शिवस्तोत्रम् (विष्णुकृतं ०९ स्कन्दपुराणान्तर्गतम् अथ विष्णुर्नवाम्भोदगम्भीरध्वनिरभ्यधात्) Vishnukritam 3 Shiva Stotram

(अथ विष्णुर्नवाम्भोदगम्भीरध्वनिरभ्यधात् ।वाचः कृतार्थयन्भूयः शुक्लाः शङ्करकीर्त्तनैः ॥विष्णुरुवाच)जय त्रिभुवनाधीश जय गङ्गाधर प्रभो ।जय नाथ विरूपाक्ष जय चन्द्रार्द्धशेखर ॥ १॥

(atha viṣṇurnavāmbhodagambhīradhvanirabhyadhāt |vācaḥ kṛtārthayanbhūyaḥ śuklāḥ śaṅkarakīrttanaiḥ ||viṣṇuruvāca)jaya tribhuvanādhīśa jaya gaṅgādhara prabho |jaya nātha virūpākṣa jaya candrārddhaśekhara || 1||

अव्याजममितं शम्भो कारुण्यं तव वर्द्धते ।येन निर्धूतमखिलं भक्तेषु ज्ञानमाहितम् ॥ २॥

avyājamamitaṃ śambho kāruṇyaṃ tava varddhate |yena nirdhūtamakhilaṃ bhakteṣu jñānamāhitam || 2||

पालनं सर्वविद्यानां प्रापणं भूतिसञ्चयैः ।पुराणं च सपुत्राणां पितुरेव प्रवर्धनम् ॥ ३॥

pālanaṃ sarvavidyānāṃ prāpaṇaṃ bhūtisañcayaiḥ |purāṇaṃ ca saputrāṇāṃ pitureva pravardhanam || 3||

शतानामपि मूर्तीनामेकामपि नवैः स्तवैः ।स्तोतुं न शक्नुमेशान समवायस्तु किं पुनः ॥ ४॥

śatānāmapi mūrtīnāmekāmapi navaiḥ stavaiḥ |stotuṃ na śaknumeśāna samavāyastu kiṃ punaḥ || 4||

त्वमेव त्वामलं वेत्तुं यदि वा त्वत्प्रसादतः ।भ्रमरः कीटमाकृष्य स्वात्मानं किं न चानयेत् ॥ ५॥

tvameva tvāmalaṃ vettuṃ yadi vā tvatprasādataḥ |bhramaraḥ kīṭamākṛṣya svātmānaṃ kiṃ na cānayet || 5||

देवास्त्वदंशसम्भूतिप्रभवो न भवन्ति किम् ।अप्यायस्याग्निकीलस्य दाहे शक्तिर्न किं भवेत् ॥ ६॥

devāstvadaṃśasambhūtiprabhavo na bhavanti kim |apyāyasyāgnikīlasya dāhe śaktirna kiṃ bhavet || 6||

देशकालक्रियायोगाद्यथाग्नेर्भेदसम्भवः ।तथा विषयभेदेन त्वमेकोऽपि विभिद्यसे ॥ ७॥

deśakālakriyāyogādyathāgnerbhedasambhavaḥ |tathā viṣayabhedena tvameko'pi vibhidyase || 7||

अनुग्रहपरो देव मूर्तिं दर्शय शङ्कर ।आवयोरखिलाधार नयनानन्ददायिनीम् ॥ ८॥

anugrahaparo deva mūrtiṃ darśaya śaṅkara |āvayorakhilādhāra nayanānandadāyinīm || 8||

इति श्रीस्कन्दपुराणे माहेश्वरखण्डे अरुणाचलमाहात्म्ये पूर्वार्धेद्वितीयाध्यायान्तर्गतं विष्णुकृतं शिवस्तोत्रं समाप्तम् ।स्कन्दपुराण । माहेश्वरखण्ड । अरुणाखण्ड । पूर्वखण्ड । अध्याय २/१२१९॥स्कन्दपुराण । माहेश्वरखण्ड । अरुणाखण्ड । पूर्वखण्ड । अध्याय २/१२-१९॥

iti śrīskandapurāṇe māheśvarakhaṇḍe aruṇācalamāhātmye pūrvārdhedvitīyādhyāyāntargataṃ viṣṇukṛtaṃ śivastotraṃ samāptam |skandapurāṇa | māheśvarakhaṇḍa | aruṇākhaṇḍa | pūrvakhaṇḍa | adhyāya 2/1219||skandapurāṇa | māheśvarakhaṇḍa | aruṇākhaṇḍa | pūrvakhaṇḍa | adhyāya 2/12-19||