दशावतार कृकारादि कृष्णाष्टोत्तरशतनामस्तोत्रम् Krikaradi Shri Krishnashtottarashatanamastotram

श्री हयग्रीवाय नमः ।हरिः ॐकृष्णः कृती कृपाशीतः कृतज्ञः कृष्णमूर्धजः ।कृष्णाव्यसनसंहर्ता कृष्णाम्बुधरविग्रहः ॥ १॥

śrī hayagrīvāya namaḥ |hariḥ oṃkṛṣṇaḥ kṛtī kṛpāśītaḥ kṛtajñaḥ kṛṣṇamūrdhajaḥ |kṛṣṇāvyasanasaṃhartā kṛṣṇāmbudharavigrahaḥ || 1||

कृष्णाब्जवदनः कृष्णाप्रकृत्यङ्गः कृताखिलः ।कृतगीतः कृष्णगीतः कृष्णगोपीजनाम्बरः ॥ २॥

kṛṣṇābjavadanaḥ kṛṣṇāprakṛtyaṅgaḥ kṛtākhilaḥ |kṛtagītaḥ kṛṣṇagītaḥ kṛṣṇagopījanāmbaraḥ || 2||

कृष्णस्वरः कृत्तजिष्णुगर्वः कृष्णोत्तरस्रजः ।कृतलोकेशसम्मोहः कृतदावाग्निपारणः ॥ ३॥

kṛṣṇasvaraḥ kṛttajiṣṇugarvaḥ kṛṣṇottarasrajaḥ |kṛtalokeśasammohaḥ kṛtadāvāgnipāraṇaḥ || 3||

कृष्टोलूखलनिर्भिन्न यमलार्जुनभूरुहः ।कृतगोवर्धनच्छत्रो कृताहिफणताण्डवः ॥ ४॥

kṛṣṭolūkhalanirbhinna yamalārjunabhūruhaḥ |kṛtagovardhanacchatro kṛtāhiphaṇatāṇḍavaḥ || 4||

कृत्ताघः कृत्तभक्ताघः कृतदैवतमङ्गलः ।कृतान्तसदनाधीतगुरुपुत्रः कृतस्मितः ॥ ५॥

kṛttāghaḥ kṛttabhaktāghaḥ kṛtadaivatamaṅgalaḥ |kṛtāntasadanādhītaguruputraḥ kṛtasmitaḥ || 5||

कृतान्तभगिनीवारिविहारी कृतवित्प्रियः ।कृतगोवत्ससन्त्राणः कृतकेतरसौहृदः ॥ ६॥

kṛtāntabhaginīvārivihārī kṛtavitpriyaḥ |kṛtagovatsasantrāṇaḥ kṛtaketarasauhṛdaḥ || 6||

कृत्तभूमिभरः कृष्णबन्धुः कृष्णमहागुरुः ।कृष्णप्रियः कृष्णसखः कृष्णेशः कृष्णसारधिः ॥ ७॥

kṛttabhūmibharaḥ kṛṣṇabandhuḥ kṛṣṇamahāguruḥ |kṛṣṇapriyaḥ kṛṣṇasakhaḥ kṛṣṇeśaḥ kṛṣṇasāradhiḥ || 7||

कृतराजोत्सवः कृष्णगोपीजनमनोधनः ।कृष्णगोपीकटाक्षालि पूजितेन्दीवराकृतिः ॥ ८॥

kṛtarājotsavaḥ kṛṣṇagopījanamanodhanaḥ |kṛṣṇagopīkaṭākṣāli pūjitendīvarākṛtiḥ || 8||

कृष्णप्रतापः कृष्णाप्तः कृष्णमानाभिरक्षणः ।कृपीटधिकृतावासः कृपीटरुहलोचनः ॥ ९॥

kṛṣṇapratāpaḥ kṛṣṇāptaḥ kṛṣṇamānābhirakṣaṇaḥ |kṛpīṭadhikṛtāvāsaḥ kṛpīṭaruhalocanaḥ || 9||

कृशानुवदनाधीशः कृशानुहुतखाण्डवः ।कृत्तिवासस्स्म्ययाहर्ता कृत्तिवासोज्ज्वरार्दनः ॥ १०॥

kṛśānuvadanādhīśaḥ kṛśānuhutakhāṇḍavaḥ |kṛttivāsassmyayāhartā kṛttivāsojjvarārdanaḥ || 10||

कृत्तबाणभुजावृन्दः कृतवृन्दारकावनः ।कृतादियुगसंस्थाकृत्कृतसद्धर्मपालनः ॥ ११॥

kṛttabāṇabhujāvṛndaḥ kṛtavṛndārakāvanaḥ |kṛtādiyugasaṃsthākṛtkṛtasaddharmapālanaḥ || 11||

कृतचित्तजनप्राणः कृतकन्दर्पविग्रहः ।कृशोदरीवृन्दबन्दीमोचकः कृपणावनः ॥ १२॥

kṛtacittajanaprāṇaḥ kṛtakandarpavigrahaḥ |kṛśodarīvṛndabandīmocakaḥ kṛpaṇāvanaḥ || 12||

कृत्स्नवित्कृत्स्नदुर्ञ्जेयमहिमा कृत्स्नपालकः ।कृत्स्नान्तरः कृत्स्नयन्ता कृत्स्नहा कृत्स्नधारयः ॥ १३॥

kṛtsnavitkṛtsnadurñjeyamahimā kṛtsnapālakaḥ |kṛtsnāntaraḥ kṛtsnayantā kṛtsnahā kṛtsnadhārayaḥ || 13||

कृत्स्नाकृतिः कृत्स्नदृष्टिः कृच्छलभ्यः कृताद्भुतः ।कृत्स्नप्रियः कृत्स्नहीनः कृत्स्नात्मा कृत्स्नभासकः ॥ १४॥

kṛtsnākṛtiḥ kṛtsnadṛṣṭiḥ kṛcchalabhyaḥ kṛtādbhutaḥ |kṛtsnapriyaḥ kṛtsnahīnaḥ kṛtsnātmā kṛtsnabhāsakaḥ || 14||

कृत्तिकानन्तरोद्भूतः कृत्तरुक्मिकचव्रजः ।कृपात्तरुक्मिणीकान्तः कृतधर्मक्रियावनः ॥ १५॥

kṛttikānantarodbhūtaḥ kṛttarukmikacavrajaḥ |kṛpāttarukmiṇīkāntaḥ kṛtadharmakriyāvanaḥ || 15||

कृष्णपक्षाष्टमीचन्द्र फालभागमनोहरः ।कृत्यसाक्षी कृत्यपतिः कृत्स्नक्रतु फलप्रदः ॥ १६॥

kṛṣṇapakṣāṣṭamīcandra phālabhāgamanoharaḥ |kṛtyasākṣī kṛtyapatiḥ kṛtsnakratu phalapradaḥ || 16||

कृष्णवर्मलसच्चक्रः कृपीटजविभूषणः ।कृताख्यारूपनिर्वाहः कृतार्थीकृतबाडबः ॥ १७॥

kṛṣṇavarmalasaccakraḥ kṛpīṭajavibhūṣaṇaḥ |kṛtākhyārūpanirvāhaḥ kṛtārthīkṛtabāḍabaḥ || 17||

कृतवन्यस्रजाभूषः कृपीटजलसत्करः ।कृपीटजालयावक्षाः कृतपादार्चनाम्बुजः ॥ १८॥

kṛtavanyasrajābhūṣaḥ kṛpīṭajalasatkaraḥ |kṛpīṭajālayāvakṣāḥ kṛtapādārcanāmbujaḥ || 18||

कृतिमेतरसौन्दर्यः कृतिमाशयदुर्लभः ।कृततार्क्ष्यध्वजरधः कृतमोक्षाभिधेयकः ॥ १९॥

kṛtimetarasaundaryaḥ kṛtimāśayadurlabhaḥ |kṛtatārkṣyadhvajaradhaḥ kṛtamokṣābhidheyakaḥ || 19||

कृतीकृतद्वापरकः कृतसौभाग्यभूतलः ।कृतलोकत्रयानन्दः कृतीकृतकलिप्रधः ॥ २०॥

kṛtīkṛtadvāparakaḥ kṛtasaubhāgyabhūtalaḥ |kṛtalokatrayānandaḥ kṛtīkṛtakalipradhaḥ || 20||

कृतोत्तरागर्भरक्षः कृतधी कृतलक्षणः ।कृतत्रिजगतीमोहः कृतदेवद्रुमाहृतिः ॥ २१॥

kṛtottarāgarbharakṣaḥ kṛtadhī kṛtalakṣaṇaḥ |kṛtatrijagatīmohaḥ kṛtadevadrumāhṛtiḥ || 21||

कृत्स्नानन्दः कृत्स्नदुःखदूरः कृत्स्नविलक्षणः ।कृत्स्नांशः कृत्स्नजीवांशः कृत्स्नसत्तः कृतिप्रियः ॥ २२॥

kṛtsnānandaḥ kṛtsnaduḥkhadūraḥ kṛtsnavilakṣaṇaḥ |kṛtsnāṃśaḥ kṛtsnajīvāṃśaḥ kṛtsnasattaḥ kṛtipriyaḥ || 22||

॥ इति श्री कृकारादि कृष्णाष्टोत्तरशतम् विश्वावसुश्रावणा बहुल चतुर्थी स्थिरवासरे रामेण लिखितंसमर्पितं च श्री हयग्रीवाय ॥

|| iti śrī kṛkārādi kṛṣṇāṣṭottaraśatam viśvāvasuśrāvaṇā bahula caturthī sthiravāsare rāmeṇa likhitaṃsamarpitaṃ ca śrī hayagrīvāya ||