रङ्गनाथाष्टोत्तरशतनामस्तोत्रम् रङ्गराजनामरत्नस्तोत्रम् Shri Ranganathashtottarashatanamastotram

अस्य श्रीरङ्गनाथाष्टोत्तरशतनामस्तोत्रमहामन्त्रस्य\,वेदव्यासोभगवानृषिः\, अनुष्टुप्छन्दः\, भगवान् श्रीमहाविष्णुर्देवता ।श्रीरङ्गशायीति बीजम्\, श्रीकान्त इति शक्तिः\, श्रीप्रद इति कीलकम्\,मम समस्तपापनाशार्थे जपे विनियोगः ।धौम्य उवाचश्रीरङ्गशायी श्रीकान्तः श्रीप्रदः श्रितवत्सलः ।अनन्तो माधवो जेता जगन्नाथो जगद्गुरुः ॥ १॥

asya śrīraṅganāthāṣṭottaraśatanāmastotramahāmantrasya\,vedavyāsobhagavānṛṣiḥ\, anuṣṭupchandaḥ\, bhagavān śrīmahāviṣṇurdevatā |śrīraṅgaśāyīti bījam\, śrīkānta iti śaktiḥ\, śrīprada iti kīlakam\,mama samastapāpanāśārthe jape viniyogaḥ |dhaumya uvācaśrīraṅgaśāyī śrīkāntaḥ śrīpradaḥ śritavatsalaḥ |ananto mādhavo jetā jagannātho jagadguruḥ || 1||

सुरवर्यः सुराराध्यः सुरराजानुजः प्रभुः ।हरिर्हतारिर्विश्वेशः शाश्वतः शम्भुरव्ययः ॥ २॥

suravaryaḥ surārādhyaḥ surarājānujaḥ prabhuḥ |harirhatārirviśveśaḥ śāśvataḥ śambhuravyayaḥ || 2||

भक्तार्तिभञ्जनो वाग्मी वीरो विख्यातकीर्तिमान् ।भास्करः शास्त्रतत्त्वज्ञो दैत्यशास्ताऽमरेश्वरः ॥ ३॥

bhaktārtibhañjano vāgmī vīro vikhyātakīrtimān |bhāskaraḥ śāstratattvajño daityaśāstā'mareśvaraḥ || 3||

नारायणो नरहरिर्नीरजाक्षो नरप्रियः ।ब्रह्मण्यो ब्रह्मकृद्ब्रह्मा ब्रह्माङ्गो ब्रह्मपूजितः ॥ ४॥

nārāyaṇo naraharirnīrajākṣo narapriyaḥ |brahmaṇyo brahmakṛdbrahmā brahmāṅgo brahmapūjitaḥ || 4||

कृष्णः कृतज्ञो गोविन्दो हृषीकेशोऽघनाशनः ।विष्णुर्जिष्णुर्जितारातिः सज्जनप्रिय ईश्वरः ॥ ५॥

kṛṣṇaḥ kṛtajño govindo hṛṣīkeśo'ghanāśanaḥ |viṣṇurjiṣṇurjitārātiḥ sajjanapriya īśvaraḥ || 5||

त्रिविक्रमस्त्रिलोकेशस्त्रय्यर्थस्त्रिगुणात्मकः ।काकुत्स्थः कमलाकान्तः कालियोरगमर्दनः ॥ ६॥

trivikramastrilokeśastrayyarthastriguṇātmakaḥ |kākutsthaḥ kamalākāntaḥ kāliyoragamardanaḥ || 6||

कालाम्बुदश्यामलाङ्गः केशवः क्लेशनाशनः ।केशिप्रभञ्जनः कान्तो नन्दसूनुररिन्दमः ॥ ७॥

kālāmbudaśyāmalāṅgaḥ keśavaḥ kleśanāśanaḥ |keśiprabhañjanaḥ kānto nandasūnurarindamaḥ || 7||

रुक्मिणीवल्लभः शौरिर्बलभद्रो बलानुजः ।दामोदरो हृषीकेशो वामनो मधुसूदनः ॥ ८॥

rukmiṇīvallabhaḥ śaurirbalabhadro balānujaḥ |dāmodaro hṛṣīkeśo vāmano madhusūdanaḥ || 8||

पूतः पुण्यजनध्वंसी पुण्यश्लोकशिखामणिः ।आदिमूर्तिर्दयामूर्तिः शान्तमूर्तिरमूर्तिमान् ॥ ९॥

pūtaḥ puṇyajanadhvaṃsī puṇyaślokaśikhāmaṇiḥ |ādimūrtirdayāmūrtiḥ śāntamūrtiramūrtimān || 9||

परं ब्रह्म परं धाम पावनः पवनो विभुः ।चन्द्रश्छन्दोमयो रामः संसाराम्बुधितारकः ॥ १०॥

paraṃ brahma paraṃ dhāma pāvanaḥ pavano vibhuḥ |candraśchandomayo rāmaḥ saṃsārāmbudhitārakaḥ || 10||

आदितेयोऽच्युतो भानुः शङ्करः शिव ऊर्जितः ।महेश्वरो महायोगी महाशक्तिर्महत्प्रियः ॥ ११॥

āditeyo'cyuto bhānuḥ śaṅkaraḥ śiva ūrjitaḥ |maheśvaro mahāyogī mahāśaktirmahatpriyaḥ || 11||

दुर्जनध्वंसकोऽशेषसज्जनोपास्तसत्फलम् ।पक्षीन्द्रवाहनोऽक्षोभ्यः क्षीराब्धिशयनो विधुः ॥ १२॥

durjanadhvaṃsako'śeṣasajjanopāstasatphalam |pakṣīndravāhano'kṣobhyaḥ kṣīrābdhiśayano vidhuḥ || 12||

जनार्दनो जगद्धेतुर्जितमन्मथविग्रहः ।चक्रपाणिः शङ्खधारी शार्ङ्गी खड्गी गदाधरः ॥ १३॥

janārdano jagaddheturjitamanmathavigrahaḥ |cakrapāṇiḥ śaṅkhadhārī śārṅgī khaḍgī gadādharaḥ || 13||

एवं विष्णोः शतं नाम्नामष्टोत्तरमिहेरितम् ।स्तोत्राणामुत्तमं गुह्यं नामरत्नस्तवाभिधम् ॥ १४॥

evaṃ viṣṇoḥ śataṃ nāmnāmaṣṭottaramiheritam |stotrāṇāmuttamaṃ guhyaṃ nāmaratnastavābhidham || 14||

सर्वथा सर्वरोगघ्नं चिन्तितार्थफलप्रदम् ।त्वं तु शीघ्रं महाराज गच्छ रङ्गस्थलं शुभम् ॥ १५॥

sarvathā sarvarogaghnaṃ cintitārthaphalapradam |tvaṃ tu śīghraṃ mahārāja gaccha raṅgasthalaṃ śubham || 15||

स्नात्वा तुलार्के कावेर्यां माहात्म्यश्रवणं कुरु ।गवाश्ववस्त्रधान्यान्नभूमिकन्याप्रदो भव ॥ १६॥

snātvā tulārke kāveryāṃ māhātmyaśravaṇaṃ kuru |gavāśvavastradhānyānnabhūmikanyāprado bhava || 16||

द्वादश्यां पायसान्नेन सहस्रं दश भोजय ।नामरत्नस्तवाख्येन विष्णोरष्टशतेन च ।स्तुत्वा श्रीरङ्गनाथं त्वमभीष्टफलमाप्नुहि ॥ १७॥

dvādaśyāṃ pāyasānnena sahasraṃ daśa bhojaya |nāmaratnastavākhyena viṣṇoraṣṭaśatena ca |stutvā śrīraṅganāthaṃ tvamabhīṣṭaphalamāpnuhi || 17||

इति श्रीरङ्गनाथाष्टोत्तरशतनामस्तोत्रं सम्पूर्णम् ।अथवाश्रीरङ्गराजनामरत्नस्तोत्रम् श्रीतुलापुराणान्तर्गतम्

iti śrīraṅganāthāṣṭottaraśatanāmastotraṃ sampūrṇam |athavāśrīraṅgarājanāmaratnastotram śrītulāpurāṇāntargatam