahovātahatorvīnaustambhano mahimākaraḥ || 14||

महाम्बुधितरङ्गाप्तसैकतीभूतविग्रहागः ।मरालवाहनिद्रान्तसाक्षी मधुनिषूदनः ॥ १५॥

mahāmbudhitaraṅgāptasaikatībhūtavigrahāgaḥ |marālavāhanidrāntasākṣī madhuniṣūdanaḥ || 15||

महाब्धिवसनो मत्तो महामारुतवीजितः ।महाकाशालयो मूर्छत्तमोम्बुधिकृताप्लवः ॥ १६॥

mahābdhivasano matto mahāmārutavījitaḥ |mahākāśālayo mūrchattamombudhikṛtāplavaḥ || 16||

मृदिताब्जारिविभवो मुषितप्राणिचेतनः ।मृदुचित्तो मधुरवाङ्मृष्टकामो महेश्वरः ॥ १७॥

mṛditābjārivibhavo muṣitaprāṇicetanaḥ |mṛducitto madhuravāṅmṛṣṭakāmo maheśvaraḥ || 17||

मरालवाहस्वापान्त दत्तवेदो महाकृतिः ।महीश्लिष्टो महीनाथो मरुन्मालामहामणिः ॥ १८॥

marālavāhasvāpānta dattavedo mahākṛtiḥ |mahīśliṣṭo mahīnātho marunmālāmahāmaṇiḥ || 18||

महीभारपरीहर्ता महाशक्तिर्महोदयः ।महन्महान्मग्नलोको महाशान्तिर्महन्मनाः ॥ १९॥

mahībhāraparīhartā mahāśaktirmahodayaḥ |mahanmahānmagnaloko mahāśāntirmahanmanāḥ || 19||

महावेदाभिसञ्चारी महात्मा मोहितात्मभूः ।मन्त्रस्मृतिभ्रंशहेतुर्मन्त्रकृन्मन्त्रशेवधिः ॥ २०॥

mahāvedābhisañcārī mahātmā mohitātmabhūḥ |mantrasmṛtibhraṃśaheturmantrakṛnmantraśevadhiḥ || 20||

मन्त्रमन्त्रार्थ तत्त्वज्ञो मन्त्रार्थो मन्त्रदैवतम् ।मन्त्रोक्तकारिप्रणयी मन्त्रराशिफलप्रदः ॥ २१॥

mantramantrārtha tattvajño mantrārtho mantradaivatam |mantroktakāripraṇayī mantrarāśiphalapradaḥ || 21||

मन्त्रतात्पर्यविषयो मनोमन्त्राद्यगोचरः ।मन्त्रार्थवित्कृतक्षेमो रामं रक्षतु सर्वतः ॥ २२॥

mantratātparyaviṣayo manomantrādyagocaraḥ |mantrārthavitkṛtakṣemo rāmaṃ rakṣatu sarvataḥ || 22||

॥ इति मकारादि श्री मत्स्याष्टोत्तरशतनामस्तोत्रम् पराभवश्रावणशुद्ध पूर्णिमायां लिखिता रामेण समर्पिता चश्री हयग्रीव भगवच्चरणारविन्दयोर्विजयतान्तराम् ॥

|| iti makārādi śrī matsyāṣṭottaraśatanāmastotram parābhavaśrāvaṇaśuddha pūrṇimāyāṃ likhitā rāmeṇa samarpitā caśrī hayagrīva bhagavaccaraṇāravindayorvijayatāntarām ||