शास्तृसुप्रभातम् Shri Shastri(Ayyappa) Suprabhatam

मोहिनीसुप्रजा शास्तः पूर्वासन्ध्या प्रवर्तते ।उत्तिष्ठ नरशार्दूल कर्तव्यं दैवमाह्निकम् ॥ १॥

mohinīsuprajā śāstaḥ pūrvāsandhyā pravartate |uttiṣṭha naraśārdūla kartavyaṃ daivamāhnikam || 1||

उत्तिष्ठोत्तिष्ठ शबरीश उत्तिष्ठ व्याघ्र/गजवाहन ।श्रीपूर्णपुष्कलाकान्त त्रैलोक्यं मङ्गलं कुरु ॥ २॥

uttiṣṭhottiṣṭha śabarīśa uttiṣṭha vyāghra/gajavāhana |śrīpūrṇapuṣkalākānta trailokyaṃ maṅgalaṃ kuru || 2||

शास्तः समस्तजगतां महिषीनिहन्तःश्रितहृद्विहारि मनोहरदिव्यमूर्ते ।श्रीस्वामिन् श्रितजनप्रिय दानशीलश्रीशबरिनाथगुरवे तव सुप्रभातम् ॥ ३॥

śāstaḥ samastajagatāṃ mahiṣīnihantaḥśritahṛdvihāri manoharadivyamūrte |śrīsvāmin śritajanapriya dānaśīlaśrīśabarināthagurave tava suprabhātam || 3||

तव सुप्रभातमरविन्दलोचनभव सुप्रसन्नमुखचन्द्रमण्डल ।ऋषिसिद्धदेवप्रमुखैः समर्चितशबरिशैलनाथ शरणं दयानिधे ॥ ४॥

tava suprabhātamaravindalocanabhava suprasannamukhacandramaṇḍala |ṛṣisiddhadevapramukhaiḥ samarcitaśabariśailanātha śaraṇaṃ dayānidhe || 4||

प्रातः प्रबुद्धऋषयस्समुपास्य सन्ध्यांआकाशसिन्धुकमलानि मनोहराणि ।आदाय पादयुगमर्चयितुं प्रपन्नाःश्रीशबरिनाथगुरवे तव सुप्रभातम् ॥ ५॥

prātaḥ prabuddhaṛṣayassamupāsya sandhyāṃākāśasindhukamalāni manoharāṇi |ādāya pādayugamarcayituṃ prapannāḥśrīśabarināthagurave tava suprabhātam || 5||

अब्जानन हरिहरोद्भव सुन्दराङ्गत्वद्विक्रमादिचरितं विबुधाः स्तुवन्ति ।भाषापतिः पठति वासरशुद्धिमारात्श्रीशबरिनाथगुरवे तव सुप्रभातम् ॥ ६॥

abjānana hariharodbhava sundarāṅgatvadvikramādicaritaṃ vibudhāḥ stuvanti |bhāṣāpatiḥ paṭhati vāsaraśuddhimārātśrīśabarināthagurave tava suprabhātam || 6||

ईषत्प्रफुल्लसरसीरुहनारिकेलपूगद्रुमादि सुमनोहरपालिकानाम् ।आवाति मन्दमनिलः सहदिव्यगन्धैःश्रीशबरिनाथगुरवे तव सुप्रभातम् ॥ ७॥

īṣatpraphullasarasīruhanārikelapūgadrumādi sumanoharapālikānām |āvāti mandamanilaḥ sahadivyagandhaiḥśrīśabarināthagurave tava suprabhātam || 7||

उन्मील्य नेत्रयुगमुत्तमपञ्जरस्थाःपात्रावशिष्टकदलीफलपायसानि ।भुक्त्वा सलीलमथ केलिशुकाः पठन्तिश्रीशबरिनाथगुरवे तव सुप्रभातम् ॥ ८॥

unmīlya netrayugamuttamapañjarasthāḥpātrāvaśiṣṭakadalīphalapāyasāni |bhuktvā salīlamatha keliśukāḥ paṭhantiśrīśabarināthagurave tava suprabhātam || 8||

भृङ्गावली च मकरन्दरसानुविद्धझङ्कारगीतनिनदैः सह सेवनाय ।निर्यात्युपान्तसरसीकमलोदरेभ्यःश्रीशबरिनाथगुरवे तव सुप्रभातम् ॥ ९॥

bhṛṅgāvalī ca makarandarasānuviddhajhaṅkāragītaninadaiḥ saha sevanāya |niryātyupāntasarasīkamalodarebhyaḥśrīśabarināthagurave tava suprabhātam || 9||

पद्मेशमित्रशतपत्रगतालिवर्गाःहर्तुं श्रियं कुवलयस्य निजाङ्गलक्ष्म्या ।भेरीनिनादमिव भिभ्रति तीव्रनादंश्रीशबरिनाथगुरवे तव सुप्रभातम् ॥ १०॥

padmeśamitraśatapatragatālivargāḥhartuṃ śriyaṃ kuvalayasya nijāṅgalakṣmyā |bherīninādamiva bhibhrati tīvranādaṃśrīśabarināthagurave tava suprabhātam || 10||

श्रीमन्नभीष्टवरदाखिललोकबन्धोश्रीधर्मशास्त(ः) जगदेकदयैकसिन्धो ।श्रीदेवतागृहभुजान्तरदिव्यमूर्तेश्रीशबरिनाथगुरवे तव सुप्रभातम् ॥ ११॥

śrīmannabhīṣṭavaradākhilalokabandhośrīdharmaśāsta(ḥ) jagadekadayaikasindho |śrīdevatāgṛhabhujāntaradivyamūrteśrīśabarināthagurave tava suprabhātam || 11||

सेवापरा ऋषिसुरेशकृशानुधर्मरक्षोऽम्बुनाथपवमानधनाधिनाथाः ।बद्धाञ्जलिप्रविलसन्निजशीर्षदेशाःश्रीशबरिनाथगुरवे तव सुप्रभातम् ॥ १२॥

sevāparā ṛṣisureśakṛśānudharmarakṣo'mbunāthapavamānadhanādhināthāḥ |baddhāñjalipravilasannijaśīrṣadeśāḥśrīśabarināthagurave tava suprabhātam || 12||

सूर्येन्दुभौमबुधवाक्पतिकाव्यसौरिस्वर्भानुकेतुदिविषत्परिषत्प्रधानाः ।त्वत्पाददर्शनायात्युत्सुकाः प्रतीक्षन्श्रीशबरिनाथगुरवे तव सुप्रभातम् ॥ १३॥

sūryendubhaumabudhavākpatikāvyasaurisvarbhānuketudiviṣatpariṣatpradhānāḥ |tvatpādadarśanāyātyutsukāḥ pratīkṣanśrīśabarināthagurave tava suprabhātam || 13||

त्वत्पादधूलिभरितस्फुरितोत्तमाङ्गाःस्वर्गापवर्गनिरपेक्षनिजान्तरङ्गाः ।कल्पागमाकलनयाऽऽकुलतां लभन्तेश्रीशबरिनाथगुरवे तव सुप्रभातम् ॥ १४॥

tvatpādadhūlibharitasphuritottamāṅgāḥsvargāpavarganirapekṣanijāntaraṅgāḥ |kalpāgamākalanayā''kulatāṃ labhanteśrīśabarināthagurave tava suprabhātam || 14||

त्वद्गोपुराग्रशिखराणि निरीक्षमाणाःस्वर्गापवर्गपदवीं परमां श्रयन्तः ।मर्त्या मनुष्यभुवने मतिमाश्रयन्तेश्रीशबरिनाथगुरवे तव सुप्रभातम् ॥ १५॥

tvadgopurāgraśikharāṇi nirīkṣamāṇāḥsvargāpavargapadavīṃ paramāṃ śrayantaḥ |martyā manuṣyabhuvane matimāśrayanteśrīśabarināthagurave tava suprabhātam || 15||

श्रीशबरिनायक दयादिगुणामृताब्धेदेवाधिदेव जगदेकशरण्यमूर्ते ।श्रीमन् नृदैवतगणादिभिरर्चिताङ्घ्रेश्रीशबरिनाथगुरवे तव सुप्रभातम् ॥ १६॥

śrīśabarināyaka dayādiguṇāmṛtābdhedevādhideva jagadekaśaraṇyamūrte |śrīman nṛdaivatagaṇādibhirarcitāṅghreśrīśabarināthagurave tava suprabhātam || 16||

श्रीशबरिनाथ पुरुषोत्तम देवदेवश्रीभूतनाथ शिवपुत्रक दीनबन्धो ।मृगयाप्रिय शरणागतपारिजातश्रीशबरिनाथगुरवे तव सुप्रभातम् ॥ १७॥

śrīśabarinātha puruṣottama devadevaśrībhūtanātha śivaputraka dīnabandho |mṛgayāpriya śaraṇāgatapārijātaśrīśabarināthagurave tava suprabhātam || 17||

कन्दर्पदर्पहरसुन्दर दिव्यमूर्तेकान्तारवास विपुलाक्ष दयाऽऽर्द्रचित्त ।कल्याणनिर्मलगुणाकर दिव्यकीर्तेश्रीशबरिनाथगुरवे तव सुप्रभातम् ॥ १८॥

kandarpadarpaharasundara divyamūrtekāntāravāsa vipulākṣa dayā''rdracitta |kalyāṇanirmalaguṇākara divyakīrteśrīśabarināthagurave tava suprabhātam || 18||

एलालवङ्गघनसारसुगन्धितीर्थंदिव्यं वियत्सरिति हेमघटेषु पूर्णम् ।धृत्वाद्य वैदिकशिखामणयः प्रहृष्टाःतिष्ठन्ति शत्रुदमन तव सुप्रभातम् ॥ १९॥

elālavaṅgaghanasārasugandhitīrthaṃdivyaṃ viyatsariti hemaghaṭeṣu pūrṇam |dhṛtvādya vaidikaśikhāmaṇayaḥ prahṛṣṭāḥtiṣṭhanti śatrudamana tava suprabhātam || 19||

भास्वानुदेति विकचानि सरोरुहाणिसम्पूरयन्ति निनदैः ककुभो विहङ्गाः ।त्वत्प्रियजनाः सततमर्थितमङ्गलास्तेधामाश्रयन्ति तव शुभङ्कर सुप्रभातम् ॥ २०॥

bhāsvānudeti vikacāni saroruhāṇisampūrayanti ninadaiḥ kakubho vihaṅgāḥ |tvatpriyajanāḥ satatamarthitamaṅgalāstedhāmāśrayanti tava śubhaṅkara suprabhātam || 20||

शबरीनिवास निरवद्यगुणैकसिन्धोसंसारसागरसमुत्तरणैकसेतो ।वेदान्तवेद्यनिजवैभवभक्तभोग्यश्रीशबरिनाथगुरवे तव सुप्रभातम् ॥ २१॥

śabarīnivāsa niravadyaguṇaikasindhosaṃsārasāgarasamuttaraṇaikaseto |vedāntavedyanijavaibhavabhaktabhogyaśrīśabarināthagurave tava suprabhātam || 21||

इत्थं शबरिशैलपतेरिह सुप्रभातंये मानवाः प्रतिदिनं पठितुं प्रवृत्ताः ।तेषां प्रभातसमये स्मृतिरङ्गभाजांप्रज्ञां परार्थसुलभां परमां प्रसूते ॥ २२॥

itthaṃ śabariśailapateriha suprabhātaṃye mānavāḥ pratidinaṃ paṭhituṃ pravṛttāḥ |teṣāṃ prabhātasamaye smṛtiraṅgabhājāṃprajñāṃ parārthasulabhāṃ paramāṃ prasūte || 22||

इति श्रीशास्तृ(अय्यप्प)सुप्रभातं सम्पूर्णम् ॥

iti śrīśāstṛ(ayyappa)suprabhātaṃ sampūrṇam ||