पञ्चाक्षरार्थस्तवः Shri Panchaksharartha Stava

। षडक्षरश्लोकाः ।ओमित्येकाक्षरोऽसि प्रकृतिविरहितस्त्वोमितीदं च सर्वम् ।त्वत्तो भिन्नं न चैतच्छिव तव महिमां (महितं) वक्ति वेदः सदैवों???????????????????? मिस्सिन्ग् इन् मनुस्च्रिप्त्????????????????????॥ १॥

| ṣaḍakṣaraślokāḥ |omityekākṣaro'si prakṛtivirahitastvomitīdaṃ ca sarvam |tvatto bhinnaṃ na caitacchiva tava mahimāṃ (mahitaṃ) vakti vedaḥ sadaivoṃ???????????????????? missing in manuscript????????????????????|| 1||

ईशानस्त्वं सर्वविद्याधिनाथ उद्गीत (थ) स्त्वं वाचकस्त्वं तथैवोम् ।माता मानं मातृकाख्यानसिद्धिः शब्दादीनां मूलमीशस्तथैवोम् ॥ २॥

īśānastvaṃ sarvavidyādhinātha udgīta (tha) stvaṃ vācakastvaṃ tathaivom |mātā mānaṃ mātṛkākhyānasiddhiḥ śabdādīnāṃ mūlamīśastathaivom || 2||

नमस्ते रुद्रस्त्वं श्रुतिगतमनोऽन्तैकवचसांभवानन्तो नाथो नतिकरणनानाविधतनुः ।न हि त्वत्तो भिन्नं जगदपि च नानैव हि मृषानमः शेषी देवो न हि शिव विवादः श्रुतिबलात (?) ॥ ३॥

namaste rudrastvaṃ śrutigatamano'ntaikavacasāṃbhavānanto nātho natikaraṇanānāvidhatanuḥ |na hi tvatto bhinnaṃ jagadapi ca nānaiva hi mṛṣānamaḥ śeṣī devo na hi śiva vivādaḥ śrutibalāta (?) || 3||

महानात्मा मायाविरहितशरीरो मनुगतोमहेशो मन्त्रार्थस्त्वमसि मतिदाता मनसिगः ।मनरवी मध्यस्थो मरणजनानाधन्तरहितोमधुर्मन्ता माता भवसि हर मन्वर्चितपदः ॥ ४॥

mahānātmā māyāvirahitaśarīro manugatomaheśo mantrārthastvamasi matidātā manasigaḥ |manaravī madhyastho maraṇajanānādhantarahitomadhurmantā mātā bhavasi hara manvarcitapadaḥ || 4||

शिवः शिष्टो निष्ठो भवसि शिपिविष्टः शिवतरःसिनीवाल्यः खल्यः शशिधर शिखासूक्तिमहिमा ।शिखी नेत्रो यन्ता भवसि शितिकण्ठस्त्वमसिधृक्शतावर्तो हतो त्वमसि भवहर्तासि जगतां (?) ॥ ५॥

śivaḥ śiṣṭo niṣṭho bhavasi śipiviṣṭaḥ śivataraḥsinīvālyaḥ khalyaḥ śaśidhara śikhāsūktimahimā |śikhī netro yantā bhavasi śitikaṇṭhastvamasidhṛkśatāvarto hato tvamasi bhavahartāsi jagatāṃ (?) || 5||

वाहीकृतोक्ष भगवन् हर वामदेववाताशनाधिपतिभूषितदिव्यकाय ।वास्तव्यवास्तुप महेश्वर वामनेत्राक्लृप्तार्धकाय भगवन् नववारणारे ॥ ६॥

vāhīkṛtokṣa bhagavan hara vāmadevavātāśanādhipatibhūṣitadivyakāya |vāstavyavāstupa maheśvara vāmanetrāklṛptārdhakāya bhagavan navavāraṇāre || 6||

यतो जातं विश्वं यमयति तथान्ते च यदृतेन हि स्वस्थं यस्मान भवति तथा नो नगतिकम् ।यमात्मानं सर्वे न हि खलु विजानन्ति तमसःपरं पारं यत्तद्भवसि यततां वै नियमिता ॥ ७॥

yato jātaṃ viśvaṃ yamayati tathānte ca yadṛtena hi svasthaṃ yasmāna bhavati tathā no nagatikam |yamātmānaṃ sarve na hi khalu vijānanti tamasaḥparaṃ pāraṃ yattadbhavasi yatatāṃ vai niyamitā || 7||

पञ्चाक्षरार्थस्तवमेतदेवम्पठन्ति येवाध्यवसन्तमांशिवे ।(पञ्चाक्षरार्थस्तवमेतमेवम्पठन्ति ये चाध्यवसायवन्तः ।)त एव धन्या जगतीतलेऽस्मिन् तेषां हि मुक्तिः करगा भवेन्ननु ॥ ८॥

pañcākṣarārthastavametadevampaṭhanti yevādhyavasantamāṃśive |(pañcākṣarārthastavametamevampaṭhanti ye cādhyavasāyavantaḥ |)ta eva dhanyā jagatītale'smin teṣāṃ hi muktiḥ karagā bhavennanu || 8||

इति श्रीशिवपञ्चाक्षरार्थस्तवः सम्पूर्णः ।

iti śrīśivapañcākṣarārthastavaḥ sampūrṇaḥ |