अगस्त्येशलिङ्गाष्टकम् Shri Agastyesha Lingashtakam

श्रीमत्पर्वतपुत्रिकाश्रितलसद्वामाङ्गमिन्दूज्ज्वलत्कोटीरं कनकाद्रिकार्मुकधरं कल्पद्रुमालावलीसक्तोरःस्थलमन्तकान्तकमनन्ताहीन्द्रसद्भूषणंश्रीगुण्टूरिपुराधिवासमतुलागस्त्येशलिङ्गं भजे ॥ १॥

śrīmatparvataputrikāśritalasadvāmāṅgamindūjjvalatkoṭīraṃ kanakādrikārmukadharaṃ kalpadrumālāvalīsaktoraḥsthalamantakāntakamanantāhīndrasadbhūṣaṇaṃśrīguṇṭūripurādhivāsamatulāgastyeśaliṅgaṃ bhaje || 1||

भक्ताभीष्टफलप्रदं भवहरं पापौघविच्छेदनंशक्राद्यष्टदिगीशसन्नुतपदं शुम्भद्गणाधीश्वरम् ।गङ्गोत्तुङ्गतरङ्गिणीयुतजटाजूटं मुनीन्द्रार्चितंश्रीगुण्टूरिपुराधिवासमतुलागस्त्येशलिङ्गं भजे ॥ २॥

bhaktābhīṣṭaphalapradaṃ bhavaharaṃ pāpaughavicchedanaṃśakrādyaṣṭadigīśasannutapadaṃ śumbhadgaṇādhīśvaram |gaṅgottuṅgataraṅgiṇīyutajaṭājūṭaṃ munīndrārcitaṃśrīguṇṭūripurādhivāsamatulāgastyeśaliṅgaṃ bhaje || 2||

मार्कण्डेयमुनीन्द्ररक्षणमजं मृत्युञ्जयं शाश्वतंमत्तामर्त्यविरोधिगर्वनगरीदम्भोलिधारायितम् ।वित्ताधीशसखं वियत्तललसत्केशं त्रिलोकेश्वरंश्रीगुण्टूरिपुराधिवासमतुलागस्त्येशलिङ्गं भजे ॥ ३॥

mārkaṇḍeyamunīndrarakṣaṇamajaṃ mṛtyuñjayaṃ śāśvataṃmattāmartyavirodhigarvanagarīdambholidhārāyitam |vittādhīśasakhaṃ viyattalalasatkeśaṃ trilokeśvaraṃśrīguṇṭūripurādhivāsamatulāgastyeśaliṅgaṃ bhaje || 3||

भूम्यापोऽग्निसमीरणा(प्रभञ्जना)म्बरलसत्सोमार्कयज्वा(स्वात्मा)भिधैरष्टैरिष्टवरप्रदानचतुरैः स्पष्टैः स्वरूपैः सदा ।भास्वन्तं जगतीतले गजहरं कर्पूरगौरं शिवंश्रीगुण्टूरिपुराधिवासमतुलागस्त्येशलिङ्गं भजे ॥ ४॥

bhūmyāpo'gnisamīraṇā(prabhañjanā)mbaralasatsomārkayajvā(svātmā)bhidhairaṣṭairiṣṭavarapradānacaturaiḥ spaṣṭaiḥ svarūpaiḥ sadā |bhāsvantaṃ jagatītale gajaharaṃ karpūragauraṃ śivaṃśrīguṇṭūripurādhivāsamatulāgastyeśaliṅgaṃ bhaje || 4||

सूर्याग्नीन्दुविलोचनं सुरवरं फालाग्निभस्मीकृतप्रद्युम्नं परमेश्वरं गुरुवरं कालाग्निरुद्रं हरम् ।कण्ठाकल्पविलासभासुरमहाहालाहलं शङ्करंश्रीगुण्टूरिपुराधिवासमतुलागस्त्येशलिङ्गं भजे ॥ ५॥

sūryāgnīnduvilocanaṃ suravaraṃ phālāgnibhasmīkṛtapradyumnaṃ parameśvaraṃ guruvaraṃ kālāgnirudraṃ haram |kaṇṭhākalpavilāsabhāsuramahāhālāhalaṃ śaṅkaraṃśrīguṇṭūripurādhivāsamatulāgastyeśaliṅgaṃ bhaje || 5||

श्रीमद्भूमिरथं विरिञ्चिविलसत्सूतं नगाधीशसच्चापं विष्णुशरं रथाङ्गयुगलीभूतार्कचन्द्रं शिवम् ।पूर्वामर्त्यपुरत्रयान्तकरणोद्युक्तं शिवालिङ्गितंश्रीगुण्टूरिपुराधिवासमतुलागस्त्येशलिङ्गं भजे ॥ ६॥

śrīmadbhūmirathaṃ viriñcivilasatsūtaṃ nagādhīśasaccāpaṃ viṣṇuśaraṃ rathāṅgayugalībhūtārkacandraṃ śivam |pūrvāmartyapuratrayāntakaraṇodyuktaṃ śivāliṅgitaṃśrīguṇṭūripurādhivāsamatulāgastyeśaliṅgaṃ bhaje || 6||

दक्षाक्षुद्रमखागतामरगणान् तत्रत्यऋत्विग्वरान्चन्द्रं तच्छ्वशुरं भगं मुनिगणानग्निं च दक्षं लसत् ।स्वेदोद्भूतविनीलदेहरुचिना वीरेण सन्त्रासितं(त्रासकं)श्रीगुण्टूरिपुराधिवासमतुलागस्त्येशलिङ्गं भजे ॥ ७॥

dakṣākṣudramakhāgatāmaragaṇān tatratyaṛtvigvarāncandraṃ tacchvaśuraṃ bhagaṃ munigaṇānagniṃ ca dakṣaṃ lasat |svedodbhūtavinīladeharucinā vīreṇa santrāsitaṃ(trāsakaṃ)śrīguṇṭūripurādhivāsamatulāgastyeśaliṅgaṃ bhaje || 7||

श्रीलक्ष्मीशविरिञ्चिपूजितपदं शुम्भत्त्रिशूलायुधंश्रीमद्भृङ्गिकुमारनन्दिगणपश्रीवीरभद्रादिभिः ।सर्वैर्भक्तियुतैर्महागणवरैः संसेव्यमानं सदाश्रीगुण्टूरिपुराधिवासमतुलागस्त्येशलिङ्गं भजे ॥ ८॥

śrīlakṣmīśaviriñcipūjitapadaṃ śumbhattriśūlāyudhaṃśrīmadbhṛṅgikumāranandigaṇapaśrīvīrabhadrādibhiḥ |sarvairbhaktiyutairmahāgaṇavaraiḥ saṃsevyamānaṃ sadāśrīguṇṭūripurādhivāsamatulāgastyeśaliṅgaṃ bhaje || 8||

श्रीकोप्पराजकुलवार्धिनिशाकरेणस्तोत्रं कृतं जगति सुब्बयनामभाजागस्त्येश्वरस्य निजभक्तजनावनस्ययो वै पठेल्लभति सोऽपि सदा विमुक्तिम् ॥ ९॥

śrīkopparājakulavārdhiniśākareṇastotraṃ kṛtaṃ jagati subbayanāmabhājāgastyeśvarasya nijabhaktajanāvanasyayo vai paṭhellabhati so'pi sadā vimuktim || 9||

॥ इति श्रीअगस्त्येशलिङ्गाष्टकं सम्पूर्णम् ॥

|| iti śrīagastyeśaliṅgāṣṭakaṃ sampūrṇam ||