सुब्रह्मण्यभुजङ्गस्तोत्रम् २ Shri Subrahmanyabhujangaprayatastotram 2

भजेऽहं कुमारं भवानी कुमारंगलोल्लासिहारं नमस्कृद्विहारम् ।रिपुस्तोमसारं नृसिंहावतारंसदानिर्विकारं गुहं निर्विचारम् ॥ १॥

bhaje'haṃ kumāraṃ bhavānī kumāraṃgalollāsihāraṃ namaskṛdvihāram |ripustomasāraṃ nṛsiṃhāvatāraṃsadānirvikāraṃ guhaṃ nirvicāram || 1||

नमामीशपुत्रं जपाशोण गात्रंसुरारातिशत्रुं रवीन्द्वग्निनेत्रम् ।महाबर्हिपत्रं शिवास्याब्जमित्रंप्रभासत्कळत्रं पुराणं पवित्रम् ॥ २॥

namāmīśaputraṃ japāśoṇa gātraṃsurārātiśatruṃ ravīndvagninetram |mahābarhipatraṃ śivāsyābjamitraṃprabhāsatkaḷatraṃ purāṇaṃ pavitram || 2||

अनेकार्ककोटि प्रभावज्वलन्तंमनोहारि माणिक्य भूषोज्वलन्तम् ।श्रितानामभीष्टं सुशान्तं नितान्तंभजे षण्मुखंतं शरच्चन्द्रकान्तम् ॥ ३॥

anekārkakoṭi prabhāvajvalantaṃmanohāri māṇikya bhūṣojvalantam |śritānāmabhīṣṭaṃ suśāntaṃ nitāntaṃbhaje ṣaṇmukhaṃtaṃ śaraccandrakāntam || 3||

कृपावारि कल्लोलभास्वत्कटाक्षंविराजन् मनोहारि शोणांबुजाक्षम् ।प्रयोगप्रदानप्रवाहैकदक्षंभजे कान्तिकान्ताम्बरस्तोमरक्षम् ॥ ४॥

kṛpāvāri kallolabhāsvatkaṭākṣaṃvirājan manohāri śoṇāṃbujākṣam |prayogapradānapravāhaikadakṣaṃbhaje kāntikāntāmbarastomarakṣam || 4||

सुकस्तूरिकाबिन्दुभास्वल्ललाटंदयापूर्णचित्तं महादेवपुत्रम् ।रवीन्दूल्लसद्रत्नराजत्किरीटंभजे क्रीडिताकाश गङ्गासुकूटम् ॥ ५॥

sukastūrikābindubhāsvallalāṭaṃdayāpūrṇacittaṃ mahādevaputram |ravīndūllasadratnarājatkirīṭaṃbhaje krīḍitākāśa gaṅgāsukūṭam || 5||

सुकुन्दप्रसूनावलीशोभितान्तंशरत्पूर्णचन्द्रस्य षट्कान्तिकान्तम् ।शिरीषप्रसूनाभिरामं भवन्तंभजे देवसेनापतिं वल्लभं तम् ॥ ६॥

sukundaprasūnāvalīśobhitāntaṃśaratpūrṇacandrasya ṣaṭkāntikāntam |śirīṣaprasūnābhirāmaṃ bhavantaṃbhaje devasenāpatiṃ vallabhaṃ tam || 6||

सुलावण्यसत्सूर्यकोटिप्रकाशंप्रभुं तारकारिं द्विषड्बाहुमीशम् ।निजार्कप्रभादीप्यमानाखिलाशंभजे पार्वतीप्राणपुत्रं सुकेशम् ॥ ७॥

sulāvaṇyasatsūryakoṭiprakāśaṃprabhuṃ tārakāriṃ dviṣaḍbāhumīśam |nijārkaprabhādīpyamānākhilāśaṃbhaje pārvatīprāṇaputraṃ sukeśam || 7||

अजं सर्वलोकप्रियं लोकनाथंगुहं शूरपत्मादिदंभोलिधारम् ।सुबाहुं सुनासापुटं सच्चरित्रंभजे कार्तिकेयं सदा बाहुलेयम् ॥ ८॥

ajaṃ sarvalokapriyaṃ lokanāthaṃguhaṃ śūrapatmādidaṃbholidhāram |subāhuṃ sunāsāpuṭaṃ saccaritraṃbhaje kārtikeyaṃ sadā bāhuleyam || 8||

शरारण्यसंभूतमिन्द्रादिवन्द्यंद्विषड्बाहुसंख्यायुधश्रेणिरम्यम् ।मरुत्सारथिं कुक्कुटेशं सुकेतुंभजे योगिहृत्पद्ममध्याधिवासम् ॥ ९॥

śarāraṇyasaṃbhūtamindrādivandyaṃdviṣaḍbāhusaṃkhyāyudhaśreṇiramyam |marutsārathiṃ kukkuṭeśaṃ suketuṃbhaje yogihṛtpadmamadhyādhivāsam || 9||

विरिञ्चीन्द्रवल्लीशदेवेशमुख्यंप्रशस्तामरस्तोमसंस्तूयमानम् ।दिश त्वं दयालो श्रियं निश्चलां मेविना त्वां गतिः का प्रभो मे प्रसीद ॥ १०॥

viriñcīndravallīśadeveśamukhyaṃpraśastāmarastomasaṃstūyamānam |diśa tvaṃ dayālo śriyaṃ niścalāṃ mevinā tvāṃ gatiḥ kā prabho me prasīda || 10||

पदांभोजसेवा समायातवृन्दारकश्रेणिकोटीरभास्वल्ललाटम् ।कलत्रोल्लसत्पार्श्वयुग्मं वरेण्यंभजे देवमाद्यं त्वहीनप्रभावम् ॥ ११॥

padāṃbhojasevā samāyātavṛndārakaśreṇikoṭīrabhāsvallalāṭam |kalatrollasatpārśvayugmaṃ vareṇyaṃbhaje devamādyaṃ tvahīnaprabhāvam || 11||

भवांभोधिमध्ये तरङ्गे पतन्तंप्रभो मां सदा पूर्णदृष्ट्या समीक्ष्य ।भवत्भक्तिनावोद्धर त्वं दयालोसुगत्यन्तरं नास्ति देव प्रसीद ॥ १२॥

bhavāṃbhodhimadhye taraṅge patantaṃprabho māṃ sadā pūrṇadṛṣṭyā samīkṣya |bhavatbhaktināvoddhara tvaṃ dayālosugatyantaraṃ nāsti deva prasīda || 12||

गले रत्नभूषं तनौ मञ्जुवेषंकरे ज्ञानशक्तिं दरस्मेरमास्ये ।कटिन्यस्तपाणिं शिकिस्थं कुमारंभजेऽहं गुहादन्यदेवं न मन्ये ॥ १३॥

gale ratnabhūṣaṃ tanau mañjuveṣaṃkare jñānaśaktiṃ darasmeramāsye |kaṭinyastapāṇiṃ śikisthaṃ kumāraṃbhaje'haṃ guhādanyadevaṃ na manye || 13||

दयाहीनचित्तं परद्रोहपात्रंसदा पापशीलं गुरोर्भक्तिहीनम् ।अनन्यावलम्बं भवन्नेत्रपात्रंकृपाशील मां भो पवित्रं कुरु त्वम् ॥ १४॥

dayāhīnacittaṃ paradrohapātraṃsadā pāpaśīlaṃ gurorbhaktihīnam |ananyāvalambaṃ bhavannetrapātraṃkṛpāśīla māṃ bho pavitraṃ kuru tvam || 14||

महासेन गाङ्गेय वल्लीसहायप्रभो तारकारे षडास्यामरेश ।सदा पायसान्नप्रदातर्गुहेतिस्मरिष्यामि भक्त्या सदाहं विभो त्वाम् ॥ १५॥

mahāsena gāṅgeya vallīsahāyaprabho tārakāre ṣaḍāsyāmareśa |sadā pāyasānnapradātarguhetismariṣyāmi bhaktyā sadāhaṃ vibho tvām || 15||

प्रतापस्य बाहो नमद्वीरबाहोप्रभो कार्तिकेयेष्टकामप्रदेति ।यदा ये पठन्ते भवन्तं तदैवप्रसन्नस्तु तेषां बहुश्रीं ददासि ॥ १६॥

pratāpasya bāho namadvīrabāhoprabho kārtikeyeṣṭakāmapradeti |yadā ye paṭhante bhavantaṃ tadaivaprasannastu teṣāṃ bahuśrīṃ dadāsi || 16||

अपारेऽतिदारिद्र्यपाथोधिमध्येभ्रमन्तं जनिग्राहपूर्णे नितान्तम् ।महासेन मामुद्धर त्वं कटाक्षावलोकेन किञ्चित्प्रसीद प्रसीद ॥ १७॥

apāre'tidāridryapāthodhimadhyebhramantaṃ janigrāhapūrṇe nitāntam |mahāsena māmuddhara tvaṃ kaṭākṣāvalokena kiñcitprasīda prasīda || 17||

स्थिरां देहि भक्तिं भवत्पादपद्मेश्रियं निश्चलां देहि मह्यं कुमार ।गुहं चन्द्रतारं स्ववंशाभिवृद्धिंकुरु त्वं प्रभो मे मनः कल्पसाल ॥ १८॥

sthirāṃ dehi bhaktiṃ bhavatpādapadmeśriyaṃ niścalāṃ dehi mahyaṃ kumāra |guhaṃ candratāraṃ svavaṃśābhivṛddhiṃkuru tvaṃ prabho me manaḥ kalpasāla || 18||

नमस्ते नमस्ते महाशक्तिपाणेनम्स्ते नमस्ते लसद्वज्रपाणे ।नमस्ते नमस्ते कटिन्यस्तपाणेनमस्ते नमस्ते सदाभीष्टपाणे ॥ १९॥

namaste namaste mahāśaktipāṇenamste namaste lasadvajrapāṇe |namaste namaste kaṭinyastapāṇenamaste namaste sadābhīṣṭapāṇe || 19||

नमस्ते नमस्ते महाशक्तिधारिन्नमस्ते सुराणां महासौख्यदायिन् ।नमस्ते सदा कुक्कुटेशाख्यक त्वंसमस्तापराधं विभो मे क्षमस्व ॥ २०॥

namaste namaste mahāśaktidhārinnamaste surāṇāṃ mahāsaukhyadāyin |namaste sadā kukkuṭeśākhyaka tvaṃsamastāparādhaṃ vibho me kṣamasva || 20||

य एको मुनीनां हृदब्जाधिवासःशिवाङ्गं समारुह्य सत्पीठकल्पम् ।विरिञ्चाय मन्त्रोपदेशं चकारप्रमोदेन सोऽयं तनोतु श्रियं मे ॥ २१॥

ya eko munīnāṃ hṛdabjādhivāsaḥśivāṅgaṃ samāruhya satpīṭhakalpam |viriñcāya mantropadeśaṃ cakārapramodena so'yaṃ tanotu śriyaṃ me || 21||

यमाहुः परं वेद शूरेषु मुख्यंसदा यस्य शक्त्या जगत्भीतभीतम् ।यमालोक्य देवाः स्थिरं स्वर्गपालाःसदोङ्काररूपं चिदानन्दमीडे ॥ २२॥

yamāhuḥ paraṃ veda śūreṣu mukhyaṃsadā yasya śaktyā jagatbhītabhītam |yamālokya devāḥ sthiraṃ svargapālāḥsadoṅkārarūpaṃ cidānandamīḍe || 22||

गुहस्तोत्रमेतत् कृतान्तारिसूनोःभुजङ्गप्रयातेन पद्येन कान्तम् ।जना ये पठन्ते सदा ते महान्तोमनोवाञ्छितान् सर्वकामान् लभन्ते ॥ २३॥

guhastotrametat kṛtāntārisūnoḥbhujaṅgaprayātena padyena kāntam |janā ye paṭhante sadā te mahāntomanovāñchitān sarvakāmān labhante || 23||

॥ इति श्रीसुब्रह्मण्यभुजङ्गप्रयातस्तोत्रं सम्पूर्णम् ॥

|| iti śrīsubrahmaṇyabhujaṅgaprayātastotraṃ sampūrṇam ||