कुम्भेश्वरस्तुतिः Brahmakrita Shri Kumbheshvara Stutih

ब्रह्मोवाच ।नमो नमः कारणकारणायश्रीमत्सुधाकुम्भगविग्रहाय ।कल्याणसान्द्राय गुणाकरायश्रीकुम्भलिङ्गाय नमश्शिवाय ॥ १॥

brahmovāca |namo namaḥ kāraṇakāraṇāyaśrīmatsudhākumbhagavigrahāya |kalyāṇasāndrāya guṇākarāyaśrīkumbhaliṅgāya namaśśivāya || 1||

भीमाय भीमाधिहराय शम्भवेनागाय शान्ताय मनोहराय ।महाजटाजूटधराय भूतयेश्रीकुम्भलिङ्गाय नमश्शिवाय ॥ २॥

bhīmāya bhīmādhiharāya śambhavenāgāya śāntāya manoharāya |mahājaṭājūṭadharāya bhūtayeśrīkumbhaliṅgāya namaśśivāya || 2||

सर्वागमाम्नाय शरीरधारिणेसोमार्कनेत्राय महेश्वराय ।यज्ञाय यज्ञेश्वरपूजितायश्रीकुम्भलिङ्गाय नमश्शिवाय ॥ ३॥

sarvāgamāmnāya śarīradhāriṇesomārkanetrāya maheśvarāya |yajñāya yajñeśvarapūjitāyaśrīkumbhaliṅgāya namaśśivāya || 3||

कात्यायनीकामितदायकायदुर्गार्धदेहाय कृतागमाय ।कालाय कालेश्वरपूजितायश्रीकुम्भलिङ्गाय नमश्शिवाय ॥ ४॥

kātyāyanīkāmitadāyakāyadurgārdhadehāya kṛtāgamāya |kālāya kāleśvarapūjitāyaśrīkumbhaliṅgāya namaśśivāya || 4||

विभूतिदानेकशरीरधारिणेकल्पाय कल्पान्तकराय शम्भवे ।विश्वाय वैश्वानरलोचनायश्रीकुम्भलिङ्गाय नमश्शिवाय ॥ ५॥

vibhūtidānekaśarīradhāriṇekalpāya kalpāntakarāya śambhave |viśvāya vaiśvānaralocanāyaśrīkumbhaliṅgāya namaśśivāya || 5||

मायाप्रपञ्चाय मनोहरायमायाघटेशाय महाऽऽधिहारिणे ।मायाप्रपञ्चैकनिदानमूर्तयेश्रीकुम्भलिङ्गाय नमश्शिवाय ॥ ६॥

māyāprapañcāya manoharāyamāyāghaṭeśāya mahā''dhihāriṇe |māyāprapañcaikanidānamūrtayeśrīkumbhaliṅgāya namaśśivāya || 6||

भोगीन्द्रसम्पूजितविग्रहायभोगीन्द्रभूषाय भवान्तकाय ।श्रीभारतीशकरपल्लवपूजितायश्रीकुम्भलिङ्गाय नमश्शिवाय ॥ ७॥

bhogīndrasampūjitavigrahāyabhogīndrabhūṣāya bhavāntakāya |śrībhāratīśakarapallavapūjitāyaśrīkumbhaliṅgāya namaśśivāya || 7||

ताम्राय चामीकरभूषितायश्रीसोमकोटीरविभूषिताय ।समस्तसत्क्षेत्रतलावरायश्रीकुम्भलिङ्गाय नमश्शिवाय ॥ ८॥

tāmrāya cāmīkarabhūṣitāyaśrīsomakoṭīravibhūṣitāya |samastasatkṣetratalāvarāyaśrīkumbhaliṅgāya namaśśivāya || 8||

सृष्टिस्थितिध्वंसनकारणायश्रीसृष्टिबीजाङ्गमनोहराय ।सच्छास्त्रवेदान्तकळेबरायश्रीकुम्भलिङ्गाय नमश्शिवाय ॥ ९॥

sṛṣṭisthitidhvaṃsanakāraṇāyaśrīsṛṣṭibījāṅgamanoharāya |sacchāstravedāntakaḷebarāyaśrīkumbhaliṅgāya namaśśivāya || 9||

षड्वर्गसम्भेदनदीक्षितायषडाननादित्यफलप्रदाय ।समस्तमन्त्रार्थनिदानरूपिणेश्रीकुम्भलिङ्गाय नमश्शिवाय ॥ १०॥

ṣaḍvargasambhedanadīkṣitāyaṣaḍānanādityaphalapradāya |samastamantrārthanidānarūpiṇeśrīkumbhaliṅgāya namaśśivāya || 10||

कुम्भोद्भवप्रमुखपूजितविग्रहायवीराय वीरान्तकराय मायिने ।भक्तेष्टदाननिपुणाय भवाब्धिपोत्रेश्रीकुम्भलिङ्गाय नमश्शिवाय ॥ ११॥

kumbhodbhavapramukhapūjitavigrahāyavīrāya vīrāntakarāya māyine |bhakteṣṭadānanipuṇāya bhavābdhipotreśrīkumbhaliṅgāya namaśśivāya || 11||

मूलाय मूलागमपूजितायपाताळमूलाय निधीश्वराय ।नित्याय सिद्धेश्वरपूजितायश्रीकुम्भलिङ्गाय नमश्शिवाय ॥ १२॥

mūlāya mūlāgamapūjitāyapātāḷamūlāya nidhīśvarāya |nityāya siddheśvarapūjitāyaśrīkumbhaliṅgāya namaśśivāya || 12||

समस्तकल्याणवरप्रदायसमस्तकल्याणनिदानमूर्तये ।श्रीमङ्गळाम्बाऽर्चितपादपद्मिनेश्रीकुम्भलिङ्गाय नमश्शिवाय ॥ १३॥

samastakalyāṇavarapradāyasamastakalyāṇanidānamūrtaye |śrīmaṅgaḷāmbā'rcitapādapadmineśrīkumbhaliṅgāya namaśśivāya || 13||

लग्नाधिपेशाय ग्रहार्चितायश्रीकामधेनुसुरसङ्घसुपूजिताय ।पञ्चाननाय परमार्थनिदर्शकायश्रीकुम्भलिङ्गाय नमश्शिवाय ॥ १४॥

lagnādhipeśāya grahārcitāyaśrīkāmadhenusurasaṅghasupūjitāya |pañcānanāya paramārthanidarśakāyaśrīkumbhaliṅgāya namaśśivāya || 14||

तीर्थाधिनाथाय फलप्रदायफलस्वरूपाय फलाङ्गधारिणे ।श्रीमन्त्रपीठेश्वरिवल्लभायश्रीकुम्भलिङ्गाय नमश्शिवाय ॥ १५॥

tīrthādhināthāya phalapradāyaphalasvarūpāya phalāṅgadhāriṇe |śrīmantrapīṭheśvarivallabhāyaśrīkumbhaliṅgāya namaśśivāya || 15||

कारुण्यनिधये तुभ्यं कल्याणगुणसिन्धवे ।शूलिने मालिने तुभ्यं नमस्ते विश्वमूर्तये ॥ १६॥

kāruṇyanidhaye tubhyaṃ kalyāṇaguṇasindhave |śūline māline tubhyaṃ namaste viśvamūrtaye || 16||

अघोराय नमस्तुभ्यं वामदेवाय ते नमः ।सद्योजाताय नीलाय लोहिताक्षाय ते नमः ॥ १७॥

aghorāya namastubhyaṃ vāmadevāya te namaḥ |sadyojātāya nīlāya lohitākṣāya te namaḥ || 17||

चण्डखण्डाय शान्ताय कालकालान्तकाय च ।रुद्राय नीलकण्ठाय नमो मृत्युञ्जयाय च ॥ १८॥

caṇḍakhaṇḍāya śāntāya kālakālāntakāya ca |rudrāya nīlakaṇṭhāya namo mṛtyuñjayāya ca || 18||

शिपिविष्टाय कालाय कालदण्डाय ते नमः ।श्रीमते वेदनिधये वेदवेद्याय ते नमः ॥ १९॥

śipiviṣṭāya kālāya kāladaṇḍāya te namaḥ |śrīmate vedanidhaye vedavedyāya te namaḥ || 19||

वैद्याय वसुनाथाय वरिष्ठाय नमोनमः ।शर्वाय शाखिने तुभ्यं मदनाङ्गविभेदिने ॥ २०॥

vaidyāya vasunāthāya variṣṭhāya namonamaḥ |śarvāya śākhine tubhyaṃ madanāṅgavibhedine || 20||

चन्द्रचूडाय चण्डाय नमस्ते खण्डितारये ।हरिकेशाय देवाय पुष्टानां पतये नमः ॥ २१॥

candracūḍāya caṇḍāya namaste khaṇḍitāraye |harikeśāya devāya puṣṭānāṃ pataye namaḥ || 21||

पशूनां पतये तुभ्यं वृषभाक्षाय ते नमः ।वृषवाहाय विषवे पुण्यकालाय ते नमः ।कार्यकारणरूपाय भेदभेद्याय ते नमः ॥ २२॥

paśūnāṃ pataye tubhyaṃ vṛṣabhākṣāya te namaḥ |vṛṣavāhāya viṣave puṇyakālāya te namaḥ |kāryakāraṇarūpāya bhedabhedyāya te namaḥ || 22||

पुरतः पृष्ठतश्चैव पार्श्वतस्ते नमोनमः ।भूयो भूयो नमस्तुभ्यं भूयो भूयो नमोनमः ॥ २३॥

purataḥ pṛṣṭhataścaiva pārśvataste namonamaḥ |bhūyo bhūyo namastubhyaṃ bhūyo bhūyo namonamaḥ || 23||

इति ब्रह्मकृता श्रीकुम्भेश्वरस्तुतिः सम्पूर्णा ।

iti brahmakṛtā śrīkumbheśvarastutiḥ sampūrṇā |