दक्षिणामूर्त्यष्टोत्तरशतनामस्तोत्रम् १ Shri Dakshinamurti Ashtottarashatanama Stotra

॥ अथ ध्यानम्॥वटवृक्ष तटासीनं योगी ध्येयांघ्रि पङ्कजम्।शरश्चन्द्र निभं पूज्यं जटामुकुट मण्डितम् ॥ १॥

|| atha dhyānam||vaṭavṛkṣa taṭāsīnaṃ yogī dhyeyāṃghri paṅkajam|śaraścandra nibhaṃ pūjyaṃ jaṭāmukuṭa maṇḍitam || 1||

गङ्गाधरं ललाटाक्षं व्याघ्र चर्माम्बरावृतम्।नागभूषं परंब्रह्म द्विजराजवतंसकम् ॥ २॥

gaṅgādharaṃ lalāṭākṣaṃ vyāghra carmāmbarāvṛtam|nāgabhūṣaṃ paraṃbrahma dvijarājavataṃsakam || 2||

अक्षमाला ज्ञानमुद्रा वीणा पुस्तक शोभितम्।शुकादि वृद्ध शिष्याढ्यं वेद वेदान्तगोचरम्॥ ३॥

akṣamālā jñānamudrā vīṇā pustaka śobhitam|śukādi vṛddha śiṣyāḍhyaṃ veda vedāntagocaram|| 3||

युवानां मन्मथारातिं दक्षिणामूर्तिमाश्रये।॥ अथ दक्षिणामूर्ति अष्टोत्तरशतनाम स्तोत्रम् ।ॐ विद्यारूपी महायोगी शुद्धज्ञानी पिनाकधृत् ।रत्नालङ्कृत सर्वाङ्गी रत्नमौलिर्जटाधरः ॥ १॥

yuvānāṃ manmathārātiṃ dakṣiṇāmūrtimāśraye||| atha dakṣiṇāmūrti aṣṭottaraśatanāma stotram |oṃ vidyārūpī mahāyogī śuddhajñānī pinākadhṛt |ratnālaṅkṛta sarvāṅgī ratnamaulirjaṭādharaḥ || 1||

गङ्गाधर्यचलावासी महाज्ञानी समाधिकृत्।अप्रमेयो योगनिधिर्तारको भक्तवत्सलः॥ २॥

gaṅgādharyacalāvāsī mahājñānī samādhikṛt|aprameyo yoganidhirtārako bhaktavatsalaḥ|| 2||

ब्रह्मरूपी जगद्व्यापी विष्णुमूर्तिः पुरातनः ।उक्षवाहश्चर्मवासाः पीताम्बर विभूषणः॥ ३॥

brahmarūpī jagadvyāpī viṣṇumūrtiḥ purātanaḥ |ukṣavāhaścarmavāsāḥ pītāmbara vibhūṣaṇaḥ|| 3||

मोक्षदायी मोक्षनिधिश्चान्धकारी जगत्पतिः।विद्याधारी शुक्लतनुः विद्यादायी गणाधिपः॥ ४॥

mokṣadāyī mokṣanidhiścāndhakārī jagatpatiḥ|vidyādhārī śuklatanuḥ vidyādāyī gaṇādhipaḥ|| 4||

प्रौढापस्मृति संहर्ता शशिमौलिर्महास्वनः ।साम प्रियोऽव्ययः साधुः सर्व वेदैरलङ्कृतः ॥ ५॥

prauḍhāpasmṛti saṃhartā śaśimaulirmahāsvanaḥ |sāma priyo'vyayaḥ sādhuḥ sarva vedairalaṅkṛtaḥ || 5||

हस्ते वह्निधरः श्रीमान् मृगधारी वशङ्करः ।यज्ञनाथ क्रतुध्वंसी यज्ञभोक्ता यमान्तकः॥ ६॥

haste vahnidharaḥ śrīmān mṛgadhārī vaśaṅkaraḥ |yajñanātha kratudhvaṃsī yajñabhoktā yamāntakaḥ|| 6||

भक्तानुग्रह मूर्तिश्च भक्तसेव्यो वृषध्वजः ।भस्मोध्दूलित सर्वाङ्गः चाक्षमालाधरोमहान् ॥ ७॥

bhaktānugraha mūrtiśca bhaktasevyo vṛṣadhvajaḥ |bhasmodhdūlita sarvāṅgaḥ cākṣamālādharomahān || 7||

त्रयीमूर्तिः परम्ब्रह्म नागराजैरलङ्कृतः ।शान्तरूपो महाज्ञानी सर्वलोकविभूषणः ॥ ८॥

trayīmūrtiḥ parambrahma nāgarājairalaṅkṛtaḥ |śāntarūpo mahājñānī sarvalokavibhūṣaṇaḥ || 8||

अर्धनारीश्वरो देवोमुनिस्सेव्यस्सुरोत्तमः ।व्याख्यानदेवो भगवान् रवि चन्द्राग्नि लोचनः ॥ ९॥

ardhanārīśvaro devomunissevyassurottamaḥ |vyākhyānadevo bhagavān ravi candrāgni locanaḥ || 9||

जगद्गुरुर्महादेवो महानन्द परायणः ।जटाधारी महायोगी ज्ञानमालैरलङ्कृतः ॥ १०॥

jagadgururmahādevo mahānanda parāyaṇaḥ |jaṭādhārī mahāyogī jñānamālairalaṅkṛtaḥ || 10||

व्योमगङ्गा जल स्थानः विशुद्धो यतिरूर्जितः ।तत्त्वमूर्तिर्महायोगी महासारस्वतप्रदः ॥ ११॥

vyomagaṅgā jala sthānaḥ viśuddho yatirūrjitaḥ |tattvamūrtirmahāyogī mahāsārasvatapradaḥ || 11||

व्योममूर्तिश्च भक्तानां इष्टकाम फलप्रदः ।परमूर्तिः चित्स्वरूपी तेजोमूर्तिरनामयः ॥ १२॥

vyomamūrtiśca bhaktānāṃ iṣṭakāma phalapradaḥ |paramūrtiḥ citsvarūpī tejomūrtiranāmayaḥ || 12||

वेदवेदाङ्ग तत्त्वज्ञः चतुःष्षष्टि कलानिधिः ।भवरोग भयध्वंसी भक्तानामभयप्रदः ॥ १३॥

vedavedāṅga tattvajñaḥ catuḥṣṣaṣṭi kalānidhiḥ |bhavaroga bhayadhvaṃsī bhaktānāmabhayapradaḥ || 13||

नीलग्रीवो ललाटाक्षो गज चर्मागतिप्रदः ।अरागी कामदश्चाथ तपस्वी विष्णुवल्लभः ॥ १४॥

nīlagrīvo lalāṭākṣo gaja carmāgatipradaḥ |arāgī kāmadaścātha tapasvī viṣṇuvallabhaḥ || 14||

ब्रह्मचारी च संन्यासी गृहस्थाश्रम कारणः ।दान्तः शमवतां श्रेष्ठो सत्यरूपो दयापरः ॥ १५॥

brahmacārī ca saṃnyāsī gṛhasthāśrama kāraṇaḥ |dāntaḥ śamavatāṃ śreṣṭho satyarūpo dayāparaḥ || 15||

योगपट्टाभिरामश्च वीणाधारी विचेतनः ।मतिप्रज्ञा सुधाधारी मुद्रापुस्तक धारणः ॥ १६॥

yogapaṭṭābhirāmaśca vīṇādhārī vicetanaḥ |matiprajñā sudhādhārī mudrāpustaka dhāraṇaḥ || 16||

वेतालादि पिशाचौघ राक्षसौघ विनाशनः ।राज यक्ष्मादि रोगाणां विनिहन्ता सुरेश्वरः ॥॥ इति श्रीदक्षिणामूर्त्यष्टोत्तरशतनामस्तोत्रं सम्पूर्णम् ॥

vetālādi piśācaugha rākṣasaugha vināśanaḥ |rāja yakṣmādi rogāṇāṃ vinihantā sureśvaraḥ |||| iti śrīdakṣiṇāmūrtyaṣṭottaraśatanāmastotraṃ sampūrṇam ||