स्कन्दसहस्रनामस्तोत्रम् Devaih Kritam Skandasahasranama Stotram

(शिवरहस्यान्तर्गते ईशाख्ये)देवा ऊचुः ।स्कन्दनामसहस्रस्य ऋषिश्च परमेश्वरः ।अनुष्टुप् छन्द एवास्य सुब्रह्मण्योऽधिदेवता ॥ ३॥

(śivarahasyāntargate īśākhye)devā ūcuḥ |skandanāmasahasrasya ṛṣiśca parameśvaraḥ |anuṣṭup chanda evāsya subrahmaṇyo'dhidevatā || 3||

सौं बीजं शक्तिरेवास्य शक्तिः परतरा स्मृता ।ग्लौं कीलकं सर्वकामसिध्यर्थे जप ईरितः ॥ ४॥

sauṃ bījaṃ śaktirevāsya śaktiḥ paratarā smṛtā |glauṃ kīlakaṃ sarvakāmasidhyarthe japa īritaḥ || 4||

अथ ध्यानम् ।गाङ्गेयं वहिगर्भं शरवणजनितं शक्तिहस्तं कुमारंब्रह्मण्यं स्कन्ददेवं गुरुमचलभिदं मन्त्रतेजःस्वरूपम् ।सेनेशं तारकघ्नं गणगण सहितं कार्तिकेयं षडास्यंसुब्रह्मण्यं मयूरध्वजरथसहितं कार्तिकेयं नमामि ॥ ५॥

atha dhyānam |gāṅgeyaṃ vahigarbhaṃ śaravaṇajanitaṃ śaktihastaṃ kumāraṃbrahmaṇyaṃ skandadevaṃ gurumacalabhidaṃ mantratejaḥsvarūpam |seneśaṃ tārakaghnaṃ gaṇagaṇa sahitaṃ kārtikeyaṃ ṣaḍāsyaṃsubrahmaṇyaṃ mayūradhvajarathasahitaṃ kārtikeyaṃ namāmi || 5||

अथ स्कन्दसहस्रनामस्तोत्रम् ।ॐ सुब्रह्मण्यः सुरेशानः सुरारिकुलनाशनः ।ब्रह्मण्यो ब्रह्मविद्ब्रह्म ब्रह्मविद्यागुरुर्गुरुः ॥ ६॥

atha skandasahasranāmastotram |oṃ subrahmaṇyaḥ sureśānaḥ surārikulanāśanaḥ |brahmaṇyo brahmavidbrahma brahmavidyāgururguruḥ || 6||

ईशानगुरुरव्यक्तो व्यक्तरूपः सनातनः ।प्रधानपुरुषः कर्ता कर्म कार्यं च कारणम् ॥ ७॥

īśānagururavyakto vyaktarūpaḥ sanātanaḥ |pradhānapuruṣaḥ kartā karma kāryaṃ ca kāraṇam || 7||

श्रीकुमारो ह्यधिष्ठानो भोक्ता भोगश्च केवलः ।अनादिनिधनः साक्षी नियतं नियमो यमः ॥ ८॥

śrīkumāro hyadhiṣṭhāno bhoktā bhogaśca kevalaḥ |anādinidhanaḥ sākṣī niyataṃ niyamo yamaḥ || 8||

वाक्पतिर्वाक्प्रदो वाग्मी वाच्यो वक्ता च वाचकः ।पितामहगुरुर्लोकः गुरुस्तत्त्वार्थबोधकः ॥ ९॥

vākpatirvākprado vāgmī vācyo vaktā ca vācakaḥ |pitāmahagururlokaḥ gurustattvārthabodhakaḥ || 9||

वेदान्तो वेदगुह्यश्च वेदशास्त्रप्रभेदकः ।सर्वविद्यात्मकः शान्तश्चतुष्षष्टिकलागुरुः ॥ १०॥

vedānto vedaguhyaśca vedaśāstraprabhedakaḥ |sarvavidyātmakaḥ śāntaścatuṣṣaṣṭikalāguruḥ || 10||

मन्त्रार्थो मन्त्रमूर्तिश्च मन्त्रतन्त्रप्रवर्तकः ।मन्त्री मन्त्रो मन्त्रबीजं महामन्त्रोपदेशकः ॥ ११॥

mantrārtho mantramūrtiśca mantratantrapravartakaḥ |mantrī mantro mantrabījaṃ mahāmantropadeśakaḥ || 11||

महोत्साहो महाशक्तिर्महाशक्तिधरः प्रभुः ।जगत्स्रष्टा जगत्पाता जगन्मूर्तिर्जगन्मयः ॥ १२॥

mahotsāho mahāśaktirmahāśaktidharaḥ prabhuḥ |jagatsraṣṭā jagatpātā jaganmūrtirjaganmayaḥ || 12||

जगदादिरनादिश्च जगद्बीजं जगद्गुरुः ।ज्योतिर्मयः प्रशान्तात्मा सच्चिदानन्दविग्रहः ॥ १३॥

jagadādiranādiśca jagadbījaṃ jagadguruḥ |jyotirmayaḥ praśāntātmā saccidānandavigrahaḥ || 13||

सुखमूर्तिः सुखकरः सुखी सुखवराकृतिः ।ज्ञाता ज्ञानं ज्ञेयरूपो ज्ञप्ता ज्ञानफलं बुधः ॥ १४॥

sukhamūrtiḥ sukhakaraḥ sukhī sukhavarākṛtiḥ |jñātā jñānaṃ jñeyarūpo jñaptā jñānaphalaṃ budhaḥ || 14||

विष्णुर्जिष्णुर्ग्रसिष्णुश्च प्रभविष्णुः सहिष्णुजः ।तितिष्णुरजिरं भूष्णुर्वर्धिष्णुः शान्तविग्रहः ॥ १५॥

viṣṇurjiṣṇurgrasiṣṇuśca prabhaviṣṇuḥ sahiṣṇujaḥ |titiṣṇurajiraṃ bhūṣṇurvardhiṣṇuḥ śāntavigrahaḥ || 15||

ऋजुः सुगृह्यः सुलभो दुर्लभो लोभवर्जितः ।अभिज्ञो ज्ञश्च यज्ञात्मा शिवज्ञानप्रदो गुहः ॥ १६॥

ṛjuḥ sugṛhyaḥ sulabho durlabho lobhavarjitaḥ |abhijño jñaśca yajñātmā śivajñānaprado guhaḥ || 16||

हृदयादिरहङ्करो भूतादिर्भूतभावितः ।भूतं भव्यं भवसुतो भूतभव्यभवत्प्रभुः ॥ १७॥

hṛdayādirahaṅkaro bhūtādirbhūtabhāvitaḥ |bhūtaṃ bhavyaṃ bhavasuto bhūtabhavyabhavatprabhuḥ || 17||

देवसेनापतिर्नेता कुमारो देवनायकः ।तारकारिर्महावीरः शूरपद्मशिरोहरः ॥ १८॥

devasenāpatirnetā kumāro devanāyakaḥ |tārakārirmahāvīraḥ śūrapadmaśiroharaḥ || 18||

अनेककोटिब्रह्माण्डपरिपूर्णेऽसुरान्तकः ।स्फुटाट्टहासकृत्तारतारकासुरनाशनः ॥ १९॥

anekakoṭibrahmāṇḍaparipūrṇe'surāntakaḥ |sphuṭāṭṭahāsakṛttāratārakāsuranāśanaḥ || 19||

महाक्रोधो महोत्साहो महाबलपराक्रमः ।महाबुद्धिर्महासिद्धिर्महामायो महाभुजः ॥ २०॥

mahākrodho mahotsāho mahābalaparākramaḥ |mahābuddhirmahāsiddhirmahāmāyo mahābhujaḥ || 20||

रणभीमः शत्रुहरो धीरो दान्तो गुणोत्तरः ।महाधनुर्महाबाणो महादेवप्रियात्मजः ॥ २१॥

raṇabhīmaḥ śatruharo dhīro dānto guṇottaraḥ |mahādhanurmahābāṇo mahādevapriyātmajaḥ || 21||

महाभुजो महापादो महातन्त्रो महाद्युतिः ।महर्द्धिर्महनीयाङ्गो मयूरवरवाहनः ॥ २२॥

mahābhujo mahāpādo mahātantro mahādyutiḥ |maharddhirmahanīyāṅgo mayūravaravāhanaḥ || 22||

मयूरबर्हातपत्रो मयूरनटनप्रियः ।महानुभावोऽमेय श्रीरमेयात्मा महाप्रभुः ॥ २३॥

mayūrabarhātapatro mayūranaṭanapriyaḥ |mahānubhāvo'meya śrīrameyātmā mahāprabhuḥ || 23||

सगुणो दुर्गुणद्वेषी निर्गुणो निर्मलोऽमलः ।चञ्चलो विमलः कान्तो कमलापतिपूजितः ॥ २४॥

saguṇo durguṇadveṣī nirguṇo nirmalo'malaḥ |cañcalo vimalaḥ kānto kamalāpatipūjitaḥ || 24||

कालः कमलपत्राक्षः कलिकल्मषनाशनः ।महारणो महायोधो महाबुद्धिप्रदायकः ॥ २५॥

kālaḥ kamalapatrākṣaḥ kalikalmaṣanāśanaḥ |mahāraṇo mahāyodho mahābuddhipradāyakaḥ || 25||

महारथो महाभागो महाभीष्टफलप्रदः ।चन्द्रचूडाङ्गभूभागविहारणविशारदः ॥ २६॥

mahāratho mahābhāgo mahābhīṣṭaphalapradaḥ |candracūḍāṅgabhūbhāgavihāraṇaviśāradaḥ || 26||

चन्द्रपीडाकराम्भोजपरिमृष्टभुजावलिः ।ईशाननयनानन्दकन्दो लावण्यशेवधिः ॥ २७॥

candrapīḍākarāmbhojaparimṛṣṭabhujāvaliḥ |īśānanayanānandakando lāvaṇyaśevadhiḥ || 27||

लम्बोदरसहक्रीडालम्पटः शरसम्भवः ।अमरीनयनालोकचकोरीपूर्णचन्द्रमाः ॥ २८॥

lambodarasahakrīḍālampaṭaḥ śarasambhavaḥ |amarīnayanālokacakorīpūrṇacandramāḥ || 28||

सर्वाङ्गसुन्दरः श्रीश श्रीकरः श्रीप्रदः शिवः ।वल्लीसेनापतिर्वीरो जपाशोणग्रतालुकः ॥ २९॥

sarvāṅgasundaraḥ śrīśa śrīkaraḥ śrīpradaḥ śivaḥ |vallīsenāpatirvīro japāśoṇagratālukaḥ || 29||

षड्जमध्यमगान्धारतन्त्रीसुमधुरस्वरः ।मेघगम्भीरनिर्घोषः प्रियवाक् प्रीतनिर्जरः ॥ ३०॥

ṣaḍjamadhyamagāndhāratantrīsumadhurasvaraḥ |meghagambhīranirghoṣaḥ priyavāk prītanirjaraḥ || 30||

स्मितवक्त्रो ह्युत्पलाक्षश्चारुगम्भीरवीक्षणः ।कर्णान्तदीर्घनयनः कर्णभूषणभूषितः ॥ ३१॥

smitavaktro hyutpalākṣaścārugambhīravīkṣaṇaḥ |karṇāntadīrghanayanaḥ karṇabhūṣaṇabhūṣitaḥ || 31||

सुकुण्डलश्चारुगण्डः कम्बुग्रीवो महाहनुः ।पीनाङ्गो गूढजत्रुश्च पीनवृत्तभुजावलिः ॥ ३२॥

sukuṇḍalaścārugaṇḍaḥ kambugrīvo mahāhanuḥ |pīnāṅgo gūḍhajatruśca pīnavṛttabhujāvaliḥ || 32||

रत्नाङ्गो रत्नकेयूरकङ्कणो रत्नभूषितः ।व्याकीर्णकलसद्वामप्रकोष्ठवलयोज्ज्वलः ॥ ३३॥

ratnāṅgo ratnakeyūrakaṅkaṇo ratnabhūṣitaḥ |vyākīrṇakalasadvāmaprakoṣṭhavalayojjvalaḥ || 33||

रेखाङ्कुशध्वजच्छत्रपाणिपद्ममहायुधः ।(छत्राङ्कुशपताकाब्जरेखारञ्जितसत्करः)सुरलोकाभयकरबालारुणकरावलिः ॥ ३४॥

rekhāṅkuśadhvajacchatrapāṇipadmamahāyudhaḥ |(chatrāṅkuśapatākābjarekhārañjitasatkaraḥ)suralokābhayakarabālāruṇakarāvaliḥ || 34||

अङ्गुलीयकरत्नांशुद्विगुणोद्यन्नखाङ्कुरः ।पीनवक्षा महाहारो नवरत्नविभूषितः ॥ ३५॥

aṅgulīyakaratnāṃśudviguṇodyannakhāṅkuraḥ |pīnavakṣā mahāhāro navaratnavibhūṣitaḥ || 35||

हिरण्यगर्भो हेमाङ्गो हिरण्यकवचो हरः ।हिरण्मयशिरस्त्राणो हिरण्याक्षो हिरण्यदः ॥ ३६॥

hiraṇyagarbho hemāṅgo hiraṇyakavaco haraḥ |hiraṇmayaśirastrāṇo hiraṇyākṣo hiraṇyadaḥ || 36||

हिरण्यनाभस्त्रिवलीललितोदरसुन्दरः ।सुवर्णसूत्रविलसद्विशङ्कटकटीतटः ॥ ३७॥

hiraṇyanābhastrivalīlalitodarasundaraḥ |suvarṇasūtravilasadviśaṅkaṭakaṭītaṭaḥ || 37||

पीताम्बरधरो मुक्तासरोद्भासितमध्यमः ।नवरत्नावलिप्रोद्यन्मेखलोऽङ्गुलिभूषणः ॥ ३८॥

pītāmbaradharo muktāsarodbhāsitamadhyamaḥ |navaratnāvaliprodyanmekhalo'ṅgulibhūṣaṇaḥ || 38||

पीवरोरुः सुवृत्तोद्यत्सुजानुः सुप्रगुल्फकः ।शङ्खचक्राब्जकुलिशध्वजरेखालसत्पदः ॥ ३९॥

pīvaroruḥ suvṛttodyatsujānuḥ supragulphakaḥ |śaṅkhacakrābjakuliśadhvajarekhālasatpadaḥ || 39||

सुरेन्द्रमकुटप्रोद्यन्मणीरञ्जितपादुकः ।पूज्याङ्घ्रिश्चारुनखरः सुरालिनतपादुकः ॥ ४०॥

surendramakuṭaprodyanmaṇīrañjitapādukaḥ |pūjyāṅghriścārunakharaḥ surālinatapādukaḥ || 40||

पार्वतीपाणिकमलपरिमृष्टाङ्गसुन्दरः ।मत्तमातङ्गगमनो मान्यो मान्यगुणाकरः ॥ ४१॥

pārvatīpāṇikamalaparimṛṣṭāṅgasundaraḥ |mattamātaṅgagamano mānyo mānyaguṇākaraḥ || 41||

क्रौञ्चदैत्यमहोद्दामवक्षःस्थलविदारणः ।सुगमो दुर्गमो दुर्गे दुरारोहोऽरिदुःसहः ॥ ४२॥

krauñcadaityamahoddāmavakṣaḥsthalavidāraṇaḥ |sugamo durgamo durge durāroho'riduḥsahaḥ || 42||

सुभगः सुमुखः सूर्यः सूर्यमण्डलमध्यगः ।सृष्टिकर्तोपसंहर्ता कृपासंरक्षिताखिलः ॥ ४३॥

subhagaḥ sumukhaḥ sūryaḥ sūryamaṇḍalamadhyagaḥ |sṛṣṭikartopasaṃhartā kṛpāsaṃrakṣitākhilaḥ || 43||

जगत्स्रष्टा जगद्भर्ता जगत्संहारकारकः ।स्थावरं जङ्गमो जेता विजयो विजयप्रदः ॥ ४४॥

jagatsraṣṭā jagadbhartā jagatsaṃhārakārakaḥ |sthāvaraṃ jaṅgamo jetā vijayo vijayapradaḥ || 44||

जयशीलो जितारातिर्जितमानो जितासुरः ।जितकामो जितक्रोधो जितमोहमदो युवा ॥ ४५॥

jayaśīlo jitārātirjitamāno jitāsuraḥ |jitakāmo jitakrodho jitamohamado yuvā || 45||

कामदः कामभृत्कामी कामिकाद्यागमप्रियः ।जितकल्पः कलिध्वंसी कल्हारकुसुमप्रियः ॥ ४६॥

kāmadaḥ kāmabhṛtkāmī kāmikādyāgamapriyaḥ |jitakalpaḥ kalidhvaṃsī kalhārakusumapriyaḥ || 46||

रामो रमयितारम्यो रमणीजनवल्लभः ।रसज्ञो रसमूर्तिश्च रस्यो नवरसात्मकः ॥ ४७॥

rāmo ramayitāramyo ramaṇījanavallabhaḥ |rasajño rasamūrtiśca rasyo navarasātmakaḥ || 47||

रता(सा)त्मा रसिकात्मा च रासक्रीडापरो रतिः ।कोटिसूर्यप्रकाशाभः सोमसूर्याग्निलोचनः ॥ ४८॥

ratā(sā)tmā rasikātmā ca rāsakrīḍāparo ratiḥ |koṭisūryaprakāśābhaḥ somasūryāgnilocanaḥ || 48||

कालाभिज्ञः कलारूपः कलावान् सकलप्रभुः ।बिन्दुनादकलामूर्तिः कालातीतः क्षराक्षरः ॥ ४९॥

kālābhijñaḥ kalārūpaḥ kalāvān sakalaprabhuḥ |bindunādakalāmūrtiḥ kālātītaḥ kṣarākṣaraḥ || 49||

मात्रास्वराकृतिश्चैक एकमात्रो द्विमात्रकः ।त्रिमात्रकश्चतुर्मात्रो मात्रतीतोऽतिमात्रकः ॥ ५०॥

mātrāsvarākṛtiścaika ekamātro dvimātrakaḥ |trimātrakaścaturmātro mātratīto'timātrakaḥ || 50||

व्यञ्जनात्मा वियुक्तात्मा युक्तोमुक्तिप्रदो गुरुः ।विसर्जनीयोऽनुस्वारः सर्ववर्णतनुर्महान् ॥ ५१॥

vyañjanātmā viyuktātmā yuktomuktiprado guruḥ |visarjanīyo'nusvāraḥ sarvavarṇatanurmahān || 51||

अकारात्मा उकारात्मा मकारात्मा त्रिवर्णकः ।ओङ्कारश्च वषट्कारः स्वाहाकारः स्वधाकृतिः ॥ ५२॥

akārātmā ukārātmā makārātmā trivarṇakaḥ |oṅkāraśca vaṣaṭkāraḥ svāhākāraḥ svadhākṛtiḥ || 52||

अकृतिर्भवनो हव्यं होताऽध्वर्युर्महाहविः ।ब्रह्मोद्गाता सदस्यश्च बर्हिरिध्मः समिच्चरुः ॥ ५३॥

akṛtirbhavano havyaṃ hotā'dhvaryurmahāhaviḥ |brahmodgātā sadasyaśca barhiridhmaḥ samiccaruḥ || 53||

गव्यः पशुः पुरोडाशश्चामिक्षा वाजिवाहनः ।पवनः पावनः पूतः पवमानः पराकृतिः ॥ ५४॥

gavyaḥ paśuḥ puroḍāśaścāmikṣā vājivāhanaḥ |pavanaḥ pāvanaḥ pūtaḥ pavamānaḥ parākṛtiḥ || 54||

पवित्रः परिधिः पूर्णपात्रः पूर्णमनोरथः ।विशोधनः पशुपतिः पशुपाशविमोकः ॥ ५५॥

pavitraḥ paridhiḥ pūrṇapātraḥ pūrṇamanorathaḥ |viśodhanaḥ paśupatiḥ paśupāśavimokaḥ || 55||

पाकयज्ञो महायज्ञो यज्ञो यज्ञपतिर्यजुः ।यज्ञाङ्गो यज्ञ इज्यश्च यज्वा यज्ञफलप्रदः ॥ ५६॥

pākayajño mahāyajño yajño yajñapatiryajuḥ |yajñāṅgo yajña ijyaśca yajvā yajñaphalapradaḥ || 56||

यज्ञाङ्गभूर्यज्ञभूमिर्यज्ञश्रीर्यज्ञवाहनः ।याज्ञिको यज्ञविध्वंसी यज्ञेशो यज्ञरक्षकः ॥ ५७॥

yajñāṅgabhūryajñabhūmiryajñaśrīryajñavāhanaḥ |yājñiko yajñavidhvaṃsī yajñeśo yajñarakṣakaḥ || 57||

सहस्रबाहुर्विश्वात्मा सहस्राक्षः सहस्रपात् ।सहस्रवदनो नित्यः सहस्रात्मा विराट् स्वराट् ॥ ५८॥

sahasrabāhurviśvātmā sahasrākṣaḥ sahasrapāt |sahasravadano nityaḥ sahasrātmā virāṭ svarāṭ || 58||

सहस्रशीर्षा विश्वश्च तेजः प्राज्ञो ह्यथात्मवान् ।अणुर्बृहत्कृशः स्थूलो दीर्घो ह्रस्वो लघुर्गुरुः ॥ ५९॥

sahasraśīrṣā viśvaśca tejaḥ prājño hyathātmavān |aṇurbṛhatkṛśaḥ sthūlo dīrgho hrasvo laghurguruḥ || 59||

सूक्ष्मः सूक्ष्मतरोऽनन्तो विश्वरूपो निरञ्जनः ।अमृतेशोऽमृताहारोऽमृतदाताऽमृताङ्गवान् ॥ ६०॥

sūkṣmaḥ sūkṣmataro'nanto viśvarūpo nirañjanaḥ |amṛteśo'mṛtāhāro'mṛtadātā'mṛtāṅgavān || 60||

अहोरूपस्त्रियामा च सन्ध्यारूपो दिनात्मकः ।मुहूर्तो घटिकारूपो यमरूपो यमात्मकः ॥ ६१॥

ahorūpastriyāmā ca sandhyārūpo dinātmakaḥ |muhūrto ghaṭikārūpo yamarūpo yamātmakaḥ || 61||

पूर्वाह्णरूपो मध्याह्नरूपः सायाह्नरूपकः ।अपराह्णोऽतिनिपुणः सवनात्मा प्रजाकरः ॥ ६२॥

pūrvāhṇarūpo madhyāhnarūpaḥ sāyāhnarūpakaḥ |aparāhṇo'tinipuṇaḥ savanātmā prajākaraḥ || 62||

वेद्यो वेदयिता वैद्यो वेदद्रष्टा विदांवरः ।विनयः सत्यसन्धश्च विद्वान् विद्वज्जनप्रियः ॥ ६३॥

vedyo vedayitā vaidyo vedadraṣṭā vidāṃvaraḥ |vinayaḥ satyasandhaśca vidvān vidvajjanapriyaḥ || 63||

विश्वगोप्ता विश्वभोक्ता विश्वकृद्विश्वभेषजम् ।विश्वम्भरो विश्वपतिर्विश्वेशो विश्वतोमुखः ॥ ६४॥

viśvagoptā viśvabhoktā viśvakṛdviśvabheṣajam |viśvambharo viśvapatirviśveśo viśvatomukhaḥ || 64||

विश्वसाक्षी विश्वहन्ता वीरो विश्वम्भराधिपः ।वीरबाहुर्वीरहन्ता वीराग्र्यो वीरसैनिकः ॥ ६५॥

viśvasākṣī viśvahantā vīro viśvambharādhipaḥ |vīrabāhurvīrahantā vīrāgryo vīrasainikaḥ || 65||

वीरवादप्रियः शूरः शूरसेनः सुराधिपः ।शूरपद्मासुरद्वेषी तारकासुरभञ्जनः ॥ ६६॥

vīravādapriyaḥ śūraḥ śūrasenaḥ surādhipaḥ |śūrapadmāsuradveṣī tārakāsurabhañjanaḥ || 66||

ताराधिपस्तारहारः शूरहन्ता सुरार्चितः ।शरवान् शरसम्भूतः शक्तः शरवणोद्भवः ॥ ६७॥

tārādhipastārahāraḥ śūrahantā surārcitaḥ |śaravān śarasambhūtaḥ śaktaḥ śaravaṇodbhavaḥ || 67||

शाम्भवः शङ्करः शम्भुः साधुः साधुजनप्रियः ।सारङ्गः सागरः सर्वः शर्वः शर्वप्रियः स्वराट् ॥ ६८॥

śāmbhavaḥ śaṅkaraḥ śambhuḥ sādhuḥ sādhujanapriyaḥ |sāraṅgaḥ sāgaraḥ sarvaḥ śarvaḥ śarvapriyaḥ svarāṭ || 68||

गङ्गाधरोऽतिगम्भीरो गभीरहृदयोऽनघः ।अमोघघोषो विक्रम्यः शम्भुः शक्रप्रपूजितः ॥ ६९॥

gaṅgādharo'tigambhīro gabhīrahṛdayo'naghaḥ |amoghaghoṣo vikramyaḥ śambhuḥ śakraprapūjitaḥ || 69||

चक्रपाणिश्चक्रपतिर्दिक्चक्रान्तमहीपतिः ।सार्वभौमः सुरपतिः सर्वलोकाभिरक्षकः ॥ ७०॥

cakrapāṇiścakrapatirdikcakrāntamahīpatiḥ |sārvabhaumaḥ surapatiḥ sarvalokābhirakṣakaḥ || 70||

चिद्रूपः सत्यसङ्कल्पः सत्यः सत्यवतांवरः ।सत्यप्रियः सत्यपतिः सत्यलोकजनप्रियः ॥ ७१॥

cidrūpaḥ satyasaṅkalpaḥ satyaḥ satyavatāṃvaraḥ |satyapriyaḥ satyapatiḥ satyalokajanapriyaḥ || 71||

भूतो भव्य भूतनाथ भावाभावविवर्जितः ।भूतादिर्भूतमध्यस्थो भूतविप्लवकारकः ॥ ७२॥

bhūto bhavya bhūtanātha bhāvābhāvavivarjitaḥ |bhūtādirbhūtamadhyastho bhūtaviplavakārakaḥ || 72||

भूतिभूषितसर्वाङ्गो भूताधिष्ठानकोऽव्ययः ।बीजरूपो गुणानिधिस्तेजोराशिरकल्मषः ॥ ७३॥

bhūtibhūṣitasarvāṅgo bhūtādhiṣṭhānako'vyayaḥ |bījarūpo guṇānidhistejorāśirakalmaṣaḥ || 73||

कल्मषघ्नः कल्यहीनः कारुण्यामृतवारिधिः ।कल्याणमूर्तिः कल्याणाचलकार्मुकसम्भवः ॥ ७४॥

kalmaṣaghnaḥ kalyahīnaḥ kāruṇyāmṛtavāridhiḥ |kalyāṇamūrtiḥ kalyāṇācalakārmukasambhavaḥ || 74||

कामात्मा कामदः कान्तः कामक्रोधविवर्जितः ।गोप्ता गोपायिता गुप्तिर्गुणातीतो गुणाश्रयः ॥ ७५॥

kāmātmā kāmadaḥ kāntaḥ kāmakrodhavivarjitaḥ |goptā gopāyitā guptirguṇātīto guṇāśrayaḥ || 75||

सत्वमूर्ती रजोमूर्तिस्तमोमूर्तिश्चिदात्मकः ।देवसेनापतिर्दिव्यमहिमा महिमाकरः ॥ ७६॥

satvamūrtī rajomūrtistamomūrtiścidātmakaḥ |devasenāpatirdivyamahimā mahimākaraḥ || 76||

प्रकाशकृतपापघ्नः पवनः पावनोऽनलः ।कैलासनिलयः कान्तः कनकाचलसन्निभः ॥ ७७॥

prakāśakṛtapāpaghnaḥ pavanaḥ pāvano'nalaḥ |kailāsanilayaḥ kāntaḥ kanakācalasannibhaḥ || 77||

विद्रुमो वेदमूर्तिश्च व्याकृतिः कृतिरक्षकः ।इन्द्रोपेन्द्रादिवन्द्याङ्घ्रिरुरुजङ्घ उरुक्रमः ॥ ७८॥

vidrumo vedamūrtiśca vyākṛtiḥ kṛtirakṣakaḥ |indropendrādivandyāṅghrirurujaṅgha urukramaḥ || 78||

विक्रान्तो विजयाक्रान्तो विजयी विनयप्रियः ।अविनीतजनध्वंसी सर्वापगुणवर्जितः ॥ ७९॥

vikrānto vijayākrānto vijayī vinayapriyaḥ |avinītajanadhvaṃsī sarvāpaguṇavarjitaḥ || 79||

शेषाचलैकनिलयो वल्लीवाञ्छितविभ्रमः ।शाम्भवः शम्भुतनयः शङ्कराङ्गविभूषणः ॥ ८०॥

śeṣācalaikanilayo vallīvāñchitavibhramaḥ |śāmbhavaḥ śambhutanayaḥ śaṅkarāṅgavibhūṣaṇaḥ || 80||

स्वयम्भूः स्ववशः स्वस्थः पुष्करः पुरभिद्भवः ।मनुर्मानवगोप्ता च स्थविष्ठः स्थविरो युवा ॥ ८१॥

svayambhūḥ svavaśaḥ svasthaḥ puṣkaraḥ purabhidbhavaḥ |manurmānavagoptā ca sthaviṣṭhaḥ sthaviro yuvā || 81||

बालः शिशुर्नित्ययुवा नित्यकौमारवान् महान् ।अग्राह्यरूपो ग्राह्यश्च सुग्राह्यः सुन्दराकृतिः ॥ ८२॥

bālaḥ śiśurnityayuvā nityakaumāravān mahān |agrāhyarūpo grāhyaśca sugrāhyaḥ sundarākṛtiḥ || 82||

प्रमर्दनः प्रभूतश्रीर्लोहिताक्षोऽरिमर्दनः ।त्रिधामा त्रिककुब्भव्यस्त्रिलोकनिलयो लयः ॥ ८३॥

pramardanaḥ prabhūtaśrīrlohitākṣo'rimardanaḥ |tridhāmā trikakubbhavyastrilokanilayo layaḥ || 83||

शर्मदः शर्मवान् शर्मी शरण्यः शरणालयः ।स्थाणुः स्थिरतरः स्थेयान् ? (स्थेय) स्थिरश्रीः स्थिरविक्रमः ॥ ८४॥

śarmadaḥ śarmavān śarmī śaraṇyaḥ śaraṇālayaḥ |sthāṇuḥ sthirataraḥ stheyān ? (stheya) sthiraśrīḥ sthiravikramaḥ || 84||

स्थिरप्रतिज्ञः स्थिरधीर्विश्वरेताः प्रजोद्भवः ।अव्ययः प्रत्ययः प्रष्ठः सर्वज्ञः सर्वदर्शनः ॥ ८५॥

sthirapratijñaḥ sthiradhīrviśvaretāḥ prajodbhavaḥ |avyayaḥ pratyayaḥ praṣṭhaḥ sarvajñaḥ sarvadarśanaḥ || 85||

सर्ववागीश्वरः सिद्धः शिवयोगः ? (शिवयोगी) शिवप्रियः ।मनस्वी मानदो मान्यो जैगीषव्यगुरुर्बुधः ॥ ८६॥

sarvavāgīśvaraḥ siddhaḥ śivayogaḥ ? (śivayogī) śivapriyaḥ |manasvī mānado mānyo jaigīṣavyagururbudhaḥ || 86||

समात्मासमदर्शी च सम्मतः समदर्शनः ।भस्मत्रिपुण्ड्कषड्भालो रुद्राक्षकरकङ्कणः ॥ ८७॥

samātmāsamadarśī ca sammataḥ samadarśanaḥ |bhasmatripuṇḍkaṣaḍbhālo rudrākṣakarakaṅkaṇaḥ || 87||

शिवलिङ्गार्चनप्रीतः षडक्षरजपादरः ।शुचिः शुचिमनाः शुद्धः शुचिकीर्तिः शुचिश्रवाः ॥ ८८॥

śivaliṅgārcanaprītaḥ ṣaḍakṣarajapādaraḥ |śuciḥ śucimanāḥ śuddhaḥ śucikīrtiḥ śuciśravāḥ || 88||

रौद्रकर्मा महाकर्मा रुद्रांशो रुद्रसम्भवः ।अनेकमूर्धाविश्वात्मानेकबाहुररिन्दमः ॥ ८९॥

raudrakarmā mahākarmā rudrāṃśo rudrasambhavaḥ |anekamūrdhāviśvātmānekabāhurarindamaḥ || 89||

वीरबाहुगणाध्यक्षो विष्वक्सेनो वितर्दनः ।सर्वदः सर्वगः सर्वः सर्ववेदान्तगोचरः ॥ ९०॥

vīrabāhugaṇādhyakṣo viṣvakseno vitardanaḥ |sarvadaḥ sarvagaḥ sarvaḥ sarvavedāntagocaraḥ || 90||

कविः पुराणः शास्ता च सुब्रह्मण्यालयो हरिः ।भ्राजिष्णुर्विष्णुविनुतः कृष्णकेशः कृशोदरः ॥ ९१॥

kaviḥ purāṇaḥ śāstā ca subrahmaṇyālayo hariḥ |bhrājiṣṇurviṣṇuvinutaḥ kṛṣṇakeśaḥ kṛśodaraḥ || 91||

भोजनं भाजनं भोक्ता विश्वभोक्ता विशां पतिः ।विश्वयोनिर्विशालाक्षो विरागो वीरसेवितः ॥ ९२॥

bhojanaṃ bhājanaṃ bhoktā viśvabhoktā viśāṃ patiḥ |viśvayonirviśālākṣo virāgo vīrasevitaḥ || 92||

पुष्यः पुरुयशाः पूज्यः पुरुकीर्तिः पुनर्वसूः ।सुरेन्द्रः सर्वलोकेन्द्रो महेन्द्रोपेन्द्रवन्दितः ॥ ९३॥

puṣyaḥ puruyaśāḥ pūjyaḥ purukīrtiḥ punarvasūḥ |surendraḥ sarvalokendro mahendropendravanditaḥ || 93||

विश्ववेद्यो विश्वपतिर्विश्वभुग्विश्वभेषजम् ।मधुर्मधुरसङ्गीतो माधवः शुचिरूष्मलः ॥ ९४॥

viśvavedyo viśvapatirviśvabhugviśvabheṣajam |madhurmadhurasaṅgīto mādhavaḥ śucirūṣmalaḥ || 94||

शुक्लः शुभ्रगुणः शुक्रः शोकहर्ताशुचिस्मितः ।महेष्वासो विगुप्तिश्च? (विगुप्तश्च) महीभर्ता महीपतिः ॥ ९५॥

śuklaḥ śubhraguṇaḥ śukraḥ śokahartāśucismitaḥ |maheṣvāso viguptiśca? (viguptaśca) mahībhartā mahīpatiḥ || 95||

मरीचिर्दमनो मायी मातङ्गगतिरुद्रुतः ।हंसः सुपर्णः सुमना भुजङ्गाभभुजावलिः ॥ ९६॥

marīcirdamano māyī mātaṅgagatirudrutaḥ |haṃsaḥ suparṇaḥ sumanā bhujaṅgābhabhujāvaliḥ || 96||

पद्मनाभः पशुपतिः पापघ्नः पापपारगः ।पण्डितः परवीरघ्नः स्कन्धः सेनापतिर्महान् ॥ ९७॥

padmanābhaḥ paśupatiḥ pāpaghnaḥ pāpapāragaḥ |paṇḍitaḥ paravīraghnaḥ skandhaḥ senāpatirmahān || 97||

अर्षणो दुष्टशास्ता च दुर्धर्षो युद्धहर्षणः ।विश्वात्मा सुविधेयात्मा विश्वप्रख्यातविक्रमः ॥ ९८॥

arṣaṇo duṣṭaśāstā ca durdharṣo yuddhaharṣaṇaḥ |viśvātmā suvidheyātmā viśvaprakhyātavikramaḥ || 98||

सन्मार्गदर्शको मार्गरक्षको मार्गपालकः ।अनिरुद्धोऽनिरुद्ध श्रीरादित्यो दैत्यमर्दनः ॥ ९९॥

sanmārgadarśako mārgarakṣako mārgapālakaḥ |aniruddho'niruddha śrīrādityo daityamardanaḥ || 99||

अनिमेषोनिमेषोऽथस्त्रिजङ्गद्ग्रामणिर्गुणी ।संवृतात्मा निवृत्तात्मा सर्वात्माऽमितविक्रमः ॥ १००॥

animeṣonimeṣo'thastrijaṅgadgrāmaṇirguṇī |saṃvṛtātmā nivṛttātmā sarvātmā'mitavikramaḥ || 100||

अर्चिष्मानच्युतप्रीतः पाशभृत्पावको मरुत् ।सोमः सौम्यः सोमनुतः सोमयुक् सोमभूषणः ॥ १०१॥

arciṣmānacyutaprītaḥ pāśabhṛtpāvako marut |somaḥ saumyaḥ somanutaḥ somayuk somabhūṣaṇaḥ || 101||

सर्वसामप्रियः साम सर्वयज्ञस्तुतो गुरुः ।उपशान्तिरुमासूनुः उत्फुल्लमुखपङ्कजः ॥ १०२॥

sarvasāmapriyaḥ sāma sarvayajñastuto guruḥ |upaśāntirumāsūnuḥ utphullamukhapaṅkajaḥ || 102||

अमृत्युरसुरारातिर्मूर्तो मृत्युभयोज्झितः ।मन्दारकुसुमापीडो मदनान्तकवल्लभः ॥ १०३॥

amṛtyurasurārātirmūrto mṛtyubhayojjhitaḥ |mandārakusumāpīḍo madanāntakavallabhaḥ || 103||

माल्यवान् मदनाकारो मालतीकुसुमप्रियः ।सुप्रसादः सुराध्यक्षः सुमुखः सुमहायशाः ॥ १०४॥

mālyavān madanākāro mālatīkusumapriyaḥ |suprasādaḥ surādhyakṣaḥ sumukhaḥ sumahāyaśāḥ || 104||

वृषपर्वा विरूपाक्षो वृषसेनो वृषोदरः ।मुक्तो मुक्तगतिर्भोक्ता मुकुन्दो मुद्गरो मुनिः ॥ १०५॥

vṛṣaparvā virūpākṣo vṛṣaseno vṛṣodaraḥ |mukto muktagatirbhoktā mukundo mudgaro muniḥ || 105||

श्रुतवान् श्रुतशास्त्रश्च श्रुतिगम्यः श्रुतिस्तुतः ।वर्धमानो वनरतिः वानप्रस्थनिषेवितः ॥ १०६॥

śrutavān śrutaśāstraśca śrutigamyaḥ śrutistutaḥ |vardhamāno vanaratiḥ vānaprasthaniṣevitaḥ || 106||

वाग्विदो वावदूकात्मा वासुदेवो वरप्रदः ।महेश्वरो महेशष्वासः शक्तिहस्तस्त्रिशूलधृक् ॥ १०७॥

vāgvido vāvadūkātmā vāsudevo varapradaḥ |maheśvaro maheśaṣvāsaḥ śaktihastastriśūladhṛk || 107||

ओजस्तेजश्च तेजस्वी प्रतापी सुप्रतापवान् ।ऋद्धिः समृद्धिः संसिद्धिः सुसिद्धिः सिद्धसेवितः ॥ १०८॥

ojastejaśca tejasvī pratāpī supratāpavān |ṛddhiḥ samṛddhiḥ saṃsiddhiḥ susiddhiḥ siddhasevitaḥ || 108||

अमृतांशुश्चामृतपो ह्यमृतश्चामृतप्रदः ।चन्द्रमाश्चन्द्रवदनश्चण्डश्चन्द्रसुशीतलः ॥ १०९॥

amṛtāṃśuścāmṛtapo hyamṛtaścāmṛtapradaḥ |candramāścandravadanaścaṇḍaścandrasuśītalaḥ || 109||

मतिमान्नीतिमान्नीतिः कीर्तिमान् कीर्तिवर्धनः ।औषधं चौषधीनाथः प्रतीपो भवमोचनः ॥ ११०॥

matimānnītimānnītiḥ kīrtimān kīrtivardhanaḥ |auṣadhaṃ cauṣadhīnāthaḥ pratīpo bhavamocanaḥ || 110||

भास्करो भास्करतरो भानुः पाशविमोचनः ।चतुर्युगव्यवस्थाता युगधर्मप्रवर्तकः ॥ १११॥

bhāskaro bhāskarataro bhānuḥ pāśavimocanaḥ |caturyugavyavasthātā yugadharmapravartakaḥ || 111||

अयुगो मिथुनं योगो योगज्ञो योगपारगः ।महाशनो महादाता महाघोरपराक्रमः ॥ ११२॥

ayugo mithunaṃ yogo yogajño yogapāragaḥ |mahāśano mahādātā mahāghoraparākramaḥ || 112||

युगान्तकृद्युगावर्तो दृश्यादृश्यस्वरूपवान् ।सहस्रजित्सहस्रात्मा सहस्रायुधमण्डितः ॥ ११३॥

yugāntakṛdyugāvarto dṛśyādṛśyasvarūpavān |sahasrajitsahasrātmā sahasrāyudhamaṇḍitaḥ || 113||

अनन्तशूरसंहर्ता सुप्रतिष्ठः सुशाङ्करः ।अक्रोधः क्रोधहन्ता च शत्रु क्रोधविवर्धनः ॥ ११४॥

anantaśūrasaṃhartā supratiṣṭhaḥ suśāṅkaraḥ |akrodhaḥ krodhahantā ca śatru krodhavivardhanaḥ || 114||

विश्वमूर्तिर्विश्वबाहुर्विश्वदृक् विश्वतोमुखः ।विश्वपो विश्वनेता च द्यावाभूम्योर्विवर्धनः ॥ ११५॥

viśvamūrtirviśvabāhurviśvadṛk viśvatomukhaḥ |viśvapo viśvanetā ca dyāvābhūmyorvivardhanaḥ || 115||

अपांनिधिरकर्ता च अन्नदो विनयोज्जवलः ।षाण्मातुरोऽम्बुजभवः प्राणदः प्राणवर्धनः ॥ ११६॥

apāṃnidhirakartā ca annado vinayojjavalaḥ |ṣāṇmāturo'mbujabhavaḥ prāṇadaḥ prāṇavardhanaḥ || 116||

स्कन्दः स्कन्दधरो धुर्यो धैर्यौ धैर्यविवर्धनः ।जितारातिर्धनाध्यक्षो वैद्यनाथोऽनसूयकः ॥ ११७॥

skandaḥ skandadharo dhuryo dhairyau dhairyavivardhanaḥ |jitārātirdhanādhyakṣo vaidyanātho'nasūyakaḥ || 117||

देवदेवो बृहद्भानुः स्वभानुः पद्मवल्लभः ।अकुलः कुलनेता च कुलेष्टश्च कुलेश्वरः ॥ ११८॥

devadevo bṛhadbhānuḥ svabhānuḥ padmavallabhaḥ |akulaḥ kulanetā ca kuleṣṭaśca kuleśvaraḥ || 118||

कुलाचलसुतासूनुरसुहृच्चासुरार्दनः ।निधिर्निधिपतिः पद्मः शङ्खो निधिपतिः पतिः ॥ ११९॥

kulācalasutāsūnurasuhṛccāsurārdanaḥ |nidhirnidhipatiḥ padmaḥ śaṅkho nidhipatiḥ patiḥ || 119||

शतानन्दः शतावर्तः शतायुश्च शतायुधः ।पद्मासनः पद्मनेत्रः पद्माऽङ्घ्रिः पद्मसंस्थितः ॥ १२०॥

śatānandaḥ śatāvartaḥ śatāyuśca śatāyudhaḥ |padmāsanaḥ padmanetraḥ padmā'ṅghriḥ padmasaṃsthitaḥ || 120||

कारणात्मा च कार्यात्मा कामात्मा कामवर्धनः ।त्रिशरीरः शरीरी च शरीरारोग्यवर्धनः ॥ १२१॥

kāraṇātmā ca kāryātmā kāmātmā kāmavardhanaḥ |triśarīraḥ śarīrī ca śarīrārogyavardhanaḥ || 121||

जाग्रत् प्रपञ्चाधिपतिर्विश्वलोकेश्वरेश्वरः ।सुषुप्तिस्थो भीमसेनो महासेनस्तुरीयकः ॥ १२२॥

jāgrat prapañcādhipatirviśvalokeśvareśvaraḥ |suṣuptistho bhīmaseno mahāsenasturīyakaḥ || 122||

स्वापनः स्वःपतिर्लीनो विश्वमूर्तिर्विलोचनः ।वीरायुधो वीरवेषो वीरायुधकरोज्ज्वलः ॥ १२३॥

svāpanaḥ svaḥpatirlīno viśvamūrtirvilocanaḥ |vīrāyudho vīraveṣo vīrāyudhakarojjvalaḥ || 123||

सर्वलक्षणसम्पन्नो लक्ष्मीतान् ? (लक्ष्मीवान्) सर्वलक्षणः ।समयज्ञो यज्ञसेनः समाधिः सामवल्लभः ॥ १२४॥

sarvalakṣaṇasampanno lakṣmītān ? (lakṣmīvān) sarvalakṣaṇaḥ |samayajño yajñasenaḥ samādhiḥ sāmavallabhaḥ || 124||

अमलो मान्यसुप्रीतो वल्लभो भल्लवो बलः ।अहेतुर्हेतुमान् हेतुर्हेतिधृक् हर्तुराश्रयः ॥ १२५॥

amalo mānyasuprīto vallabho bhallavo balaḥ |aheturhetumān heturhetidhṛk harturāśrayaḥ || 125||

विक्षरो रोहितो रक्तो विरक्तो विजनप्रियः ।महीधरो मातरिश्वा माङ्गल्यो मकरालयः ॥ १२६॥

vikṣaro rohito rakto virakto vijanapriyaḥ |mahīdharo mātariśvā māṅgalyo makarālayaḥ || 126||

मध्यः शतादिरक्षोभ्यो रक्षोदारणविक्रमः ।गुहो गुहाशयो गोप्ता गुहेशो गुणवर्धनः ॥ १२७॥

madhyaḥ śatādirakṣobhyo rakṣodāraṇavikramaḥ |guho guhāśayo goptā guheśo guṇavardhanaḥ || 127||

निरुद्योगो महोद्योगो निरीहो निर्णयो मधुः ।महावेगो महाक्रोधो महाप्राणो महेश्वरः ॥ १२८॥

nirudyogo mahodyogo nirīho nirṇayo madhuḥ |mahāvego mahākrodho mahāprāṇo maheśvaraḥ || 128||

अमृताश्यमृताहारो मितभाष्यमितार्थवित् ।अक्षोभ्यः क्षोभकृत्क्षेमः क्षेमवान् क्षोभनाशनः ॥ १२९॥

amṛtāśyamṛtāhāro mitabhāṣyamitārthavit |akṣobhyaḥ kṣobhakṛtkṣemaḥ kṣemavān kṣobhanāśanaḥ || 129||

रुद्रो रुद्रप्रियो मत्तो मत्तकेकिवहः परः ।धर्माधर्मविदां श्रेष्ठो वैकुण्ठो वासवप्रियः ॥ १३०॥

rudro rudrapriyo matto mattakekivahaḥ paraḥ |dharmādharmavidāṃ śreṣṭho vaikuṇṭho vāsavapriyaḥ || 130||

पर(रि)धीरपराक्रान्तः परितुष्टः परासुहृत् ।रञ्जनो रणगो रुष्टो रमणो रात्रिवर्धनः ॥ १३१॥

para(ri)dhīraparākrāntaḥ parituṣṭaḥ parāsuhṛt |rañjano raṇago ruṣṭo ramaṇo rātrivardhanaḥ || 131||

विरजो विक्रमो विद्वान् वीरभद्रप्रियः क्रतुः ।विनायकानुजो धाता नन्दप्रियसखो वटुः ॥ १३२॥

virajo vikramo vidvān vīrabhadrapriyaḥ kratuḥ |vināyakānujo dhātā nandapriyasakho vaṭuḥ || 132||

सर्वशक्तिमतां श्रेष्ठः सर्वदैत्यभयङ्करः ।हत्रुघ्नः सर्वलोकेशः शत्रुश्लाघ्यपराक्रमः ॥ १३३॥

sarvaśaktimatāṃ śreṣṭhaḥ sarvadaityabhayaṅkaraḥ |hatrughnaḥ sarvalokeśaḥ śatruślāghyaparākramaḥ || 133||

शिशिरो वर्षको ग्रीष्मो वसन्तो माधवो मधुः ।वसन्तकेलिनिरतो वनकेलिविशारदः ॥ १३४॥

śiśiro varṣako grīṣmo vasanto mādhavo madhuḥ |vasantakelinirato vanakeliviśāradaḥ || 134||

पुष्पधूलीपरिचितो वनपल्लवशेखरः ।जलकेलीपरिवृतो जह्नुकन्योपलालितः ॥ १३५॥

puṣpadhūlīparicito vanapallavaśekharaḥ |jalakelīparivṛto jahnukanyopalālitaḥ || 135||

गाङ्गेयो गीतकुशलो गङ्गापूरविहारणः ।गङ्गाधरो गणपतिर्गणायुत(र्गणयूथ)समावृतः ॥ १३६॥

gāṅgeyo gītakuśalo gaṅgāpūravihāraṇaḥ |gaṅgādharo gaṇapatirgaṇāyuta(rgaṇayūtha)samāvṛtaḥ || 136||

विश्रामो विक्रमोद्धूतो विश्वभुग्विश्वदक्षिणः ।विश्वगोविश्वधृग्घोरो विश्वरक्षणतत्परः ॥ १३७॥

viśrāmo vikramoddhūto viśvabhugviśvadakṣiṇaḥ |viśvagoviśvadhṛgghoro viśvarakṣaṇatatparaḥ || 137||

विनतानन्दकारी च पार्वतीप्राणनन्दनः ।विशाखः षण्मुखः शास्ता कार्तिकेयो वरप्रदः ॥ १३८॥

vinatānandakārī ca pārvatīprāṇanandanaḥ |viśākhaḥ ṣaṇmukhaḥ śāstā kārtikeyo varapradaḥ || 138||

॥ इति शिवरहस्यान्तर्गते देवैः कृतं स्कन्दसहस्रनामस्तोत्रं सम्पूर्णम् ॥॥ श्रीशिवरहस्यम् । ईशाख्यः द्वादशमांशः । ३८ । ३१३८ ॥

|| iti śivarahasyāntargate devaiḥ kṛtaṃ skandasahasranāmastotraṃ sampūrṇam |||| śrīśivarahasyam | īśākhyaḥ dvādaśamāṃśaḥ | 38 | 3138 ||

– ॥ श्रीशिवरहस्यम् ।ईशाख्यः द्वादशमांशः ।३८ ।३-१३८ ॥

– || śrīśivarahasyam |īśākhyaḥ dvādaśamāṃśaḥ | 38 | 3-138 ||