विष्णुस्तोत्रम् (नारदकृतं १ बृहन्नारदीयपुराणान्तर्गतम् नारायणाच्युतानन्त वासुदेव जनार्दन) Naradakritam 1 Vishnu Stotram

एकदा मेरुशृङ्गं ते प्रस्थिताः ब्रह्मणः सभाम् ।इष्टां मार्गेऽथ ददृशुर्गङ्गां विष्णुपदीं द्विजाः ॥ ६॥

ekadā meruśṛṅgaṃ te prasthitāḥ brahmaṇaḥ sabhām |iṣṭāṃ mārge'tha dadṛśurgaṅgāṃ viṣṇupadīṃ dvijāḥ || 6||

तां निरीक्ष्य समुद्युक्ताः स्नातुं सीताजलेऽभवन् ।एतस्मिन्नन्तरे तत्र देवर्षिर्नारदो मुनिः ॥ ७॥

tāṃ nirīkṣya samudyuktāḥ snātuṃ sītājale'bhavan |etasminnantare tatra devarṣirnārado muniḥ || 7||

आजगाम द्विजश्रेष्ठा दृष्ट्वा भ्रातॄन् स्वकाग्रजान् ।तान् दृष्ट्वा स्नातुमुद्युक्तान् नमस्कृत्य कृताञ्जलिः ॥ ८॥

ājagāma dvijaśreṣṭhā dṛṣṭvā bhrātṝn svakāgrajān |tān dṛṣṭvā snātumudyuktān namaskṛtya kṛtāñjaliḥ || 8||

गृणन् नामानि सप्रेमभक्तियुक्तो मधुद्विषः ।नारदोवाच ।नारायणाच्युतानन्त वासुदेव जनार्दन ॥ ९॥

gṛṇan nāmāni sapremabhaktiyukto madhudviṣaḥ |nāradovāca |nārāyaṇācyutānanta vāsudeva janārdana || 9||

यज्ञेश यज्ञपुरुष कृष्ण विष्णो नमोऽस्तु ते ।पद्माक्ष कमलाकान्त गङ्गाजनक केशव ।क्षीरोदशायिन् देवेश दामोदर नमोऽस्तु ते ॥ १०॥

yajñeśa yajñapuruṣa kṛṣṇa viṣṇo namo'stu te |padmākṣa kamalākānta gaṅgājanaka keśava |kṣīrodaśāyin deveśa dāmodara namo'stu te || 10||

श्रीराम विष्णो नृसिंह वामनप्रद्युम्न सङ्कर्षण वासुदेव ।अजानिरुद्धामलरुङ्मुरारेत्वं पाहि नः सर्वभयादजस्रम् ॥ ११॥

śrīrāma viṣṇo nṛsiṃha vāmanapradyumna saṅkarṣaṇa vāsudeva |ajāniruddhāmalaruṅmurāretvaṃ pāhi naḥ sarvabhayādajasram || 11||

इति नारदपुराणे पूर्वभागे द्वितीयाध्यायान्तर्गतंविष्णुस्तोत्रं समाप्तम् ।बृहन्नारदीयपुराण । पूर्वभाग । अध्याय २/९११॥बृहन्नारदीयपुराण । पूर्वभाग । अध्याय २/९-११॥

iti nāradapurāṇe pūrvabhāge dvitīyādhyāyāntargataṃviṣṇustotraṃ samāptam |bṛhannāradīyapurāṇa | pūrvabhāga | adhyāya 2/911||bṛhannāradīyapurāṇa | pūrvabhāga | adhyāya 2/9-11||