पञ्चनदीशाष्टकम् Shri Panchanadisha Ashtakam
pañcanadīśāṣṭakam
Shri Panchanadisha Ashtakam (पञ्चनदीशाष्टकम्): an eight-verse hymn (aṣṭaka) to Śiva. 12 verses in Sanskrit with Devanagari and IAST.
- Stotra
- Aṣṭakam
- Śiva
- Ashtaka
पञ्चनदीशाष्टकम्
1 / 12
महादेव भवाकार नीलकण्ठ त्रिलोचन ।शिवशङ्कर सर्वात्मन् पाहि पञ्चनदीपते ॥ १॥
mahādeva bhavākāra nīlakaṇṭha trilocana |śivaśaṅkara sarvātman pāhi pañcanadīpate || 1||
त्रिपुरान्तक सर्वेश चन्द्रशेखर धूर्जटे ।वामदेव क्रतुध्वंसिन् रक्ष पञ्चनदीपते ॥ २॥
tripurāntaka sarveśa candraśekhara dhūrjaṭe |vāmadeva kratudhvaṃsin rakṣa pañcanadīpate || 2||
देवदेव जगन्नाथ पार्वतीरमणप्रभो ।भूतेश शर्व (सर्व) कामारे पाहि पञ्चनदीपते ॥ ३॥
devadeva jagannātha pārvatīramaṇaprabho |bhūteśa śarva (sarva) kāmāre pāhi pañcanadīpate || 3||
शम्भो पशुपते स्थाणो गङ्गाधर मृडाव्यय ।नागाभरण विश्वेश पाहि पञ्चनदीपते ॥ ४॥
śambho paśupate sthāṇo gaṅgādhara mṛḍāvyaya |nāgābharaṇa viśveśa pāhi pañcanadīpate || 4||
पिनाकपाणे श्रीकण्ठ कपालकृतशेखर (कपालधृतशेखर) ।अघोर सद्योजात त्वं पाहि पञ्चनदीपते ॥ ५॥
pinākapāṇe śrīkaṇṭha kapālakṛtaśekhara (kapāladhṛtaśekhara) |aghora sadyojāta tvaṃ pāhi pañcanadīpate || 5||
शूलिन् कपर्दिन् गिरीश भवोद्भव मनोन्मन ।अस्थिभूष दयासिन्धो पाहि पञ्चनदीपते ॥ ६॥
śūlin kapardin girīśa bhavodbhava manonmana |asthibhūṣa dayāsindho pāhi pañcanadīpate || 6||
व्योमकेश त्रयीनाथ वेदान्ताम्बुजभास्कर ।स्वयम्प्रकाश चिद्रूप पाहि पञ्चनदीपते ॥ ७॥
vyomakeśa trayīnātha vedāntāmbujabhāskara |svayamprakāśa cidrūpa pāhi pañcanadīpate || 7||
सर्पराजोर्ध्वसम्बद्धजटामण्डलमण्डित ।पिनाकमृगधृग्देव पाहि पञ्चनदीपते ॥ ८॥
sarparājordhvasambaddhajaṭāmaṇḍalamaṇḍita |pinākamṛgadhṛgdeva pāhi pañcanadīpate || 8||
ममाष्टकमिदं स्तोत्रं प्रतियामं विशेषतः ।पठते वाञ्छितं सर्वं प्रयच्छामि द्विजोत्तम ॥ ९॥
mamāṣṭakamidaṃ stotraṃ pratiyāmaṃ viśeṣataḥ |paṭhate vāñchitaṃ sarvaṃ prayacchāmi dvijottama || 9||
पञ्चापगेश जप्येश प्रणतार्तिहरेति च । (पञ्चापकेश)जपेन्नामत्रयं नित्यं पुनर्जन्म न विद्यते ॥ १०॥
pañcāpageśa japyeśa praṇatārtihareti ca | (pañcāpakeśa)japennāmatrayaṃ nityaṃ punarjanma na vidyate || 10||
रक्ष पञ्चनदीनाथ दयासिन्धो महेश्वर ।अनाथनाथ भक्तानामभयप्रद शङ्कर ॥ ११॥
rakṣa pañcanadīnātha dayāsindho maheśvara |anāthanātha bhaktānāmabhayaprada śaṅkara || 11||
इति श्रीपञ्चनदीशाष्टकं सम्पूर्णम् ।
iti śrīpañcanadīśāṣṭakaṃ sampūrṇam |
॥ इति पञ्चनदीशाष्टकम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Panchanadisha Ashtakam?
Shri Panchanadisha Ashtakam has 12 verses on this page, each shown with its number, Devanagari text and transliteration, and meaning where available.
Can I read Shri Panchanadisha Ashtakam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Panchanadisha Ashtakam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
