मुरारिपञ्चरत्नम् Muraripancharatnam

श्रीगणेशाय नमः ।यत्सेवनेन पितृमातृसहोदराणांचित्तं न मोहमहिमा मलिनं करोति ।इत्थं समीक्ष्य तव भक्तजनान् मुरारेमूकोऽस्मि तेऽङ्घ्रिकमलं तदतीव धन्यम् ॥ १॥

śrīgaṇeśāya namaḥ |yatsevanena pitṛmātṛsahodarāṇāṃcittaṃ na mohamahimā malinaṃ karoti |itthaṃ samīkṣya tava bhaktajanān murāremūko'smi te'ṅghrikamalaṃ tadatīva dhanyam || 1||

ये ये विलग्नमनसः सुखमाप्तुकामास्ते ते भवन्ति जगदुद्भवमोहशून्याः ।दृष्ट्वा विनष्टधनधान्यगृहान् मुरारेमूकोऽस्मि तेऽङ्घ्रिकमलं तदतीव धन्यम् ॥ २॥

ye ye vilagnamanasaḥ sukhamāptukāmāste te bhavanti jagadudbhavamohaśūnyāḥ |dṛṣṭvā vinaṣṭadhanadhānyagṛhān murāremūko'smi te'ṅghrikamalaṃ tadatīva dhanyam || 2||

वस्त्राणि दिग्वलयमावसतिः श्मशानेपात्रं कपालमपि मुडविभूषणानि ।रुद्रे प्रसादमचलं तव वीक्ष्य शौरेमूकोऽस्मि तेऽङ्घ्रिकमलं तदतीव धन्यम् ॥ ३॥

vastrāṇi digvalayamāvasatiḥ śmaśānepātraṃ kapālamapi muḍavibhūṣaṇāni |rudre prasādamacalaṃ tava vīkṣya śauremūko'smi te'ṅghrikamalaṃ tadatīva dhanyam || 3||

यत्कीर्तिगायनपरस्य विधातृसूनोःकौपीनमैणमजिनं विपुलां विभूतिम् ।स्वस्यार्थदिग्भ्रमणमीक्ष्य तु सार्वकालंमूकोऽस्मि तेऽङ्घ्रिकमलं तदतीव धन्यम् ॥ ४॥

yatkīrtigāyanaparasya vidhātṛsūnoḥkaupīnamaiṇamajinaṃ vipulāṃ vibhūtim |svasyārthadigbhramaṇamīkṣya tu sārvakālaṃmūko'smi te'ṅghrikamalaṃ tadatīva dhanyam || 4||

यद्वीक्षणे धृतधियामशनं फलादिवासोऽपि र्जिनवने गिरिकन्दरासु ।वासांसि वल्कलमयानि विलोक्य चैवंमूकोऽस्मि तेऽङ्घ्रिकमलं तदतीव धन्यम् ॥ ५॥

yadvīkṣaṇe dhṛtadhiyāmaśanaṃ phalādivāso'pi rjinavane girikandarāsu |vāsāṃsi valkalamayāni vilokya caivaṃmūko'smi te'ṅghrikamalaṃ tadatīva dhanyam || 5||

स्तोत्रं पादाम्बुजस्यैतच्छ्रीशस्य विजितेन्द्रियः ।पठित्वा तत्पदं याति श्लोकार्थज्ञस्तु यो नरः ॥ ६॥

stotraṃ pādāmbujasyaitacchrīśasya vijitendriyaḥ |paṭhitvā tatpadaṃ yāti ślokārthajñastu yo naraḥ || 6||

इति मुरारिपञ्चरत्नं सम्पूर्णम् ॥

iti murāripañcaratnaṃ sampūrṇam ||