नटेशस्तुतिः Shri Natesha Stuti

श्री भृङ्गिमहर्षिप्रणीताश्रीकैलासे प्रदोषे नटति पुरहरे देवदैत्यादिवन्द्येपश्यन्त्यां शैलपुत्र्यां नटनमतिमुदा स्वर्वधूसंवृतायाम् ।ब्रह्मा तालं च वेणुं कलयति मधवा मद्दलं चक्रपाणिःधित्तान्धितान्धिमित्तां धिमिधिमिधिमितान्धिन्धिमी धिन्धिमीति ॥ १॥

śrī bhṛṅgimaharṣipraṇītāśrīkailāse pradoṣe naṭati purahare devadaityādivandyepaśyantyāṃ śailaputryāṃ naṭanamatimudā svarvadhūsaṃvṛtāyām |brahmā tālaṃ ca veṇuṃ kalayati madhavā maddalaṃ cakrapāṇiḥdhittāndhitāndhimittāṃ dhimidhimidhimitāndhindhimī dhindhimīti || 1||

नन्दी मद्दलवाद्यभृद्वितनुते तान्तां तथित्तामितिब्रह्मा तालरवं तकृत्तकृतत त्तत्तत्तकृत्तामिति ।गाने तुम्बुरुनारदौ तनननातानाननाताननाशम्भौ नृत्यति स्वर्णसंसदि सदा झञ्झञ्झणञ्झामिति ॥ २॥

nandī maddalavādyabhṛdvitanute tāntāṃ tathittāmitibrahmā tālaravaṃ takṛttakṛtata ttattattakṛttāmiti |gāne tumburunāradau tanananātānānanātānanāśambhau nṛtyati svarṇasaṃsadi sadā jhañjhañjhaṇañjhāmiti || 2||

चिदम्बरसभायान्तु नृत्तं दृष्ट्वा पिनाकिनः ।बहुधाऽऽनम्य भगवान् भृङ्गी तुष्टाव शङ्करम् ॥ ३॥

cidambarasabhāyāntu nṛttaṃ dṛṣṭvā pinākinaḥ |bahudhā''namya bhagavān bhṛṅgī tuṣṭāva śaṅkaram || 3||

क्रूरं दुष्टतमं स्वधर्मविरमं भ्रष्टं शठं निष्ठुरंनिर्लज्जं कृपणं कृतघ्नमशुचिं बह्वाशनं हिंसकम् ।आशापाशशतप्रवर्तिमनसं दुष्कीर्तिभाजं जडंकारुण्याकर भोः पितः पशुपते दोषाकरं पाहि माम् ॥ ४॥

krūraṃ duṣṭatamaṃ svadharmaviramaṃ bhraṣṭaṃ śaṭhaṃ niṣṭhuraṃnirlajjaṃ kṛpaṇaṃ kṛtaghnamaśuciṃ bahvāśanaṃ hiṃsakam |āśāpāśaśatapravartimanasaṃ duṣkīrtibhājaṃ jaḍaṃkāruṇyākara bhoḥ pitaḥ paśupate doṣākaraṃ pāhi mām || 4||

स्वप्नेऽप्युत्तमगन्धपुष्पनिकरैरीशार्चनावर्जितंध्यानध्येयविचारणाविरहितं तुच्छं सदोच्छृङ्खलम् ।दारिद्र्यास्पदमात्मवैरिवशगं तापत्रयस्यास्पदंकारुण्याकर भोः पितः पशुपते दोषाकरं पाहि माम् ॥ ५॥

svapne'pyuttamagandhapuṣpanikarairīśārcanāvarjitaṃdhyānadhyeyavicāraṇāvirahitaṃ tucchaṃ sadocchṛṅkhalam |dāridryāspadamātmavairivaśagaṃ tāpatrayasyāspadaṃkāruṇyākara bhoḥ pitaḥ paśupate doṣākaraṃ pāhi mām || 5||

कर्मादिस्तुतिकारणं परमिमं निन्दाकरं निन्दितंलुण्टाकं पतितं विपर्यय गतस्वान्तं सदा याचकम् ।कैवल्यापगतं सुखारिनिचयं सर्वप्रदासञ्चयंकारुण्याकर भोः पितः पशुपते दोषाकरं पाहि माम् ॥ ६॥

karmādistutikāraṇaṃ paramimaṃ nindākaraṃ ninditaṃluṇṭākaṃ patitaṃ viparyaya gatasvāntaṃ sadā yācakam |kaivalyāpagataṃ sukhārinicayaṃ sarvapradāsañcayaṃkāruṇyākara bhoḥ pitaḥ paśupate doṣākaraṃ pāhi mām || 6||

सत्यत्यागदयाक्षमाशमदमाद्यर्थानभिज्ञानकंदेवब्राह्मण गोप्रजातिथिपितृज्ञानात्मकानर्चकम् ।विश्वस्तेष्वपकारवञ्चनपरैर्मैत्रीपरं दुर्जयंकारुण्याकर भोः पितः पशुपते दोषाकरं पाहि माम् ॥ ७॥

satyatyāgadayākṣamāśamadamādyarthānabhijñānakaṃdevabrāhmaṇa goprajātithipitṛjñānātmakānarcakam |viśvasteṣvapakāravañcanaparairmaitrīparaṃ durjayaṃkāruṇyākara bhoḥ pitaḥ paśupate doṣākaraṃ pāhi mām || 7||

विण्मूत्रक्रिमिमांसशोणितमयं मेदोऽस्थिमज्जात्मकंदुर्गन्धैकनिधिं जरापरिगतं वातादिदोषास्पदम् ।दृष्ट्वापि स्वकलेवरं कृशमयं तत्रापि रक्तं पशुंकारुण्याकर भोः पितः पशुपते दोषाकरं पाहि माम् ॥ ८॥

viṇmūtrakrimimāṃsaśoṇitamayaṃ medo'sthimajjātmakaṃdurgandhaikanidhiṃ jarāparigataṃ vātādidoṣāspadam |dṛṣṭvāpi svakalevaraṃ kṛśamayaṃ tatrāpi raktaṃ paśuṃkāruṇyākara bhoḥ pitaḥ paśupate doṣākaraṃ pāhi mām || 8||

किं वाचा बहुविस्तरेण भगवन् मत्सन्निभो भूतलेभूतो नास्ति च नो भविष्यति पुमान् दौर्भाग्यचूडामणिः ।तस्मादीदृशमात्म वैरिवशगं तापत्रयस्यास्पदंकारुण्याकर भोः पितः पशुपते दोषाकरं पाहि माम् ॥ ९॥

kiṃ vācā bahuvistareṇa bhagavan matsannibho bhūtalebhūto nāsti ca no bhaviṣyati pumān daurbhāgyacūḍāmaṇiḥ |tasmādīdṛśamātma vairivaśagaṃ tāpatrayasyāspadaṃkāruṇyākara bhoḥ pitaḥ paśupate doṣākaraṃ pāhi mām || 9||

शापेर्ष्यामदलोभमोहकरणैः किं वाऽधिकारैर्धनैःकिं दारैः स्वसुखैकसाधनतया शुश्रूषमाणैः पतीन् ।छायामात्रफलैरगारवलयैः किं भूश्रियोवाञ्छयासर्वं भ्रान्तिविजृम्भितं हृदय मे मुक्त्यै शिवं भावय ॥ १०॥

śāperṣyāmadalobhamohakaraṇaiḥ kiṃ vā'dhikārairdhanaiḥkiṃ dāraiḥ svasukhaikasādhanatayā śuśrūṣamāṇaiḥ patīn |chāyāmātraphalairagāravalayaiḥ kiṃ bhūśriyovāñchayāsarvaṃ bhrāntivijṛmbhitaṃ hṛdaya me muktyai śivaṃ bhāvaya || 10||

शार्दूलाङ्घ्रिपतञ्जलिप्रभृतिभिः साकं मुनीन्द्रैर्गणैःशैलादिप्रमथैः हरीन्द्रविबुधैश्चाहं सभायां च ते ।ब्रह्मानन्द निदानताण्डवसुधास्वादी भवेयं विभोनान्यद्वाञ्छितमस्ति मे नटपते भूयो नमस्ते नमः ॥ ११॥

śārdūlāṅghripatañjaliprabhṛtibhiḥ sākaṃ munīndrairgaṇaiḥśailādipramathaiḥ harīndravibudhaiścāhaṃ sabhāyāṃ ca te |brahmānanda nidānatāṇḍavasudhāsvādī bhaveyaṃ vibhonānyadvāñchitamasti me naṭapate bhūyo namaste namaḥ || 11||

भृङ्गिणा रचितामेतां स्तुतिं नित्यं पठन्ति ये ।इह भुक्त्वाऽखिलान् भोगानन्ते यान्ति परं पदम् ॥ १२॥

bhṛṅgiṇā racitāmetāṃ stutiṃ nityaṃ paṭhanti ye |iha bhuktvā'khilān bhogānante yānti paraṃ padam || 12||

इति श्री भृङ्गिमहर्षिप्रणीता श्रीनटेशस्तुतिः समाप्ता ।

iti śrī bhṛṅgimaharṣipraṇītā śrīnaṭeśastutiḥ samāptā |