सुदर्शनस्तोत्रं महाबलिकृतम् Mahabalikritam Sudarshana Stotram

बलिरुवाचअनन्तस्याप्रमेयस्य विश्वमूर्तेर्महात्मनः ।नमामि चक्रिणश्चक्रं करसङ्गि सुदर्शनम् ॥ ५०॥

baliruvācaanantasyāprameyasya viśvamūrtermahātmanaḥ |namāmi cakriṇaścakraṃ karasaṅgi sudarśanam || 50||

सहस्रमिव सूर्याणां सङ्घातं विद्युतामिव ।कालाग्निमिव यच्चक्रं तद्विष्णोः प्रणमाम्यहम् ॥ ५१॥

sahasramiva sūryāṇāṃ saṅghātaṃ vidyutāmiva |kālāgnimiva yaccakraṃ tadviṣṇoḥ praṇamāmyaham || 51||

दुष्टराहुगलच्छेदशोणितारुणतारकम् ।तन्नमामि हरेश्चक्रं शतनेमि सुदर्शनम् ॥ ५२॥

duṣṭarāhugalacchedaśoṇitāruṇatārakam |tannamāmi hareścakraṃ śatanemi sudarśanam || 52||

यस्यारकेषु शक्राद्या लोकपाला व्यवस्थिताः ।तदन्तर्वसवो रुद्रास्तथैव मरुतां गणाः ॥ ५३॥

yasyārakeṣu śakrādyā lokapālā vyavasthitāḥ |tadantarvasavo rudrāstathaiva marutāṃ gaṇāḥ || 53||

धारायां द्वादशादित्याः समस्ताश्च हुताशनाः ।धाराजालेऽब्धयः सर्वे नाभिमध्ये प्रजापतिः ॥ ५४॥

dhārāyāṃ dvādaśādityāḥ samastāśca hutāśanāḥ |dhārājāle'bdhayaḥ sarve nābhimadhye prajāpatiḥ || 54||

समस्तनेमिष्वखिला यस्य विद्याः प्रतिष्ठिताः ।यस्य रूपमनिर्देश्यमपि योगिभिरुत्तमैः ॥ ५५॥

samastanemiṣvakhilā yasya vidyāḥ pratiṣṭhitāḥ |yasya rūpamanirdeśyamapi yogibhiruttamaiḥ || 55||

यद्भ्रमत्सुरसङ्घानां तेजसः परिबृंहणंदैत्यौजसां च नाशाय तन्नमामि सुदर्शनंभ्रमन्मतमहावेगविभ्रान्ताखिलखेचरंतन्नमामि हरेश्चक्रमनन्तारं सुदर्शनंनक्षत्रवद्वह्निकणव्याप्तं कृत्स्नं नभस्तलंतन्नमामि हरेश्चक्रं करसङ्गि सुदर्शनंस्वभावतेजसा युक्तं यदर्काग्निमयं महत् ।विशेषतो हरेर्गत्वा सर्वदेवमयं करम् ॥ ५७॥

yadbhramatsurasaṅghānāṃ tejasaḥ paribṛṃhaṇaṃdaityaujasāṃ ca nāśāya tannamāmi sudarśanaṃbhramanmatamahāvegavibhrāntākhilakhecaraṃtannamāmi hareścakramanantāraṃ sudarśanaṃnakṣatravadvahnikaṇavyāptaṃ kṛtsnaṃ nabhastalaṃtannamāmi hareścakraṃ karasaṅgi sudarśanaṃsvabhāvatejasā yuktaṃ yadarkāgnimayaṃ mahat |viśeṣato harergatvā sarvadevamayaṃ karam || 57||

दुर्वृत्तदैत्यमथनं जगतः परिपालकम् ।तन्नमामि हरेश्चक्रं दैत्यचक्रहरं परम् ॥ ५८॥

durvṛttadaityamathanaṃ jagataḥ paripālakam |tannamāmi hareścakraṃ daityacakraharaṃ param || 58||

करोतु मे सदा शर्म धर्मतां च प्रयातु मे ।प्रसादसुमुखे कृष्णे तस्य चक्रं सुदर्शनम् ॥ ५९॥

karotu me sadā śarma dharmatāṃ ca prayātu me |prasādasumukhe kṛṣṇe tasya cakraṃ sudarśanam || 59||

स्वभावतेजसा युक्तं मध्याह्नार्कसमप्रभंप्रसीद संयुगेऽरीणां सुदर्शनसुदर्शनम् ।विद्युज्ज्वालामहाकक्षं दहान्तर्मम यत्तमः ॥ ६०॥

svabhāvatejasā yuktaṃ madhyāhnārkasamaprabhaṃprasīda saṃyuge'rīṇāṃ sudarśanasudarśanam |vidyujjvālāmahākakṣaṃ dahāntarmama yattamaḥ || 60||

जहि नो विषयग्राहि मनो ग्रहविचेष्टितम् ।विस्फोटयाखिलां मायां कुरुष्व विमलां मतिम् ॥ ६१॥

jahi no viṣayagrāhi mano grahaviceṣṭitam |visphoṭayākhilāṃ māyāṃ kuruṣva vimalāṃ matim || 61||

एवं संस्थूयमानं तद्वह्निपिण्डोपमं महत् ।बभूव प्रकटं चक्रं दैत्यचक्रपतेस्तदा ॥ ६२॥

evaṃ saṃsthūyamānaṃ tadvahnipiṇḍopamaṃ mahat |babhūva prakaṭaṃ cakraṃ daityacakrapatestadā || 62||

ददर्श स महाबाहुः प्रभामण्डलदुर्दृशम् ।अग्निज्वालागतं ताम्रं तप्तचक्रमिवापरम् ॥ ६३॥

dadarśa sa mahābāhuḥ prabhāmaṇḍaladurdṛśam |agnijvālāgataṃ tāmraṃ taptacakramivāparam || 63||

भ्रमतस्तस्य चक्रस्य नाभिमध्ये महीपते ।त्रैलोक्यमखिलं दैत्यो दृष्टवान्भूर्भुवादिकम् ॥ ६४॥

bhramatastasya cakrasya nābhimadhye mahīpate |trailokyamakhilaṃ daityo dṛṣṭavānbhūrbhuvādikam || 64||

मेर्वादीनखिलाञ्छैलान्गङ्गाद्याः सरितस्तथा ।क्षीराब्धिप्रमुखांश्चाब्धीन्द्वीपाञ्जम्ब्वादिसंज्ञितान् ॥ ६५॥

mervādīnakhilāñchailāngaṅgādyāḥ saritastathā |kṣīrābdhipramukhāṃścābdhīndvīpāñjambvādisaṃjñitān || 65||

वैमानिकान्सगन्धर्वान्सूर्यादींश्च तथा ग्रहान् ।नक्षत्रतारकाकाशं शक्रादींश्च दिवौकसः ॥ ६६॥

vaimānikānsagandharvānsūryādīṃśca tathā grahān |nakṣatratārakākāśaṃ śakrādīṃśca divaukasaḥ || 66||

रुद्रादित्यांश्च मरुतां साध्यानां च महीपते ।सन्निधानं निरीक्ष्यासौ दैत्यानां विस्मितोऽभवत् ॥ ६७॥

rudrādityāṃśca marutāṃ sādhyānāṃ ca mahīpate |sannidhānaṃ nirīkṣyāsau daityānāṃ vismito'bhavat || 67||

ततः प्रणम्यार्तिहरं सुराणामपारसारं परमायुधं हरेः ।नमो नमस्तेऽस्त्विति दैत्यराजः प्रोवाच भूयोऽपि नमो नमस्ते ॥ ६८॥

tataḥ praṇamyārtiharaṃ surāṇāmapārasāraṃ paramāyudhaṃ hareḥ |namo namaste'stviti daityarājaḥ provāca bhūyo'pi namo namaste || 68||

यन्नोऽशुभं चेतसि वायुवेग यन्नोऽशुभं वाचि हुताशनोत्थ ।यच्चाशुभं कायकृतं हरेस्तद्वरायुधं त्वं प्रशमं नयाशु ॥ ६९॥

yanno'śubhaṃ cetasi vāyuvega yanno'śubhaṃ vāci hutāśanottha |yaccāśubhaṃ kāyakṛtaṃ harestadvarāyudhaṃ tvaṃ praśamaṃ nayāśu || 69||

प्रसीद सत्कारकृतं ममाघं प्रयातु ते नाशमनन्तवीर्य ।सतां च सन्मार्गवतां मनांसि स्थिरीभवन्त्वच्युतपादयुग्मे ॥ ७०॥

prasīda satkārakṛtaṃ mamāghaṃ prayātu te nāśamanantavīrya |satāṃ ca sanmārgavatāṃ manāṃsi sthirībhavantvacyutapādayugme || 70||

इति विष्णुधर्मेषु अष्टसप्ततितमोऽध्यायान्तर्गतं महाबलिकृतं सुदर्शनस्तोत्रम् ।

iti viṣṇudharmeṣu aṣṭasaptatitamo'dhyāyāntargataṃ mahābalikṛtaṃ sudarśanastotram |