शिवस्तुतिः ब्रह्मकृता ४ Brahmakrita Shiva Stuti

मदमुदितमदनदमन सदनीकृत गिरिवदनसङ्क्रन्दनकृतवन्दन यमुनानुजभवनशमन ।सिकनाशनतनयरक्षण भुवनाधिपगगनान्तर(गहनाकृतिमनन) गिरिजानन कमलोद्भव परिगन्धितसंहनन ॥ ३॥

madamuditamadanadamana sadanīkṛta girivadanasaṅkrandanakṛtavandana yamunānujabhavanaśamana |sikanāśanatanayarakṣaṇa bhuvanādhipagaganāntara(gahanākṛtimanana) girijānana kamalodbhava parigandhitasaṃhanana || 3||

अरुणानुजकृतवाहन परिपूजन परितोषणतरणिप्रभदितिजान्तकखग्वक्त्रक शम्भो ।(अरशोभितचक्रवरप्रद) वरुणालय कृतपारण मुनिपूजितचरणअरुणाचलवसते शिव करुणां कुरु शम्भो ॥ ४॥

aruṇānujakṛtavāhana paripūjana paritoṣaṇataraṇiprabhaditijāntakakhagvaktraka śambho |(araśobhitacakravaraprada) varuṇālaya kṛtapāraṇa munipūjitacaraṇaaruṇācalavasate śiva karuṇāṃ kuru śambho || 4||

भवं हरं मृडं शिवं महेशमीशशङ्करंउमाधवं रमाधवाब्जनेत्रपूज्यपादकम् ।गराशनं शरासने गिरीन्द्रमौलिधारिणंपुराशनं स्मराशनं भजे सदाऽघमोचकम् ॥ २६॥

bhavaṃ haraṃ mṛḍaṃ śivaṃ maheśamīśaśaṅkaraṃumādhavaṃ ramādhavābjanetrapūjyapādakam |garāśanaṃ śarāsane girīndramaulidhāriṇaṃpurāśanaṃ smarāśanaṃ bhaje sadā'ghamocakam || 26||

अजाद्यमुण्डपण्डधृङ्महाण्डकोटिमण्डलप्रचण्डताण्डवोल्लसत्सुगण्डकुण्डलीश्वरम् ।शिखण्डखण्डसोमधृक्सुपुण्डरीकसम्भवप्रकाशचर्मवासितं भजाम्यखण्डमीश्वरम् ॥ २७॥

ajādyamuṇḍapaṇḍadhṛṅmahāṇḍakoṭimaṇḍalapracaṇḍatāṇḍavollasatsugaṇḍakuṇḍalīśvaram |śikhaṇḍakhaṇḍasomadhṛksupuṇḍarīkasambhavaprakāśacarmavāsitaṃ bhajāmyakhaṇḍamīśvaram || 27||

॥ इति शिवरहस्यान्तर्गते शिवाख्ये ब्रह्माकृता शिवस्तुतिः सम्पूर्णा ॥॥ श्रीशिवरहस्यम् । शिवाख्यः चतुर्थांशः । अध्यायः २८ । ३४, २६२७॥

|| iti śivarahasyāntargate śivākhye brahmākṛtā śivastutiḥ sampūrṇā |||| śrīśivarahasyam | śivākhyaḥ caturthāṃśaḥ | adhyāyaḥ 28 | 34, 2627||

– ॥ श्रीशिवरहस्यम् ।शिवाख्यः चतुर्थांशः ।अध्यायः २८ ।३-४, २६-२७॥

– || śrīśivarahasyam |śivākhyaḥ caturthāṃśaḥ |adhyāyaḥ 28 | 3-4, 26-27||