शिवस्तवः (कालाग्निरुद्रकृतः शिवरहस्यान्तर्गतः) Kalagnirudrakrita Shiva Stava

निर्वाणार्णवकर्णधार भगवन् त्वं शर्वरीशाननवामार्धाङ्गभुजङ्गसङ्गत महाभस्मैकसङ्ग प्रभो ।यत्काश्यां विशतां महौघनिवहं दूरेऽप्यदूरः सतांत्वं चान्नाधिपतिः सदैव मुदितो वेदेषु जेगीयसे ॥ ३६॥

nirvāṇārṇavakarṇadhāra bhagavan tvaṃ śarvarīśānanavāmārdhāṅgabhujaṅgasaṅgata mahābhasmaikasaṅga prabho |yatkāśyāṃ viśatāṃ mahaughanivahaṃ dūre'pyadūraḥ satāṃtvaṃ cānnādhipatiḥ sadaiva mudito vedeṣu jegīyase || 36||

अम्बाऽन्नप्रियदायिनी भगवतः पुत्रोऽप्यसौ ढुण्ढिराट्दण्ड्यान्दण्डयति प्रतिक्षणमसौ श्रोदण्डपाणिः सदा ।भीरूणां भयनाशनाय भवता श्रीभैरवः कल्पितःश्रीकर्णी मणिकर्णिका विजयते लिङ्गालिसौधोत्तरा ॥ ३७॥

ambā'nnapriyadāyinī bhagavataḥ putro'pyasau ḍhuṇḍhirāṭdaṇḍyāndaṇḍayati pratikṣaṇamasau środaṇḍapāṇiḥ sadā |bhīrūṇāṃ bhayanāśanāya bhavatā śrībhairavaḥ kalpitaḥśrīkarṇī maṇikarṇikā vijayate liṅgālisaudhottarā || 37||

विश्वेशान तव प्रभावमतुलं जानीत को दुर्जनोयस्मिन्नन्तकभीतिलेशरहिते त्वं चान्त्यभृषाप्रदः ।दिव्योङ्कारमहाध्वनिं ह्युपदिशन्मुक्त्यङ्गनाकामिनंकृत्वा भोगिफणालिहारसुगलं चन्द्रार्धगङ्गाधरम् ॥ ३८॥

viśveśāna tava prabhāvamatulaṃ jānīta ko durjanoyasminnantakabhītileśarahite tvaṃ cāntyabhṛṣāpradaḥ |divyoṅkāramahādhvaniṃ hyupadiśanmuktyaṅganākāminaṃkṛtvā bhogiphaṇālihārasugalaṃ candrārdhagaṅgādharam || 38||

भस्माभ्यक्ततनुं करीन्द्रजमहाचर्माम्बरोद्यत्कटिंहस्ते शूलकपालमौलिविहितं नेत्रत्रयेनोज्वलम् ।उक्षाधीश्वरकेतनं गरगलं कृत्वा नरं पावनमित्युक्त्वाप्रणतो विधीन्द्रसहितो रुद्रस्तदा निर्ययौ ॥ ३९॥

bhasmābhyaktatanuṃ karīndrajamahācarmāmbarodyatkaṭiṃhaste śūlakapālamaulivihitaṃ netratrayenojvalam |ukṣādhīśvaraketanaṃ garagalaṃ kṛtvā naraṃ pāvanamityuktvāpraṇato vidhīndrasahito rudrastadā niryayau || 39||

हृष्टो हर्षपरम्परानुभवतो धाम स्वमत्यादराद्गच्छंस्तत्रजगाद सूक्तिपरमैरानन्दवर्षैर्युतः ।तच्चानन्दवनं सनन्दनमहायोगीन्द्रसेव्यं सदायश्चात्र स्वतनुं जहाति स नरो धन्यो भवेन्नेतरः ॥ ४०॥

hṛṣṭo harṣaparamparānubhavato dhāma svamatyādarādgacchaṃstatrajagāda sūktiparamairānandavarṣairyutaḥ |taccānandavanaṃ sanandanamahāyogīndrasevyaṃ sadāyaścātra svatanuṃ jahāti sa naro dhanyo bhavennetaraḥ || 40||

॥ इति शिवरहस्यान्तर्गते शिवाख्ये कालाग्निरुद्रकृतः शिवस्तवः सम्पूर्णः ॥॥ श्रीशिवरहस्यम् । शिवाख्यः चतुर्थांशः । अध्यायः २७ । ३६४०॥

|| iti śivarahasyāntargate śivākhye kālāgnirudrakṛtaḥ śivastavaḥ sampūrṇaḥ |||| śrīśivarahasyam | śivākhyaḥ caturthāṃśaḥ | adhyāyaḥ 27 | 3640||

– ॥ श्रीशिवरहस्यम् ।शिवाख्यः चतुर्थांशः ।अध्यायः २७ ।३६-४०॥

– || śrīśivarahasyam |śivākhyaḥ caturthāṃśaḥ |adhyāyaḥ 27 | 36-40||