2 Siddhasarasvatistotram 2

ॐ अस्य श्रीसरस्वतीस्तोत्रमन्त्रस्य मार्कण्डेयऋषिः\,स्रग्धराऽनुष्टुप्छन्दः\, सरस्वतीदेवता\, ऐं वीजं\, वद वदशक्तिः\, स्वाहा कीलकं मम वाक् सिद्।ह्ध्यर्थं जपे विनियोगः ।न्यासः ॐ ह्रीं अङ्गुष्ठाभ्यां नमः । ॐ ऐं तर्जनीभ्यां नमः ।धी मध्यमाभ्यां नमः । ॐ क्लीं अनामिकाभ्यां नमः । ॐ सौं कनिष्ठिकाभ्यां नमः । ॐ श्रीं करतलकरपृष्ठाभ्यां नमः ।हृदयादिन्यासः ॐ ह्रीं हृदयाय नमः । ॐ ऐं शिरसे स्वाहा । ॐधीं शिखायै वषट् । ॐ क्लीं नेत्रत्रयाय वौषट् । ॐ सौं कवचायहुम् । ॐ श्रीं अस्त्राय फट् ।ध्यानंशुक्लां ब्रह्मविचारसारपरमामाद्यां जगद्व्यापिनींवीणापुस्तकधारिणीमभयदां जाड्यान्धकारापहाम् ।हस्ते स्फाटिकमालिकां विदधतीं पद्मासने संस्थितांवन्दे तां परमेश्वरीं भगवतीं बुद्धिप्रदां शारदाम् ॥ १॥

oṃ asya śrīsarasvatīstotramantrasya mārkaṇḍeyaṛṣiḥ\,sragdharā'nuṣṭupchandaḥ\, sarasvatīdevatā\, aiṃ vījaṃ\, vada vadaśaktiḥ\, svāhā kīlakaṃ mama vāk sid|hdhyarthaṃ jape viniyogaḥ |nyāsaḥ oṃ hrīṃ aṅguṣṭhābhyāṃ namaḥ | oṃ aiṃ tarjanībhyāṃ namaḥ |dhī madhyamābhyāṃ namaḥ | oṃ klīṃ anāmikābhyāṃ namaḥ | oṃ sauṃ kaniṣṭhikābhyāṃ namaḥ | oṃ śrīṃ karatalakarapṛṣṭhābhyāṃ namaḥ |hṛdayādinyāsaḥ oṃ hrīṃ hṛdayāya namaḥ | oṃ aiṃ śirase svāhā | oṃdhīṃ śikhāyai vaṣaṭ | oṃ klīṃ netratrayāya vauṣaṭ | oṃ sauṃ kavacāyahum | oṃ śrīṃ astrāya phaṭ |dhyānaṃśuklāṃ brahmavicārasāraparamāmādyāṃ jagadvyāpinīṃvīṇāpustakadhāriṇīmabhayadāṃ jāḍyāndhakārāpahām |haste sphāṭikamālikāṃ vidadhatīṃ padmāsane saṃsthitāṃvande tāṃ parameśvarīṃ bhagavatīṃ buddhipradāṃ śāradām || 1||

दोर्भिर्युक्तैश्चतुर्भिः स्फटिकमणिमयीमक्षमालां दधानांहस्तेनैकेन पद्मं सितमपि च शुकं पुस्तकं चापरेण ।पाशं वीणां मुकुन्दस्फटिकमणिनिभां भासमाना समानासा मे वादे च तथ्यं निवसतु वदने सर्वदा सुप्रसन्ना ॥ २॥

dorbhiryuktaiścaturbhiḥ sphaṭikamaṇimayīmakṣamālāṃ dadhānāṃhastenaikena padmaṃ sitamapi ca śukaṃ pustakaṃ cāpareṇa |pāśaṃ vīṇāṃ mukundasphaṭikamaṇinibhāṃ bhāsamānā samānāsā me vāde ca tathyaṃ nivasatu vadane sarvadā suprasannā || 2||

या कुन्देन्दुतुषारहारधवला या शुभ्रवस्त्रावृताया वीणावरदण्डमण्डितकरा या श्वेतपद्मासना ।या ब्रह्माऽच्युतशङ्करप्रभृतिभिर्देवैः सदा वन्दितासा मां पातु सरस्वती भगवती निःशेषजाड्यापहा ॥ ३॥

yā kundendutuṣārahāradhavalā yā śubhravastrāvṛtāyā vīṇāvaradaṇḍamaṇḍitakarā yā śvetapadmāsanā |yā brahmā'cyutaśaṅkaraprabhṛtibhirdevaiḥ sadā vanditāsā māṃ pātu sarasvatī bhagavatī niḥśeṣajāḍyāpahā || 3||

इति ध्यात्वा\, १०८ मन्त्रं जपेत् । ॐ ऐं धीं क्लीं सौं श्रीं सरस्वत्यै नमः ॥ह्रीं ह्रीं ह्रीं हृद्यैकबीजे शशिरुचिकमले कल्पविस्पष्टशोभेभव्ये भव्यानुकूले शुभमतिवरदे विश्ववन्द्याङ्घ्रिपद्मे ।पद्मे पद्मोपविष्टे प्रणतजनमनोमोदसम्पादयित्रिप्रोत्फुल्लज्ञानकूले हरिहरनमिते देवि! संसारसारे ॥ १॥

iti dhyātvā\, 108 mantraṃ japet | oṃ aiṃ dhīṃ klīṃ sauṃ śrīṃ sarasvatyai namaḥ ||hrīṃ hrīṃ hrīṃ hṛdyaikabīje śaśirucikamale kalpavispaṣṭaśobhebhavye bhavyānukūle śubhamativarade viśvavandyāṅghripadme |padme padmopaviṣṭe praṇatajanamanomodasampādayitriprotphullajñānakūle hariharanamite devi! saṃsārasāre || 1||

ऐं ऐं ऐं जाप्यतुष्टे हिमरुचिमुकुटे वल्लकीव्यग्रहस्तेमातर्मातर्नमस्ते दह दह जडतां देहि बुद्धिं प्रशस्ताम् ।विद्ये वेदान्तवेद्ये श्रुतिपरिपठिते मोक्षदे मुक्तिमार्गेमार्गातीतस्वरूपे भव मम वरदे शारदे शुभ्रहारे ॥ २॥

aiṃ aiṃ aiṃ jāpyatuṣṭe himarucimukuṭe vallakīvyagrahastemātarmātarnamaste daha daha jaḍatāṃ dehi buddhiṃ praśastām |vidye vedāntavedye śrutiparipaṭhite mokṣade muktimārgemārgātītasvarūpe bhava mama varade śārade śubhrahāre || 2||

धीं धीं धीं धारणाख्ये धृतिमतिनुतिभिर्नामभिः कीर्तनीयेनित्ये नित्ये निमित्ते मुनिजननमिते नूतने वै पुराणे ।पुण्ये पुण्यप्रभावे हरिहरनमिते पूर्णतत्त्वस्वरूपेमातर्मात्रार्थतत्त्वे! मतिमतिमतिदे! माधवप्रीतिनादे ॥ ३॥

dhīṃ dhīṃ dhīṃ dhāraṇākhye dhṛtimatinutibhirnāmabhiḥ kīrtanīyenitye nitye nimitte munijananamite nūtane vai purāṇe |puṇye puṇyaprabhāve hariharanamite pūrṇatattvasvarūpemātarmātrārthatattve! matimatimatide! mādhavaprītināde || 3||

क्लीं क्लीं क्लीं सुस्वरूपे दह दह दुरितं पुस्तकं व्यग्रहस्तेसन्तुष्टाकारचित्ते स्मितमुखि सुभगे जृम्भिणि स्तम्भनीये ।मोहे मुग्धप्रबोधे मम कुरु कुमतिध्वान्तविध्वंसमीड्येगीगौंर्वाग्भारतीत्वं कविधृतरसने सिद्धिदे सिद्धिसाध्ये ॥ ४॥

klīṃ klīṃ klīṃ susvarūpe daha daha duritaṃ pustakaṃ vyagrahastesantuṣṭākāracitte smitamukhi subhage jṛmbhiṇi stambhanīye |mohe mugdhaprabodhe mama kuru kumatidhvāntavidhvaṃsamīḍyegīgauṃrvāgbhāratītvaṃ kavidhṛtarasane siddhide siddhisādhye || 4||

सौं सौं सौं शक्तिबीजे कमलभवमुखाम्भोजमूर्तिस्वरूपेरूपे रूपप्रकाशे सकलगुणमये निर्गुणं निर्विकल्पे ।न स्थूले नैव सूक्ष्मेऽप्यविदितविभवे जाप्यविज्ञानतुष्टेविश्वे विश्वान्तराले सकलगुणमये निष्कले नित्यशुद्धे ॥ ५॥

sauṃ sauṃ sauṃ śaktibīje kamalabhavamukhāmbhojamūrtisvarūperūpe rūpaprakāśe sakalaguṇamaye nirguṇaṃ nirvikalpe |na sthūle naiva sūkṣme'pyaviditavibhave jāpyavijñānatuṣṭeviśve viśvāntarāle sakalaguṇamaye niṣkale nityaśuddhe || 5||

श्रीं श्रीं श्रीं स्तौमि त्वाऽहं मम खलु रसनां मा कदाचित् त्यज त्वंमा मे बुद्धिर्विरुद्धा भवतु मम मनो पातु मां देवि! पापात् ।मा मे दुःखं कदाचित् क्वचिदपि विषये पुस्तके नाकुलत्वंशास्त्रे वादे कवित्वे प्रसरतु मम धीर्मास्तु कुण्ठा कदाऽपि ॥ ६॥

śrīṃ śrīṃ śrīṃ staumi tvā'haṃ mama khalu rasanāṃ mā kadācit tyaja tvaṃmā me buddhirviruddhā bhavatu mama mano pātu māṃ devi! pāpāt |mā me duḥkhaṃ kadācit kvacidapi viṣaye pustake nākulatvaṃśāstre vāde kavitve prasaratu mama dhīrmāstu kuṇṭhā kadā'pi || 6||

इत्येतैः श्लोकमुख्येः प्रतिदिनमुषसि स्तौति यो भक्तिनम्रोवाणी वाचस्पतेरप्यविदितविभवो वाक्यतत्त्वार्थवेत्ता ।स स्यादिष्टार्थलाभी सुतमिव सततं पातु तं सा च देवीसौभाग्यं तस्य लोके प्रसरतु कविता विघ्नमस्तं प्रयातु ॥ ७॥

ityetaiḥ ślokamukhyeḥ pratidinamuṣasi stauti yo bhaktinamrovāṇī vācaspaterapyaviditavibhavo vākyatattvārthavettā |sa syādiṣṭārthalābhī sutamiva satataṃ pātu taṃ sā ca devīsaubhāgyaṃ tasya loke prasaratu kavitā vighnamastaṃ prayātu || 7||

निर्विघ्नं तस्य विद्या प्रभवति सततं चाऽऽशु ग्रन्थप्रबोधःकीर्तिस्त्रैलोक्यमध्ये निवसति वदने शारदा तस्य साक्षाद् ।दीर्घायुर्लोकपूज्यः सकलगुणनिधिः सन्ततं राजमान्यतेवाग्देव्याः संप्रसादात् त्रिजगति विजयो जायते तस्य साक्षाद् ॥ ८॥

nirvighnaṃ tasya vidyā prabhavati satataṃ cā''śu granthaprabodhaḥkīrtistrailokyamadhye nivasati vadane śāradā tasya sākṣād |dīrghāyurlokapūjyaḥ sakalaguṇanidhiḥ santataṃ rājamānyatevāgdevyāḥ saṃprasādāt trijagati vijayo jāyate tasya sākṣād || 8||

ब्रह्मचारी व्रती मौनी त्रयोदश्यामहर्निशम् ।सारस्वतो जनः पाठाद् भवेदिष्टार्थलाभवान् ॥ ९॥

brahmacārī vratī maunī trayodaśyāmaharniśam |sārasvato janaḥ pāṭhād bhavediṣṭārthalābhavān || 9||

पक्षद्वये त्रयोदश्यामेकविंशतिसङ्ख्यया ।अविच्छिन्नं पठेद्यस्तु सुभगो लोकविश्रुतः ॥ १०॥

pakṣadvaye trayodaśyāmekaviṃśatisaṅkhyayā |avicchinnaṃ paṭhedyastu subhago lokaviśrutaḥ || 10||

मर्वपापविनिर्मुक्तः सुभगो लोकविश्रुतः ।वाञ्छितं फलमाप्नोति षण्मासैर्नाऽत्र संशयः ॥ ११॥

marvapāpavinirmuktaḥ subhago lokaviśrutaḥ |vāñchitaṃ phalamāpnoti ṣaṇmāsairnā'tra saṃśayaḥ || 11||

ॐ ह्रीं ऐं धीं क्लीं सौं श्रीं वद वद वाग्वादिन्यै स्वाहा । मालांशिरसि धृत्वात्वं माले! सर्वदेवानां सर्वकामप्रदा मता ।तेन सत्येन मे सिद्धिं देहि मातर्नमोऽस्तु ते ॥ इत्यर्पणम् ॥ १२॥

oṃ hrīṃ aiṃ dhīṃ klīṃ sauṃ śrīṃ vada vada vāgvādinyai svāhā | mālāṃśirasi dhṛtvātvaṃ māle! sarvadevānāṃ sarvakāmapradā matā |tena satyena me siddhiṃ dehi mātarnamo'stu te || ityarpaṇam || 12||

इति सनत्कुमारसंहितायां सिद्धसरस्वतीस्तोत्रं सम्पूर्णम् ।अथवा स्तोत्रार्णवे॥ इति श्रीनारदनन्दिकेश्वरसंवादे ब्रह्मपुराणोक्तंब्रह्ममोक्तं श्रीसरस्वतीस्तोत्रं सम्पूर्णम् ॥

iti sanatkumārasaṃhitāyāṃ siddhasarasvatīstotraṃ sampūrṇam |athavā stotrārṇave|| iti śrīnāradanandikeśvarasaṃvāde brahmapurāṇoktaṃbrahmamoktaṃ śrīsarasvatīstotraṃ sampūrṇam ||