shivastutiH (4) Chaitramasakrite Shiva Stuti Masa1

(शिवरहस्यान्तर्गते महादेवाख्ये)शिवगौरीसंवादेसद्योजातादिविद्या प्रभवविधिकृते शूलिने गोत्रिणे तेमत्तेभाजिनवाससे विधिमहामुण्डोरुसद्वक्षसे ।ज्वालाकूटविशोषिताखिलमहाकालाय भालोज्ज्वलभीमालोलविषोरुकण्ठरभसे पूर्षाय तुभ्यं नमः ॥ ४९॥

(śivarahasyāntargate mahādevākhye)śivagaurīsaṃvādesadyojātādividyā prabhavavidhikṛte śūline gotriṇe temattebhājinavāsase vidhimahāmuṇḍorusadvakṣase |jvālākūṭaviśoṣitākhilamahākālāya bhālojjvalabhīmālolaviṣorukaṇṭharabhase pūrṣāya tubhyaṃ namaḥ || 49||

मासस्तोत्रनुताय वेदवचसां सीमान्तसञ्चारिणेवामार्धाकृतये सदा सुकृतये कामाङ्गनाशाय ते ।व्योमाकारशरीरधूमपटलीकेशाय पाशावृतपारावार विकारसंसृति भवोत्ताराय तुभ्यं नमः ॥ ५०॥

māsastotranutāya vedavacasāṃ sīmāntasañcāriṇevāmārdhākṛtaye sadā sukṛtaye kāmāṅganāśāya te |vyomākāraśarīradhūmapaṭalīkeśāya pāśāvṛtapārāvāra vikārasaṃsṛti bhavottārāya tubhyaṃ namaḥ || 50||

भस्माङ्गाय भवाय भावुक हृदोत्तुङ्गाय गङ्गारयस्फाराघोरमहोत्तमाङ्ग विलसल्लिङ्गाय शाङ्गाय ते ।कामाद्यङ्गविभङ्गकाय सुमहादित्याङ्गसङ्गस्फुरजालाङ्गाय कुरङ्गबालविलसद्धस्ताय तुभ्यं नमः ॥ ५१॥

bhasmāṅgāya bhavāya bhāvuka hṛdottuṅgāya gaṅgārayasphārāghoramahottamāṅga vilasalliṅgāya śāṅgāya te |kāmādyaṅgavibhaṅgakāya sumahādityāṅgasaṅgasphurajālāṅgāya kuraṅgabālavilasaddhastāya tubhyaṃ namaḥ || 51||

ईशाय शाश्वत जगत्स्थितिनाशकेशव्योमावकाश शशिधाम विभासि धाम्ने ।भूम्ने विधूततमसे रभसे विशोकसीने भवाय विभवाय नमोनमस्ते ॥ ५२॥

īśāya śāśvata jagatsthitināśakeśavyomāvakāśa śaśidhāma vibhāsi dhāmne |bhūmne vidhūtatamase rabhase viśokasīne bhavāya vibhavāya namonamaste || 52||

स्तुत्वैवं देवमीशानं पुनः सम्पूज्य शङ्करम् ।ईशानं पुरुषं देवं वामदेवमधोरकम् ।सद्योजातं च देवेशि नामभिः संस्तुवीत च ॥ ५३॥

stutvaivaṃ devamīśānaṃ punaḥ sampūjya śaṅkaram |īśānaṃ puruṣaṃ devaṃ vāmadevamadhorakam |sadyojātaṃ ca deveśi nāmabhiḥ saṃstuvīta ca || 53||

ततो नीराजनं दद्यात् वादित्राणां निदानतः ।शङ्खकाहलनिर्घोषैर्भेरीभाङ्कारमद्दलैः ॥ ५४॥

tato nīrājanaṃ dadyāt vāditrāṇāṃ nidānataḥ |śaṅkhakāhalanirghoṣairbherībhāṅkāramaddalaiḥ || 54||

वेणुवीणामृदङ्गैश्च जयशब्दैः सुमङ्गलैः ।पूजां समाप्य नियतःकरतालसुनर्तनैः ॥ ५५॥

veṇuvīṇāmṛdaṅgaiśca jayaśabdaiḥ sumaṅgalaiḥ |pūjāṃ samāpya niyataḥkaratālasunartanaiḥ || 55||

प्रसादयेन्महादेवं पूजान्ते शाम्भवैः सह ।निवेदितैश्च ताम्बूलैः पूजयेद्दक्षिणादिभिः ॥ ५६॥

prasādayenmahādevaṃ pūjānte śāmbhavaiḥ saha |niveditaiśca tāmbūlaiḥ pūjayeddakṣiṇādibhiḥ || 56||

एकवारं त्रिवारं वा पूजयेद्गिरिजापतिम् ।छत्रैश्च चामरैर्दिव्यव्यजनादर्शकैरपि ॥ ५७॥

ekavāraṃ trivāraṃ vā pūjayedgirijāpatim |chatraiśca cāmarairdivyavyajanādarśakairapi || 57||

चैत्रत्रिणेत्रपूजातः क्षिप्रं नश्यति पातकम् ।चित्रायामथ पौर्णम्यां होमं कुर्याच्च शाम्भवैः ॥ ५८॥

caitratriṇetrapūjātaḥ kṣipraṃ naśyati pātakam |citrāyāmatha paurṇamyāṃ homaṃ kuryācca śāmbhavaiḥ || 58||

दद्याद्गोमिथुनं तत्र मासि मासि विशेषतः ।प्रसङ्गाच्चैव सम्पूज्यो भक्तिहीनैरपि द्विजैः ॥ ५९॥

dadyādgomithunaṃ tatra māsi māsi viśeṣataḥ |prasaṅgāccaiva sampūjyo bhaktihīnairapi dvijaiḥ || 59||

विशोषयेत्तनुं देवि नक्ताशी क्षारवर्जितम् ।एवं चैत्रादिमासस्य पूजनं ते प्रकीर्तितम् ॥ ६३॥

viśoṣayettanuṃ devi naktāśī kṣāravarjitam |evaṃ caitrādimāsasya pūjanaṃ te prakīrtitam || 63||

यत्कृत्वा मनुजः सद्यो लभेद्रुद्रगणत्वताम् ।पितामहैः सहैवाथ नरकस्थैरपि द्विजः ॥ ६४॥

yatkṛtvā manujaḥ sadyo labhedrudragaṇatvatām |pitāmahaiḥ sahaivātha narakasthairapi dvijaḥ || 64||

याति शम्भोर्वरस्थानं विमानैः सार्वगामिकैः ॥ ६५॥

yāti śambhorvarasthānaṃ vimānaiḥ sārvagāmikaiḥ || 65||

॥ इति शिवरहस्यान्तर्गते ईश्वरप्रोक्तं चैत्रमासकृते शिवस्तुतिः सम्पूर्णा ॥॥ श्रीशिवरहस्यम् । महादेवाख्यः एकादशमांशः । अध्यायः १४ चैत्रमासार्चनकथनम् । वावृत्तश्लोकाः ॥– ॥ श्रीशिवरहस्यम् । महादेवाख्यः एकादशमांशः । अध्यायः १४ चैत्रमासार्चनकथनम् । वावृत्तश्लोकाः ॥

|| iti śivarahasyāntargate īśvaraproktaṃ caitramāsakṛte śivastutiḥ sampūrṇā |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 14 caitramāsārcanakathanam | vāvṛttaślokāḥ ||– || śrīśivarahasyam | mahādevākhyaḥ ekādaśamāṃśaḥ | adhyāyaḥ 14 caitramāsārcanakathanam | vāvṛttaślokāḥ ||