द्राक्षापुरीवासभीमेश्वरसुप्रभातम् Shri Maddrakshapurivasa Bhimeshvarasuprabhatam

श्रीमद्दक्षपुरीवास भीमेश्वर महाप्रभो ।भवच्चरणसान्निद्।ह्ध्ये सुप्रभातं मयार्पितम् ॥ १॥

śrīmaddakṣapurīvāsa bhīmeśvara mahāprabho |bhavaccaraṇasānnid|hdhye suprabhātaṃ mayārpitam || 1||

उत्तिष्ठोत्तिष्ठ भीमेश उत्तिष्ठ वृषवाहन ।उत्तिष्ठ शिव गौरीश त्रैलोक्यं मङ्गलं कुरु ॥ २॥

uttiṣṭhottiṣṭha bhīmeśa uttiṣṭha vṛṣavāhana |uttiṣṭha śiva gaurīśa trailokyaṃ maṅgalaṃ kuru || 2||

जय दक्षपुराधीश जय श्रीवृषभध्वज ।जय माणिक्यदेवीश त्रैलोक्यं मङ्गलं कुरु ॥ ३॥

jaya dakṣapurādhīśa jaya śrīvṛṣabhadhvaja |jaya māṇikyadevīśa trailokyaṃ maṅgalaṃ kuru || 3||

मातस्समस्तजगतां सुखदानदक्षेभीमेशवामनिलये श्रितपारिजाते ।शर्वाणि दक्षपुरनित्यनिवासदीक्षेभीमेशदेवदयिते तव सुप्रभातम् ॥ ४॥

mātassamastajagatāṃ sukhadānadakṣebhīmeśavāmanilaye śritapārijāte |śarvāṇi dakṣapuranityanivāsadīkṣebhīmeśadevadayite tava suprabhātam || 4||

तव सुप्रभातमरविन्दलोचनेभवतु प्रसन्नमुखचन्द्रशोभिते ।विधिवासुदेववनितादिपूजितेभीमेशदेवदयिते तव सुप्रभातम् ॥ ५॥

tava suprabhātamaravindalocanebhavatu prasannamukhacandraśobhite |vidhivāsudevavanitādipūjitebhīmeśadevadayite tava suprabhātam || 5||

शर्वाणि सस्मितलसन्मुखचन्द्रबिम्बेभीमाधरोष्ठपरिपूर्णकृपावलम्बे ।कादम्बिकावननिवासिनि लोकमान्येभीमेशदेवदयिते तव सुप्रभातम् ॥ ६॥

śarvāṇi sasmitalasanmukhacandrabimbebhīmādharoṣṭhaparipūrṇakṛpāvalambe |kādambikāvananivāsini lokamānyebhīmeśadevadayite tava suprabhātam || 6||

चम्पालताङ्गि शुभकारिणि शातकुम्भशुम्भत्प्रभाजयविराजदुरोजयुग्मे ।शर्मप्रदायिनि शशाङ्ककलावतंसेभीमेशदेवदयिते तव सुप्रभातम् ॥ ७॥

campālatāṅgi śubhakāriṇi śātakumbhaśumbhatprabhājayavirājadurojayugme |śarmapradāyini śaśāṅkakalāvataṃsebhīmeśadevadayite tava suprabhātam || 7||

देवेन्द्रमौलिमणिस्थलनतपादपद्मसर्वाप्सराभिनयशोभितचत्वरान्त ।भक्तार्तिपर्वतसुवज्रशिवेश शम्भोश्रीभीमशङ्करविभो तव सुप्रभातम् ॥ ८॥

devendramaulimaṇisthalanatapādapadmasarvāpsarābhinayaśobhitacatvarānta |bhaktārtiparvatasuvajraśiveśa śambhośrībhīmaśaṅkaravibho tava suprabhātam || 8||

श्रीभीमनाथ करुणाकर दीनबन्धोश्रीशादिदेवगणपालितलोकबन्धो ।श्रीपार्वतीवदनपङ्कजपद्मबन्धोश्रीभीमशङ्करविभो तव सुप्रभातम् ॥ ९॥

śrībhīmanātha karuṇākara dīnabandhośrīśādidevagaṇapālitalokabandho |śrīpārvatīvadanapaṅkajapadmabandhośrībhīmaśaṅkaravibho tava suprabhātam || 9||

ब्रह्मादिदेवनुत देवगणाधिनाथदेवेन्द्रवन्द्य मृदुपङ्कजपादयुग्म ।देवर्षिनारदमुनीन्द्रसुगीतकीर्तेश्रीभीमशङ्करविभो तव सुप्रभातम् ॥ १०॥

brahmādidevanuta devagaṇādhināthadevendravandya mṛdupaṅkajapādayugma |devarṣināradamunīndrasugītakīrteśrībhīmaśaṅkaravibho tava suprabhātam || 10||

हीरादिदिव्यमणियुक्तकिरीटहारकेयूरकुण्डललसत्कवचाभिराम ।भक्तार्चित प्रणववाच्यनिजस्वरूपश्रीभीमशङ्करविभो तव सुप्रभातम् ॥ ११॥

hīrādidivyamaṇiyuktakirīṭahārakeyūrakuṇḍalalasatkavacābhirāma |bhaktārcita praṇavavācyanijasvarūpaśrībhīmaśaṅkaravibho tava suprabhātam || 11||

श्रीदक्षवाटपुरसंस्थितदिव्यलिङ्गत्रैलिङ्गलिङ्ग त्रिगुणात्मक शक्तियुक्त ।वन्दारुवृन्दनुत वेदवनीविहारश्रीभीमशङ्करविभो तव सुप्रभातम् ॥ १२॥

śrīdakṣavāṭapurasaṃsthitadivyaliṅgatrailiṅgaliṅga triguṇātmaka śaktiyukta |vandāruvṛndanuta vedavanīvihāraśrībhīmaśaṅkaravibho tava suprabhātam || 12||

पञ्चाक्षरादिमनुयन्त्रितगाङ्गतोयैःपञ्चामृतैः प्रमुदितेन्द्रयुतैर्मुनीन्द्रैः ।पट्टाभिषिक्त हरियुक्त शिवासनाथश्रीभीमशङ्करविभो तव सुप्रभातम् ॥ १३॥

pañcākṣarādimanuyantritagāṅgatoyaiḥpañcāmṛtaiḥ pramuditendrayutairmunīndraiḥ |paṭṭābhiṣikta hariyukta śivāsanāthaśrībhīmaśaṅkaravibho tava suprabhātam || 13||

कैलासनाथ कलिदोषमहान्धसूर्यकञ्जासनादिसुरवन्दितपादपद्म ।वेश्याप्रनृत्यपरितुष्टमनोऽम्बुजातश्रीभीमशङ्करविभो तव सुप्रभातम् ॥ १४॥

kailāsanātha kalidoṣamahāndhasūryakañjāsanādisuravanditapādapadma |veśyāpranṛtyaparituṣṭamano'mbujātaśrībhīmaśaṅkaravibho tava suprabhātam || 14||

अग्रे वसन्ति तव पादतले सुभक्त्यादिक्पालका विनयनम्रशिरःप्रयुक्ताः ।शम्भो महेश इति देव वदन्ति ये त्वांश्रीभीमशङ्करविभो तव सुप्रभातम् ॥ १५॥

agre vasanti tava pādatale subhaktyādikpālakā vinayanamraśiraḥprayuktāḥ |śambho maheśa iti deva vadanti ye tvāṃśrībhīmaśaṅkaravibho tava suprabhātam || 15||

लिङ्गाकृते निखिलजीवगणात्मलिङ्गगङ्गाधर प्रमथसेवितदिव्यपाद ।भोगीन्द्रहार परिरक्षितसाधुलोकश्रीभीमशङ्करविभो तव सुप्रभातम् ॥ १६॥

liṅgākṛte nikhilajīvagaṇātmaliṅgagaṅgādhara pramathasevitadivyapāda |bhogīndrahāra parirakṣitasādhulokaśrībhīmaśaṅkaravibho tava suprabhātam || 16||

शम्भो शशाङ्कधर शङ्कर शूलपाणेस्वामिन् त्रिशूलधर मोक्षद भोगदायिन् ।सर्वावतारधर पालितजीवलोकश्रीभीमशङ्करविभो तव सुप्रभातम् ॥ १७॥

śambho śaśāṅkadhara śaṅkara śūlapāṇesvāmin triśūladhara mokṣada bhogadāyin |sarvāvatāradhara pālitajīvalokaśrībhīmaśaṅkaravibho tava suprabhātam || 17||

श्रीभीमनाथ हर दिव्यतलाधिवासश्रीपार्वतीहृदयपङ्कजभृङ्गरूप ।श्रीनीलकण्ठ पर शर्व उमेश शम्भोश्रीभीमशङ्करविभो तव सुप्रभातम् ॥ १८॥

śrībhīmanātha hara divyatalādhivāsaśrīpārvatīhṛdayapaṅkajabhṛṅgarūpa |śrīnīlakaṇṭha para śarva umeśa śambhośrībhīmaśaṅkaravibho tava suprabhātam || 18||

कन्दर्पदर्पहर कञ्जभवादिवन्द्यगौरीकुचाम्बुरुहकुट्मललोलदृष्टे ।भद्रप्रदातृभवभक्तिसुलभ्य देवश्रीभीमशङ्करविभो तव सुप्रभातम् ॥ १९॥

kandarpadarpahara kañjabhavādivandyagaurīkucāmburuhakuṭmalaloladṛṣṭe |bhadrapradātṛbhavabhaktisulabhya devaśrībhīmaśaṅkaravibho tava suprabhātam || 19||

भस्मप्रलिप्तशुभदायक दिव्यमूर्तेभस्मासुरादिखलमर्दनकम्ररूप ।गौरीविनिर्मितसुभक्ष्यसुभोज्यभोजिन्श्रीभीमशङ्करविभो तव सुप्रभातम् ॥ २०॥

bhasmapraliptaśubhadāyaka divyamūrtebhasmāsurādikhalamardanakamrarūpa |gaurīvinirmitasubhakṣyasubhojyabhojinśrībhīmaśaṅkaravibho tava suprabhātam || 20||

नन्दीशवाह नरकार्णवकर्णधारनारायणादिसुरसंस्तुतदिव्यनाम ।श्रीदक्षवाटपुरनिर्मितदिव्यसौधश्रीभीमशङ्करविभो तव सुप्रभातम् ॥ २१॥

nandīśavāha narakārṇavakarṇadhāranārāyaṇādisurasaṃstutadivyanāma |śrīdakṣavāṭapuranirmitadivyasaudhaśrībhīmaśaṅkaravibho tava suprabhātam || 21||

श्रीमन्गणादिमुनिभावितदिव्यदेहत्रय्यन्तवेद्य त्रिपुरान्तक श्रीत्रिनेत्र ।ज्ञानार्थदानपरिनिष्ठितदिव्यचित्तश्रीभीमशङ्करविभो तव सुप्रभातम् ॥ २२॥

śrīmangaṇādimunibhāvitadivyadehatrayyantavedya tripurāntaka śrītrinetra |jñānārthadānapariniṣṭhitadivyacittaśrībhīmaśaṅkaravibho tava suprabhātam || 22||

व्यासादिपण्डितवरस्तुत दिव्यचित्तभक्तालिदिव्यपदवीप्रद भासुराङ्ग ।संसारसार शिव शान्त सुरूप शम्भोश्रीभीमशङ्करविभो तव सुप्रभातम् ॥ २३॥

vyāsādipaṇḍitavarastuta divyacittabhaktālidivyapadavīprada bhāsurāṅga |saṃsārasāra śiva śānta surūpa śambhośrībhīmaśaṅkaravibho tava suprabhātam || 23||

उन्मील्य नेत्रयुगलं द्विजवृन्दमाशुपञ्चाक्षरीजपसुनिष्ठितदिव्यचित्त ।आयाति ते पदसरोजतलन्तु नित्यंश्रीभीमशङ्करविभो तव सुप्रभातम् ॥ २४॥

unmīlya netrayugalaṃ dvijavṛndamāśupañcākṣarījapasuniṣṭhitadivyacitta |āyāti te padasarojatalantu nityaṃśrībhīmaśaṅkaravibho tava suprabhātam || 24||

तन्त्रीनिबद्धस्वरयुक्तवर्णागायन्ति ते दिव्यचरित्रमारात् ।भक्त्या नितान्तं भवनारदाद्याभीमेशभूयात् तव सुप्रभातम् ॥ २५॥

tantrīnibaddhasvarayuktavarṇāgāyanti te divyacaritramārāt |bhaktyā nitāntaṃ bhavanāradādyābhīmeśabhūyāt tava suprabhātam || 25||

श्रितालिसत्काम्यसुपारिजातश्रीविष्णुचक्रप्रद भव्यतीर्थ ।श्रीसूर्यहस्तार्चितदिव्यपादभीमेशभूयात् तव सुप्रभातम् ॥ २६॥

śritālisatkāmyasupārijātaśrīviṣṇucakraprada bhavyatīrtha |śrīsūryahastārcitadivyapādabhīmeśabhūyāt tava suprabhātam || 26||

श्रीबिल्वपत्रार्चितपादपद्मश्रीविष्णुहृत्तामरसाभिरम्य ।नागेन्द्रभूषाप्रिय नाकवन्द्यभीमेशभूयात् तव सुप्रभातम् ॥ २७॥

śrībilvapatrārcitapādapadmaśrīviṣṇuhṛttāmarasābhiramya |nāgendrabhūṣāpriya nākavandyabhīmeśabhūyāt tava suprabhātam || 27||

श्रीसप्तगोदावरिहेमपदैःसम्पूजितुं त्वां तु नितान्तभक्त्या ।आयान्ति भक्ताश्च सुदूरदेशात्भीमेशभूयात् तव सुप्रभातम् ॥ २८॥

śrīsaptagodāvarihemapadaiḥsampūjituṃ tvāṃ tu nitāntabhaktyā |āyānti bhaktāśca sudūradeśātbhīmeśabhūyāt tava suprabhātam || 28||

श्रीसप्तगोदावरिपूतनीरैःमूर्धाभिषिक्तेश्वर मङ्गलाङ्ग ।शम्भो महादेव जगन्निवासभीमेशभूयात् तव सुप्रभातम् ॥ २९॥

śrīsaptagodāvaripūtanīraiḥmūrdhābhiṣikteśvara maṅgalāṅga |śambho mahādeva jagannivāsabhīmeśabhūyāt tava suprabhātam || 29||

इत्थं वृषध्वजविभोरिह सुप्रभातंये सज्जनाः प्रतिदिनं पठितुं प्रवृत्ताः ।तेषां प्रभातसमये शिवभक्तिमाद्यांप्रज्ञां सुमुक्तिपदवीं श्रियमाशु दद्यात् ॥ ३०॥

itthaṃ vṛṣadhvajavibhoriha suprabhātaṃye sajjanāḥ pratidinaṃ paṭhituṃ pravṛttāḥ |teṣāṃ prabhātasamaye śivabhaktimādyāṃprajñāṃ sumuktipadavīṃ śriyamāśu dadyāt || 30||

इति द्राक्षारामभीमेश्वरसुप्रभातं सम्पूर्णम् ।

iti drākṣārāmabhīmeśvarasuprabhātaṃ sampūrṇam |