पञ्चलिङ्गस्तोत्रम् Shri Panchalinga Stotram

ताम्रयुग्विलेपितं दिगम्बरोपशोभितंवनभ्रमाद्विहारितं विडम्बिताण्डवं नटम् ।धूम्रयुक्तलोचनं सधूम्रदिव्यभाषितंमहाप्रतिष्ठमुर्वितमेकाम्बरेश्वरं भजे ॥ १॥

tāmrayugvilepitaṃ digambaropaśobhitaṃvanabhramādvihāritaṃ viḍambitāṇḍavaṃ naṭam |dhūmrayuktalocanaṃ sadhūmradivyabhāṣitaṃmahāpratiṣṭhamurvitamekāmbareśvaraṃ bhaje || 1||

ध्यायते सुनिर्गुणं सहायते सुरावलिंहयायते चतुःश्रुतिं हरायते महाखलम् ।लीयते चराचरं प्रभायते चतुर्यमं (च यामिनीं )प्रीयते विशाखजम्बुनायकेश्वरं भजे ॥ २॥ (विशाखजमम्बुनायकेश्वरम्)

dhyāyate sunirguṇaṃ sahāyate surāvaliṃhayāyate catuḥśrutiṃ harāyate mahākhalam |līyate carācaraṃ prabhāyate caturyamaṃ (ca yāminīṃ )prīyate viśākhajambunāyakeśvaraṃ bhaje || 2|| (viśākhajamambunāyakeśvaram)

बाणभक्तवत्सलं कृपाणहस्तमण्डितंकरेण चैणधारिणं पुराणपौरुषाञ्चितम् ।स्थाणुरूपरञ्जनं प्रमाणमग्निसेवनंधुरीणलोकधारिणं च शोणनायकं भजे ॥ ३॥

bāṇabhaktavatsalaṃ kṛpāṇahastamaṇḍitaṃkareṇa caiṇadhāriṇaṃ purāṇapauruṣāñcitam |sthāṇurūparañjanaṃ pramāṇamagnisevanaṃdhurīṇalokadhāriṇaṃ ca śoṇanāyakaṃ bhaje || 3||

निस्तुलप्रशस्तसुप्रशस्तनन्दिवाहनंकरस्थले धनञ्जयं भुजस्थले फणाधरम् ।अस्थिमाल्यशोभितं पदस्थलं सुवायुसेवितस्थलप्रबोधकालहस्तिनायकं भजे ॥ ४॥

nistulapraśastasupraśastanandivāhanaṃkarasthale dhanañjayaṃ bhujasthale phaṇādharam |asthimālyaśobhitaṃ padasthalaṃ suvāyusevitasthalaprabodhakālahastināyakaṃ bhaje || 4||

अम्बुजासनार्चितं विडम्बमानसोज्ज्वलंकराम्बुजाम्बुधीश्वरं महाम्बुशक्तिधारिणम् ।कुम्भिनीमहारथं च जम्भभेदिवन्दितंत्रियम्बिकाधवं शिवं चिदम्बरेश्वरं भजे ॥ ५॥ (त्रिकुम्भिका)

ambujāsanārcitaṃ viḍambamānasojjvalaṃkarāmbujāmbudhīśvaraṃ mahāmbuśaktidhāriṇam |kumbhinīmahārathaṃ ca jambhabhedivanditaṃtriyambikādhavaṃ śivaṃ cidambareśvaraṃ bhaje || 5|| (trikumbhikā)

वटविटपिसमीपे भूमिभागे निषण्णंसकलमुनिजनानां ज्ञानदातारमारात् ।त्रिभुवनगुरुमीशं दक्षिणामूर्तिदेवंजननमरणदुःखच्छेददक्षं नमामि ॥॥ इति श्रीपञ्चलिङ्गस्तोत्रं सम्पूर्णम् ॥एकाम्बरेश्वरम्, अम्बुनायकेश्वरम्, शोणनायकम्,कालहस्तिनायकम्, चिदम्बरेश्वरम्

vaṭaviṭapisamīpe bhūmibhāge niṣaṇṇaṃsakalamunijanānāṃ jñānadātāramārāt |tribhuvanagurumīśaṃ dakṣiṇāmūrtidevaṃjananamaraṇaduḥkhacchedadakṣaṃ namāmi |||| iti śrīpañcaliṅgastotraṃ sampūrṇam ||ekāmbareśvaram, ambunāyakeśvaram, śoṇanāyakam,kālahastināyakam, cidambareśvaram