मल्लारिसहस्रनामस्तोत्रम् Shri Mallari Sahasranama Stotram 1000 names

श्रीगणेशाय नमः ।श्रीसरस्वत्यै नमः ।स्थितं कैलासनिलये प्राणेशं लोकशङ्करम् ।उवाच शङ्करं गौरी जगद्धितचिकीर्षया ॥ १॥

śrīgaṇeśāya namaḥ |śrīsarasvatyai namaḥ |sthitaṃ kailāsanilaye prāṇeśaṃ lokaśaṅkaram |uvāca śaṅkaraṃ gaurī jagaddhitacikīrṣayā || 1||

पार्वत्युवाच ।देवदेव महादेव भक्तानन्दविवर्धन ।पृच्छामि त्वामहं चैकं दुःखदारिद्र्यनाशनम् ॥ २॥

pārvatyuvāca |devadeva mahādeva bhaktānandavivardhana |pṛcchāmi tvāmahaṃ caikaṃ duḥkhadāridryanāśanam || 2||

कथयस्व प्रसादेन सर्वज्ञोऽसि जगत्प्रभो ।स्तोत्रं दानं तपो वापि सद्यः कामफलप्रदम् ॥ ३॥

kathayasva prasādena sarvajño'si jagatprabho |stotraṃ dānaṃ tapo vāpi sadyaḥ kāmaphalapradam || 3||

ईश्वर उवाच ।मार्तण्डो भैरवो देवो मल्लारिरहमेव हि ।तस्य नामसहस्रं ते वदामि शृणु भक्तितः ॥ ४॥

īśvara uvāca |mārtaṇḍo bhairavo devo mallārirahameva hi |tasya nāmasahasraṃ te vadāmi śṛṇu bhaktitaḥ || 4||

सर्वलोकार्तिशमनं सर्वसम्पत्प्रदायकम् ।पुत्रपौत्रादि फलदं अपवर्गप्रदं शिवम् ॥ ५॥

sarvalokārtiśamanaṃ sarvasampatpradāyakam |putrapautrādi phaladaṃ apavargapradaṃ śivam || 5||

ईश्वरोस्य ऋषिः प्रोक्तः छन्दोऽनुष्टुप् प्रकीर्तितः ।मल्लारिर्म्हालसायुक्तो देवस्त्रत्र समीरितः ॥ ६॥

īśvarosya ṛṣiḥ proktaḥ chando'nuṣṭup prakīrtitaḥ |mallārirmhālasāyukto devastratra samīritaḥ || 6||

सर्वपापक्षयद्वारा मल्लारिप्रीतये तथा ।समस्तपुरुषार्थस्य सिद्धये विनियोजितः ॥ ७॥

sarvapāpakṣayadvārā mallāriprītaye tathā |samastapuruṣārthasya siddhaye viniyojitaḥ || 7||

मल्लारिर्म्हालसानाथो मेघनाथो महीपतिः ।मैरालः खड्गराजश्चेत्यमीभिर्नाममन्त्रकैः ॥ ८॥

mallārirmhālasānātho meghanātho mahīpatiḥ |mairālaḥ khaḍgarājaścetyamībhirnāmamantrakaiḥ || 8||

एतैर्नमोन्तैरोमाद्यै करयोश्च हृदादिषु ।न्यासषट्कं पुरा कृत्वा नामावलिं पठेत ॥ ९॥

etairnamontairomādyai karayośca hṛdādiṣu |nyāsaṣaṭkaṃ purā kṛtvā nāmāvaliṃ paṭheta || 9||

अस्य श्रीमल्लारिसहस्रनामस्तोत्रमन्त्रस्य ईश्वर ऋषिः ।म्हालसायुक्त मल्लारिर्देवता । अनुष्टुप्छन्दः ।सर्वपापक्षयद्वारा श्रीमल्लारिप्रीतयेसकलपुरुषार्थसिद्।ह्ध्यर्थे जपे विनियोगः ।ॐ ह्रं ह्रांम्रियमाणानन्दमहालक्ष्मणेनम इति ।अथन्यासः ।मल्लारये नमः अङ्गुष्ठाभ्यां नमः ।म्हालसानाथाय नमः तर्जनीभ्यां नमः ।मेघनाथाय नमः मध्यमाभ्यां नमः ।महीपतये नमः अनामिकाभ्यां नमः ।मैरालाय नमः कनिष्ठिकाभ्यां नमः ।खड्गराजाय नमः करतलकरपृष्ठाभ्यां नमः ।ॐ मल्हारये नमः हृदयाय नमः ।ॐ म्हालसानाथाय नमः शिरसे स्वाहा ।ॐ मेघनाथाय नमः शिखायै वषट् ।ॐ महीपतये नमः कववाय हुं ।ॐ मैरालाय नमः नेत्रत्रयाय वौषट् ।ॐ खड्गराजाय नमः अस्त्राय फट् ।अथ ध्यानम् ।ध्यायेन्मल्लारिदेवं कनकगिरीनिभं म्हालसाभूषिताङ्कंश्वेताश्वं खड्गहस्तं विबुधबुधगणैः सेव्यमानं कृतार्थैः ।युक्ताघ्रिं दैत्यमूर्घ्नीडमरुविलसितं नैशचूर्णाभिरामंनित्यं भक्तेषुतुष्टं श्वगणपरिवृतं वीरमोङ्कारगम्यम् ॥ १॥

asya śrīmallārisahasranāmastotramantrasya īśvara ṛṣiḥ |mhālasāyukta mallārirdevatā | anuṣṭupchandaḥ |sarvapāpakṣayadvārā śrīmallāriprītayesakalapuruṣārthasid|hdhyarthe jape viniyogaḥ |oṃ hraṃ hrāṃmriyamāṇānandamahālakṣmaṇenama iti |athanyāsaḥ |mallāraye namaḥ aṅguṣṭhābhyāṃ namaḥ |mhālasānāthāya namaḥ tarjanībhyāṃ namaḥ |meghanāthāya namaḥ madhyamābhyāṃ namaḥ |mahīpataye namaḥ anāmikābhyāṃ namaḥ |mairālāya namaḥ kaniṣṭhikābhyāṃ namaḥ |khaḍgarājāya namaḥ karatalakarapṛṣṭhābhyāṃ namaḥ |oṃ malhāraye namaḥ hṛdayāya namaḥ |oṃ mhālasānāthāya namaḥ śirase svāhā |oṃ meghanāthāya namaḥ śikhāyai vaṣaṭ |oṃ mahīpataye namaḥ kavavāya huṃ |oṃ mairālāya namaḥ netratrayāya vauṣaṭ |oṃ khaḍgarājāya namaḥ astrāya phaṭ |atha dhyānam |dhyāyenmallāridevaṃ kanakagirīnibhaṃ mhālasābhūṣitāṅkaṃśvetāśvaṃ khaḍgahastaṃ vibudhabudhagaṇaiḥ sevyamānaṃ kṛtārthaiḥ |yuktāghriṃ daityamūrghnīḍamaruvilasitaṃ naiśacūrṇābhirāmaṃnityaṃ bhakteṣutuṣṭaṃ śvagaṇaparivṛtaṃ vīramoṅkāragamyam || 1||

मूलमन्त्रः ।ॐ ह्रीं क्रूं त्क्रूं स्त्रूं ह्रूं ह्रां म्रियमाणानन्दमहालक्ष्मणे नमः ।इति अलोभः उच्चार्य ।अथनामावलीजपः ।ॐ प्रणवो ब्रह्म उद्गीथ ॐकारार्थो महेश्वरः ।मणिमल्लमहादैत्यसंहर्ता भुवनेश्वरः ॥ १॥

mūlamantraḥ |oṃ hrīṃ krūṃ tkrūṃ strūṃ hrūṃ hrāṃ mriyamāṇānandamahālakṣmaṇe namaḥ |iti alobhaḥ uccārya |athanāmāvalījapaḥ |oṃ praṇavo brahma udgītha oṃkārārtho maheśvaraḥ |maṇimallamahādaityasaṃhartā bhuvaneśvaraḥ || 1||

देवाधिदेव ॐकारः सन्तप्तामरतापहा ।गणकोटियुतः कान्तो भक्तर्चितामणिः प्रभु ॥ २॥

devādhideva oṃkāraḥ santaptāmaratāpahā |gaṇakoṭiyutaḥ kānto bhaktarcitāmaṇiḥ prabhu || 2||

प्रीतात्मा प्रथितः प्राण ऊर्जितः सत्यसेवकः ।मार्तण्डभैरवो देवो गङ्गाह्मालसिकाप्रियः ॥ ३॥

prītātmā prathitaḥ prāṇa ūrjitaḥ satyasevakaḥ |mārtaṇḍabhairavo devo gaṅgāhmālasikāpriyaḥ || 3||

गुणग्रामान्वितः श्रीमान् जयवान् प्रमथाग्रणीः ।दीनानाथप्रतीकाशः स्वयम्भूरजरामरः ॥ ४॥

guṇagrāmānvitaḥ śrīmān jayavān pramathāgraṇīḥ |dīnānāthapratīkāśaḥ svayambhūrajarāmaraḥ || 4||

अखण्डितप्रीतमना मल्लहा सत्यसङ्गरः ।आनन्दरूपपरमपरमाश्चर्यकृद्गुरुः ॥ ५॥

akhaṇḍitaprītamanā mallahā satyasaṅgaraḥ |ānandarūpaparamaparamāścaryakṛdguruḥ || 5||

अजितोविश्वसञ्जेता समराङ्गणदुर्जयः ।खण्डिताखिलाविघ्नौघः परमार्थप्रतापवान् ॥ ६॥

ajitoviśvasañjetā samarāṅgaṇadurjayaḥ |khaṇḍitākhilāvighnaughaḥ paramārthapratāpavān || 6||

अमोघविद्यः सर्वज्ञः शरण्यः सर्वदैवतम् ।अनङ्गविजयी ज्यायान् जनत्राता भयापहा ॥ ७॥

amoghavidyaḥ sarvajñaḥ śaraṇyaḥ sarvadaivatam |anaṅgavijayī jyāyān janatrātā bhayāpahā || 7||

महाहिवलयो धाता चन्द्रमार्तण्ड्कुण्डलः ।हरो डमरुडाङ्कारी त्रिशूली खड्गपात्रवान् ॥ ८॥

mahāhivalayo dhātā candramārtaṇḍkuṇḍalaḥ |haro ḍamaruḍāṅkārī triśūlī khaḍgapātravān || 8||

मणियुद्धमहा हृष्टोमुण्डमालाविराजितः ।खण्डेन्दुशेखरस्त्र्यक्षो महामुकुटमण्डितः ॥ ९॥

maṇiyuddhamahā hṛṣṭomuṇḍamālāvirājitaḥ |khaṇḍenduśekharastryakṣo mahāmukuṭamaṇḍitaḥ || 9||

वसन्तकेलिदुर्धर्षः शिखिपिच्छशिखामणिः ।गङ्गाम्हालसिकाङ्कश्च गङ्गाम्हालसिकापतिः ॥ १०॥

vasantakelidurdharṣaḥ śikhipicchaśikhāmaṇiḥ |gaṅgāmhālasikāṅkaśca gaṅgāmhālasikāpatiḥ || 10||

तुरङ्गमसमारूढो लिङ्गद्वयकृताकृतिः ।ऋषिदेवगणाकीर्णः पिशाचबलिपालकः ॥ ११॥

turaṅgamasamārūḍho liṅgadvayakṛtākṛtiḥ |ṛṣidevagaṇākīrṇaḥ piśācabalipālakaḥ || 11||

सूर्यकोटिप्रतीकाशश्चन्द्रकोटिसमप्रभः ।अष्टसिद्धिसमायुक्तः सुरश्रेष्ठः सुखार्णवः ॥ १२॥

sūryakoṭipratīkāśaścandrakoṭisamaprabhaḥ |aṣṭasiddhisamāyuktaḥ suraśreṣṭhaḥ sukhārṇavaḥ || 12||

महाबलोदुराराध्योदक्षसिद्धिप्रदायकः ।वरदोवीतरागश्चकलिप्रमथनः स्वराट् ॥ १३॥

mahābalodurārādhyodakṣasiddhipradāyakaḥ |varadovītarāgaścakalipramathanaḥ svarāṭ || 13||

दुष्टहादानवारातिरुत्कृष्टफलदायकः ।भवः कृपालुर्विश्वात्माधर्मपुत्रर्षिभीतिहा ॥ १४॥

duṣṭahādānavārātirutkṛṣṭaphaladāyakaḥ |bhavaḥ kṛpālurviśvātmādharmaputrarṣibhītihā || 14||

रुद्रो विविज्ञः श्रीकण्ठः पञ्चवक्त्रः सुधैकभूः ।प्रजापालो विशेषज्ञश्चतुर्वक्त्रः प्रजापतिः ॥ १५॥

rudro vivijñaḥ śrīkaṇṭhaḥ pañcavaktraḥ sudhaikabhūḥ |prajāpālo viśeṣajñaścaturvaktraḥ prajāpatiḥ || 15||

खड्गराजः कृपासिन्धुर्मल्लसैन्यविनाशनः ।अद्वैतः पावनः पाता परार्थैकप्रयोजनम् ॥ १६॥

khaḍgarājaḥ kṛpāsindhurmallasainyavināśanaḥ |advaitaḥ pāvanaḥ pātā parārthaikaprayojanam || 16||

ज्ञानसाध्योमल्लहरः पार्श्वस्थमणिकासुरः ।अष्टधा भजनप्रीतो भर्गोमृन्मयचेतनः ॥ १७॥

jñānasādhyomallaharaḥ pārśvasthamaṇikāsuraḥ |aṣṭadhā bhajanaprīto bhargomṛnmayacetanaḥ || 17||

महीमयमहामूर्तिर्महीमलयसत्तनुः ।उल्लोलखड्गो मणिहा मणिदैत्यकृतस्तुतिः ॥ १८॥

mahīmayamahāmūrtirmahīmalayasattanuḥ |ullolakhaḍgo maṇihā maṇidaityakṛtastutiḥ || 18||

सप्तकोटिगणाधीशो मेघनाथो महीपतिः ।महीतनुः खड्गराजो मल्लस्तोत्रवरप्रदः ॥ १९॥

saptakoṭigaṇādhīśo meghanātho mahīpatiḥ |mahītanuḥ khaḍgarājo mallastotravarapradaḥ || 19||

प्रतापी दुर्जयः सेव्यः कलावान्विश्वरञ्जकः ।स्वर्णवर्णोद्भुताकारः कार्तिकेयो मनोजवः ॥ २०॥

pratāpī durjayaḥ sevyaḥ kalāvānviśvarañjakaḥ |svarṇavarṇodbhutākāraḥ kārtikeyo manojavaḥ || 20||

देवकृत्यकरःपूर्णोमणिस्तोत्रवरप्रदः ।इन्द्रः सुरार्चितो राजा शङ्करोभूतनायकः ॥ २१॥

devakṛtyakaraḥpūrṇomaṇistotravarapradaḥ |indraḥ surārcito rājā śaṅkarobhūtanāyakaḥ || 21||

शीतः शाश्वत ईशानः पवित्रः पुण्यपूरुषः ।अग्निपुष्टिप्रदः पूज्यो दीप्यमानसुधाकरः ॥ २२॥

śītaḥ śāśvata īśānaḥ pavitraḥ puṇyapūruṣaḥ |agnipuṣṭipradaḥ pūjyo dīpyamānasudhākaraḥ || 22||

भावी सुमङ्गलः श्रेयान्पुण्यमूर्तिर्यमो मनुः ।जगत्क्षतिहरो हारशरणागतभीतिहा ॥ २३॥

bhāvī sumaṅgalaḥ śreyānpuṇyamūrtiryamo manuḥ |jagatkṣatiharo hāraśaraṇāgatabhītihā || 23||

मल्लद्वेष्टा मणिदेष्टा खण्डराड् म्हालसापतिः ।आधिहा व्याधिहा व्याली वायुः प्रेमपुरप्रियः ॥ २४॥

malladveṣṭā maṇideṣṭā khaṇḍarāḍ mhālasāpatiḥ |ādhihā vyādhihā vyālī vāyuḥ premapurapriyaḥ || 24||

सदातुष्टो निधीशाग्र्यः सुधनश्चिन्तितप्रदः ।ईशानः सुजयो जय्योभजत्कामप्रदः परः ॥ २५॥

sadātuṣṭo nidhīśāgryaḥ sudhanaścintitapradaḥ |īśānaḥ sujayo jayyobhajatkāmapradaḥ paraḥ || 25||

अनर्घ्यः शम्भुरार्तिघ्नो मैरालः सुरपालकः ।गङ्गाप्रियो जगत्त्राता खड्गराण्णयकोविदः ॥ २६॥

anarghyaḥ śambhurārtighno mairālaḥ surapālakaḥ |gaṅgāpriyo jagattrātā khaḍgarāṇṇayakovidaḥ || 26||

अगण्योवरदो वेधा जगन्नाथः सुराग्रणीः ।गङ्गाधरोऽद्भुताकारः कामहा कामदोमृतम् ॥ २७॥

agaṇyovarado vedhā jagannāthaḥ surāgraṇīḥ |gaṅgādharo'dbhutākāraḥ kāmahā kāmadomṛtam || 27||

त्रिनेत्रः कामदमनो मणिमल्लदयार्द्रहृत् ।मल्लदुर्मतिनाशाङ्घ्रिर्मल्लासुरकृत स्तुतिः ॥ २८॥

trinetraḥ kāmadamano maṇimalladayārdrahṛt |malladurmatināśāṅghrirmallāsurakṛta stutiḥ || 28||

त्रिपुरारिर्गणाध्यक्षो विनीतोमुनिवर्णितः ।उद्वेगहा हरिर्भीमो देवराजो बुधोऽपरः ॥ २९॥

tripurārirgaṇādhyakṣo vinītomunivarṇitaḥ |udvegahā harirbhīmo devarājo budho'paraḥ || 29||

सुशीलः सत्त्वसम्पन्नः सुधीरोऽधिकभूतिमान् ।अन्धकारिर्महादेवः साधुपालो यशस्करः ॥ ३०॥

suśīlaḥ sattvasampannaḥ sudhīro'dhikabhūtimān |andhakārirmahādevaḥ sādhupālo yaśaskaraḥ || 30||

सिंहासनस्थः स्वानन्दो धर्मिष्ठो रुद्र आत्मभूः ।योगीश्वरो विश्वभर्ता नियन्ता सच्चरित्रकृत् ॥ ३१॥

siṃhāsanasthaḥ svānando dharmiṣṭho rudra ātmabhūḥ |yogīśvaro viśvabhartā niyantā saccaritrakṛt || 31||

अनन्तकोशः सद्वेषः सुदेशः सर्वतो जयी ।भूरिभाग्यो ज्ञानदीपो मणिप्रोतासनो ध्रुवः ॥ ३२॥

anantakośaḥ sadveṣaḥ sudeśaḥ sarvato jayī |bhūribhāgyo jñānadīpo maṇiprotāsano dhruvaḥ || 32||

अखण्डित श्रीः प्रीतात्मा महामहात्म्यभूषितः ।निरन्तरसुखीजेता स्वर्गदः स्वर्गभूषणः ॥ ३३॥

akhaṇḍita śrīḥ prītātmā mahāmahātmyabhūṣitaḥ |nirantarasukhījetā svargadaḥ svargabhūṣaṇaḥ || 33||

अक्षयः सुग्रहः कामः सर्वविद्याविशारदः ।भक्त्यष्टकप्रियोज्यायाननन्तोऽनन्तसौख्यदः ॥ ३४॥

akṣayaḥ sugrahaḥ kāmaḥ sarvavidyāviśāradaḥ |bhaktyaṣṭakapriyojyāyānananto'nantasaukhyadaḥ || 34||

अपारो रक्षिता नादिर्नित्यात्माक्षयवर्जितः ।महादोषहरो गौरो ब्रह्माण्डप्रतिपादकः ॥ ३५॥

apāro rakṣitā nādirnityātmākṣayavarjitaḥ |mahādoṣaharo gauro brahmāṇḍapratipādakaḥ || 35||

म्हालसेशो महाकीर्तिः कर्मपाशहरो भवः ।नीलकण्ठो मृडो दक्षो मृत्युञ्जय उदारधीः ॥ ३६॥

mhālaseśo mahākīrtiḥ karmapāśaharo bhavaḥ |nīlakaṇṭho mṛḍo dakṣo mṛtyuñjaya udāradhīḥ || 36||

कपर्दी काशिकावासः कैलासनिलयोऽमहान् ।कृत्तिवासाः शूलधरो गिरिजेशो जटाधरः ॥ ३७॥

kapardī kāśikāvāsaḥ kailāsanilayo'mahān |kṛttivāsāḥ śūladharo girijeśo jaṭādharaḥ || 37||

वीरभद्रो जगद्वन्द्यः शरणागतवत्सलः ।आजानुबाहुर्विश्वेशः समस्तभयभञ्जकः ॥ ३८॥

vīrabhadro jagadvandyaḥ śaraṇāgatavatsalaḥ |ājānubāhurviśveśaḥ samastabhayabhañjakaḥ || 38||

स्थाणुः कृतार्थः कल्पेशः स्तवनीयमहोदयः ।स्मृतमात्राखिलाभिज्ञो वन्दनीयो मनोरमः ॥ ३९॥

sthāṇuḥ kṛtārthaḥ kalpeśaḥ stavanīyamahodayaḥ |smṛtamātrākhilābhijño vandanīyo manoramaḥ || 39||

अकालमृत्युहरणो भवपापहरो मृदुः ।त्रिनेत्रो मुनिहृद्वासः प्रणताखिलदुःखहा ॥ ४०॥

akālamṛtyuharaṇo bhavapāpaharo mṛduḥ |trinetro munihṛdvāsaḥ praṇatākhiladuḥkhahā || 40||