आत्मनाथस्तुतिः १ Atmanatha Stuti Vishnukrita

अणीयांसमाद्यं महीयांसमीशंहृदन्तस्सरोजान्तरस्थं तटस्थम् ।अनन्तं ह्यचिन्त्यं विचिन्त्यस्वरूपंसदा कुन्दमूलेश्वरं सन्नमामि ॥ १सदानन्दकन्दं चिदानन्दमूलंमहानन्दरूपं महेशं गिरीशम् ।अगम्यं हि तर्कैः सुगम्यं मुनीन्द्रैःसदा कुन्दमूलेश्वरं सन्नमामि ॥ २॥

aṇīyāṃsamādyaṃ mahīyāṃsamīśaṃhṛdantassarojāntarasthaṃ taṭastham |anantaṃ hyacintyaṃ vicintyasvarūpaṃsadā kundamūleśvaraṃ sannamāmi || 1sadānandakandaṃ cidānandamūlaṃmahānandarūpaṃ maheśaṃ girīśam |agamyaṃ hi tarkaiḥ sugamyaṃ munīndraiḥsadā kundamūleśvaraṃ sannamāmi || 2||

प्रपञ्चातिरिक्तं प्रपञ्चस्वरूपंजगत्प्राणरूपं जगत्त्राणधीरम् ।स्वकुक्षिस्थलोकं जगत्साक्षिणं तंसदा कुन्दमूलेश्वरं सन्नमामि ॥ ३॥

prapañcātiriktaṃ prapañcasvarūpaṃjagatprāṇarūpaṃ jagattrāṇadhīram |svakukṣisthalokaṃ jagatsākṣiṇaṃ taṃsadā kundamūleśvaraṃ sannamāmi || 3||

निराकारमच्छं निरीहैर्निरीक्ष्यंनिजं निर्मतं निर्मलं धर्मरूपम् ।निराकारमोङ्कारमाद्यं ह्यभेद्यंसदा कुन्दमूलेश्वरं सन्नमामि ॥ ४॥

nirākāramacchaṃ nirīhairnirīkṣyaṃnijaṃ nirmataṃ nirmalaṃ dharmarūpam |nirākāramoṅkāramādyaṃ hyabhedyaṃsadā kundamūleśvaraṃ sannamāmi || 4||

समस्तं समाकृष्य लीनं च कालेविसृज्याथ सर्वं यथावत्सृजन्तम् ।हृदन्तः प्रविश्याथ सर्वं नटन्तंसदा कुन्दमूलेश्वरं सन्नमामि ॥ ५॥

samastaṃ samākṛṣya līnaṃ ca kālevisṛjyātha sarvaṃ yathāvatsṛjantam |hṛdantaḥ praviśyātha sarvaṃ naṭantaṃsadā kundamūleśvaraṃ sannamāmi || 5||

गुणातीतमीड्यं गुणानां निदानंजगन्मूलकन्दं जगद्देशिकं तम् ।भुजङ्गेशहारं त्रयीसारसारंसदा कुन्दमूलेश्वरं सन्नमामि ॥ ६॥

guṇātītamīḍyaṃ guṇānāṃ nidānaṃjaganmūlakandaṃ jagaddeśikaṃ tam |bhujaṅgeśahāraṃ trayīsārasāraṃsadā kundamūleśvaraṃ sannamāmi || 6||

वहन्तं करैर्वह्निसृक्पुस्तकानिभुजङ्गं वरं चाभयं दोः स्थलैश्च ।चतुर्भिस्त्रिणेत्रान्वितं दक्षिणास्यंसदा कुन्दमूलेश्वरं सन्नमामि ॥ ७॥

vahantaṃ karairvahnisṛkpustakānibhujaṅgaṃ varaṃ cābhayaṃ doḥ sthalaiśca |caturbhistriṇetrānvitaṃ dakṣiṇāsyaṃsadā kundamūleśvaraṃ sannamāmi || 7||

विशुद्धं प्रसिद्धं त्वसिद्धातिदूरंविशुद्धान्तरङ्गे सदा संवसन्तम् ।नितान्तं नटन्तं कृतान्तं हरं तंसदा कुन्दमूलेश्वरं सन्नमामि ॥ ८॥

viśuddhaṃ prasiddhaṃ tvasiddhātidūraṃviśuddhāntaraṅge sadā saṃvasantam |nitāntaṃ naṭantaṃ kṛtāntaṃ haraṃ taṃsadā kundamūleśvaraṃ sannamāmi || 8||

वटस्थं वरिष्ठं दृढस्थं गरिष्ठंकुलीनं धुरीणं प्रवीणं पुराणम् ।सुमोदं सुनादं सुवेदैकवादंसदा कुन्दमूलेश्वरं सन्नमामि ॥ ९॥

vaṭasthaṃ variṣṭhaṃ dṛḍhasthaṃ gariṣṭhaṃkulīnaṃ dhurīṇaṃ pravīṇaṃ purāṇam |sumodaṃ sunādaṃ suvedaikavādaṃsadā kundamūleśvaraṃ sannamāmi || 9||

सदानन्दसम्पूर्णमोदावहं तंहरिप्रोक्तमीशस्य रत्नस्तवं यः ।सकृद्वापि यत्र स्थितो वापि मर्त्यःपठेद्भक्तितः सच्चिदानन्दभाग् स्यात् ॥ १०॥

sadānandasampūrṇamodāvahaṃ taṃhariproktamīśasya ratnastavaṃ yaḥ |sakṛdvāpi yatra sthito vāpi martyaḥpaṭhedbhaktitaḥ saccidānandabhāg syāt || 10||

इति श्रीविष्णुकृता आत्मनाथस्तुतिः समाप्ता ।

iti śrīviṣṇukṛtā ātmanāthastutiḥ samāptā |