shivastutiH (8) Maghamasakrite Shiva Stuti Masa11

(शिवरहस्यान्तर्गते महादेवाख्ये)शिवगौरीसंवादेवेदार्वाय महेश्वराय विधये शर्वाय सर्वेश्वरायाधाराय गदाभृते वसुधृते व्योमाय सोमाय ते ।सोमायाध्वरसम्भृते वरकृपापूर्णाय पूर्ण प्रभोऽपर्णाहृत्कमलान्तराय महसे देवाय तुभ्यं नमः ॥ ४६॥

(śivarahasyāntargate mahādevākhye)śivagaurīsaṃvādevedārvāya maheśvarāya vidhaye śarvāya sarveśvarāyādhārāya gadābhṛte vasudhṛte vyomāya somāya te |somāyādhvarasambhṛte varakṛpāpūrṇāya pūrṇa prabho'parṇāhṛtkamalāntarāya mahase devāya tubhyaṃ namaḥ || 46||

विश्वाय प्रभवे भवाय भवते भावैकभाव्याय तेभामार्धाकृतये भवाब्धिबडवाज्वलाय कालाय ते ।मूलाय प्रथिताय सोमशकलालङ्कारमस्ताय तेविश्वस्ताश्वसनाय घोरभवहृत्कान्ताय शान्ताय तेवेदान्तप्रथिताय तेऽद्य महसे घोरान्तकान्ताय ते ॥ ४७॥

viśvāya prabhave bhavāya bhavate bhāvaikabhāvyāya tebhāmārdhākṛtaye bhavābdhibaḍavājvalāya kālāya te |mūlāya prathitāya somaśakalālaṅkāramastāya teviśvastāśvasanāya ghorabhavahṛtkāntāya śāntāya tevedāntaprathitāya te'dya mahase ghorāntakāntāya te || 47||

रमारमणसायकारुणपतिग्रसन्नीक्षण(प्रसन्नेक्षण)क्षपापतिकलाधरक्षपितपापतापाय ते ।विशिष्टजनरक्षणेक्षणविशिष्टतुष्टाय तेसुकष्टमिदमद्य मे भवजदुष्टकष्टं हर ॥ ४८॥

ramāramaṇasāyakāruṇapatigrasannīkṣaṇa(prasannekṣaṇa)kṣapāpatikalādharakṣapitapāpatāpāya te |viśiṣṭajanarakṣaṇekṣaṇaviśiṣṭatuṣṭāya tesukaṣṭamidamadya me bhavajaduṣṭakaṣṭaṃ hara || 48||

भवानभवदोऽरिहा हर शरण्यगण्यो महान्विगुण्यमपि मां विभो तव शरण्य पादे रतम् ।सदा करुणयाऽनया शमनजातभीतिं हरन्हराव विभवाधिकं कुरु महेश मामर्भकम् ॥ ४९॥

bhavānabhavado'rihā hara śaraṇyagaṇyo mahānviguṇyamapi māṃ vibho tava śaraṇya pāde ratam |sadā karuṇayā'nayā śamanajātabhītiṃ haranharāva vibhavādhikaṃ kuru maheśa māmarbhakam || 49||

इत्थं स्तुत्वाऽथ मां माघे पौर्णम्यां होममाचरेत् ।पूर्वोक्तक्रमयोगेन शाम्भवैः सह सादरम् ॥ ५०॥

itthaṃ stutvā'tha māṃ māghe paurṇamyāṃ homamācaret |pūrvoktakramayogena śāmbhavaiḥ saha sādaram || 50||

दद्याद्गोमिथुनं देवि कपिलं च सवत्सकम् ।पौर्णम्यां च प्रकुर्वीत महेशघृतकम्बलम् ॥ ५१॥

dadyādgomithunaṃ devi kapilaṃ ca savatsakam |paurṇamyāṃ ca prakurvīta maheśaghṛtakambalam || 51||

लिङ्गं त्रिवेदिपर्यन्तं गव्येन सुघृतेन च ।संस्नाप्य मां विधिः प्रोक्तो महेश घृतकम्बले ॥ ५२॥

liṅgaṃ trivediparyantaṃ gavyena sughṛtena ca |saṃsnāpya māṃ vidhiḥ prokto maheśa ghṛtakambale || 52||

विधिना तेन कुर्वीत महेशि घृतकम्बलम् ।सर्वपापविनिर्मुक्तः शिवसायुज्यमाप्नुयात् ॥ ५३॥

vidhinā tena kurvīta maheśi ghṛtakambalam |sarvapāpavinirmuktaḥ śivasāyujyamāpnuyāt || 53||

शिवरात्रिव्रतं वक्ष्ये शिवप्रीतिकरं परम् ।अहोरात्रं माघमासि घृतधारां प्रकल्पयेत् ॥ ५४॥

śivarātrivrataṃ vakṣye śivaprītikaraṃ param |ahorātraṃ māghamāsi ghṛtadhārāṃ prakalpayet || 54||

धारारूपाणि पापानि विनष्टानि न संशयः ।दर्शनं स्पर्शनं लिङ्गे घृतस्नानं विशेषतः ॥ ५५॥

dhārārūpāṇi pāpāni vinaṣṭāni na saṃśayaḥ |darśanaṃ sparśanaṃ liṅge ghṛtasnānaṃ viśeṣataḥ || 55||

एवमेकगुणं ज्ञेयं गृहे क्षेत्रेष्वथाधिकम् ।सर्वाघौघहरो मासो मासोऽयं पुण्यवर्धनः ॥ ५६॥

evamekaguṇaṃ jñeyaṃ gṛhe kṣetreṣvathādhikam |sarvāghaughaharo māso māso'yaṃ puṇyavardhanaḥ || 56||

स्नानदानार्चनविधौ विशिष्टो भवतुष्टिदः ।प्रयागे तु विशेषेण मकरस्थे दिवाकरे ॥ ५७॥

snānadānārcanavidhau viśiṣṭo bhavatuṣṭidaḥ |prayāge tu viśeṣeṇa makarasthe divākare || 57||

गङ्गायमुनयोर्मध्ये श्रीशैलाचल विन्ध्ययोः ।स्नानदानार्चनं देवि श्राद्धेनानन्त्यमश्नुते ॥ ५८॥

gaṅgāyamunayormadhye śrīśailācala vindhyayoḥ |snānadānārcanaṃ devi śrāddhenānantyamaśnute || 58||

॥ इति शिवरहस्यान्तर्गते ईश्वरप्रोक्तं माघमासकृते शिवस्तुतिः सम्पूर्णा ॥॥ श्रीशिवरहस्यम् । महादेवाख्यः एकादशमांशः । अध्यायः २४ माघमासार्चनम् । ४६५८॥

|| iti śivarahasyāntargate īśvaraproktaṃ māghamāsakṛte śivastutiḥ sampūrṇā |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 24 māghamāsārcanam | 4658||

– ॥ श्रीशिवरहस्यम् ।महादेवाख्यः एकादशमांशः ।अध्यायः २४ माघमासार्चनम् ।४६-५८॥

– || śrīśivarahasyam |mahādevākhyaḥ ekādaśamāṃśaḥ |adhyāyaḥ 24 māghamāsārcanam | 46-58||