सुब्रह्मण्यसिद्धनामाष्टोत्तरशतनामावलिः Shri Subrahmanya Siddhanam Ashtottarashatanamavalih

ॐ श्रीगणेशाय नमः ।

oṃ śrīgaṇeśāya namaḥ |

ॐ ह्रीं सुब्रह्मण्याय नमः । ज्ञानशक्तये ।अचिन्त्याय । दहरालयाय । चिच्छिवाय ।चिद्धनाय । चिदाकारमहीद्वीपमध्यदेशसदालयाय ।चिदब्धिमथनोत्पन्नचित्सारमणिमण्डलाय ।चिदानन्दमहासिन्धुमध्यरत्नशिखामणये ।विज्ञानकोशविलसदानन्दमृतमण्डलाय ।वाचामगोचरानन्तशुद्धचैतन्यविग्रहाय ।मूलकन्दस्थचिद्देशमहाताण्डवपण्डिताय ।षट्कोणमार्गविलसत्परमण्डलमण्डिताय ।द्वादशारमहापद्मस्थितचिद्व्योमभासुराय ।त्रिकोणाख्यमहापीठस्थितचिद्बिन्दुनायकाय ।बिन्दुमण्डलमध्यस्थचिद्विलासप्रकाशकाय ।षट्कोणमन्दिरोद्भासिमध्यस्तम्भाशिरोमणये ।प्रथमाक्षरनिर्दिष्टपरमार्थार्थविग्रहाय ।अकारादिक्षकारान्तमातृकाक्षर सङ्गताय ।अकाराख्यप्रकाशात्ममहालक्ष्यार्थविग्रहाय नमः । (२०)

oṃ hrīṃ subrahmaṇyāya namaḥ | jñānaśaktaye |acintyāya | daharālayāya | cicchivāya |ciddhanāya | cidākāramahīdvīpamadhyadeśasadālayāya |cidabdhimathanotpannacitsāramaṇimaṇḍalāya |cidānandamahāsindhumadhyaratnaśikhāmaṇaye |vijñānakośavilasadānandamṛtamaṇḍalāya |vācāmagocarānantaśuddhacaitanyavigrahāya |mūlakandasthaciddeśamahātāṇḍavapaṇḍitāya |ṣaṭkoṇamārgavilasatparamaṇḍalamaṇḍitāya |dvādaśāramahāpadmasthitacidvyomabhāsurāya |trikoṇākhyamahāpīṭhasthitacidbindunāyakāya |bindumaṇḍalamadhyasthacidvilāsaprakāśakāya |ṣaṭkoṇamandirodbhāsimadhyastambhāśiromaṇaye |prathamākṣaranirdiṣṭaparamārthārthavigrahāya |akārādikṣakārāntamātṛkākṣara saṅgatāya |akārākhyaprakāśātmamahālakṣyārthavigrahāya namaḥ | (20)

ॐ ह्रीं हकाराख्यविमर्शात्ममहालक्ष्यार्थविग्रहाय नमः ।

oṃ hrīṃ hakārākhyavimarśātmamahālakṣyārthavigrahāya namaḥ |

ग्रन्थित्रयमहाभेदचतुराय । सद्गुरवे ।हृदयाम्बुजमध्यस्थविरजव्योमनायकाय । शान्ताद्रिनिलयाय ।अखण्डाकारकज्ञानलक्षणाय । सजातीयविजातीयस्वगतभेदरहिताय ।ब्रह्मविद्यास्वरूपहैमवतीतनूजाय । चिदग्निसम्भूताय ।भूमानन्दपरिपूर्णाचलविराजिताय । महावाक्योपदेष्ट्रे ।शिवगुरवे । मूलाधारमुखोत्पन्नब्रह्मरन्ध्रचिदालयाय ।मध्यनाडीमहामार्गस्थितमण्डलमध्यगाय ।हंसमार्गैकनिरतज्ञानमण्डलचिद्रसाय ।सदोदितमहाप्रज्ञाकाराय । सहस्रारकमलान्तस्थबिन्दुकूटमहागुरवे ।स्वात्मन्यारोपितसमस्त जगदाधाराय ।सर्वाधिष्ठानचिन्मात्रस्थानमध्यविराजिताय ।सर्वोपनिषदुद्घुष्टमहाकीर्तिधराय नमः । (४०)

granthitrayamahābhedacaturāya | sadgurave |hṛdayāmbujamadhyasthavirajavyomanāyakāya | śāntādrinilayāya |akhaṇḍākārakajñānalakṣaṇāya | sajātīyavijātīyasvagatabhedarahitāya |brahmavidyāsvarūpahaimavatītanūjāya | cidagnisambhūtāya |bhūmānandaparipūrṇācalavirājitāya | mahāvākyopadeṣṭre |śivagurave | mūlādhāramukhotpannabrahmarandhracidālayāya |madhyanāḍīmahāmārgasthitamaṇḍalamadhyagāya |haṃsamārgaikaniratajñānamaṇḍalacidrasāya |sadoditamahāprajñākārāya | sahasrārakamalāntasthabindukūṭamahāgurave |svātmanyāropitasamasta jagadādhārāya |sarvādhiṣṭhānacinmātrasthānamadhyavirājitāya |sarvopaniṣadudghuṣṭamahākīrtidharāya namaḥ | (40)

ॐ ह्रीं स्वसाम्राज्यसुखासीनस्वयञ्ज्योतिः स्वरूपाय नमः ।

oṃ hrīṃ svasāmrājyasukhāsīnasvayañjyotiḥ svarūpāya namaḥ |

कार्यसहितमायाविध्वंसकाय ।सर्ववेदान्तसिद्धान्तमहासाम्राज्यदीक्षिताय ।सालम्बननिरालम्बवृत्तिमध्यस्थरूपकाय ।मोक्षलक्ष्मीप्रदात्रे । शुद्धचैतन्यकान्तारसिद्धाय ।भानूकूटप्रतीकाशचित्पर्वतशिखामणये ।भावाभावकलातीतशून्यग्राममहेश्वराय ।कल्पितपञ्चकृत्याधिपतये ।ब्रह्मविद्यामयग्रामचिदालयमहाप्रभवे ।प्रत्यग्भूतमहामौनगोचराय । शुद्धचिद्रसाय ।हृदयग्रन्थिभेदविद्याविशारदाय । कामाद्यरिषड्वर्गनाशकाय ।सर्वज्ञत्वादिगुणमुर्तीकृतषडाननाय ।कर्मब्रह्मस्वरूपवेदविलसितचरणाय ।अत्यन्तनिर्मलाकारचैतन्यगिरिमध्यगाय ।अद्वैतपरमानन्दचिद्विलासमहानिधये । मण्डलत्रयभासकाय ।अनेककोटिब्रह्माण्डधारिणे नमः । (६०)

kāryasahitamāyāvidhvaṃsakāya |sarvavedāntasiddhāntamahāsāmrājyadīkṣitāya |sālambananirālambavṛttimadhyastharūpakāya |mokṣalakṣmīpradātre | śuddhacaitanyakāntārasiddhāya |bhānūkūṭapratīkāśacitparvataśikhāmaṇaye |bhāvābhāvakalātītaśūnyagrāmamaheśvarāya |kalpitapañcakṛtyādhipataye |brahmavidyāmayagrāmacidālayamahāprabhave |pratyagbhūtamahāmaunagocarāya | śuddhacidrasāya |hṛdayagranthibhedavidyāviśāradāya | kāmādyariṣaḍvarganāśakāya |sarvajñatvādiguṇamurtīkṛtaṣaḍānanāya |karmabrahmasvarūpavedavilasitacaraṇāya |atyantanirmalākāracaitanyagirimadhyagāya |advaitaparamānandacidvilāsamahānidhaye | maṇḍalatrayabhāsakāya |anekakoṭibrahmāṇḍadhāriṇe namaḥ | (60)

ॐ ह्रीं सर्वात्मकाय नमः । तत्त्वमस्यादिमहावाक्यलक्ष्यार्थस्वरूपाय ।अविमुक्तमहापीठस्थितचिद्रूपविग्रहाय ।अमितानन्दबोधान्तनादान्तस्थितमण्डलाय ।अखण्डशुद्धचैतन्यस्वरूपाय ।लोकालोककलैकमत्यपरमार्थस्वरूपाय ।आदिमध्यान्तरहितब्रह्मानन्दनिधये ।आधारमार्गसीमान्तवासिने । निस्तरङ्गसुखार्णवाय ।अवाङ्मनसगोचराय । नित्यशुद्धबुद्धमुक्तसत्यस्वरूपाय ।चिद्दीपमङ्गलज्योतिः स्वरूपाय । षट्चक्रनगरविभवेश्वराय ।सकललोकैकनेत्रे । निष्प्रपञ्चाय । निराधाराय ।सकलाधारस्वरूपाय । भक्तमानसरञ्जकाय ।बाह्यानुविद्धसमाधिनिष्ठात्मगोचरवृत्तिस्वरूपदेवसेनासमेताय ।आन्तरानुविद्धसमाधिनिष्ठात्मगोचरवृत्तिस्वरूपवल्लीपतये नमः । (८०)

oṃ hrīṃ sarvātmakāya namaḥ | tattvamasyādimahāvākyalakṣyārthasvarūpāya |avimuktamahāpīṭhasthitacidrūpavigrahāya |amitānandabodhāntanādāntasthitamaṇḍalāya |akhaṇḍaśuddhacaitanyasvarūpāya |lokālokakalaikamatyaparamārthasvarūpāya |ādimadhyāntarahitabrahmānandanidhaye |ādhāramārgasīmāntavāsine | nistaraṅgasukhārṇavāya |avāṅmanasagocarāya | nityaśuddhabuddhamuktasatyasvarūpāya |ciddīpamaṅgalajyotiḥ svarūpāya | ṣaṭcakranagaravibhaveśvarāya |sakalalokaikanetre | niṣprapañcāya | nirādhārāya |sakalādhārasvarūpāya | bhaktamānasarañjakāya |bāhyānuviddhasamādhiniṣṭhātmagocaravṛttisvarūpadevasenāsametāya |āntarānuviddhasamādhiniṣṭhātmagocaravṛttisvarūpavallīpataye namaḥ | (80)

ॐ ह्रीं अनाहतमहाचक्रस्थिताय नमः । अवस्थात्रयसाक्षिणे ।सहस्रकोटितपनसङ्काशाय । संसारमायादुःखौघभेषजाय ।शुद्धचित्तस्वरूपमयूराधिष्ठानाय ।चराचरस्थूलसूक्ष्मकल्पकाय ।ब्रह्मादिकीटपर्यन्तव्यापकाय । समस्तलोकगीर्वाणशरण्याय ।सनकादिसमायुक्तप्रज्ञानघनविग्रहाय ।अनन्तवेदवेदान्तसंवेद्याय । धर्मार्थकामकैवल्यदायकाय ।सकलवेदसारप्रणवलक्ष्यार्थनिजस्वरूपाय ।अप्राकृतमहादिव्यपुरुषाय । अज्ञानतिमिरध्वान्तभास्कराय ।अव्ययानन्दविज्ञानसुखदाय । अचिन्त्यदिव्यमहिमारञ्जिताय ।परानन्दस्वरूपार्थबोधकाय ।षडम्बुरुहचक्रान्तः स्फूर्तिसौदामिनीप्रभाय ।षड्विधैक्यानुसन्धानपरहृद्व्योमसंस्थिताय ।निस्त्रैगुण्यमहामार्गगामिने नमः । (१००)

oṃ hrīṃ anāhatamahācakrasthitāya namaḥ | avasthātrayasākṣiṇe |sahasrakoṭitapanasaṅkāśāya | saṃsāramāyāduḥkhaughabheṣajāya |śuddhacittasvarūpamayūrādhiṣṭhānāya |carācarasthūlasūkṣmakalpakāya |brahmādikīṭaparyantavyāpakāya | samastalokagīrvāṇaśaraṇyāya |sanakādisamāyuktaprajñānaghanavigrahāya |anantavedavedāntasaṃvedyāya | dharmārthakāmakaivalyadāyakāya |sakalavedasārapraṇavalakṣyārthanijasvarūpāya |aprākṛtamahādivyapuruṣāya | ajñānatimiradhvāntabhāskarāya |avyayānandavijñānasukhadāya | acintyadivyamahimārañjitāya |parānandasvarūpārthabodhakāya |ṣaḍamburuhacakrāntaḥ sphūrtisaudāminīprabhāya |ṣaḍvidhaikyānusandhānaparahṛdvyomasaṃsthitāya |nistraiguṇyamahāmārgagāmine namaḥ | (100)

ॐ ह्रीं नित्यपूर्णचिदाकाशस्थितचिन्मण्डलाय नमः ।

oṃ hrīṃ nityapūrṇacidākāśasthitacinmaṇḍalāya namaḥ |

कार्यकारणनिर्मुक्ताय । नादबिन्दुकलातीताय ।शिवाब्धिमथनोत्पन्नानन्दपीयूषविग्रहाय ।परिपूर्णपरानन्दप्रज्ञानघनलक्षणाय ।अखण्डैकरसस्फूर्तिप्रवाहाश्रयाय । नामरूपविवर्जिताय ।श्रीपरब्रह्मणे नमः । (१०८)

kāryakāraṇanirmuktāya | nādabindukalātītāya |śivābdhimathanotpannānandapīyūṣavigrahāya |paripūrṇaparānandaprajñānaghanalakṣaṇāya |akhaṇḍaikarasasphūrtipravāhāśrayāya | nāmarūpavivarjitāya |śrīparabrahmaṇe namaḥ | (108)

इति आत्मानन्दनाथ प्रणीतः श्रीसुब्रह्मण्यसिद्धनामाष्टोत्तरशतनामावलिःसमाप्ता ।

iti ātmānandanātha praṇītaḥ śrīsubrahmaṇyasiddhanāmāṣṭottaraśatanāmāvaliḥsamāptā |