शिवस्तोत्रम् (बाणकृतं हरिवंशान्तर्गतम् नमस्ते भस्मदिग्धाङ्ग शूलिने ते नमो नमः) Banakritam Shiva Stotram

बाण उवाच ।नमस्ते भस्मदिग्धाङ्ग शूलिने ते नमो नमः ।नमो विरूपरूपाय श्मशाननिरताय च ॥ १॥

bāṇa uvāca |namaste bhasmadigdhāṅga śūline te namo namaḥ |namo virūparūpāya śmaśānaniratāya ca || 1||

हराय हरिरूपाय शंकराय नमो नमः ।नमस्तुभ्यं विरूपाक्ष व्याघ्रचर्मनिवासिने ॥ २॥

harāya harirūpāya śaṃkarāya namo namaḥ |namastubhyaṃ virūpākṣa vyāghracarmanivāsine || 2||

नमस्तुण्डाय देवाय नग्नाय विकटाय च ।ज्ञानप्रदायिने तुभ्यं योगिने यतचेतसे ॥ ३॥

namastuṇḍāya devāya nagnāya vikaṭāya ca |jñānapradāyine tubhyaṃ yogine yatacetase || 3||

नम आद्याय बीजाय वृषाय वृषरूपिणे ।नमो घोराय घोराय घोरघोराय ते नमः ॥ ४॥

nama ādyāya bījāya vṛṣāya vṛṣarūpiṇe |namo ghorāya ghorāya ghoraghorāya te namaḥ || 4||

घोरप्रियाय घोराय रुद्राय वृषणाय च ।वृषस्कन्धाय मोघाय गदिने खड्गिने नमः ॥ ५॥

ghorapriyāya ghorāya rudrāya vṛṣaṇāya ca |vṛṣaskandhāya moghāya gadine khaḍgine namaḥ || 5||

मुण्डायाथ विरूपाय वामदेवाय ते नमः ।नमो दक्षमखघ्नाय भगनेत्रहराय च ॥ ६॥

muṇḍāyātha virūpāya vāmadevāya te namaḥ |namo dakṣamakhaghnāya bhaganetraharāya ca || 6||

नमः स्मरविनाशाय गुहपित्रे नमो नमः ।नमस्तुभ्यं नमस्तुभ्यं द्वीपिचर्मनिवासिने ॥ ७॥

namaḥ smaravināśāya guhapitre namo namaḥ |namastubhyaṃ namastubhyaṃ dvīpicarmanivāsine || 7||

नमो नमः पशुपते सर्वात्मन् सर्वभावन ।मनोरथो जगन्नाथ पूर्यतां मम भावनात् ॥ ८॥

namo namaḥ paśupate sarvātman sarvabhāvana |manoratho jagannātha pūryatāṃ mama bhāvanāt || 8||

इति हरिवंशान्तर्गतं बाणकृतं शिवस्तोत्रं सम्पूर्णम् ।हरिवंश । अध्याय १०६\।६॥हरिवंश । अध्याय १०६।६॥

iti harivaṃśāntargataṃ bāṇakṛtaṃ śivastotraṃ sampūrṇam |harivaṃśa | adhyāya 106\|6||harivaṃśa | adhyāya 106|6||