अन्नपूर्णास्तोत्रम् २ Annapurnastotram 2
annapūrṇāstotram 2
Annapurnastotram 2 (अन्नपूर्णास्तोत्रम् २): a stotra to Annapūrṇā. 12 verses in Sanskrit with Devanagari and IAST.
अन्नपूर्णास्तोत्रम् २
1 / 12
श्रीब्रह्मभैरव उवाचसाधनानि च सर्वाणि श्रुतानि तव सुव्रत ।इदानीं वद देवेश स्तोत्राणि कवचानि च ॥ १॥
śrībrahmabhairava uvācasādhanāni ca sarvāṇi śrutāni tava suvrata |idānīṃ vada deveśa stotrāṇi kavacāni ca || 1||
श्रीशिव उवाचकथयामि तव स्नेहात् स्तोत्राणि कवचानि च ।अन्नपूर्णाप्रीतिदानि सावधानोऽवधारय ॥ २॥
śrīśiva uvācakathayāmi tava snehāt stotrāṇi kavacāni ca |annapūrṇāprītidāni sāvadhāno'vadhāraya || 2||
ह्रींकारं प्रथमं नमो भगवति स्वाहावसानां ध्रुवंमन्त्रं सप्तदशाक्षरं जपति ते माहेश्वरि प्रोक्षितम् ।ध्यायेऽम्बे तरुणारुणं तव वपुर्नित्यान्नपूर्णे शिवेगेहे तस्य विराजते सरभसं दिव्यान्नराशिर्ध्रुवम् ॥ ३॥
hrīṃkāraṃ prathamaṃ namo bhagavati svāhāvasānāṃ dhruvaṃmantraṃ saptadaśākṣaraṃ japati te māheśvari prokṣitam |dhyāye'mbe taruṇāruṇaṃ tava vapurnityānnapūrṇe śivegehe tasya virājate sarabhasaṃ divyānnarāśirdhruvam || 3||
ह्रींकारमुर्तिं कमनीयवक्त्रां चन्द्राङ्करेखान्वितभालभागाम् ।ईशान्कान्तां प्रणमामि नित्यां लक्ष्मीविलासास्पदपादपीठाम् ॥ ४॥
hrīṃkāramurtiṃ kamanīyavaktrāṃ candrāṅkarekhānvitabhālabhāgām |īśānkāntāṃ praṇamāmi nityāṃ lakṣmīvilāsāspadapādapīṭhām || 4||
नमोऽस्तु तुभ्यं गिरिराजकन्ये नमोऽस्तु कामान्तकवल्लभायै ।नमोऽस्तु पङ्के रुहलोचनायै नमः शिवायै शशिभूषणायै ॥ ५॥
namo'stu tubhyaṃ girirājakanye namo'stu kāmāntakavallabhāyai |namo'stu paṅke ruhalocanāyai namaḥ śivāyai śaśibhūṣaṇāyai || 5||
वामे करेऽमृतमयं कलशञ्च दक्षेस्वर्णाङ्कितां ननु पल्लान्नमयीञ्च दर्वीम् ।चित्रां सुवर्णवसनां गिरिशस्य कान्तांसत्पद्मपत्रनयनां मनसाहमीडे ॥ ६॥
vāme kare'mṛtamayaṃ kalaśañca dakṣesvarṇāṅkitāṃ nanu pallānnamayīñca darvīm |citrāṃ suvarṇavasanāṃ giriśasya kāntāṃsatpadmapatranayanāṃ manasāhamīḍe || 6||
वामे माणिक्यपात्रं मधुरसभरितं बिभ्रतीं पाणिपद्मेदिव्यैरत्नैः प्रपूर्णां मणिमयवलये दक्षिणे रत्नदर्वीम् ।रक्ताङ्गी पीनतुङ्गस्तनभरविलसंस्तारहारां त्रिनेत्रांवन्दे पूर्णेन्दुबिम्बप्रतिनिधिवदनामम्बिकामन्नपूर्णाम् ॥ ७॥
vāme māṇikyapātraṃ madhurasabharitaṃ bibhratīṃ pāṇipadmedivyairatnaiḥ prapūrṇāṃ maṇimayavalaye dakṣiṇe ratnadarvīm |raktāṅgī pīnatuṅgastanabharavilasaṃstārahārāṃ trinetrāṃvande pūrṇendubimbapratinidhivadanāmambikāmannapūrṇām || 7||
भगवति भवरोगात् पीडितं दुष्कृतोत्थात्सुतदुहितृकलत्रोपद्रवेणानुजातम् ।विलसदमृतदृष्ट्या वीक्ष्य विभ्रान्तचित्तम्सकलभुवनमातस्त्राहि मामन्नपूर्णे ॥ ८॥
bhagavati bhavarogāt pīḍitaṃ duṣkṛtotthātsutaduhitṛkalatropadraveṇānujātam |vilasadamṛtadṛṣṭyā vīkṣya vibhrāntacittamsakalabhuvanamātastrāhi māmannapūrṇe || 8||
माहेश्वरीमाश्रितकल्पवल्लीमहं भवच्छेदकरीं भवानीम् ।क्षुधार्तजायातनयाभ्युपेतस्त्वामन्नपूर्णां शरणं प्रपद्ये ॥ ९॥
māheśvarīmāśritakalpavallīmahaṃ bhavacchedakarīṃ bhavānīm |kṣudhārtajāyātanayābhyupetastvāmannapūrṇāṃ śaraṇaṃ prapadye || 9||
दारिद्र्यदावानलदह्यमानं नमोऽन्नपूर्णे गिरिराजकन्ये ।कृपाम्बुवर्षैरभिषिञ्च त्वं मां त्वत्पादपद्मार्पितचित्तवृत्तिम् ॥ १०॥
dāridryadāvānaladahyamānaṃ namo'nnapūrṇe girirājakanye |kṛpāmbuvarṣairabhiṣiñca tvaṃ māṃ tvatpādapadmārpitacittavṛttim || 10||
इत्यन्नपूर्णास्तवरत्नमेतच्छ्लोकाष्टकं यः पठतीह भक्त्या ।तस्मै ददात्यन्नसमृद्धिराशिं श्रियञ्च विद्याञ्च परत्र मुक्तिम् ॥ ११॥
ityannapūrṇāstavaratnametacchlokāṣṭakaṃ yaḥ paṭhatīha bhaktyā |tasmai dadātyannasamṛddhirāśiṃ śriyañca vidyāñca paratra muktim || 11||
इत्यन्नदाकल्पे षोडशपटले अन्नपूर्णास्तोत्रं समाप्तम् ।
ityannadākalpe ṣoḍaśapaṭale annapūrṇāstotraṃ samāptam |
॥ इति अन्नपूर्णास्तोत्रम् २ सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Annapurnastotram 2?
Annapurnastotram 2 has 12 verses on this page, each shown with its number, Devanagari text and transliteration, and meaning where available.
Can I read Annapurnastotram 2 in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Annapurnastotram 2?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
