बहुरूपगर्भस्तोत्रध्यानम् अथवा श्रीस्वच्छन्दभैरवरूपानुस्मरणम् Bahurupagarbha Stotradhyanam

नमः स्वच्छन्दभैरवाय ।अथ श्रीस्वच्छन्दभैरवरूपानुस्मरणम् ।ॐ त्रिपञ्चनयनं देवं जटामुकुटमण्डितम् ।चन्द्रकोटिप्रतीकाशं चन्द्रार्धकृतशेखरम् ॥ १॥

namaḥ svacchandabhairavāya |atha śrīsvacchandabhairavarūpānusmaraṇam |oṃ tripañcanayanaṃ devaṃ jaṭāmukuṭamaṇḍitam |candrakoṭipratīkāśaṃ candrārdhakṛtaśekharam || 1||

पञ्चवक्त्रं विशालाक्षं सर्पगोनासमण्डितम् ।वृश्चिकैरग्निवर्णाभैर्हारेण तु विराजितम् ॥ २॥

pañcavaktraṃ viśālākṣaṃ sarpagonāsamaṇḍitam |vṛścikairagnivarṇābhairhāreṇa tu virājitam || 2||

कपालमालाभरणं खड्गखेटकधारिणंपाशाङ्कुशधरं देवं शरहस्तं पिनाकिनम् ॥ ३॥

kapālamālābharaṇaṃ khaḍgakheṭakadhāriṇaṃpāśāṅkuśadharaṃ devaṃ śarahastaṃ pinākinam || 3||

वरदाभयहस्तं च मुण्डखट्वाङ्गधारिणम् ।वीणाडमरुहस्तं च घण्टाहस्तं त्रिशूलिनम् ॥ ४॥

varadābhayahastaṃ ca muṇḍakhaṭvāṅgadhāriṇam |vīṇāḍamaruhastaṃ ca ghaṇṭāhastaṃ triśūlinam || 4||

वज्रदण्डकृताटोपं परश्वायुधहस्तकम् ।मुद्गरेण विचित्रेण धृतेन तु विराजितम् ॥ ५॥ (वर्तुलेन विराजितम्)

vajradaṇḍakṛtāṭopaṃ paraśvāyudhahastakam |mudgareṇa vicitreṇa dhṛtena tu virājitam || 5|| (vartulena virājitam)

सिंहचर्मपरीधानं गजचर्मोत्तरीयकम् ।अष्टादशभुजं देवं नीलकण्ठं सुतेजसम् ॥ ६॥

siṃhacarmaparīdhānaṃ gajacarmottarīyakam |aṣṭādaśabhujaṃ devaṃ nīlakaṇṭhaṃ sutejasam || 6||

ऊर्ध्ववक्त्रं महेशानि स्फटिकाभं विचिन्तयेत् ।आपीतं पूर्ववक्त्रं तु नीलोत्पलदलप्रभम् ॥ ७॥

ūrdhvavaktraṃ maheśāni sphaṭikābhaṃ vicintayet |āpītaṃ pūrvavaktraṃ tu nīlotpaladalaprabham || 7||

दक्षिणं तु विजानीयाद्वामं चैव विचिन्तयेत् ।दाडिमीकुसुमप्रख्यं कुङ्कुमोदकसन्निभम् ॥ ८॥

dakṣiṇaṃ tu vijānīyādvāmaṃ caiva vicintayet |dāḍimīkusumaprakhyaṃ kuṅkumodakasannibham || 8||

चन्द्रार्बुदप्रतीकाशं पश्चिमं तु विचिन्तयेत् ।स्वच्छन्दभैरवं देवं सर्वकामफलप्रदम् ॥ ९॥

candrārbudapratīkāśaṃ paścimaṃ tu vicintayet |svacchandabhairavaṃ devaṃ sarvakāmaphalapradam || 9||

ध्यायेद्वै यस्तु युक्तात्मा क्षिप्रं सिद्।ह्ध्यति मानवः । (ध्यायते यस्तु)पूर्वं या सा मयाऽऽख्याता अघोरा शक्तिरुत्तमा ॥ १०॥ (या सा पूर्वं)

dhyāyedvai yastu yuktātmā kṣipraṃ sid|hdhyati mānavaḥ | (dhyāyate yastu)pūrvaṃ yā sā mayā''khyātā aghorā śaktiruttamā || 10|| (yā sā pūrvaṃ)

यादृशं भैरवं रूपं तस्यास्तादृशमेव हि ।भैरवं पूजयित्वा तु तस्योत्सङ्गगतां स्मरेत् ॥ ११॥ (तस्योत्सङ्गं तु तां न्यसेत्)

yādṛśaṃ bhairavaṃ rūpaṃ tasyāstādṛśameva hi |bhairavaṃ pūjayitvā tu tasyotsaṅgagatāṃ smaret || 11|| (tasyotsaṅgaṃ tu tāṃ nyaset)

ईषत्करालवदनां गम्भीरविपुलस्वनाम् ।प्रसन्नास्यां सदा ध्यायेत् भैरवीं विस्मितेक्षणाम् ॥ १२॥

īṣatkarālavadanāṃ gambhīravipulasvanām |prasannāsyāṃ sadā dhyāyet bhairavīṃ vismitekṣaṇām || 12||

नौम्यहं तां परब्रह्ममहिषीं चित्स्वरूपिणीम् ।चराचरस्वरूपेण संस्थितां भक्तवत्सलाम् ॥ १३॥

naumyahaṃ tāṃ parabrahmamahiṣīṃ citsvarūpiṇīm |carācarasvarūpeṇa saṃsthitāṃ bhaktavatsalām || 13||

इति श्रीस्वच्छन्दभैरवरूपानुस्मरणं सम्पूर्णम् ।(इति बहुरूपगर्भस्तोत्रध्यानं सम्पूर्णम् ।)

iti śrīsvacchandabhairavarūpānusmaraṇaṃ sampūrṇam |(iti bahurūpagarbhastotradhyānaṃ sampūrṇam |)