शिवस्तोत्रम् (अन्धककृतं ५ स्कन्दपुराणान्तर्गतम् कृत्स्नस्य योऽस्य जगतः सचराचरस्य) Andhakakritam 5 Shiva Stotram

अन्धक उवाच ।कृत्स्नस्य योऽस्य जगतः सचराचरस्यकर्ता कृतस्य च तथा सुखदुःखदाता ।संसारहेतुरपि यः पुनरन्तकालेतं शङ्करं शरणदं शरणं व्रजामि ॥ ११॥

andhaka uvāca |kṛtsnasya yo'sya jagataḥ sacarācarasyakartā kṛtasya ca tathā sukhaduḥkhadātā |saṃsāraheturapi yaḥ punarantakāletaṃ śaṅkaraṃ śaraṇadaṃ śaraṇaṃ vrajāmi || 11||

यं योगिनो विगतमोहतमोरजस्काभक्त्यैकतानमनसो विनिवृत्तकामाः ।ध्यायन्ति येऽखिलधियोऽमितदिव्यभूतिंतं शङ्करं शरणदं शरणं व्रजामि ॥ १२॥

yaṃ yogino vigatamohatamorajaskābhaktyaikatānamanaso vinivṛttakāmāḥ |dhyāyanti ye'khiladhiyo'mitadivyabhūtiṃtaṃ śaṅkaraṃ śaraṇadaṃ śaraṇaṃ vrajāmi || 12||

यश्चन्द्रखण्डममलं विलसन्मयूखंबद्ध्वा सदा सुरसरिच्छिरसा बिभर्ति ।यस्यार्धदेहमभजद्गिरिराजपुत्रीतं शङ्करं शरणदं शरणं व्रजामि ॥ १३॥

yaścandrakhaṇḍamamalaṃ vilasanmayūkhaṃbaddhvā sadā surasaricchirasā bibharti |yasyārdhadehamabhajadgirirājaputrītaṃ śaṅkaraṃ śaraṇadaṃ śaraṇaṃ vrajāmi || 13||

यः सिद्धचारणनिषेवितपादपद्मोगङ्गां महोर्मिविषमां गगनात्पतन्तीम् ।मूर्ध्ना दधे स्रजमिव त्रिजगत्पुनन्तींतं शङ्करं शरणदं शरणं व्रजामि ॥ १४॥

yaḥ siddhacāraṇaniṣevitapādapadmogaṅgāṃ mahormiviṣamāṃ gaganātpatantīm |mūrdhnā dadhe srajamiva trijagatpunantīṃtaṃ śaṅkaraṃ śaraṇadaṃ śaraṇaṃ vrajāmi || 14||

कैलासशैलशिखरं प्रविकम्प्यमानंकैलासशृङ्गसदृशेन दशाननेन ।यः पादपद्मपरिपीडनसेव्यमानस्तं शङ्करं शरणदं शरणं व्रजामि ॥ १५॥

kailāsaśailaśikharaṃ pravikampyamānaṃkailāsaśṛṅgasadṛśena daśānanena |yaḥ pādapadmaparipīḍanasevyamānastaṃ śaṅkaraṃ śaraṇadaṃ śaraṇaṃ vrajāmi || 15||

दक्षाध्वरे च नयने च तथा भगस्यपूष्णस्तथा दशनपङ्क्तिमशातयद्यः ।व्यष्टम्भयत्कुलिशहस्तमथेन्द्रमीशंतं शङ्करं शरणदं शरणं व्रजामि ॥ १६॥

dakṣādhvare ca nayane ca tathā bhagasyapūṣṇastathā daśanapaṅktimaśātayadyaḥ |vyaṣṭambhayatkuliśahastamathendramīśaṃtaṃ śaṅkaraṃ śaraṇadaṃ śaraṇaṃ vrajāmi || 16||

येनासकृद्दितिसुताश्च दनोः सुताश्चविद्याधरोरगगणाश्च वरैः समग्रैः ।संयोजिता मुनिवराः फलमूलभक्षास्तं शङ्करं शरणदं शरणं व्रजामि ॥ १७॥

yenāsakṛdditisutāśca danoḥ sutāścavidyādharoragagaṇāśca varaiḥ samagraiḥ |saṃyojitā munivarāḥ phalamūlabhakṣāstaṃ śaṅkaraṃ śaraṇadaṃ śaraṇaṃ vrajāmi || 17||

एवं कृतेऽपि विषयेष्वपि सक्तभावाज्ञानेन च श्रुतगुणैरपि तेन युक्ताः ।यं संश्रिताः सुखभुजः पुरुषा भवन्तितं शङ्करं शरणदं शरणं व्रजा मि ॥ १८॥

evaṃ kṛte'pi viṣayeṣvapi saktabhāvājñānena ca śrutaguṇairapi tena yuktāḥ |yaṃ saṃśritāḥ sukhabhujaḥ puruṣā bhavantitaṃ śaṅkaraṃ śaraṇadaṃ śaraṇaṃ vrajā mi || 18||

ब्रह्मेन्द्रविष्णुमरुतां च सषण्मुखानांयोऽदाद्वरान्सुबहुशो भगवान्महेशः ।सूतं च मृत्युवदनात्पुनरुज्जहारतं शङ्करं शरणदं शरणं व्रजामि ॥ १९॥

brahmendraviṣṇumarutāṃ ca saṣaṇmukhānāṃyo'dādvarānsubahuśo bhagavānmaheśaḥ |sūtaṃ ca mṛtyuvadanātpunarujjahārataṃ śaṅkaraṃ śaraṇadaṃ śaraṇaṃ vrajāmi || 19||

आराधितस्तु तपसा हिमवन्निकुञ्जेधूम्रव्रतेन तपसा च परैरगम्यः ।सञ्जीवनीं समददाद्भृगवे महात्मातं शङ्करं शरणदं शरणं व्रजामि ॥ १\।३८\।२०॥क्रीडार्थमेव भगवान्भुवनानि सप्तनानानदीविहगपादपमण्डितानि ।सब्रह्मकानि ससृजे सुकृताभिधानितं शङ्करं शरणदं शरणं व्रजामि ॥ २१॥

ārādhitastu tapasā himavannikuñjedhūmravratena tapasā ca parairagamyaḥ |sañjīvanīṃ samadadādbhṛgave mahātmātaṃ śaṅkaraṃ śaraṇadaṃ śaraṇaṃ vrajāmi || 1\|38\|20||krīḍārthameva bhagavānbhuvanāni saptanānānadīvihagapādapamaṇḍitāni |sabrahmakāni sasṛje sukṛtābhidhānitaṃ śaṅkaraṃ śaraṇadaṃ śaraṇaṃ vrajāmi || 21||

यः सव्यपाणिकमलाग्रनखेन देवस्तत्पञ्चमं प्रसभमेव करालरन्ध्रम् ।ब्राह्म्यं शिरस्तरणिपद्मनिभं चकर्ततं शङ्करं शरणदं शरणं व्रजामि ॥ २२॥

yaḥ savyapāṇikamalāgranakhena devastatpañcamaṃ prasabhameva karālarandhram |brāhmyaṃ śirastaraṇipadmanibhaṃ cakartataṃ śaṅkaraṃ śaraṇadaṃ śaraṇaṃ vrajāmi || 22||

ये त्वां सुरोत्तमगुरुं पुरुषा विमूढाजानन्ति नास्य जगतः सचराचरस्य ।ऐश्वर्यमानविगमेऽनुशयेन पश्चात्ते यातनामनुभवन्ति यथाहमेव ॥ २३॥

ye tvāṃ surottamaguruṃ puruṣā vimūḍhājānanti nāsya jagataḥ sacarācarasya |aiśvaryamānavigame'nuśayena paścātte yātanāmanubhavanti yathāhameva || 23||

यः पठेत्स्तुतिमिमां शुचिकर्मा यः शृणोति सततं शिवभक्तः ।विप्रसंसदि सदा शुभकर्मा स प्रयाति शिवलोकमखण्डम् ॥ २४॥

yaḥ paṭhetstutimimāṃ śucikarmā yaḥ śṛṇoti satataṃ śivabhaktaḥ |viprasaṃsadi sadā śubhakarmā sa prayāti śivalokamakhaṇḍam || 24||

इति श्रीस्कन्दपुराणे आवन्त्यखण्डे अवन्तीक्षेत्रमाहात्म्ये अष्टात्रिंशाध्यायान्तर्गतंअन्धककृतं शिवस्तोत्रं समाप्तम् ।स्कन्दपुराण । आवन्त्यखण्ड । आवन्त्यखण्ड । अध्याय ३८/११२४॥स्कन्दपुराण । आवन्त्यखण्ड । आवन्त्यखण्ड । अध्याय ३८/११-२४॥

iti śrīskandapurāṇe āvantyakhaṇḍe avantīkṣetramāhātmye aṣṭātriṃśādhyāyāntargataṃandhakakṛtaṃ śivastotraṃ samāptam |skandapurāṇa | āvantyakhaṇḍa | āvantyakhaṇḍa | adhyāya 38/1124||skandapurāṇa | āvantyakhaṇḍa | āvantyakhaṇḍa | adhyāya 38/11-24||