मल्लारिकवचम् मल्ल्हारिकवचम् Shri Mallari Kavacham

मल्हारिकवचम्श्रीगणेशाय नमः ।अस्य श्रीमल्लारिकवचमन्त्रस्य स्कन्दऋषिः ।अनुष्ठुप्छन्दः । श्रीमल्लारिदेवता ।श्रीमल्लारिकवचजपे विनियोगः ॥अथ ध्यानम् ।ध्यायेन्मल्लारिदेवं कनकगिरीनिभं म्हालसाभूषिताङ्कंश्वेताश्वं खड्गहस्तं विबुधबुधगणैस्सेव्यमानं कृतार्थे ।युक्ताङ्घ्रि दैत्यमूर्घ्नी डमरुविलसितं नैशचूर्णाभिरामंनित्यंभक्तेषु तुष्टं श्वगणपरिवृतं नित्यमोंकाररूपम् ॥अथ कवचम् ।सनत्कुमार उवाच ।मुनीनां सप्तकोटीनां वरदं भक्तवत्सलम् ।दुष्टमर्दनदेवेशं वन्देऽहं म्हालसापतिम् ॥ १॥

malhārikavacamśrīgaṇeśāya namaḥ |asya śrīmallārikavacamantrasya skandaṛṣiḥ |anuṣṭhupchandaḥ | śrīmallāridevatā |śrīmallārikavacajape viniyogaḥ ||atha dhyānam |dhyāyenmallāridevaṃ kanakagirīnibhaṃ mhālasābhūṣitāṅkaṃśvetāśvaṃ khaḍgahastaṃ vibudhabudhagaṇaissevyamānaṃ kṛtārthe |yuktāṅghri daityamūrghnī ḍamaruvilasitaṃ naiśacūrṇābhirāmaṃnityaṃbhakteṣu tuṣṭaṃ śvagaṇaparivṛtaṃ nityamoṃkārarūpam ||atha kavacam |sanatkumāra uvāca |munīnāṃ saptakoṭīnāṃ varadaṃ bhaktavatsalam |duṣṭamardanadeveśaṃ vande'haṃ mhālasāpatim || 1||

अनुग्रहाय देवानां मणिरत्नगिरी स्थितम् ।प्रसन्नवदनं नित्यं वन्देऽहं मल्लवैरिणम् ॥ २॥

anugrahāya devānāṃ maṇiratnagirī sthitam |prasannavadanaṃ nityaṃ vande'haṃ mallavairiṇam || 2||

सर्वदेवमयं शान्तं कौमारं करुणाकरम् ।आदिरुद्रं महारुद्रं वन्देऽहं सात्विकप्रियम् ॥ ३॥

sarvadevamayaṃ śāntaṃ kaumāraṃ karuṇākaram |ādirudraṃ mahārudraṃ vande'haṃ sātvikapriyam || 3||

भुक्तिमुक्तिप्रदं देवं सर्वाभरणभूषितम् ।कोटिसूर्यप्रतीकाशं वन्देऽहमसुरान्तकम् ॥ ४॥

bhuktimuktipradaṃ devaṃ sarvābharaṇabhūṣitam |koṭisūryapratīkāśaṃ vande'hamasurāntakam || 4||

आदिदेवं महादेवं मल्लारिपरमेश्वरम् ।वीरसत्त्वं विरूपाक्षं वन्देऽहं भक्तवत्सलम् ॥ ५॥

ādidevaṃ mahādevaṃ mallāriparameśvaram |vīrasattvaṃ virūpākṣaṃ vande'haṃ bhaktavatsalam || 5||

भोगरूपपरंज्योतिः शिरोमालाविभूषितम् ।त्रिशूलादिधरं देवं वन्देऽहं लोकरक्षकम् ॥ ६॥

bhogarūpaparaṃjyotiḥ śiromālāvibhūṣitam |triśūlādidharaṃ devaṃ vande'haṃ lokarakṣakam || 6||

इदं पठति यो भक्त्या मल्लारिप्रीतिकारकम् ।भक्तानां वरदं नित्यं प्रणतोऽस्मि महेश्वरम् ॥ ७॥

idaṃ paṭhati yo bhaktyā mallāriprītikārakam |bhaktānāṃ varadaṃ nityaṃ praṇato'smi maheśvaram || 7||

फलश्रुतिःवने रणे महादुर्गे राजचोरभयोऽप्लुते ।शाकिनीडाकिनीभूतपिशाचोरगराक्षसाः ।ग्रहपीडासु रोगेषु विषसर्पभयेषु च ॥ ८॥

phalaśrutiḥvane raṇe mahādurge rājacorabhayo'plute |śākinīḍākinībhūtapiśācoragarākṣasāḥ |grahapīḍāsu rogeṣu viṣasarpabhayeṣu ca || 8||

सदा मल्लारिमल्लारिमल्लारिरिति कीर्तनम् ।सप्तजन्मकृतं पापं तत्क्षणादेव नश्यति ॥ ९॥

sadā mallārimallārimallāririti kīrtanam |saptajanmakṛtaṃ pāpaṃ tatkṣaṇādeva naśyati || 9||

त्रिकाले तु पठेन्नित्यं विष्णुलोकं स गच्छती ।देहान्ते तु तं प्राप्नोती सर्वलोके महीयते ॥ १०॥

trikāle tu paṭhennityaṃ viṣṇulokaṃ sa gacchatī |dehānte tu taṃ prāpnotī sarvaloke mahīyate || 10||

इति श्रीब्रह्माण्डपुराणे क्षेत्रखण्डे मल्लारिमाहात्म्येश्रीमल्हारिकवचं सम्पूर्णम् ।

iti śrībrahmāṇḍapurāṇe kṣetrakhaṇḍe mallārimāhātmyeśrīmalhārikavacaṃ sampūrṇam |