पञ्चवक्त्रशिवस्तुतिः देवीकृता Devikrita Panchavaktra Shiva Stuti

सद्योजात महेश शङ्कर विभो खद्योतवत्त्वत्पुरःस्थातुं न प्रभवो भवन्ति विबुधास्ते सोमसूर्यानलाः ।विद्योतन्ति कथं सुविद्युत इमास्स्याद्दन्तिनद्योऽपितेभीताः सागरगा यमानिलमरुन्नाथानलाः(निलाः) पाहि माम् ॥ १॥

sadyojāta maheśa śaṅkara vibho khadyotavattvatpuraḥsthātuṃ na prabhavo bhavanti vibudhāste somasūryānalāḥ |vidyotanti kathaṃ suvidyuta imāssyāddantinadyo'pitebhītāḥ sāgaragā yamānilamarunnāthānalāḥ(nilāḥ) pāhi mām || 1||

वामदेवमुनिदेवगणेन्द्रैर्वासुदेवनयनार्चितपाद ।भूमिदेवनिकरैरभिपूज्य देवदेव दयया परिपाहि ॥ २॥

vāmadevamunidevagaṇendrairvāsudevanayanārcitapāda |bhūmidevanikarairabhipūjya devadeva dayayā paripāhi || 2||

(हे) अघोर घोरभवसागरकर्णधार लीलाकृताङ्ग सुरहीर महेश धीर ।मारमार करवीरसुमाद्य(सुमध्य)स्रग्धरामरवराधिप धीर (धीर) ॥ ३॥

(he) aghora ghorabhavasāgarakarṇadhāra līlākṛtāṅga surahīra maheśa dhīra |māramāra karavīrasumādya(sumadhya)sragdharāmaravarādhipa dhīra (dhīra) || 3||

ईशान संहनन भोगितकामिनीन ।प्रोद्यद्दिवाकरहुताशनशशीनयनाङ्गहीन ॥ ४॥

īśāna saṃhanana bhogitakāminīna |prodyaddivākarahutāśanaśaśīnayanāṅgahīna || 4||

नानाविधान जगदेकनिधान शम्भो मेनात्मजाविनुत वेदततिप्रधान ।तत्पुरुषीपूर्णजगतामुदीति शम्भो पारुष्यहीनवचसाप्यधिवक्तृता ते ॥ ५॥

nānāvidhāna jagadekanidhāna śambho menātmajāvinuta vedatatipradhāna |tatpuruṣīpūrṇajagatāmudīti śambho pāruṣyahīnavacasāpyadhivaktṛtā te || 5||

॥ इति शिवरहस्यान्तर्गते भवाख्ये देवीकृता पञ्चवक्त्रशिवस्तुतिः ॥॥ श्रीशिवरहस्यम् । भवाख्यः द्वितीयांशः । अध्यायः ३० ॥– ॥ श्रीशिवरहस्यम् । भवाख्यः द्वितीयांशः । अध्यायः ३० ॥

|| iti śivarahasyāntargate bhavākhye devīkṛtā pañcavaktraśivastutiḥ |||| śrīśivarahasyam | bhavākhyaḥ dvitīyāṃśaḥ | adhyāyaḥ 30 ||– || śrīśivarahasyam | bhavākhyaḥ dvitīyāṃśaḥ | adhyāyaḥ 30 ||