परमात्माष्टकम् Paramatmashtakam

श्रीगणेशाय नमः ॥परमात्मँस्तव प्राप्तौ कुशलोऽस्मि न संशयः ।तथापि मे मनो दुष्टं भोगेषु रमते सदा ॥ १॥

śrīgaṇeśāya namaḥ ||paramātmam̐stava prāptau kuśalo'smi na saṃśayaḥ |tathāpi me mano duṣṭaṃ bhogeṣu ramate sadā || 1||

यदा यदा तु वैराग्यं भोगेभ्यश्च करोम्यहम् ।तदैव मे मनो मूढं पुनर्भोगेषु गच्छति ॥ २॥

yadā yadā tu vairāgyaṃ bhogebhyaśca karomyaham |tadaiva me mano mūḍhaṃ punarbhogeṣu gacchati || 2||

भोगान्भुक्त्वा मुदं याति मनो मे चञ्चलं प्रभो ।तव स्मृतिर्यदाऽऽयाति तदा भाति बहिर्मुखम् ॥ ३॥

bhogānbhuktvā mudaṃ yāti mano me cañcalaṃ prabho |tava smṛtiryadā''yāti tadā bhāti bahirmukham || 3||

प्रत्यहं शास्त्रनिचयं चिन्तयामि समाहितः ।तथापि मे मनो मूढं त्यक्त्वा त्वां भोगमिच्छति ॥ ४॥

pratyahaṃ śāstranicayaṃ cintayāmi samāhitaḥ |tathāpi me mano mūḍhaṃ tyaktvā tvāṃ bhogamicchati || 4||

शोकमोहौ मानमदौ तवाज्ञ्नाद्भवन्ति वै ।यदा बुद्धिपथं यासि यान्ति ते विलयं तदा ॥ ५॥

śokamohau mānamadau tavājñnādbhavanti vai |yadā buddhipathaṃ yāsi yānti te vilayaṃ tadā || 5||

कृपां कुरु तथा नाथ त्वयि चित्तं स्थिरं यथा ।मम स्याज्ज्ञानसंयुक्तं तव ध्यानपरायणम् ॥ ६॥

kṛpāṃ kuru tathā nātha tvayi cittaṃ sthiraṃ yathā |mama syājjñānasaṃyuktaṃ tava dhyānaparāyaṇam || 6||

मायया ते विमूढोऽस्मि न पश्यामि हिताहितम् ।संसारपारपाथोधौ पतितं मां समुद्धर ॥ ७॥

māyayā te vimūḍho'smi na paśyāmi hitāhitam |saṃsārapārapāthodhau patitaṃ māṃ samuddhara || 7||

परमात्मँस्त्वयि सदा मम स्यान्निश्चला मतिः ।संसारदुःखगहनात्त्वं सदा रक्षको मम ॥ ८॥

paramātmam̐stvayi sadā mama syānniścalā matiḥ |saṃsāraduḥkhagahanāttvaṃ sadā rakṣako mama || 8||

परमात्मन इदं स्तोत्रं मोहविच्छेदकारकम् ।ज्ञानदं च भवेन्नॄणां योगानन्देन निर्मितम् ॥ ९॥

paramātmana idaṃ stotraṃ mohavicchedakārakam |jñānadaṃ ca bhavennṝṇāṃ yogānandena nirmitam || 9||

इति श्रीयोगानन्दतीर्थविरचितं परमात्माष्टकं सम्पूर्णम् ॥

iti śrīyogānandatīrthaviracitaṃ paramātmāṣṭakaṃ sampūrṇam ||