वाग्मतिसहस्रनामस्तोत्रम् Shri Vagmati Sahasranama stotram

ॐ श्रीवाग्मत्याः सहस्रनामस्तोत्रस्य गायत्रीच्छन्दः ।वागीश्वरी देवता वाग्भवो बीजं, कामराजः लज्जा कीलकं, शिवगङ्गाबुद्धिब्रह्मसरस्वतीशक्तिश्चतुर्वर्गसाधने विनियोगः ॥ २६॥

oṃ śrīvāgmatyāḥ sahasranāmastotrasya gāyatrīcchandaḥ |vāgīśvarī devatā vāgbhavo bījaṃ, kāmarājaḥ lajjā kīlakaṃ, śivagaṅgābuddhibrahmasarasvatīśaktiścaturvargasādhane viniyogaḥ || 26||

अथ सहस्रनामस्तोत्रम् ।लज्जाबीजं त्रिधा लिख्य वाग्भवञ्च त्रयस्त्रिधा ।धर्मबीजं त्रिधा ध्रीं ध्रीं नेत्रवह्निसमायुताम् ॥ २७॥

atha sahasranāmastotram |lajjābījaṃ tridhā likhya vāgbhavañca trayastridhā |dharmabījaṃ tridhā dhrīṃ dhrīṃ netravahnisamāyutām || 27||

लज्जात्रयं गणेशाख्यं ग्रीं ग्रीं ग्रीमिति पूर्ववत् ।शारदायै नमश्चान्ते सिद्धं सारस्वतीमनुम् ॥ २८॥

lajjātrayaṃ gaṇeśākhyaṃ grīṃ grīṃ grīmiti pūrvavat |śāradāyai namaścānte siddhaṃ sārasvatīmanum || 28||

सर्वोपरि तथोङ्कारं जपाद्वागीश्वरो भवेत् ।प्रणवश्च त्रयं वाणीलज्जाधर्मत्रयाङ्गणम् ॥ २९॥

sarvopari tathoṅkāraṃ japādvāgīśvaro bhavet |praṇavaśca trayaṃ vāṇīlajjādharmatrayāṅgaṇam || 29||

शारदायै शुभे भार्या प्रजपाद्वाक्पतिर्भवेत् ।करपुटे जलं धृत्वा त्रयोदश्यां निरामिषः ॥ ३०॥

śāradāyai śubhe bhāryā prajapādvākpatirbhavet |karapuṭe jalaṃ dhṛtvā trayodaśyāṃ nirāmiṣaḥ || 30||

वाग्मत्याः प्रजपन्यश्च कविराजो भवेद्द्रुतम् ।पुण्डरीकसमासीनां कर्प्पूरेन्दुसमोज्ज्वलाम् ॥ ३१॥

vāgmatyāḥ prajapanyaśca kavirājo bhaveddrutam |puṇḍarīkasamāsīnāṃ karppūrendusamojjvalām || 31||

त्र्यक्षां स्मिताननां ध्येयां सर्वालङ्कारशोभनाम् ।मालां वरं दधानाञ्च पुस्तकमभयं करैः ॥ ३२॥

tryakṣāṃ smitānanāṃ dhyeyāṃ sarvālaṅkāraśobhanām |mālāṃ varaṃ dadhānāñca pustakamabhayaṃ karaiḥ || 32||

वाग्देवीं वाग्मतीं ध्यायेच्चन्द्रकलाद्रवसुधाम् ।अथ सहस्रनामम् ।ॐ वाग्मती वाग्भवा वाणी वागीश्वरी वचोवरा ॥ ३३॥

vāgdevīṃ vāgmatīṃ dhyāyeccandrakalādravasudhām |atha sahasranāmam |oṃ vāgmatī vāgbhavā vāṇī vāgīśvarī vacovarā || 33||

वागीशा वरदा ब्राह्मी वाग्विभूतिश्च भारती ।वागीशवल्लभा भाषा गीरूपा वाक्स्वरूपिणी ॥ ३४॥

vāgīśā varadā brāhmī vāgvibhūtiśca bhāratī |vāgīśavallabhā bhāṣā gīrūpā vāksvarūpiṇī || 34||

वाग्रूपिणी च चैतन्या वाग्वागीश्वरवल्लभा ।वाचोर्मिमालिनी वाहा अर्वाक्पापोर्मिनाशिनी ॥ ३५॥

vāgrūpiṇī ca caitanyā vāgvāgīśvaravallabhā |vācormimālinī vāhā arvākpāpormināśinī || 35||

वाग्देवेश्वरकण्ठस्था वाग्देवी वाग्मतीश्वरा ।वाग्भूतार्णप्रवाहा च वागैश्वर्या सरस्वती ॥ ३६॥

vāgdeveśvarakaṇṭhasthā vāgdevī vāgmatīśvarā |vāgbhūtārṇapravāhā ca vāgaiśvaryā sarasvatī || 36||

अणिमारुन्धत्ती अर्द्धा अगैश्वर्यावतारिणी ।अशरीरार्द्धमात्रा च अन्नरूपाघहारिणी ॥ ३७॥

aṇimārundhattī arddhā agaiśvaryāvatāriṇī |aśarīrārddhamātrā ca annarūpāghahāriṇī || 37||

अतिसौम्याच्युताशोका अर्चिताचलवाहिनी ।अत्युग्राचलसम्भिन्ना अच्छिन्नाच्छिन्नवाहिनी ॥ ३८॥

atisaumyācyutāśokā arcitācalavāhinī |atyugrācalasambhinnā acchinnācchinnavāhinī || 38||

आनन्दिनी स्वभक्तानामात्मान्तस्था च जीविनाम् ।आनन्दाऽमृतवर्णाभा आद्याननसमुद्भवा ॥ ३९॥

ānandinī svabhaktānāmātmāntasthā ca jīvinām |ānandā'mṛtavarṇābhā ādyānanasamudbhavā || 39||

आनन्दोर्मिप्रवाहा च आपोदेवी पयोमयी ।आकाशवाहिनी आर्या आकरा शर्मणोमिणाम् ॥ ४०॥

ānandormipravāhā ca āpodevī payomayī |ākāśavāhinī āryā ākarā śarmaṇomiṇām || 40||

इच्छाशक्तिश्च इन्द्राणी इन्दिरा हरिवल्लभा ।ईप्सितार्थप्रदा इन्दुरिङ्गितज्ञा शिवप्रिया ॥ ४१॥

icchāśaktiśca indrāṇī indirā harivallabhā |īpsitārthapradā induriṅgitajñā śivapriyā || 41||

ईश्वरी लोकईशानी ईश्वरामोदकारिणी ।ईशानी शाङ्करी शान्ता ईशानमुखसम्भवा ॥ ४२॥

īśvarī lokaīśānī īśvarāmodakāriṇī |īśānī śāṅkarī śāntā īśānamukhasambhavā || 42||

उग्रास्या उग्ररूपा च उग्रवरप्रदा उमा ।उग्रार्द्धाङ्गनिषण्णा च उग्रशीर्षावतारिणी ॥ ४३॥

ugrāsyā ugrarūpā ca ugravarapradā umā |ugrārddhāṅganiṣaṇṇā ca ugraśīrṣāvatāriṇī || 43||

ऊर्ध्वेश्वरी सदोर्ध्वस्था ऊनकिल्बिषकारिणी ।ऊशीरगन्धसुप्रीता ऊःच वरप्रदाग्रणी ॥ ४४॥

ūrdhveśvarī sadordhvasthā ūnakilbiṣakāriṇī |ūśīragandhasuprītā ūḥca varapradāgraṇī || 44||

ऊरूपा सर्वसंहारे ऊर्ध्वगतिप्रदर्शिनी ।ऊर्ध्वगा ऊग्रभार्या च ऊर्ध्वस्थानप्रदायिनी ॥ ४५॥

ūrūpā sarvasaṃhāre ūrdhvagatipradarśinī |ūrdhvagā ūgrabhāryā ca ūrdhvasthānapradāyinī || 45||

ऋग्यजुरथ सामात्मा ऋवर्णा ऋद्धिरूपिणी ।ऋकारा दितिरूपा च ऋणहन्त्री ऋतूत्सवा ॥ ४६॥

ṛgyajuratha sāmātmā ṛvarṇā ṛddhirūpiṇī |ṛkārā ditirūpā ca ṛṇahantrī ṛtūtsavā || 46||

ऋकारमुखसम्भूता ऋवर्णात्मामरप्रसूः ।लृकारसंस्तुताऽनेका लृवर्णसेवितारिहा ॥ ४७॥

ṛkāramukhasambhūtā ṛvarṇātmāmaraprasūḥ |lṛkārasaṃstutā'nekā lṛvarṇasevitārihā || 47||

एका चैकाररूपा च एकारा मदनोत्सवा ।एकारस्था समैकास्या एकाधारा बहुश्रिता ॥ ४८॥

ekā caikārarūpā ca ekārā madanotsavā |ekārasthā samaikāsyā ekādhārā bahuśritā || 48||

ऐकारवल्लभा ऐन्द्री ऐकारा वामलोचना ।ऐकारात्मा अनेकाध्वा ऐन्द्रीगणप्रसेविता ॥ ४९॥

aikāravallabhā aindrī aikārā vāmalocanā |aikārātmā anekādhvā aindrīgaṇaprasevitā || 49||

ओङ्कारस्था तथोङ्कारा ओङ्काराश्रुविभूषणा ।ओङ्कारवक्त्रसम्भूता ओङ्कारपूर्वजप्रिया ॥ ५०॥

oṅkārasthā tathoṅkārā oṅkārāśruvibhūṣaṇā |oṅkāravaktrasambhūtā oṅkārapūrvajapriyā || 50||

और्ध्वरेतोऽर्च्चिता और्वी और्ध्वदेहफलप्रदा ।औत्तानपादसंप्रीता और्वासमोर्वशीप्रिया ॥ ५१॥

aurdhvareto'rccitā aurvī aurdhvadehaphalapradā |auttānapādasaṃprītā aurvāsamorvaśīpriyā || 51||

अम्बिकाम्बालिकानन्ता अर्णवाध्वरशीर्षगा ।अङ्कुशधारिणी अम्बा अन्नपूर्णान्नकारिणी ॥ ५२॥

ambikāmbālikānantā arṇavādhvaraśīrṣagā |aṅkuśadhāriṇī ambā annapūrṇānnakāriṇī || 52||

अः रुद्रवक्त्रसञ्जाता अरूपा शिववल्लभा ।अप्रोक्ता चैनसां शास्ता अनङ्गारिविनोदिनी ॥ ५३॥

aḥ rudravaktrasañjātā arūpā śivavallabhā |aproktā cainasāṃ śāstā anaṅgārivinodinī || 53||

कलाधारा कलारूपा कौमुदी कालभैरवी ।कमला कामिनी काली कुल्लुका कुसुमप्रिया ॥ ५४॥

kalādhārā kalārūpā kaumudī kālabhairavī |kamalā kāminī kālī kullukā kusumapriyā || 54||

कलावती करालास्या कैलासस्था कलानिधिः ।कामाख्या कुलकान्ता च कामदा कामचारिणी ॥ ५५॥

kalāvatī karālāsyā kailāsasthā kalānidhiḥ |kāmākhyā kulakāntā ca kāmadā kāmacāriṇī || 55||

कामधेनुः कृशाङ्गी च कालिन्दी कुञ्जरेश्वरी ।कान्तिकाया च काञ्चीस्था अलका कूटवाहिनी ॥ ५६॥

kāmadhenuḥ kṛśāṅgī ca kālindī kuñjareśvarī |kāntikāyā ca kāñcīsthā alakā kūṭavāhinī || 56||

कुलवती कुटिलाङ्गी कोटराक्षी कपालिनी ।कामेश्वरी च कङ्काली कीर्तिदा कामसुन्दरी ॥ ५७॥

kulavatī kuṭilāṅgī koṭarākṣī kapālinī |kāmeśvarī ca kaṅkālī kīrtidā kāmasundarī || 57||

कामार्त्ता कामरूपा च करुणा कुलदेवता ।कुलिशाङ्गी कला काष्ठा कुमारी कमलेक्षणा ॥ ५८॥

kāmārttā kāmarūpā ca karuṇā kuladevatā |kuliśāṅgī kalā kāṣṭhā kumārī kamalekṣaṇā || 58||

कल्याणी कार्चिता कान्ती कालरात्री च कौशिकी ।काम्या अलकनन्दा च कुलधर्मप्रकाशिनी ॥ ५९॥

kalyāṇī kārcitā kāntī kālarātrī ca kauśikī |kāmyā alakanandā ca kuladharmaprakāśinī || 59||

कलुषघ्नी कृपास्वच्छा कृष्णा कृष्णसमर्च्चिता ।कान्तकल्लोललोलाढ्या कृपाकल्लोलशालिनी ॥ ६०॥

kaluṣaghnī kṛpāsvacchā kṛṣṇā kṛṣṇasamarccitā |kāntakallolalolāḍhyā kṛpākallolaśālinī || 60||

खगेश्वरी खरूपा च खगा खगेन्द्रवाहिनी ।खवर्णा खड्गहस्ता च खेचरी खेटकायुधा ॥ ६१॥

khageśvarī kharūpā ca khagā khagendravāhinī |khavarṇā khaḍgahastā ca khecarī kheṭakāyudhā || 61||

खाखोदरी खगेन्द्राभा खमणिद्युतिशोभना ।खरदंष्ट्रा खगास्या च खण्डपरशुवल्लभा ॥ ६२॥

khākhodarī khagendrābhā khamaṇidyutiśobhanā |kharadaṃṣṭrā khagāsyā ca khaṇḍaparaśuvallabhā || 62||

गजास्याम्बा च गुह्येशी गजेन्द्रदशनच्छविः ।गजचर्मावृताजाया गजाननप्रसूतिका ॥ ६३॥

gajāsyāmbā ca guhyeśī gajendradaśanacchaviḥ |gajacarmāvṛtājāyā gajānanaprasūtikā || 63||

गौरी गोदावरी गङ्गा गन्धर्वगणसेविता ।गणनीया गणाध्यक्षा गम्भीरनीरवाहिनी ॥ ६४॥

gaurī godāvarī gaṅgā gandharvagaṇasevitā |gaṇanīyā gaṇādhyakṣā gambhīranīravāhinī || 64||

गणमाता च गान्धारी गगनमणिभूषणा ।गोमती गगनेशानी गिरिजा गिरिशप्रिया ॥ ६५॥

gaṇamātā ca gāndhārī gaganamaṇibhūṣaṇā |gomatī gaganeśānī girijā giriśapriyā || 65||

गङ्गार्चिता च गायत्री गिरिस्था गिरिसम्भवा ।गण्डकी गरुडस्था च गोकर्णार्चा च गौतमी ॥ ६६॥

gaṅgārcitā ca gāyatrī giristhā girisambhavā |gaṇḍakī garuḍasthā ca gokarṇārcā ca gautamī || 66||

घनभक्तिप्रिया घोरा घनामरप्रसेविता ।घृताचीसेविता घोरा घोराग्न्या घोरवल्लभा ॥ ६७॥

ghanabhaktipriyā ghorā ghanāmaraprasevitā |ghṛtācīsevitā ghorā ghorāgnyā ghoravallabhā || 67||

घनघनौघघोरास्या घनपापविनाशिनी ।घनस्वना घना घोरा घोरतरा घनच्छविः ॥ ६८॥

ghanaghanaughaghorāsyā ghanapāpavināśinī |ghanasvanā ghanā ghorā ghoratarā ghanacchaviḥ || 68||

ङेश्वरी घोरघोषा च घोरकिल्बिषघातिनी ।चञ्चला चारुवाहा च चण्डेश्वरी च चित्तवित् ॥ ६९॥

ṅeśvarī ghoraghoṣā ca ghorakilbiṣaghātinī |cañcalā cāruvāhā ca caṇḍeśvarī ca cittavit || 69||

प्रचण्डा चण्डरूपा च चामुण्डा चतुरानना ।चपला चण्डिका चण्डी षट्चक्रान्तर्न्निवासिनी ॥ ७०॥

pracaṇḍā caṇḍarūpā ca cāmuṇḍā caturānanā |capalā caṇḍikā caṇḍī ṣaṭcakrāntarnnivāsinī || 70||

चारुचारा च चार्वङ्गी चतुरा चारुहासिनी ।चतुःषष्टिकला चित्रा चित्राङ्गी चारुलोचना ॥ ७१॥

cārucārā ca cārvaṅgī caturā cāruhāsinī |catuḥṣaṣṭikalā citrā citrāṅgī cārulocanā || 71||

चारुदेहा चतुर्बाहुश्चित्रभानुतनुप्रभा ।चन्द्रमा चन्द्रभागा च चैतन्या चक्रधारिणी ॥ ७२॥

cārudehā caturbāhuścitrabhānutanuprabhā |candramā candrabhāgā ca caitanyā cakradhāriṇī || 72||

छन्दोरूपा छवर्णाभा प्रोच्छायाच्छन्नविग्रहा ।छायासञ्छन्दितालोका छकारा छिन्नविग्रहा ॥ ७३॥

chandorūpā chavarṇābhā procchāyācchannavigrahā |chāyāsañchanditālokā chakārā chinnavigrahā || 73||

छत्रसञ्छादिता स्वच्छा लाञ्छनोर्मिपयश्छविः ।छन्दोमयी श्रुतिच्छन्दा इच्छात्मा छिन्नसंशया ॥ ७४॥

chatrasañchāditā svacchā lāñchanormipayaśchaviḥ |chandomayī śruticchandā icchātmā chinnasaṃśayā || 74||

जगदानन्दिनी ज्वाला जाम्बवत्यर्चिताजिता ।जगत्प्रिया जितक्रोधा जगद्धीरा जितेन्द्रिया ॥ ७५॥

jagadānandinī jvālā jāmbavatyarcitājitā |jagatpriyā jitakrodhā jagaddhīrā jitendriyā || 75||