नटेशस्तवः Shri Natesha Stava

ह्रीमत्या शिवया विराण्मयमजं हृत्पङ्कजस्थं सदाह्रीणाना शिवकीर्तने हितकरं हेलाहृदा मानिनाम् ।होबेरादिसुगन्धवस्तुरुचिरं हेमाद्रिबाणासनंह्रीङ्कारादिकपादपीठममलं हृद्यं नटेशं भजे ॥ १॥

hrīmatyā śivayā virāṇmayamajaṃ hṛtpaṅkajasthaṃ sadāhrīṇānā śivakīrtane hitakaraṃ helāhṛdā māninām |hoberādisugandhavasturuciraṃ hemādribāṇāsanaṃhrīṅkārādikapādapīṭhamamalaṃ hṛdyaṃ naṭeśaṃ bhaje || 1||

श्रीमज्ज्ञानसभान्तरे प्रविलसच्छ्रीपञ्चवर्णाकृतिश्रीवाणीविनुतापदाननिचयं श्रीवल्लभेनार्चितम् ।श्रीविद्यामनुमोदिनं श्रितजनश्रीदायकं श्रीधरंश्रीचक्रान्तरवासिनं शिवमहं श्रीमन्नटेशं भजे ॥ २॥

śrīmajjñānasabhāntare pravilasacchrīpañcavarṇākṛtiśrīvāṇīvinutāpadānanicayaṃ śrīvallabhenārcitam |śrīvidyāmanumodinaṃ śritajanaśrīdāyakaṃ śrīdharaṃśrīcakrāntaravāsinaṃ śivamahaṃ śrīmannaṭeśaṃ bhaje || 2||

नव्याम्भोजमुखं नमज्जननिधिं नारायणेनार्चितंनाकौकोनगरीनटीलसितकं नागादिनालङ्कृतम् ।नानारूपकनृत्तनादिचतुरं नालीकजान्वेषितं (नर्तनादिचतुरं)नादात्मानमहं नगेन्द्रतन्यानाथं नटेशं भजे ॥ ३॥

navyāmbhojamukhaṃ namajjananidhiṃ nārāyaṇenārcitaṃnākaukonagarīnaṭīlasitakaṃ nāgādinālaṅkṛtam |nānārūpakanṛttanādicaturaṃ nālīkajānveṣitaṃ (nartanādicaturaṃ)nādātmānamahaṃ nagendratanyānāthaṃ naṭeśaṃ bhaje || 3||

मध्यस्थं मधुवैरिमार्गितपदं मद्वंशनाथं प्रभुंमारातीतमतीव मञ्जुवपुषं मन्दारगौरप्रभम् ।मायातीतमशेषमङ्गलनिधिं मद्भावनाभावितंमध्येव्योमसभागुहान्तमखिलाकाशं नटेशं भजे ॥ ४॥

madhyasthaṃ madhuvairimārgitapadaṃ madvaṃśanāthaṃ prabhuṃmārātītamatīva mañjuvapuṣaṃ mandāragauraprabham |māyātītamaśeṣamaṅgalanidhiṃ madbhāvanābhāvitaṃmadhyevyomasabhāguhāntamakhilākāśaṃ naṭeśaṃ bhaje || 4||

शिष्टैः पूजितपादुकं शिवकरं शीतांशुरेखाधरंशिल्पं भक्तजनावने शिथिलिताघौघं शिवायाः प्रियम् ।शिक्षारक्षणमम्बुशा सनशिरोबं हारशीलप्रभुं (रक्षणमम्बुजा सनशिरस्सं)शीतापाङ्गविलोचनं शिवमहं श्रीमनटेशं भजे ॥ ५॥

śiṣṭaiḥ pūjitapādukaṃ śivakaraṃ śītāṃśurekhādharaṃśilpaṃ bhaktajanāvane śithilitāghaughaṃ śivāyāḥ priyam |śikṣārakṣaṇamambuśā sanaśirobaṃ hāraśīlaprabhuṃ (rakṣaṇamambujā sanaśirassaṃ)śītāpāṅgavilocanaṃ śivamahaṃ śrīmanaṭeśaṃ bhaje || 5||

वाणीवल्लभवन्द्यवैभवयुतं वन्दारुचिन्तामणिंवाताशाधिपभूषणं परकृपावारान्निधिं योगिनाम् ।वाञ्छापूर्तिकरं बलारिविनुतं वाहीकृताम्नायकंवामङ्गात्तवराङ्गना मम हृदावासं नटेशं भजे ॥ ६॥ (वामङ्गात्तवराङ्गनं)

vāṇīvallabhavandyavaibhavayutaṃ vandārucintāmaṇiṃvātāśādhipabhūṣaṇaṃ parakṛpāvārānnidhiṃ yoginām |vāñchāpūrtikaraṃ balārivinutaṃ vāhīkṛtāmnāyakaṃvāmaṅgāttavarāṅganā mama hṛdāvāsaṃ naṭeśaṃ bhaje || 6|| (vāmaṅgāttavarāṅganaṃ)

यक्षाधीशसखं यमप्रमथनं यामिन्यधीशासनंयज्ञध्वंसकरं यतीन्द्रविनुतं यज्ञक्रियादीश्वरम् ।याज्यं याजकरूपिणं यमधनैर्यत्नोपलभ्याङ्घ्रिकंवाजीभूतवृषं सदा हृदि ममायत्तं नटेशं भजे ॥ ७॥ (या जीभूत)

yakṣādhīśasakhaṃ yamapramathanaṃ yāminyadhīśāsanaṃyajñadhvaṃsakaraṃ yatīndravinutaṃ yajñakriyādīśvaram |yājyaṃ yājakarūpiṇaṃ yamadhanairyatnopalabhyāṅghrikaṃvājībhūtavṛṣaṃ sadā hṛdi mamāyattaṃ naṭeśaṃ bhaje || 7|| (yā jībhūta)

मायाश्रीविलसच्चिदम्बरमहापञ्चाक्षरैरङ्कितान्श्लोकान् सप्त पठन्ति येऽनुदिवसं चिन्तामणीनामकान् ।तेषां भाग्यमनेकमायुरधिकान् विध्यध्वरान् सत्सुतान् (विद्वद्वरान्)सर्वाभीष्टमसौ ददाति सहसा श्रीमत्सभाधीश्वरः ॥ ८॥

māyāśrīvilasaccidambaramahāpañcākṣarairaṅkitānślokān sapta paṭhanti ye'nudivasaṃ cintāmaṇīnāmakān |teṣāṃ bhāgyamanekamāyuradhikān vidhyadhvarān satsutān (vidvadvarān)sarvābhīṣṭamasau dadāti sahasā śrīmatsabhādhīśvaraḥ || 8||

इति श्रीनटेशस्तवः सम्पूर्णः ।

iti śrīnaṭeśastavaḥ sampūrṇaḥ |