शिवस्तोत्रम् Angirasakritam Shiva Stotram
śivastotram
Angirasakritam Shiva Stotram (शिवस्तोत्रम्): a stotra to Śiva. 9 verses in Sanskrit with Devanagari and IAST.
- Stotra
- Stotra
- Śiva
- Stotra
शिवस्तोत्रम्
1 / 9
आङ्गिरस उवाच ।जय शङ्कर शान्त शशाङ्करुचे रुचिरार्थद सर्वद सर्वशुचे ।शुचिदत्त गृहीत महोपहृते हृतभक्तजनोद्धततापतते ॥ १॥
āṅgirasa uvāca |jaya śaṅkara śānta śaśāṅkaruce rucirārthada sarvada sarvaśuce |śucidatta gṛhīta mahopahṛte hṛtabhaktajanoddhatatāpatate || 1||
ततसर्वहृदम्बर वरदनते नतवृजिनमहावन दाहकृते ।कृतविविधचरित्रतनो सुतनो तनुविशिखविशोषणधैर्यनिधे ॥ २॥
tatasarvahṛdambara varadanate natavṛjinamahāvana dāhakṛte |kṛtavividhacaritratano sutano tanuviśikhaviśoṣaṇadhairyanidhe || 2||
निधनादिविवर्जितकृतनतिकृत्कृतिविहितमनोरथपन्नगभृत् ।नगभर्तृसुतार्पितवामवपुः स्ववपुःपरिपूरितसर्वजगत् ॥ ३॥
nidhanādivivarjitakṛtanatikṛtkṛtivihitamanorathapannagabhṛt |nagabhartṛsutārpitavāmavapuḥ svavapuḥparipūritasarvajagat || 3||
त्रिजगन्मयरूप विरूप सुदृग्दृगुदञ्चनकुञ्चन कृतहुतभुक् ।भवभूतपते प्रमथैकपते पतितेष्वपि दत्तकरप्रसृते ॥ ४॥
trijaganmayarūpa virūpa sudṛgdṛgudañcanakuñcana kṛtahutabhuk |bhavabhūtapate pramathaikapate patiteṣvapi dattakaraprasṛte || 4||
प्रसूताखिलभूतलसंवरणप्रणवध्वनिसौधसुधांशुधर ।वरराजकुमारिकया परया परितः परितुष्ट नतोऽस्मि शिव ॥ ५॥
prasūtākhilabhūtalasaṃvaraṇapraṇavadhvanisaudhasudhāṃśudhara |vararājakumārikayā parayā paritaḥ parituṣṭa nato'smi śiva || 5||
शिवदेव गिरीश महेश विभो विभवप्रद गिरिश शिवेशमृड ।मृडयोडुपतिध्र जगत्त्रितयं कृतयन्त्रणभक्तिविघातकृताम् ॥ ६॥
śivadeva girīśa maheśa vibho vibhavaprada giriśa śiveśamṛḍa |mṛḍayoḍupatidhra jagattritayaṃ kṛtayantraṇabhaktivighātakṛtām || 6||
न कृतान्त त एष बिभेमि हर प्रहराशु महाघममोघमते ।न मतान्तरमन्यदवैनि शिवं शिवपादनतेः प्रणतोऽस्मि ततः ॥ ७॥
na kṛtānta ta eṣa bibhemi hara praharāśu mahāghamamoghamate |na matāntaramanyadavaini śivaṃ śivapādanateḥ praṇato'smi tataḥ || 7||
विततेऽत्र जगत्यखिलेऽघहरं हर तोषणमेव परं गुणवन् ।गुणहीनमहीनमहावलयं प्रलयान्तकमीश नतोऽस्मि ततः ॥ ८॥
vitate'tra jagatyakhile'ghaharaṃ hara toṣaṇameva paraṃ guṇavan |guṇahīnamahīnamahāvalayaṃ pralayāntakamīśa nato'smi tataḥ || 8||
इति श्रीस्कादपुराणे काशीखण्डे पूर्वार्द्धे सप्तदशाध्यायान्तर्गतंआङ्गीरसकृतं शिवस्तोत्रं समाप्तम् ।स्कन्दपुराण । काशीखण्ड । पूर्वखण्ड १ । अध्याय १७/३४४१॥स्कन्दपुराण । काशीखण्ड । पूर्वखण्ड १ । अध्याय १७/३४-४१॥
iti śrīskādapurāṇe kāśīkhaṇḍe pūrvārddhe saptadaśādhyāyāntargataṃāṅgīrasakṛtaṃ śivastotraṃ samāptam |skandapurāṇa | kāśīkhaṇḍa | pūrvakhaṇḍa 1 | adhyāya 17/3441||skandapurāṇa | kāśīkhaṇḍa | pūrvakhaṇḍa 1 | adhyāya 17/34-41||
॥ इति शिवस्तोत्रम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Angirasakritam Shiva Stotram?
Angirasakritam Shiva Stotram has 9 verses on this page, each shown with its number, Devanagari text and transliteration, and meaning where available.
Can I read Angirasakritam Shiva Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Angirasakritam Shiva Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
