कार्तवीर्यार्जुनकवचस्तोत्रमहामन्त्रः Shri Kartavirya Arjuna Kavacha Stotra Mahamantrah

श्रीः ॥॥ श्रीगणेशाय नमः ॥उड्डामिरेश्वरतन्त्रोक्तम् ।अस्य श्री कार्तवीर्यार्जुनकवचस्तोत्रमहामन्त्रस्य दत्तात्रेयो भगवान्नृषिः ॥अनुष्टुप् छन्दः ॥श्री कार्तवीर्यार्जुनो विष्णुश्चक्रवर्ती देवता ॥कृतवीर्यो बीजम् ।सहस्रबाहुश्शक्तिः ।अव्याहृतः कीलकम् ।कार्तवीर्यार्जुनप्रसादसिद्धये जपेविनियोगः ॥ॐ राजन्यचक्रवर्तिने अङ्गुष्ठाभ्यां नमः ।वीराय चक्रवर्तिने तर्जनीभ्यां नमः ।शूराय चक्रवर्तिने मध्यमाभ्यां नमः ।माहिष्मतीपतये चक्रवर्तिने अनामिकाभ्यां नमः ।रेवाम्बुलीलासन्तृप्त परितृप्त दशास्यचक्रवर्तिने कनिष्ठिकाभ्यां नमः ।कारागृहप्रतिबन्धितदशाश्य चक्रवर्तिने करतलकरपृष्ठाभ्यां नमः ।राजन्यचक्रवर्तिने हृदयाय नमः ।वीराय चक्रवर्तिने शिरसे स्वाहा ।शूराय चक्रवर्तिने शिखायै वषट् ।माहिष्मतीपतये चक्रवर्तिने कवचाय हुम् ।रेवाबुलीलासन्तृप्तपरितृप्तदशास्यचक्रवर्तिने नेत्रत्रयाय वौषट् ।कारागृहप्रतिबन्धितदशास्यचक्रवर्तिने अस्त्राय फट् ।भूर्भुवस्सुवरोमिति दिग्बन्धः ॥ध्यानंसहस्रबाहुं सशरं सचापं रक्ताम्बरं रत्नकिरीटकुण्डलम् ।चोरारिदुष्टभयनाशनमिष्टदं तं ध्यायेन्महाबलविजृम्भितकार्तवीर्यम् ॥ १॥

śrīḥ |||| śrīgaṇeśāya namaḥ ||uḍḍāmireśvaratantroktam |asya śrī kārtavīryārjunakavacastotramahāmantrasya dattātreyo bhagavānnṛṣiḥ ||anuṣṭup chandaḥ ||śrī kārtavīryārjuno viṣṇuścakravartī devatā ||kṛtavīryo bījam |sahasrabāhuśśaktiḥ |avyāhṛtaḥ kīlakam |kārtavīryārjunaprasādasiddhaye japeviniyogaḥ ||oṃ rājanyacakravartine aṅguṣṭhābhyāṃ namaḥ |vīrāya cakravartine tarjanībhyāṃ namaḥ |śūrāya cakravartine madhyamābhyāṃ namaḥ |māhiṣmatīpataye cakravartine anāmikābhyāṃ namaḥ |revāmbulīlāsantṛpta paritṛpta daśāsyacakravartine kaniṣṭhikābhyāṃ namaḥ |kārāgṛhapratibandhitadaśāśya cakravartine karatalakarapṛṣṭhābhyāṃ namaḥ |rājanyacakravartine hṛdayāya namaḥ |vīrāya cakravartine śirase svāhā |śūrāya cakravartine śikhāyai vaṣaṭ |māhiṣmatīpataye cakravartine kavacāya hum |revābulīlāsantṛptaparitṛptadaśāsyacakravartine netratrayāya vauṣaṭ |kārāgṛhapratibandhitadaśāsyacakravartine astrāya phaṭ |bhūrbhuvassuvaromiti digbandhaḥ ||dhyānaṃsahasrabāhuṃ saśaraṃ sacāpaṃ raktāmbaraṃ ratnakirīṭakuṇḍalam |corāriduṣṭabhayanāśanamiṣṭadaṃ taṃ dhyāyenmahābalavijṛmbhitakārtavīryam || 1||

अव्यात्सर्वभयात्प्रभाकरनिभः प्रद्योतनो नूतनःस्वर्णस्रक् परिवीतकन्धरधरो रक्तांशुकोष्णीषवान् ।नानाकल्पविभूषणः करसहस्रार्धात्तबाणासनोबाणर्धात्तसहस्रबाहुरनिशं भूवल्लभो नः प्रभुः ॥ २॥

avyātsarvabhayātprabhākaranibhaḥ pradyotano nūtanaḥsvarṇasrak parivītakandharadharo raktāṃśukoṣṇīṣavān |nānākalpavibhūṣaṇaḥ karasahasrārdhāttabāṇāsanobāṇardhāttasahasrabāhuraniśaṃ bhūvallabho naḥ prabhuḥ || 2||

श्रीदेव्युवाच ।देवादिदेव सर्वज्ञ सर्वभूतहिते रत ।केन रक्षा भवेन्नॄणां भीतानां विविधापदि ॥राजचोरादि पीडासु शस्त्राग्निविषपातने ।मारिदुस्स्वप्नपीडासु ग्रहरोगभयेषु च ॥ज्वरापस्मारपीडासु सिंहव्याघ्रनिपातने ।राक्षस असुरवेतालपिशाचप्रेतपातने ॥ ३॥

śrīdevyuvāca |devādideva sarvajña sarvabhūtahite rata |kena rakṣā bhavennṝṇāṃ bhītānāṃ vividhāpadi ||rājacorādi pīḍāsu śastrāgniviṣapātane |māridussvapnapīḍāsu graharogabhayeṣu ca ||jvarāpasmārapīḍāsu siṃhavyāghranipātane |rākṣasa asuravetālapiśācapretapātane || 3||

महाभये महानाशे महानावगतेऽर्णवे ।महामृत्युभये घोरे महाकलहसम्भवे ॥ ४॥

mahābhaye mahānāśe mahānāvagate'rṇave |mahāmṛtyubhaye ghore mahākalahasambhave || 4||

केनोपायेन शान्तिः स्यात् साधकानां महेश्वर ।अनष्टद्रव्यरक्षा च नष्टस्य पुनरागमः ॥ ५॥

kenopāyena śāntiḥ syāt sādhakānāṃ maheśvara |anaṣṭadravyarakṣā ca naṣṭasya punarāgamaḥ || 5||

सर्वाकर्षणसङ्क्षोभसर्वसंहननं तथा ।भवत्यभीष्टदं नृणां केन तद्वद मे शिव ॥ ६॥

sarvākarṣaṇasaṅkṣobhasarvasaṃhananaṃ tathā |bhavatyabhīṣṭadaṃ nṛṇāṃ kena tadvada me śiva || 6||

ईश्वर उवाच ।शृणु गुह्यतमं देवि गोपनीयं प्रयत्नतः ।अवाच्यमपि वक्ष्यामि तव लोकहिताय वै ॥ ७॥

īśvara uvāca |śṛṇu guhyatamaṃ devi gopanīyaṃ prayatnataḥ |avācyamapi vakṣyāmi tava lokahitāya vai || 7||

कवचं कार्तवीर्यस्य साङ्गावरणकं क्रमात् ।स्वमूर्तिशक्तिमन्त्रौघसहितं ध्यानपूर्वकम् ॥ ८॥

kavacaṃ kārtavīryasya sāṅgāvaraṇakaṃ kramāt |svamūrtiśaktimantraughasahitaṃ dhyānapūrvakam || 8||

सहस्रादित्यसङ्काशे नानारत्नसमुज्ज्वले ।भास्वद्ध्वजपताकाढ्ये तुरङ्गायुतशोभिते ॥ ९॥

sahasrādityasaṅkāśe nānāratnasamujjvale |bhāsvaddhvajapatākāḍhye turaṅgāyutaśobhite || 9||

महासंवर्तक्रान्तेमहाराजविराजिते ।समुद्धृतमहाच्छत्रवितानितवियत्पथे ॥ १०॥

mahāsaṃvartakrāntemahārājavirājite |samuddhṛtamahācchatravitānitaviyatpathe || 10||

निक्वणत्किङ्किणीजाले चलच्चामरमण्डिते ।महारथ्यावलयिते सर्वालङ्कारशोभिते ॥ ११॥

nikvaṇatkiṅkiṇījāle calaccāmaramaṇḍite |mahārathyāvalayite sarvālaṅkāraśobhite || 11||

महावररथे दीप्ते नानाशस्त्रविराजिते ।सुस्थितं विपुलोदारसहस्रभुजमण्डलम् ॥ १२॥

mahāvararathe dīpte nānāśastravirājite |susthitaṃ vipulodārasahasrabhujamaṇḍalam || 12||

वामैरुदारैः कोदण्डान् दधानमपरैश्शरान् ।किरीटहारमुकुटकेयूरवलयाङ्गदैः ॥ १३॥

vāmairudāraiḥ kodaṇḍān dadhānamaparaiśśarān |kirīṭahāramukuṭakeyūravalayāṅgadaiḥ || 13||

मुद्रिकोदरबन्धाद्यैः काञ्चीनूपुरकादिभिः ।भूषितं विविधाकल्पैर्भास्वरैस्सुविराजितम् ॥ १४॥

mudrikodarabandhādyaiḥ kāñcīnūpurakādibhiḥ |bhūṣitaṃ vividhākalpairbhāsvaraissuvirājitam || 14||

आबद्धकवचं वीरं सुप्रसन्नाननाम्बुजम् ।धनुर्ज्यासिंहनादेन कम्पयन्तं जगत्त्रयम् ॥ १५॥

ābaddhakavacaṃ vīraṃ suprasannānanāmbujam |dhanurjyāsiṃhanādena kampayantaṃ jagattrayam || 15||

सर्वशत्रुक्षयकरं सर्वव्याधिविनाशनम् ।सर्वसम्पत्प्रदातारं विजयश्रीनिषेवितम् ॥ १६॥

sarvaśatrukṣayakaraṃ sarvavyādhivināśanam |sarvasampatpradātāraṃ vijayaśrīniṣevitam || 16||

सर्वसौभाग्यदं भद्रं भक्तानां भयनाशनम् ।दिव्यमाल्यानुलेपाङ्गं सर्वलक्षणसंयुतम् ॥ १७॥

sarvasaubhāgyadaṃ bhadraṃ bhaktānāṃ bhayanāśanam |divyamālyānulepāṅgaṃ sarvalakṣaṇasaṃyutam || 17||

रथनागाश्वपादातिवृन्दमध्यगमीश्वरम् ।वरदं चक्रवर्तीनां आद्यं लोकैकपालकम् ॥ १८॥

rathanāgāśvapādātivṛndamadhyagamīśvaram |varadaṃ cakravartīnāṃ ādyaṃ lokaikapālakam || 18||

सभानोदितसाहस्रसूर्येन्दुज्वलनप्रभम् ।उदितादित्यसङ्काशं कुण्डलद्वयशोभितम् ॥ १९॥

sabhānoditasāhasrasūryendujvalanaprabham |uditādityasaṅkāśaṃ kuṇḍaladvayaśobhitam || 19||

महायोगबलैश्वर्यकीर्त्याक्रान्तजगत्त्रयम् ।श्रीमच्चक्रं हरेरंशादवतीर्णं महाबलम् ॥ २०॥

mahāyogabalaiśvaryakīrtyākrāntajagattrayam |śrīmaccakraṃ hareraṃśādavatīrṇaṃ mahābalam || 20||

सम्यगात्माविभेदेन ध्यात्वा रक्षामुदीरयेत् ।दत्तात्रेय ऋर्षिः प्रोक्तोऽनुष्टुप्छन्दः प्रकीर्तितम् ॥ २१॥

samyagātmāvibhedena dhyātvā rakṣāmudīrayet |dattātreya ṛrṣiḥ prokto'nuṣṭupchandaḥ prakīrtitam || 21||

कार्तवीर्यार्जुनो विष्णुश्चक्रवर्ती च देवता ।विनियोगश्च रक्षायै सर्वत्र परिकीर्तितः ॥ २२॥

kārtavīryārjuno viṣṇuścakravartī ca devatā |viniyogaśca rakṣāyai sarvatra parikīrtitaḥ || 22||

सर्वशत्रुविनाशाय सर्वार्थस्य च सिद्धये ।तस्यैव मूर्तयः पञ्च भानुमत्किरणोज्ज्वलाः ॥ २३॥

sarvaśatruvināśāya sarvārthasya ca siddhaye |tasyaiva mūrtayaḥ pañca bhānumatkiraṇojjvalāḥ || 23||

अग्नीशासुरवायव्यकोणेषु हृदयन्तिकाः ।सर्वतस्तु ज्वलद्रूपा वरचर्मासिपाणयः ॥ २४॥

agnīśāsuravāyavyakoṇeṣu hṛdayantikāḥ |sarvatastu jvaladrūpā varacarmāsipāṇayaḥ || 24||

अव्याहतबलैश्वर्यशक्तिसामार्थ्यविग्रहाः ।क्षेमङ्करीं शक्तियुक्तःचोराणां च विभञ्जनः ॥ २५॥

avyāhatabalaiśvaryaśaktisāmārthyavigrahāḥ |kṣemaṅkarīṃ śaktiyuktaḥcorāṇāṃ ca vibhañjanaḥ || 25||

प्राचीं दिशं रक्षतु मे बाणबाणासनैर्युतः ।श्रीकरीशक्तिसहितो मारीमदविभञ्जनः ॥ २६॥

prācīṃ diśaṃ rakṣatu me bāṇabāṇāsanairyutaḥ |śrīkarīśaktisahito mārīmadavibhañjanaḥ || 26||

शरचापधरः श्रीमान् दिशं मे पातु दक्षिणाम् ।महावश्यकरी युक्तो शत्रूणां मदभञ्जनः ॥ २७॥

śaracāpadharaḥ śrīmān diśaṃ me pātu dakṣiṇām |mahāvaśyakarī yukto śatrūṇāṃ madabhañjanaḥ || 27||

महेषुचापधृक् पातु मम प्राचेतसीं दिशम् ।यशः करी यशस्करो दैत्यानां मदभञ्जनः ॥ २८॥

maheṣucāpadhṛk pātu mama prācetasīṃ diśam |yaśaḥ karī yaśaskaro daityānāṃ madabhañjanaḥ || 28||

कोदण्डेषुधरस्सौम्यां दिशं मे परिरक्षतु ।प्रज्ञाकरीयुतश्चापःबाणधृक् दुष्टशासनः ॥ २९॥

kodaṇḍeṣudharassaumyāṃ diśaṃ me parirakṣatu |prajñākarīyutaścāpaḥbāṇadhṛk duṣṭaśāsanaḥ || 29||

परिरक्षतु मां सम्यक् सम्यक् विदिशं चाग्निदेवताम् ।विद्याकरी समायुक्तः सुमहान् दुष्टशासनः ॥ ३०॥

parirakṣatu māṃ samyak samyak vidiśaṃ cāgnidevatām |vidyākarī samāyuktaḥ sumahān duṣṭaśāsanaḥ || 30||

पातु मे नैरृतीं चापबाणो विदिशमीश्वरः ।धनाकर्षणसमायुक्तो महादुरितनाशनः ॥ ३१॥

pātu me nairṛtīṃ cāpabāṇo vidiśamīśvaraḥ |dhanākarṣaṇasamāyukto mahāduritanāśanaḥ || 31||

इष्वासनेषु दृक् पातु विदिशो मम वायवीम् ।आयुष्कार्यायुतःश्रीमान् महाभयविनाशनः ॥ ३२॥

iṣvāsaneṣu dṛk pātu vidiśo mama vāyavīm |āyuṣkāryāyutaḥśrīmān mahābhayavināśanaḥ || 32||

चापेषुधारीरौवीं मे विदिशं परिरक्षतु ।विजयश्रीयुतस्साक्षात्साहस्त्रारधरो विभुः ॥ ३३॥

cāpeṣudhārīrauvīṃ me vidiśaṃ parirakṣatu |vijayaśrīyutassākṣātsāhastrāradharo vibhuḥ || 33||

दिशमूर्ध्वामवतु मे महाभयविभञ्जनः ।शङ्खभृत्सुमहाशक्तिस्सम्भूतो मे धरां दिशम् ॥ ३४॥

diśamūrdhvāmavatu me mahābhayavibhañjanaḥ |śaṅkhabhṛtsumahāśaktissambhūto me dharāṃ diśam || 34||

परिरक्षतु मे दुःखध्वान्तसम्भेदभास्करः ।महाशोभाश्रयायुक्तः सर्वदिक्चक्रमण्डलः ॥ ३५॥

parirakṣatu me duḥkhadhvāntasambhedabhāskaraḥ |mahāśobhāśrayāyuktaḥ sarvadikcakramaṇḍalaḥ || 35||

महायोगीश्वरः पातु सर्वतो मम पद्मधृक् ।एतश्च कार्तवीर्यस्य शुक्लमाल्यांशुकावृताः ॥ ३६॥

mahāyogīśvaraḥ pātu sarvato mama padmadhṛk |etaśca kārtavīryasya śuklamālyāṃśukāvṛtāḥ || 36||

प्रधानदेवतारूपाः पृथग्वररथस्थिताः ।शक्तयः पद्महस्ताश्च नीलेन्दीवरसन्निभाः ॥ ३७॥

pradhānadevatārūpāḥ pṛthagvararathasthitāḥ |śaktayaḥ padmahastāśca nīlendīvarasannibhāḥ || 37||

शुक्लमाल्यसुवसना ललितास्तिलकोज्वलाः ।तत्पार्श्वदेवताः स्वस्ववाहनायुधभूषणाः ॥ ३८॥

śuklamālyasuvasanā lalitāstilakojvalāḥ |tatpārśvadevatāḥ svasvavāhanāyudhabhūṣaṇāḥ || 38||

स्वस्वदिक्षु स्थिताः पान्तु मामिन्द्राद्या महाबलाः ।एतास्तस्य समाख्याताः सर्वावरणदेवताः ॥ ३९॥

svasvadikṣu sthitāḥ pāntu māmindrādyā mahābalāḥ |etāstasya samākhyātāḥ sarvāvaraṇadevatāḥ || 39||

सर्वतो मां सदा पातु सर्वशक्तिसमन्विताः ।हृदये चोदरे नाभौ जठरे गुह्यमण्डले ॥ ४०॥

sarvato māṃ sadā pātu sarvaśaktisamanvitāḥ |hṛdaye codare nābhau jaṭhare guhyamaṇḍale || 40||

ऊरुयुग्जानुपादेषु मूर्ध्नि भ्रूयुगलेऽपि च ।कर्णाक्षिनासिकाजिह्वाकण्ठबाहुयुगेषु च ॥ ४१॥

ūruyugjānupādeṣu mūrdhni bhrūyugale'pi ca |karṇākṣināsikājihvākaṇṭhabāhuyugeṣu ca || 41||

दशबीजात्मिकामन्त्राः यस्य संवृद्दिदायकाः ।तेजोरूपधराः पान्तु वाञ्चापूरसुरद्रुमाः ॥ ४२॥

daśabījātmikāmantrāḥ yasya saṃvṛddidāyakāḥ |tejorūpadharāḥ pāntu vāñcāpūrasuradrumāḥ || 42||

दश चान्ये महावर्णाः मन्त्ररूपा महोज्ज्वलाः ।व्यापकत्वेन पान्त्वस्मानापादतलमस्तकम् ॥ ४३॥

daśa cānye mahāvarṇāḥ mantrarūpā mahojjvalāḥ |vyāpakatvena pāntvasmānāpādatalamastakam || 43||

कार्तवीर्यः शिरः पातु ललाटं हैहयेश्वरः ।सुमुखो मे मुखं पातु कर्णौ व्याप्तजगत्त्रयः ॥ ४४॥

kārtavīryaḥ śiraḥ pātu lalāṭaṃ haihayeśvaraḥ |sumukho me mukhaṃ pātu karṇau vyāptajagattrayaḥ || 44||

सुकुमारो हनूं पातु तालौ भ्रुयुगलेपि च ।नयने पुण्डरीकाक्षो नासिकां मे गुणाकरः ॥ ४५॥

sukumāro hanūṃ pātu tālau bhruyugalepi ca |nayane puṇḍarīkākṣo nāsikāṃ me guṇākaraḥ || 45||

दन्तोष्टौ तु सदा पातु ब्रह्मगेयः सनातनः ।सर्वशास्त्रकलाधारो जिह्वां चुबुकमव्ययः ॥ ४६॥

dantoṣṭau tu sadā pātu brahmageyaḥ sanātanaḥ |sarvaśāstrakalādhāro jihvāṃ cubukamavyayaḥ || 46||

दत्तात्रेयप्रियः कर्णौ स्कन्धौ राजकुलेश्वरः ।भुजौ दशास्यदर्पघ्नो हृदयं मे महाबलः ॥ ४७॥

dattātreyapriyaḥ karṇau skandhau rājakuleśvaraḥ |bhujau daśāsyadarpaghno hṛdayaṃ me mahābalaḥ || 47||

कुक्षौ रक्षतु मे विद्वान् वक्षः परपुरञ्जयः ।करौ सर्वार्थदः पातु काराग्रे त्रिजगत्पतिः ॥ ४८॥

kukṣau rakṣatu me vidvān vakṣaḥ parapurañjayaḥ |karau sarvārthadaḥ pātu kārāgre trijagatpatiḥ || 48||

रेवाम्बुलीलासन्तृप्तो ज्वरं मेऽभिरक्षतु ।महावीरस्तु मे नाभिं पार्श्वौ मे सर्वदुष्टहा ॥ ४९॥

revāmbulīlāsantṛpto jvaraṃ me'bhirakṣatu |mahāvīrastu me nābhiṃ pārśvau me sarvaduṣṭahā || 49||

सहस्रभुजधृक् पृष्टं सप्तद्वीपाधिपः कटिम् ।गुह्यं जितेन्द्रियः पातु सन्धिं नो योगवल्लभः ॥ ५०॥

sahasrabhujadhṛk pṛṣṭaṃ saptadvīpādhipaḥ kaṭim |guhyaṃ jitendriyaḥ pātu sandhiṃ no yogavallabhaḥ || 50||