शिवस्तोत्रम् (अन्धककृतं ६ स्कन्दपुराणान्तर्गतम् जयस्व देवदेवेश उमार्धार्धशरीरधृक्) Andhakakritam 6 Shiva Stotram

अन्धक उवाच ।जयस्व देवदेवेश उमार्धार्धशरीरधृक् ।नमस्ते देवदेवेश सर्वाय त्रिगुणात्मने ॥ ७८॥

andhaka uvāca |jayasva devadeveśa umārdhārdhaśarīradhṛk |namaste devadeveśa sarvāya triguṇātmane || 78||

वृषभासनमारूढ शशाङ्ककृतशेखर ।जय खट्वाङ्गहस्ताय गङ्गाधर नमोऽस्तु ते ॥ ७९॥

vṛṣabhāsanamārūḍha śaśāṅkakṛtaśekhara |jaya khaṭvāṅgahastāya gaṅgādhara namo'stu te || 79||

नमो डमरुहस्ताय नमः कपालमालिने ।स्मरदेहविनाशाय महेशाय नमोऽस्तु ते ॥ ८०॥

namo ḍamaruhastāya namaḥ kapālamāline |smaradehavināśāya maheśāya namo'stu te || 80||

पूष्णो दन्तनिपाताय गणनाथाय ते नमः ।जय स्वरूपदेहाय अरूपबहुरूपिणे ॥ ८१॥

pūṣṇo dantanipātāya gaṇanāthāya te namaḥ |jaya svarūpadehāya arūpabahurūpiṇe || 81||

उत्तमाङ्गविनाशाय विरिञ्चेरपि शङ्कर ।श्मशानवासिने नित्यं नित्यं भैरवरूपिणे ॥ ८२॥

uttamāṅgavināśāya viriñcerapi śaṅkara |śmaśānavāsine nityaṃ nityaṃ bhairavarūpiṇe || 82||

त्वं सर्वगोऽसि त्वं कर्ता त्वं हर्ता नान्य एव च ।त्वं भूमिस्त्वं दिशश्चैव त्वं गुरुर्भार्गवस्तथा ॥ ८३॥

tvaṃ sarvago'si tvaṃ kartā tvaṃ hartā nānya eva ca |tvaṃ bhūmistvaṃ diśaścaiva tvaṃ gururbhārgavastathā || 83||

सौरिस्त्वं देवदेवेश भूमिपुत्रस्तथैव च ।ऋक्षग्रहादिकं सर्वं यद्दृश्यं तत्त्वमेव च ॥ ८४॥

sauristvaṃ devadeveśa bhūmiputrastathaiva ca |ṛkṣagrahādikaṃ sarvaṃ yaddṛśyaṃ tattvameva ca || 84||

इति श्रीस्कन्दपुराणे आवन्त्यखण्डे रेवाखण्डे अष्टचत्वारिंशा ध्यायान्तर्गतंअन्धककृतं शिवस्तोत्रं समाप्तम् ।स्कन्दपुराण । आवन्त्यखण्ड । रेवाखण्ड । अध्याय ४८/७८८४॥स्कन्दपुराण । आवन्त्यखण्ड । रेवाखण्ड । अध्याय ४८/७८-८४॥

iti śrīskandapurāṇe āvantyakhaṇḍe revākhaṇḍe aṣṭacatvāriṃśā dhyāyāntargataṃandhakakṛtaṃ śivastotraṃ samāptam |skandapurāṇa | āvantyakhaṇḍa | revākhaṇḍa | adhyāya 48/7884||skandapurāṇa | āvantyakhaṇḍa | revākhaṇḍa | adhyāya 48/78-84||