नैवेद्यप्रकारः Naivedya Prakarah

नित्यानन्द चिदाकृते त्रिजगतीचित्रान्नभुक्तेऽनिशंविष्वग्व्याप्त बृहच्छरीर निरनिष्टावद्यविद्रावण ।मुक्ताधीश्वर दुर्घतान्नघटनाचातुर्यधुर्य प्रभोकः कुर्यात्प्रति ते विनाऽञ्जलिपुटं भक्तोऽल्पको वा महान् ॥ १॥

nityānanda cidākṛte trijagatīcitrānnabhukte'niśaṃviṣvagvyāpta bṛhaccharīra niraniṣṭāvadyavidrāvaṇa |muktādhīśvara durghatānnaghaṭanācāturyadhurya prabhokaḥ kuryātprati te vinā'ñjalipuṭaṃ bhakto'lpako vā mahān || 1||

सर्पिःपायसकर्दमामृतनदीनाथेदमाद्यं किलक्षद्रक्षीरमपूपशाकविविधान्नद्यं किलेदं तव ।दुग्धाब्ध्युन्मथनोत्थसद्धनसुधाविश्राणनं योऽकरोस्तस्य श्रीश तवान्वहं नम इति प्रह्वत्वमेवार्हणम् ॥ २॥

sarpiḥpāyasakardamāmṛtanadīnāthedamādyaṃ kilakṣadrakṣīramapūpaśākavividhānnadyaṃ kiledaṃ tava |dugdhābdhyunmathanotthasaddhanasudhāviśrāṇanaṃ yo'karostasya śrīśa tavānvahaṃ nama iti prahvatvamevārhaṇam || 2||

भक्त्या नाभजमीदृशं त्वसदृशं त्वां सद्वशं मादृशंप्रत्यर्प्यादृतया दृशं निजमनस्याद्यादृशं तादृशम् ।सोऽहं दुर्विषयौघमोहविषमो दोषोत्थरोषो द्विषोनथेमां सुरयूथनाथ कुरुते गाथाब्धिपाथःपथम् ॥ ३॥

bhaktyā nābhajamīdṛśaṃ tvasadṛśaṃ tvāṃ sadvaśaṃ mādṛśaṃpratyarpyādṛtayā dṛśaṃ nijamanasyādyādṛśaṃ tādṛśam |so'haṃ durviṣayaughamohaviṣamo doṣottharoṣo dviṣonathemāṃ surayūthanātha kurute gāthābdhipāthaḥpatham || 3||

वादिराजयतिप्रोक्तं श्लोकत्रयमिदं सदा ।पूजावसानसमये पठेत्केशवसन्निधौ ॥ ४॥

vādirājayatiproktaṃ ślokatrayamidaṃ sadā |pūjāvasānasamaye paṭhetkeśavasannidhau || 4||

इति श्रीमद्वादिराजपूज्यचरणविरचितंनैवेद्यप्रकारः सम्पूर्णः ।भारतीरमणमुख्यप्राणान्तर्गत श्रीकृष्णार्पणमस्तु ।

iti śrīmadvādirājapūjyacaraṇaviracitaṃnaivedyaprakāraḥ sampūrṇaḥ |bhāratīramaṇamukhyaprāṇāntargata śrīkṛṣṇārpaṇamastu |