वाणीगीतम् Vanigitam

अथ त्रिसप्ततितमः पटलःश्रूयतां कोमलाम्भोजस्थितवक्त्रविराजिते ।अत्यद्भुतं महागीतं शृणोति साधको हि यत् ॥ ७३१॥

atha trisaptatitamaḥ paṭalaḥśrūyatāṃ komalāmbhojasthitavaktravirājite |atyadbhutaṃ mahāgītaṃ śṛṇoti sādhako hi yat || 731||

ध्वनिरन्तर्गतं ज्योतिर्ज्योतिरन्तर्गतं मनः ।तन्मनो विलयं याति ध्वनिषु ज्ञानकोटिषु ॥ ७३२॥

dhvanirantargataṃ jyotirjyotirantargataṃ manaḥ |tanmano vilayaṃ yāti dhvaniṣu jñānakoṭiṣu || 732||

तद् ध्वनिज्ञानसंज्ञानं शृण्वन्ति योगिनो जनाः ॥ ७३३॥

tad dhvanijñānasaṃjñānaṃ śṛṇvanti yogino janāḥ || 733||

परमगुणगभीरे धीरनीरे शरीरेभवनवभवकान्तौ संप्रशात्मा नितान्तम् ।विमलमधुरवाक्यालङ्कृतज्ञानसिन्धौसकलवचनरत्नं स्थापयामास वाणी ॥ ७३४॥

paramaguṇagabhīre dhīranīre śarīrebhavanavabhavakāntau saṃpraśātmā nitāntam |vimalamadhuravākyālaṅkṛtajñānasindhausakalavacanaratnaṃ sthāpayāmāsa vāṇī || 734||

ॐ तुण्डोग्रस्थिरवचनगा मोहयञ्जीववर्णंशङ्कातङ्कारहितचरिता मोहिता ज्ञानतन्द्रे ।सालङ्कारा खरतरकरा वाक्यमालां वहन्तीसा पश्यन्ती विमलकरुणा राध्यतां मूलचक्रे ॥ ७३५॥

oṃ tuṇḍograsthiravacanagā mohayañjīvavarṇaṃśaṅkātaṅkārahitacaritā mohitā jñānatandre |sālaṅkārā kharatarakarā vākyamālāṃ vahantīsā paśyantī vimalakaruṇā rādhyatāṃ mūlacakre || 735||

संसारे सारभागे सयुवतिसुकृपालक्षणैर्लक्षिताङ्गेसिद्धान्तज्ञानजीवं चरमसमगुणं भूपतेर्योगिनो वा ।विप्रेन्द्राणामनन्तं ध्वनिगुरुमधुरं व्यापितं पार्वतीशेहे हे कालप्रकालप्रियतनुशिखरे वेशमासं चयत्वम् ॥ ७३६॥

saṃsāre sārabhāge sayuvatisukṛpālakṣaṇairlakṣitāṅgesiddhāntajñānajīvaṃ caramasamaguṇaṃ bhūpateryogino vā |viprendrāṇāmanantaṃ dhvanigurumadhuraṃ vyāpitaṃ pārvatīśehe he kālaprakālapriyatanuśikhare veśamāsaṃ cayatvam || 736||

सञ्चारे परमस्थिरे हरिहरे विद्याधरे भूधरेसाकारे करुणाकरे स्वविलये ते पादपङ्केरुहे ।नित्यज्ञानमयं जयं सुरतरुच्छायालयं पूजयेमातः कालि कलाधरे गलबिले शाकम्भरि शाकिनि ॥ ७३७॥

sañcāre paramasthire harihare vidyādhare bhūdharesākāre karuṇākare svavilaye te pādapaṅkeruhe |nityajñānamayaṃ jayaṃ suratarucchāyālayaṃ pūjayemātaḥ kāli kalādhare galabile śākambhari śākini || 737||

भास्वत्कोटिरविच्छटाभरसुखश्रीकण्ठवीरालयेहृत्पङ्केरुहमध्यसारघटितं सारस्वतोत्पत्तिदम् ।श्रीदेवीगुरुरूपिणीचरणपद्मान्तःप्रभामण्डलंशैलेन्द्रोदयकारिणीमणिगृहं मापद्मनाभेरधः ॥ ७३८॥

bhāsvatkoṭiravicchaṭābharasukhaśrīkaṇṭhavīrālayehṛtpaṅkeruhamadhyasāraghaṭitaṃ sārasvatotpattidam |śrīdevīgururūpiṇīcaraṇapadmāntaḥprabhāmaṇḍalaṃśailendrodayakāriṇīmaṇigṛhaṃ māpadmanābheradhaḥ || 738||

वाञ्छाकल्पद्रुमस्था स्थितिलयफलदा योगिनी योगमातासूक्ष्मानन्दप्रशंसा तरुणरविकला कोकिलालापमुग्धा ।स्निग्धा स्निग्धाङ्गसङ्गा नवशशिमुकुटा चारुवर्णा विशालासा दुर्गा दुःखहन्त्री भवतु शिवगृहे कामनासिद्धिदात्री ॥ ७३९॥

vāñchākalpadrumasthā sthitilayaphaladā yoginī yogamātāsūkṣmānandapraśaṃsā taruṇaravikalā kokilālāpamugdhā |snigdhā snigdhāṅgasaṅgā navaśaśimukuṭā cāruvarṇā viśālāsā durgā duḥkhahantrī bhavatu śivagṛhe kāmanāsiddhidātrī || 739||

निराश्रयमहं पदं भवति कालि भक्त्याश्रयेश्रिये विमलभावदे सकलभावगो गोगणः ।मयि प्रियधनं मुदा वितर चारुदृष्ट्या सुखंतदैव गलभागकृद्गगनपद्ममध्यस्थले ॥ ७३१०॥

nirāśrayamahaṃ padaṃ bhavati kāli bhaktyāśrayeśriye vimalabhāvade sakalabhāvago gogaṇaḥ |mayi priyadhanaṃ mudā vitara cārudṛṣṭyā sukhaṃtadaiva galabhāgakṛdgaganapadmamadhyasthale || 7310||

नित्ये निष्फलरूपभूतिनिकरे त्रैलोक्यरक्षाकरेधर्मध्वान्तनिकेतने गणयति ज्ञानप्रयोगान्तरम् ।ते पादाम्बुजसम्भवः प्रियगणः प्राणाश्रितः पार्थिवोमातः पर्वतराजराजदुहिते पुण्यं पवित्राप्तये ॥ ७३११॥

nitye niṣphalarūpabhūtinikare trailokyarakṣākaredharmadhvāntaniketane gaṇayati jñānaprayogāntaram |te pādāmbujasambhavaḥ priyagaṇaḥ prāṇāśritaḥ pārthivomātaḥ parvatarājarājaduhite puṇyaṃ pavitrāptaye || 7311||

भीभर्गो भारसर्गो भवरवविभवो भूतिभारावलम्बीभावाभावः प्रभावः प्रभवति भुवने भीमभक्तिप्रकाशः ।भूभूतोद्भूतभीतिप्रभृतिभयभवासम्भवानन्दभावोमातस्ते पादपङ्केरुहविमलतलानन्दसेवाभिवृद्।ह्ध्या ॥ ७३१२॥

bhībhargo bhārasargo bhavaravavibhavo bhūtibhārāvalambībhāvābhāvaḥ prabhāvaḥ prabhavati bhuvane bhīmabhaktiprakāśaḥ |bhūbhūtodbhūtabhītiprabhṛtibhayabhavāsambhavānandabhāvomātaste pādapaṅkeruhavimalatalānandasevābhivṛd|hdhyā || 7312||

नित्यं पातु गणेश्वरी गणपतेर्माता रमे मातरंप्राणं प्रत्यय पूर्वसिद्धिकरणी सिद्धासने रक्षतु ।आनन्दाम्बुधिमज्जनैकसुखदा भालस्थलस्थापिनीकण्ठाम्भोरुहकर्णिका सुरगणान् गीता परा सुस्वरान् ॥ ७३१३॥

nityaṃ pātu gaṇeśvarī gaṇapatermātā rame mātaraṃprāṇaṃ pratyaya pūrvasiddhikaraṇī siddhāsane rakṣatu |ānandāmbudhimajjanaikasukhadā bhālasthalasthāpinīkaṇṭhāmbhoruhakarṇikā suragaṇān gītā parā susvarān || 7313||

कृपापारावारा विमलपुरुषं गौरिवपुषंधरावक्षे मुख्ये धरणिसुतबुद्।ह्ध्याऽधमनरम् ।न जाने त्वत्कामं तनुविरहचिन्तामणिमयंतव स्नेहाध्वीनां गमयति न पारं सुरवरः ॥ ७३१४॥

kṛpāpārāvārā vimalapuruṣaṃ gaurivapuṣaṃdharāvakṣe mukhye dharaṇisutabud|hdhyā'dhamanaram |na jāne tvatkāmaṃ tanuvirahacintāmaṇimayaṃtava snehādhvīnāṃ gamayati na pāraṃ suravaraḥ || 7314||

जयति जय जयाज्योतिराधारजेतासुरनरगणपूज्यः खेटचक्रस्य मध्ये ।भवकमलकराढ्यं नम्रभावं प्रतापंगमयति तव पादाम्भोजसेवाबलेन ॥ ७३१५॥

jayati jaya jayājyotirādhārajetāsuranaragaṇapūjyaḥ kheṭacakrasya madhye |bhavakamalakarāḍhyaṃ namrabhāvaṃ pratāpaṃgamayati tava pādāmbhojasevābalena || 7315||

इत्येतैः श्लोकमुख्यैस्तु स्तुत्वा गीतरसान्तरैः ।परब्रह्ममयीं ध्यात्वा स्वयं ब्रह्मतनुं गतः ॥ ७३१६॥

ityetaiḥ ślokamukhyaistu stutvā gītarasāntaraiḥ |parabrahmamayīṃ dhyātvā svayaṃ brahmatanuṃ gataḥ || 7316||

अकस्माद् भोगसम्पत्तिर्मोक्षपद्धतयः शुभाः ।प्रभवन्ति स्वयं विद्या अष्टादश गुणोदयाः ॥ ७३१७॥

akasmād bhogasampattirmokṣapaddhatayaḥ śubhāḥ |prabhavanti svayaṃ vidyā aṣṭādaśa guṇodayāḥ || 7317||

नीलजीमूतसङ्काशं चन्द्रशेखरमीश्वरम् ।सदाशिवं महाशक्तिशाकिनीवामसंस्थितम् ॥ ७३१८॥

nīlajīmūtasaṅkāśaṃ candraśekharamīśvaram |sadāśivaṃ mahāśaktiśākinīvāmasaṃsthitam || 7318||

चतुर्भुजं देवदेवमनन्तमक्षरं हरम् ।भावगीतं पुनर्गीत्वा परं ब्रह्मसमो भवेत् ॥ ७३१९॥

caturbhujaṃ devadevamanantamakṣaraṃ haram |bhāvagītaṃ punargītvā paraṃ brahmasamo bhavet || 7319||

कण्ठषोडशसम्पूर्णमध्ये योगी स्थिराशयः ।अष्टसिद्धीश्वरो भूत्वा भावसिद्धिं लभेद् ध्रुवम् ॥ ७३२०॥

kaṇṭhaṣoḍaśasampūrṇamadhye yogī sthirāśayaḥ |aṣṭasiddhīśvaro bhūtvā bhāvasiddhiṃ labhed dhruvam || 7320||

त्वया सह समाह्लाददर्शनं सिद्धिमाप्नुयात् ॥ ७३२१॥

tvayā saha samāhlādadarśanaṃ siddhimāpnuyāt || 7321||

इति श्रीरुद्रयामले उत्तरतन्त्रे महातन्त्रोद्दीपने सिद्धमन्त्रप्रकरणेषट्चक्रप्रकाशे भैरवीभैरवसंवादे वाणीगीतविन्यासो नामत्रिसप्ततितमः पटलः ॥ ७३॥

iti śrīrudrayāmale uttaratantre mahātantroddīpane siddhamantraprakaraṇeṣaṭcakraprakāśe bhairavībhairavasaṃvāde vāṇīgītavinyāso nāmatrisaptatitamaḥ paṭalaḥ || 73||

ऱुद्रयमल उत्तरतन्त्र।

rudrayamala uttaratantra|