दक्षिणामूर्ति नवरत्नमालिकास्तोत्रम् Shri Dakshinamurti Navaratnamalika Shtotra

॥ श्री दक्षिणामूर्ति नवरत्नमालिका स्तोत्रम् ॥मूलेवटस्य मुनिपुङ्गवसेव्यमानंमुद्राविशेषमुकुलीकृतपाणिपद्मम् ।मन्दस्मितं मधुरवेषमुदारमाद्यंतेजस्तदस्तु हृदि मे तरुणेन्दुचूडम् ॥ १॥शान्तं शारदचन्द्रकान्तिधवळं चन्द्राभिरमाननंचन्द्रार्कोपमकान्तिकुण्डलधरं चन्द्रावदातांशुकम् ।वीणापुस्तकमक्षसूत्रवलयं व्याख्यानमुद्रांकरैर्बिभ्राणं कलये हृदा मम सदाशास्तारमिष्टार्थदम् ॥ २॥कर्पूरपात्रमरविन्ददळायताक्षंकर्पूरशीतलहृदं करुणाविलासम् ।चन्द्रार्धशेखरमनन्तगुणाभिराममिन्द्रादिसेव्यपदपङ्कजमीशमीडे ॥ ३॥द्युद्रोधः स्वर्णमयासनस्थंमुद्रोल्लसद्बाहुमुदारकायम् ।सद्रोहिणीनाथकळावतंसंभद्रोदधिं कञ्चन चिन्तयामः ॥ ४॥उद्यद्भास्करसन्निभं त्रिणयनं श्वेताङ्गरागप्रभंबालं मौञ्जिधरं प्रसन्नवदनं न्यग्रोधमूलेस्थितम् ।पिङ्गाक्षं मृगशावकस्थितिकरं सुब्रह्मसूत्राकृतिम्भक्तानामभयप्रदं भयहरं श्रीदक्षिणामूर्तिकम् ॥ ५॥श्रीकान्तद्रुहिणोपमन्यु तपन स्कन्देन्द्रनन्द्यादयःप्राचीनागुरवोऽपियस्य करुणालेशाद्गतागौरवम् ।तं सर्वादिगुरुं मनोज्ञवपुषं मन्दस्मितालङ्कृतंचिन्मुद्राकृतिमुग्धपाणिनळिनं चित्तं शिवं कुर्महे ॥ ६॥कपर्दिनं चन्द्रकळावतंसंत्रिणेत्रमिन्दुपतिमाननोज्वलम् ।चतुर्भुजं ज्ञानदमक्षसूत्रपुस्ताग्निहस्तं हृदि भावयेच्छिवम् ॥ ७॥वामोरूपरिसंस्थितां गिरिसुतामन्योन्यमालिंगितांश्यामामुत्पलधारिणी शशिनिभांचालोकयन्तं शिवम् ।आश्लिष्टेन करेण पुस्तकमधो कुंभं सुधापूरितंमुद्रां ज्ञानमयीं दधानमपरैर्मुक्ताक्षमालां भजे॥ ८॥वटतरुनिकटनिवासं पटुतरविज्ञानमुद्रितकराब्जम् ।कञ्चनदेशिकमाद्यं कैवल्यानन्दकन्दळं वन्दे ॥ ९॥इति श्री दक्षिणामूर्ति नवरत्नमाला स्तोत्रं सम्पूर्णम् ॥

|| śrī dakṣiṇāmūrti navaratnamālikā stotram ||mūlevaṭasya munipuṅgavasevyamānaṃmudrāviśeṣamukulīkṛtapāṇipadmam |mandasmitaṃ madhuraveṣamudāramādyaṃtejastadastu hṛdi me taruṇenducūḍam || 1||śāntaṃ śāradacandrakāntidhavaḷaṃ candrābhiramānanaṃcandrārkopamakāntikuṇḍaladharaṃ candrāvadātāṃśukam |vīṇāpustakamakṣasūtravalayaṃ vyākhyānamudrāṃkarairbibhrāṇaṃ kalaye hṛdā mama sadāśāstāramiṣṭārthadam || 2||karpūrapātramaravindadaḷāyatākṣaṃkarpūraśītalahṛdaṃ karuṇāvilāsam |candrārdhaśekharamanantaguṇābhirāmamindrādisevyapadapaṅkajamīśamīḍe || 3||dyudrodhaḥ svarṇamayāsanasthaṃmudrollasadbāhumudārakāyam |sadrohiṇīnāthakaḷāvataṃsaṃbhadrodadhiṃ kañcana cintayāmaḥ || 4||udyadbhāskarasannibhaṃ triṇayanaṃ śvetāṅgarāgaprabhaṃbālaṃ mauñjidharaṃ prasannavadanaṃ nyagrodhamūlesthitam |piṅgākṣaṃ mṛgaśāvakasthitikaraṃ subrahmasūtrākṛtimbhaktānāmabhayapradaṃ bhayaharaṃ śrīdakṣiṇāmūrtikam || 5||śrīkāntadruhiṇopamanyu tapana skandendranandyādayaḥprācīnāguravo'piyasya karuṇāleśādgatāgauravam |taṃ sarvādiguruṃ manojñavapuṣaṃ mandasmitālaṅkṛtaṃcinmudrākṛtimugdhapāṇinaḷinaṃ cittaṃ śivaṃ kurmahe || 6||kapardinaṃ candrakaḷāvataṃsaṃtriṇetramindupatimānanojvalam |caturbhujaṃ jñānadamakṣasūtrapustāgnihastaṃ hṛdi bhāvayecchivam || 7||vāmorūparisaṃsthitāṃ girisutāmanyonyamāliṃgitāṃśyāmāmutpaladhāriṇī śaśinibhāṃcālokayantaṃ śivam |āśliṣṭena kareṇa pustakamadho kuṃbhaṃ sudhāpūritaṃmudrāṃ jñānamayīṃ dadhānamaparairmuktākṣamālāṃ bhaje|| 8||vaṭatarunikaṭanivāsaṃ paṭutaravijñānamudritakarābjam |kañcanadeśikamādyaṃ kaivalyānandakandaḷaṃ vande || 9||iti śrī dakṣiṇāmūrti navaratnamālā stotraṃ sampūrṇam ||