कालहस्तीश्वरस्तोत्रम् Shri Kalahastishvara Stotram

महेश्वरं महोन्नतं महेश्वरं सदानमद्गणेश्वरं गुणान्वितं गणेश्वरं जगन्नुतम् ।अनीश्वरं वृषाश्वरंहसाश्वरुद्रगामिनं (?)सदा भजामि कालहस्तिसाम्बमूर्तिमीश्वरम् ॥ १॥

maheśvaraṃ mahonnataṃ maheśvaraṃ sadānamadgaṇeśvaraṃ guṇānvitaṃ gaṇeśvaraṃ jagannutam |anīśvaraṃ vṛṣāśvaraṃhasāśvarudragāminaṃ (?)sadā bhajāmi kālahastisāmbamūrtimīśvaram || 1||

निटालविस्फुटैकदृक्तटालवह्निचिच्छटालसद्ध्वनिप्रकृज्जटालनिष्ठहैमनम् ।घटीभवादिमौनिहृत्कुटीभवत्पदं त्रिगुं(विभुं)सदा भजामि कालहस्तिसाम्बमूर्तिमीश्वरम् ॥ २॥

niṭālavisphuṭaikadṛktaṭālavahnicicchaṭālasaddhvaniprakṛjjaṭālaniṣṭhahaimanam |ghaṭībhavādimaunihṛtkuṭībhavatpadaṃ triguṃ(vibhuṃ)sadā bhajāmi kālahastisāmbamūrtimīśvaram || 2||

घनाघनादियज्ञभुग्घनाघनप्रचारकृद्द्युनाघनामहस्सुहृद्दृढासुहृद्धनुस्स्वनम् ।घनाघनव्यपेटिकाघनाघनप्रभञ्जनंसदा भजामि कालहस्तिसाम्बमूर्तिमीश्वरम् ॥ ३॥

ghanāghanādiyajñabhugghanāghanapracārakṛddyunāghanāmahassuhṛddṛḍhāsuhṛddhanussvanam |ghanāghanavyapeṭikāghanāghanaprabhañjanaṃsadā bhajāmi kālahastisāmbamūrtimīśvaram || 3||

जटाकुटीरधन्यधुन्यभङ्गभङ्गसङ्घटाघुमङ्घुमङ्घुमङ्घुमद्ध्वनिध्वनद्दरीस्फुटम् ।कटीतटीघटीकृतोत्कटाजिनं ककुप्पटंसदा भजामि कालहस्तिसाम्बमूर्तिमीश्वरम् ॥ ४॥

jaṭākuṭīradhanyadhunyabhaṅgabhaṅgasaṅghaṭāghumaṅghumaṅghumaṅghumaddhvanidhvanaddarīsphuṭam |kaṭītaṭīghaṭīkṛtotkaṭājinaṃ kakuppaṭaṃsadā bhajāmi kālahastisāmbamūrtimīśvaram || 4||

सुधाशनाधिराट्पुरीसुगह्वरीजमञ्जरीस्फुरन्मरन्दनिर्झरीधुराधुराधुरीणगीर्गणम् ।विराट्तुरङ्गमार्गणं विशेषविष्णुमार्गणं (?)सदा भजामि कालहस्तिसाम्बमूर्तिमीश्वरम् ॥ ५॥

sudhāśanādhirāṭpurīsugahvarījamañjarīsphuranmarandanirjharīdhurādhurādhurīṇagīrgaṇam |virāṭturaṅgamārgaṇaṃ viśeṣaviṣṇumārgaṇaṃ (?)sadā bhajāmi kālahastisāmbamūrtimīśvaram || 5||

॥ इति श्रीकालहस्तीश्वरस्तोत्रं सम्पूर्णम् ॥

|| iti śrīkālahastīśvarastotraṃ sampūrṇam ||