शिवकवचम् सर्वरक्षाकरं Sarvarakshakaram Shiva Kavacham

श्रीदेव्युवाचभगवन्देवदेवेश सर्वाऽऽम्नायप्रपूजितः ।सर्वं मे कथितं देव कवचं न प्रकाशितम् ॥ १॥

śrīdevyuvācabhagavandevadeveśa sarvā''mnāyaprapūjitaḥ |sarvaṃ me kathitaṃ deva kavacaṃ na prakāśitam || 1||

प्रासादाख्यस्य मन्त्रस्य कवचं मे प्रकाशय ।सर्वरक्षाकरं देवं यदि स्नेहोऽस्ति सम्प्रति ॥ २॥

prāsādākhyasya mantrasya kavacaṃ me prakāśaya |sarvarakṣākaraṃ devaṃ yadi sneho'sti samprati || 2||

श्रीभगवानुवाचप्रासादमन्त्रकवचस्य वामदेव ऋषिः, पङ्क्तिश्छन्दः,सदाशिवो देवता, साधकाभीष्टसिद्धये विनियोगः प्रकीर्तितः ।शिरो मे सर्वदा पातु प्रासादाख्यः सदाशिवः ।षडक्षरस्वरूपो मे वदनं च महेश्वरः ॥ ३॥

śrībhagavānuvācaprāsādamantrakavacasya vāmadeva ṛṣiḥ, paṅktiśchandaḥ,sadāśivo devatā, sādhakābhīṣṭasiddhaye viniyogaḥ prakīrtitaḥ |śiro me sarvadā pātu prāsādākhyaḥ sadāśivaḥ |ṣaḍakṣarasvarūpo me vadanaṃ ca maheśvaraḥ || 3||

पाञ्चाक्षरात्मा भगवान् भुजौ मे परिरक्षतु ।मृत्युञ्जयस्त्रिबीजात्मा आयू रक्षतु मे सदा ॥ ४॥

pāñcākṣarātmā bhagavān bhujau me parirakṣatu |mṛtyuñjayastribījātmā āyū rakṣatu me sadā || 4||

वटमूलसमासीनो दक्षिणामूर्तिरव्ययः ।सदा मां सर्वतः पातु षट्त्रिंशद्वर्णरूपधृक् ॥ ५॥

vaṭamūlasamāsīno dakṣiṇāmūrtiravyayaḥ |sadā māṃ sarvataḥ pātu ṣaṭtriṃśadvarṇarūpadhṛk || 5||

द्वाविंशार्णात्मको रुद्रः कुक्षौ मे परिरक्षतु ।त्रिवर्णात्मा नीलकण्ठः कण्ठं रक्षतु सर्वदा ॥ ६॥

dvāviṃśārṇātmako rudraḥ kukṣau me parirakṣatu |trivarṇātmā nīlakaṇṭhaḥ kaṇṭhaṃ rakṣatu sarvadā || 6||

चिन्तामणिर्बीजरूपे सर्वनारीश्वरो हरः ।सदा रक्षतु मे गुह्यं सर्वसम्पत्प्रदायकः ॥ ७॥

cintāmaṇirbījarūpe sarvanārīśvaro haraḥ |sadā rakṣatu me guhyaṃ sarvasampatpradāyakaḥ || 7||

एकाक्षरस्वरूपात्मा कूटरूपी महेश्वरः ।मार्तण्डभैरवो नित्यं पादौ मे परिरक्षतु ॥ ८॥

ekākṣarasvarūpātmā kūṭarūpī maheśvaraḥ |mārtaṇḍabhairavo nityaṃ pādau me parirakṣatu || 8||

ओमित्याख्यो महाबीजस्वरूपस्त्रिपुरान्तकःसदा मां रणभूमौ तु रक्षतु त्रिदशाधिपः ॥ ९॥

omityākhyo mahābījasvarūpastripurāntakaḥsadā māṃ raṇabhūmau tu rakṣatu tridaśādhipaḥ || 9||

ऊर्ध्वमूर्धानमीशानो मम रक्षतु सर्वदा ।दक्षिणस्यां तत्पुरुषो अव्यान्मे गिरिनायकः ॥ १०॥

ūrdhvamūrdhānamīśāno mama rakṣatu sarvadā |dakṣiṇasyāṃ tatpuruṣo avyānme girināyakaḥ || 10||

अघोराख्यो महादेवः पूर्वस्या परिरक्षतु ।वामदेवः पश्चिमस्यां सदा मे परिरक्षतु ।उत्तरस्यां सदा पातु सद्योजातः स्वरूपधृक् ॥ ११॥

aghorākhyo mahādevaḥ pūrvasyā parirakṣatu |vāmadevaḥ paścimasyāṃ sadā me parirakṣatu |uttarasyāṃ sadā pātu sadyojātaḥ svarūpadhṛk || 11||

फलश्रुतिः ।इत्थ रक्षाकरं देवि कवचं देवदुर्लभम् ।प्रातःकाले पठेद्यस्तु सोऽभीष्टफलमाप्नुयात् ॥ १२॥

phalaśrutiḥ |ittha rakṣākaraṃ devi kavacaṃ devadurlabham |prātaḥkāle paṭhedyastu so'bhīṣṭaphalamāpnuyāt || 12||

पूजाकाले पठेद्यस्तु साधकों दक्षिणे भुजे ।देवा मनुष्या गन्धर्वा वश्यास्तस्य न संशयः ॥ १३॥

pūjākāle paṭhedyastu sādhakoṃ dakṣiṇe bhuje |devā manuṣyā gandharvā vaśyāstasya na saṃśayaḥ || 13||

कवचं यस्तु शिरसि धारयेद्यदि मानवः ।करस्थास्तस्य देवेशि अणिमाद्यष्टसिद्धयः ॥ १४॥

kavacaṃ yastu śirasi dhārayedyadi mānavaḥ |karasthāstasya deveśi aṇimādyaṣṭasiddhayaḥ || 14||

स्वर्णपत्रे त्विमां विद्यां शुक्लपट्टेन वेष्टिताम् ।राजतोदरसंविष्टां कृत्वा च धारयेत्सुधीः ॥ १५॥

svarṇapatre tvimāṃ vidyāṃ śuklapaṭṭena veṣṭitām |rājatodarasaṃviṣṭāṃ kṛtvā ca dhārayetsudhīḥ || 15||

सम्प्राप्य महतीं लक्ष्मीमन्त्रं च शिवरूपधृक् ।यस्मै कस्मै न दातव्यं न प्रकाश्यं कदाचन ॥ १६॥

samprāpya mahatīṃ lakṣmīmantraṃ ca śivarūpadhṛk |yasmai kasmai na dātavyaṃ na prakāśyaṃ kadācana || 16||

शिष्याय भक्तियुक्ताय साधकाय प्रकाशयेत् ।अन्यथा सिद्धिहानिः स्यात् सत्यमेतन्मनोरमे ॥ १७॥

śiṣyāya bhaktiyuktāya sādhakāya prakāśayet |anyathā siddhihāniḥ syāt satyametanmanorame || 17||

तव स्नेहान्महादेवि कथितं कवचं शुभम् ।न देयं कस्यचिद्भद्रे यदीच्छेदात्मनो हितम् ॥ १८॥

tava snehānmahādevi kathitaṃ kavacaṃ śubham |na deyaṃ kasyacidbhadre yadīcchedātmano hitam || 18||

योऽर्चयेद् गन्धपुष्पाद्यैः कवचं मन्मुखोदितम् ।तेनार्चिता महादेवि सर्वे देवा न संशयः ॥ १९॥

yo'rcayed gandhapuṣpādyaiḥ kavacaṃ manmukhoditam |tenārcitā mahādevi sarve devā na saṃśayaḥ || 19||

इति क्रियोड्डीशे महातन्त्रराजे देवीश्वरसंवादे सर्वरक्षाकरं कवचं समाप्तम् ॥पञ्चदशः पटलः

iti kriyoḍḍīśe mahātantrarāje devīśvarasaṃvāde sarvarakṣākaraṃ kavacaṃ samāptam ||pañcadaśaḥ paṭalaḥ