शिवस्तुतिः (चण्डीशकृता शिवरहस्यान्तर्गता) Chandishakrita Shiva Stuti

रविशशिहुतभुक्त्रिधामनेत्रो ज्वलशूलानलदग्धकालकाल ।कृतहालाहल नीलकण्ठ शम्भो परिपाहीश्वर देवसार्वभौम ॥ ५॥

raviśaśihutabhuktridhāmanetro jvalaśūlānaladagdhakālakāla |kṛtahālāhala nīlakaṇṭha śambho paripāhīśvara devasārvabhauma || 5||

भव भर्ग महेश भीम शङ्कर त्रिदशाधीश्वर सर्पजालमाल ।अव भव दयया रसार्द्रलोकैः परिमुक्तोऽस्म्यघतः तवेश शम्भो ॥ ६॥

bhava bharga maheśa bhīma śaṅkara tridaśādhīśvara sarpajālamāla |ava bhava dayayā rasārdralokaiḥ parimukto'smyaghataḥ taveśa śambho || 6||

हर हर मगवन् पुरप्रहर्तः कुरु करुणां शशिधामचूड शम्भो ।गरधर हरिशर गिरिवाह परिपाहीश्वर देवसार्वभौम ॥ ७॥

hara hara magavan puraprahartaḥ kuru karuṇāṃ śaśidhāmacūḍa śambho |garadhara hariśara girivāha paripāhīśvara devasārvabhauma || 7||

सङ्क्रन्दन भुजखण्डन वरतर करुणारुणाक्षदेव प्रथितामोद पदान्ज देव शम्भो ।यमभटपटलीविदूरिताघ ज्वलधीरामरदेवसार्वभौम ॥ ८॥

saṅkrandana bhujakhaṇḍana varatara karuṇāruṇākṣadeva prathitāmoda padānja deva śambho |yamabhaṭapaṭalīvidūritāgha jvaladhīrāmaradevasārvabhauma || 8||

मन्दारवृन्दमुनिवेदकदम्बगीत गोविन्दपूज्यपदपद्म सनन्दवन्ध ।मन्दारसुन्दरसदम्बुरुहोरुमाल देव त्वमेव निखिलेन्दुकलाललाम ॥ ९॥

mandāravṛndamunivedakadambagīta govindapūjyapadapadma sanandavandha |mandārasundarasadamburuhorumāla deva tvameva nikhilendukalālalāma || 9||

अहीशमणिकुण्डलं रविजमण्डलान्तर्गतंगणेन्द्रकृतताताण्डवप्रियमपारपिण्डोज्ज्वलम् ।भजामि कनकाचलोल्लसितवामहस्ताम्बुजंमुरारिशरकाण्डतोज्वलसुदक्षपाणिं भजे ॥ १०॥

ahīśamaṇikuṇḍalaṃ ravijamaṇḍalāntargataṃgaṇendrakṛtatātāṇḍavapriyamapārapiṇḍojjvalam |bhajāmi kanakācalollasitavāmahastāmbujaṃmurāriśarakāṇḍatojvalasudakṣapāṇiṃ bhaje || 10||

उरगतुरगहेषहारप्रतुष्टं घनवासहामरवृन्दसार्वभौमम् ।अजगजनिधनं प्रकृष्टनृत्तं भज भालस्फुरदुब्ज्वलत्रिपुण्डूम् ॥ ११॥

uragaturagaheṣahārapratuṣṭaṃ ghanavāsahāmaravṛndasārvabhaumam |ajagajanidhanaṃ prakṛṣṭanṛttaṃ bhaja bhālasphuradubjvalatripuṇḍūm || 11||

करुणावरुणालयं महेशं शरणं यामि शरण्यमीश्वरम् ।अरुणाधिपकारणं महेशं धरणीधृग्वरहारमीशितारम् ॥ १२॥

karuṇāvaruṇālayaṃ maheśaṃ śaraṇaṃ yāmi śaraṇyamīśvaram |aruṇādhipakāraṇaṃ maheśaṃ dharaṇīdhṛgvarahāramīśitāram || 12||

कुमुदकमलगन्धवाहमित्रनेत्रं दहराकाशगतं भजामि शम्भुम् ।श्रुतिशतविनुतापदानमीशं हरिपद्मासनमार्गितोत्तमाङ्गमूलम् ॥ १३॥

kumudakamalagandhavāhamitranetraṃ daharākāśagataṃ bhajāmi śambhum |śrutiśatavinutāpadānamīśaṃ haripadmāsanamārgitottamāṅgamūlam || 13||

॥ इति शिवरहस्यान्तर्गते शिवाख्ये चण्डीशकृता शिवस्तुतिः सम्पूर्णा ॥॥ श्रीशिवरहस्यम् । शिवाख्यः चतुर्थांशः । अध्यायः ८ । ५१३॥

|| iti śivarahasyāntargate śivākhye caṇḍīśakṛtā śivastutiḥ sampūrṇā |||| śrīśivarahasyam | śivākhyaḥ caturthāṃśaḥ | adhyāyaḥ 8 | 513||

– ॥ श्रीशिवरहस्यम् ।शिवाख्यः चतुर्थांशः ।अध्यायः ८ ।५-१३॥

– || śrīśivarahasyam |śivākhyaḥ caturthāṃśaḥ |adhyāyaḥ 8 | 5-13||