शिवस्तोत्रम् (विष्णुकृतं १० स्कन्दपुराणान्तर्गतम् जय पृथ्वीमयाकार जय चापोमयाकृते) Vishnukritam 4 Shiva Stotram

विष्णुरुवाच ।जय पृथ्वीमयाकार जय चापोमयाकृते ।जय प्रभाकराकार जयामृतकराकृते ॥ ८॥

viṣṇuruvāca |jaya pṛthvīmayākāra jaya cāpomayākṛte |jaya prabhākarākāra jayāmṛtakarākṛte || 8||

जय वैश्वानराकार जय गन्धवहाकृते ।जय होतृमयाकार जयाकाशमयाकृते ॥ ९॥

jaya vaiśvānarākāra jaya gandhavahākṛte |jaya hotṛmayākāra jayākāśamayākṛte || 9||

रक्ष मां त्रिगुणातीत रक्ष मां कालविग्रह ।रक्ष मामक्षयैश्वर्य रक्ष मां करुणाकर ॥ ३\।२\।१४\।१०॥स्रष्टा त्वं सर्वजगतां रक्षिता सर्वदेहिनाम् ।हर्ता च सर्वभूतानां त्वां विनैवास्ति कोऽपरः ॥ ११॥

rakṣa māṃ triguṇātīta rakṣa māṃ kālavigraha |rakṣa māmakṣayaiśvarya rakṣa māṃ karuṇākara || 3\|2\|14\|10||sraṣṭā tvaṃ sarvajagatāṃ rakṣitā sarvadehinām |hartā ca sarvabhūtānāṃ tvāṃ vinaivāsti ko'paraḥ || 11||

अणूनामप्यणीयांस्त्वं महांस्त्वं महतामपि ।अन्तर्बहिस्त्वमेवैतज्जगदाक्रम्य वर्तसे ॥ १२॥

aṇūnāmapyaṇīyāṃstvaṃ mahāṃstvaṃ mahatāmapi |antarbahistvamevaitajjagadākramya vartase || 12||

निगमास्तव निश्वासा विश्वं ते शिल्पवैभवम् ।स त्वं त्वदीय एवासि ज्ञानमात्मा तव प्रभो ॥ १३॥

nigamāstava niśvāsā viśvaṃ te śilpavaibhavam |sa tvaṃ tvadīya evāsi jñānamātmā tava prabho || 13||

अमरा दानवा दैत्याः सिद्धा विद्याधरा नराः ।प्राणिनः पक्षिणः शैलाः शिखिनोऽपि त्वमेव हि ॥ १४॥

amarā dānavā daityāḥ siddhā vidyādharā narāḥ |prāṇinaḥ pakṣiṇaḥ śailāḥ śikhino'pi tvameva hi || 14||

स्वर्गस्त्वमपवर्गस्त्वं त्वमोङ्कारस्त्वमध्वरः ।त्वं योगस्त्वं परा संवित्किं त्वं न भवसीश्वर ॥ १५॥

svargastvamapavargastvaṃ tvamoṅkārastvamadhvaraḥ |tvaṃ yogastvaṃ parā saṃvitkiṃ tvaṃ na bhavasīśvara || 15||

त्वमादिर्मध्यमन्तश्च तस्थुषां जग्मुषामपि ।कालस्वरूपतां प्राप्य कलयस्यखिलं जगत् ॥ १६॥

tvamādirmadhyamantaśca tasthuṣāṃ jagmuṣāmapi |kālasvarūpatāṃ prāpya kalayasyakhilaṃ jagat || 16||

परेशः परतः शास्ता सर्वानुग्राहकः शिवः ।स एष मे कथङ्कारं साक्षाद्भवति धूर्जटिः ॥ १७॥

pareśaḥ parataḥ śāstā sarvānugrāhakaḥ śivaḥ |sa eṣa me kathaṅkāraṃ sākṣādbhavati dhūrjaṭiḥ || 17||

यं दृष्ट्वा शरणं प्राप्तो निःश्रेयसमवाप्नुयात् ।अथ वा स्तौमि तद्धाम जातमात्रं यथामति ॥ १८॥

yaṃ dṛṣṭvā śaraṇaṃ prāpto niḥśreyasamavāpnuyāt |atha vā staumi taddhāma jātamātraṃ yathāmati || 18||

तच्छ्रुत्वैष कृपां कुर्यादवश्यं सर्वतः श्रुतिः ।इति निश्चित्य वैकुण्ठः स्तोतुं समुपचक्रमे ॥ १९॥

tacchrutvaiṣa kṛpāṃ kuryādavaśyaṃ sarvataḥ śrutiḥ |iti niścitya vaikuṇṭhaḥ stotuṃ samupacakrame || 19||

तमेव तैजसं स्तम्भं प्रणम्य परमेश्वरम् ।आदिमध्यान्तरहितं मत्वा तं जगदीश्वरम् ।हठात्तेन विरञ्चेन वार्यमाणोऽपि सस्मितम् ॥ ३\।२\।१४\।२०॥श्रीविष्णुरुवाच ।जय देव महादेव वामदेव वृषध्वज ।कालान्तक क्रतुध्वंसिन्नीलकण्ठेन्दुशेखर ॥ २१॥

tameva taijasaṃ stambhaṃ praṇamya parameśvaram |ādimadhyāntarahitaṃ matvā taṃ jagadīśvaram |haṭhāttena virañcena vāryamāṇo'pi sasmitam || 3\|2\|14\|20||śrīviṣṇuruvāca |jaya deva mahādeva vāmadeva vṛṣadhvaja |kālāntaka kratudhvaṃsinnīlakaṇṭhenduśekhara || 21||

जय शम्भो शिवेशान शर्व त्र्यम्बक धूर्जटे ।स्मरवैरिन्पुराराते स्थाणो भव महेश्वर ॥ २२॥

jaya śambho śiveśāna śarva tryambaka dhūrjaṭe |smaravairinpurārāte sthāṇo bhava maheśvara || 22||

जयेश खण्डपरशो शूलिन्पशुपते हर ।सर्वज्ञ भर्ग भूतेश कपालिन्नीललोहित ॥ २३॥

jayeśa khaṇḍaparaśo śūlinpaśupate hara |sarvajña bharga bhūteśa kapālinnīlalohita || 23||

जय रुद्र मखाराते पिनाकिन्प्रमथाधिप ।गङ्गाधर व्योमकेश गिरीश परमेश्वर ॥ २४॥

jaya rudra makhārāte pinākinpramathādhipa |gaṅgādhara vyomakeśa girīśa parameśvara || 24||

जय भीम मृगव्याध कृत्तिवासः कृपानिधे ।कृशानुरेतः कैलासे नित्यमेव हि वर्तसे ॥ २५॥

jaya bhīma mṛgavyādha kṛttivāsaḥ kṛpānidhe |kṛśānuretaḥ kailāse nityameva hi vartase || 25||

त्वदाज्ञया मरुद्राति फणी वहति भूभरम् ।दीप्यतः सूर्यशशिनौ ब्रह्माण्डं प्लवतेंऽबुधौ ॥ २६॥

tvadājñayā marudrāti phaṇī vahati bhūbharam |dīpyataḥ sūryaśaśinau brahmāṇḍaṃ plavateṃ'budhau || 26||

ज्योतींषि सञ्चरन्ते खे सर्वं त्वच्छासनात्प्रभो ।अहं ब्रह्मा च जगतां सर्गसन्त्राणयोरलम् ॥ २७॥

jyotīṃṣi sañcarante khe sarvaṃ tvacchāsanātprabho |ahaṃ brahmā ca jagatāṃ sargasantrāṇayoralam || 27||

विधाय कल्पसे पुष्ट्यै सूते सस्यानि मेदिनी ।नाक्रामन्त्यव्ययः सीमां यच्च त्वन्महिरेव सः ॥ २८॥

vidhāya kalpase puṣṭyai sūte sasyāni medinī |nākrāmantyavyayaḥ sīmāṃ yacca tvanmahireva saḥ || 28||

अणिमादिमहासिद्धिनिःसाधारणवैभवः ।कथं त्वाममरैरन्यैरुपेक्षे समभिष्टुतम् ॥ २९॥

aṇimādimahāsiddhiniḥsādhāraṇavaibhavaḥ |kathaṃ tvāmamarairanyairupekṣe samabhiṣṭutam || 29||

विशुक्त्वे विस्मरामस्त्वां स्मरामः सङ्कटेऽपि च ।न रोषो जातु भक्तेषु प्रसादः सर्वदैव ते ॥ ३\।२\।१४\।३०॥यदा विधित्सेर्भक्तिं त्वं यदा च प्रावृणोषि ताम् ।मोहबोधौ तदा पुंसां कल्पेते बन्धमोक्षयोः ॥ ३१॥

viśuktve vismarāmastvāṃ smarāmaḥ saṅkaṭe'pi ca |na roṣo jātu bhakteṣu prasādaḥ sarvadaiva te || 3\|2\|14\|30||yadā vidhitserbhaktiṃ tvaṃ yadā ca prāvṛṇoṣi tām |mohabodhau tadā puṃsāṃ kalpete bandhamokṣayoḥ || 31||

इति स्तुतस्साञ्जलिबद्धपाणिना पतिः पशूनामथ चक्रपाणिना ।कृतापहासे च सरोजसम्भवे मदोद्धते प्रादुरभूद्दयानिधिः ॥ ३२॥

iti stutassāñjalibaddhapāṇinā patiḥ paśūnāmatha cakrapāṇinā |kṛtāpahāse ca sarojasambhave madoddhate prādurabhūddayānidhiḥ || 32||

इति श्रीस्कन्दपुराणे माहेश्वरखण्डेऽरुणाचलमाहात्म्येउत्तरार्धे चतुर्दशाध्यायान्तर्गतं विष्णुकृतं शिवस्तोत्रंसमाप्तम् ।स्कन्दपुराण । माहेश्वरखण्ड । अरुणाखण्ड । उत्तरखण्ड । अध्याय १४/२१३१॥स्कन्दपुराण । माहेश्वरखण्ड । अरुणाखण्ड । उत्तरखण्ड । अध्याय १४/२१-३१॥

iti śrīskandapurāṇe māheśvarakhaṇḍe'ruṇācalamāhātmyeuttarārdhe caturdaśādhyāyāntargataṃ viṣṇukṛtaṃ śivastotraṃsamāptam |skandapurāṇa | māheśvarakhaṇḍa | aruṇākhaṇḍa | uttarakhaṇḍa | adhyāya 14/2131||skandapurāṇa | māheśvarakhaṇḍa | aruṇākhaṇḍa | uttarakhaṇḍa | adhyāya 14/21-31||