शिवकैलासमौलिविहारवर्णनम् सूतप्रोक्तं Sutaproktam Shivakailasamauliviharavarnanam

सूतःकैलासेऽत्र महादेवस्सन्निधत्ते सदैव हि ।देव्या मणिमये सौधे विहरत्येष शङ्करः ॥ २०॥

sūtaḥkailāse'tra mahādevassannidhatte sadaiva hi |devyā maṇimaye saudhe viharatyeṣa śaṅkaraḥ || 20||

तद्विहारं शृणुष्वाद्य सर्वपापविनाशनम् ।नानाचित्रविचित्राश्च क्रीडास्ताः परमेशितुः ॥ २१॥

tadvihāraṃ śṛṇuṣvādya sarvapāpavināśanam |nānācitravicitrāśca krīḍāstāḥ parameśituḥ || 21||

देव्या सह सुरश्रेष्ठाः केन वा वर्ण्यते हि ताः ॥ २२॥

devyā saha suraśreṣṭhāḥ kena vā varṇyate hi tāḥ || 22||

रुद्राण्यो नवयौवनोच्चलकुचास्तास्सोमधाम्ना निभारत्नोत्थामलकान्तिभूषिततनूवल्यः प्रभाभासुराः ।सम्बद्धस्तनचेलकेशवलयास्सेवाधिकारादराराजन्ते कलधौतसानुशिखहे लीलाझणन्नपुराः ॥ २३॥

rudrāṇyo navayauvanoccalakucāstāssomadhāmnā nibhāratnotthāmalakāntibhūṣitatanūvalyaḥ prabhābhāsurāḥ |sambaddhastanacelakeśavalayāssevādhikārādarārājante kaladhautasānuśikhahe līlājhaṇannapurāḥ || 23||

उद्यत्काव्यनिभाच्छचम्पक महानासालसन्मौक्तिकास्ताराकारसुहीरहारवलयैस्तास्तत्र विद्युल्लताः ।रुद्राश्चापि महेश्वरं त्रिजगतामाधारभूतं हरंतत्तत्कालसुसेवनैरनुपमैश्श्रान्तिं विहायादरात् ॥ २४॥

udyatkāvyanibhācchacampaka mahānāsālasanmauktikāstārākārasuhīrahāravalayaistāstatra vidyullatāḥ |rudrāścāpi maheśvaraṃ trijagatāmādhārabhūtaṃ haraṃtattatkālasusevanairanupamaiśśrāntiṃ vihāyādarāt || 24||

स्नानोद्यन्मणिसुन्दरैच कलशैस्स्रग्गन्धधूपार्पणैर्दीपैः केशसुधूपनैः परिकरैः पर्यङ्कविश्राणनैः ।छत्रैश्चामरवीजनैः प्रपदकैरादर्शताम्बूलकैर्वीणाभिः पटवासखङ्गसुकरैस्सेवन्ति शर्वं शिवाम् ॥ २५॥

snānodyanmaṇisundaraica kalaśaissraggandhadhūpārpaṇairdīpaiḥ keśasudhūpanaiḥ parikaraiḥ paryaṅkaviśrāṇanaiḥ |chatraiścāmaravījanaiḥ prapadakairādarśatāmbūlakairvīṇābhiḥ paṭavāsakhaṅgasukaraissevanti śarvaṃ śivām || 25||

रुद्राण्यो नवकोटयश्च तरुणा रुद्राश्च कोट्यो दशभैरव्योऽथ दिगम्बराश्च सततं कोटीभिरन्वासते ।योगिन्योऽथ त्रिकोटयश्च परितस्ते डाकिनीकोटयोरोहिण्या सहितेन्दुधामवदनास्सेवन्ति शम्भुं शिवाम् ॥ २६॥

rudrāṇyo navakoṭayaśca taruṇā rudrāśca koṭyo daśabhairavyo'tha digambarāśca satataṃ koṭībhiranvāsate |yoginyo'tha trikoṭayaśca paritaste ḍākinīkoṭayorohiṇyā sahitendudhāmavadanāssevanti śambhuṃ śivām || 26||

कैलासे नवशक्तिरत्नविलसत्पीठे महातत्ववाग्जातेनैकककोटिविस्तरयुते श्रीचक्रमध्यङ्गते ।बिन्दौ चन्द्रदिनेशकोटियुगले मञ्चे चतुष्पीठकेपञ्चब्रह्ममये वयं गिरिजया सार्धं हृदादध्महे ॥ २७॥

kailāse navaśaktiratnavilasatpīṭhe mahātatvavāgjātenaikakakoṭivistarayute śrīcakramadhyaṅgate |bindau candradineśakoṭiyugale mañce catuṣpīṭhakepañcabrahmamaye vayaṃ girijayā sārdhaṃ hṛdādadhmahe || 27||

शशिप्रसृमरैः करैस्सितसितायमानो गिरिःप्रभाततसुधाम्बुधेश्चलतरङ्गहस्तोत्थया ।समुच्चलितनौकया सकलरत्नसङ्कॢप्तयासुधांशुशकलालको विहरति स्फुटं सोऽम्बया ॥ २८॥

śaśiprasṛmaraiḥ karaissitasitāyamāno giriḥprabhātatasudhāmbudheścalataraṅgahastotthayā |samuccalitanaukayā sakalaratnasaṅkḷptayāsudhāṃśuśakalālako viharati sphuṭaṃ so'mbayā || 28||

स्वच्छाद्रिपारदमहाकलधौतशैलसानुप्रभासमधिकोन्नतपाण्डराङ्गम् ।चञ्चद्विषाणमुकुटीतटलम्बमानसच्चामरौघपरिवीजितकर्णतालम् ॥ २९॥

svacchādripāradamahākaladhautaśailasānuprabhāsamadhikonnatapāṇḍarāṅgam |cañcadviṣāṇamukuṭītaṭalambamānasaccāmaraughaparivījitakarṇatālam || 29||

कान्त्या स्वया परिमुषन्तमिवोद्यतांशुमुक्षाणमद्रितनयापतिरक्षिफालः ।आरुह्य याति नगराजसुतासहायः ॥ ३०॥

kāntyā svayā parimuṣantamivodyatāṃśumukṣāṇamadritanayāpatirakṣiphālaḥ |āruhya yāti nagarājasutāsahāyaḥ || 30||

उक्षाधस्तलपक्षति प्रचलितो देवस्य पादाम्बुजेस्वस्कन्धे मणिपादुकोत्तमलसत्सानन्दनामा गणः ।पाहीशेति वदञ्छिव महादेव प्रभो मां सदातारानाथकलाधर श्रुतिशिरःकोटीरपालीगत ॥ ३१॥

ukṣādhastalapakṣati pracalito devasya pādāmbujesvaskandhe maṇipādukottamalasatsānandanāmā gaṇaḥ |pāhīśeti vadañchiva mahādeva prabho māṃ sadātārānāthakalādhara śrutiśiraḥkoṭīrapālīgata || 31||

कैलासमौलिधवलोत्तमशृङ्गसंस्थलिङ्गावलं समभिवीक्ष्य महोरुहर्षः ।पश्येति तामगसुतां प्रवदत्यभीक्ष्णं त्र्यक्षोऽक्षताक्षमनसा परिचिन्तनीयः ॥ ३२॥

kailāsamaulidhavalottamaśṛṅgasaṃsthaliṅgāvalaṃ samabhivīkṣya mahoruharṣaḥ |paśyeti tāmagasutāṃ pravadatyabhīkṣṇaṃ tryakṣo'kṣatākṣamanasā paricintanīyaḥ || 32||

सौवर्णरत्नखचितैर्मणिजालकॢप्तैश्चक्रे महोन्नततले शशिधामकुम्भम् ।देव्या रथं रथपतिः प्रथितो हि देवैरारुह्य याति नगमौलिमहो द्विजेन्द्राः ॥ ३३॥

sauvarṇaratnakhacitairmaṇijālakḷptaiścakre mahonnatatale śaśidhāmakumbham |devyā rathaṃ rathapatiḥ prathito hi devairāruhya yāti nagamaulimaho dvijendrāḥ || 33||

नानारत्वयुतप्रभाततिततं मुक्ताच्छगुच्छान्वितंपालीपालिमरालराजनिकरैर्मुक्तावितानैर्युतम् ।भ्राजद्दिव्यपताकचामरयुतं छत्रैरपारैर्युतञ्चारुह्याखिलशैलराजमुतया दिव्यं विमानं हरः ॥ ३४॥

nānāratvayutaprabhātatitataṃ muktācchagucchānvitaṃpālīpālimarālarājanikarairmuktāvitānairyutam |bhrājaddivyapatākacāmarayutaṃ chatrairapārairyutañcāruhyākhilaśailarājamutayā divyaṃ vimānaṃ haraḥ || 34||

कैलासे नवमौलिपालिषु सदा पश्यन्प्रयातीश्वरोदेवादीनखिलान्विलोकयति वै तल्लोकलोकानपि ।ब्रह्माण्डान्तिकतस्स्फुरत्सुरतटिन्याटोपमौलिशिवोविश्वं चित्रमपारचित्रकयुतं युक्तोऽम्बया केवलम् ॥ ३५॥

kailāse navamaulipāliṣu sadā paśyanprayātīśvarodevādīnakhilānvilokayati vai tallokalokānapi |brahmāṇḍāntikatassphuratsurataṭinyāṭopamauliśivoviśvaṃ citramapāracitrakayutaṃ yukto'mbayā kevalam || 35||

॥ इति शिवरहस्यान्तर्गते माहेश्वराख्ये सूतप्रोक्तं शिवकैलासमौलिविहारवर्णनम् ॥॥ श्रीशिवरहस्यम् । माहेश्वराख्यः प्रथमांशः । अध्यायः २२ शिवगौरीसंवादे कैलासलिङ्गवर्णनम् । २३३५॥

|| iti śivarahasyāntargate māheśvarākhye sūtaproktaṃ śivakailāsamaulivihāravarṇanam |||| śrīśivarahasyam | māheśvarākhyaḥ prathamāṃśaḥ | adhyāyaḥ 22 śivagaurīsaṃvāde kailāsaliṅgavarṇanam | 2335||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः २२ – शिवगौरीसंवादे कैलासलिन्गवर्णनम् ।२३-३५॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 22 – śivagaurīsaṃvāde kailāsalingavarṇanam | 23-35||