सर्पसूक्तम् १ Sarpa Suktam 1

नमोऽस्तु सर्पेभ्यो ये के च पृथिविमनु ।ये अन्तरिक्षे ये दिवि तेभ्यः सर्पेभ्यो नमः ॥ १॥

namo'stu sarpebhyo ye ke ca pṛthivimanu |ye antarikṣe ye divi tebhyaḥ sarpebhyo namaḥ || 1||

येऽदो रोचने दिवो ये वा सूर्यस्य रश्मिषु ।येषामप्सूषदः कृतं तेभ्यः सर्पेभ्यो नमः ॥ २॥

ye'do rocane divo ye vā sūryasya raśmiṣu |yeṣāmapsūṣadaḥ kṛtaṃ tebhyaḥ sarpebhyo namaḥ || 2||

या इषवो यातुधानानां ये वा वनस्पती\म्+ रनु ।ये वाऽवटेषु शेरते तेभ्यः सर्पेभ्यो नमः ॥ ३॥

yā iṣavo yātudhānānāṃ ye vā vanaspatī\m+ ranu |ye vā'vaṭeṣu śerate tebhyaḥ sarpebhyo namaḥ || 3||

ऋग्वेद खिलानि (२\।१४)स्वप्नस्स्वप्नाधिकरणे सर्वं निष्वापया जनम् ।आ सूर्यमन्यांस्त्वापयाव्युषं जाग्रियामहम् ॥ ४॥

ṛgveda khilāni (2\|14)svapnassvapnādhikaraṇe sarvaṃ niṣvāpayā janam |ā sūryamanyāṃstvāpayāvyuṣaṃ jāgriyāmaham || 4||

अजगरोनाम सर्पः सर्पिरविषो महान् ।तस्मिन्हि सर्पस्सुधितस्तेनत्वा स्वापयामसि ॥ ५॥

ajagaronāma sarpaḥ sarpiraviṣo mahān |tasminhi sarpassudhitastenatvā svāpayāmasi || 5||

सर्पस्सर्पो अजगरसर्पिरविषो महान् ।तस्य सर्पात्सिन्धवस्तस्य गाधमशीमहि ॥ ६॥

sarpassarpo ajagarasarpiraviṣo mahān |tasya sarpātsindhavastasya gādhamaśīmahi || 6||

कालिको नाम सर्पो नवनागसहस्रबलः ।यमुनाह्रदेहसो जातो यो नारायण वाहनः ॥ ७॥

kāliko nāma sarpo navanāgasahasrabalaḥ |yamunāhradehaso jāto yo nārāyaṇa vāhanaḥ || 7||

यदि कालिकदूतस्य यदि काः कालिकात् भयात् ।जन्मभूमिमतिक्रान्तो निर्विषो याति कालिकः ॥ ८॥

yadi kālikadūtasya yadi kāḥ kālikāt bhayāt |janmabhūmimatikrānto nirviṣo yāti kālikaḥ || 8||

आयाहीन्द्र पथिभिरीलितेभिर्यज्ञमिमन्नो भागदेयञ्जुषस्व ।तृप्तां जुहुर्मातुलस्ये वयोषा भागस्थे पैतृष्वसेयीवपामिव ॥ ९॥

āyāhīndra pathibhirīlitebhiryajñamimanno bhāgadeyañjuṣasva |tṛptāṃ juhurmātulasye vayoṣā bhāgasthe paitṛṣvaseyīvapāmiva || 9||

यशस्करं बलवन्तं प्रभुत्वं तमेव राजाधिपतिर्बभूव ।सङ्कीर्णनागाश्वपतिर्नराणां सुमङ्गल्यं सततं दीर्घमायुः ॥ १०॥

yaśaskaraṃ balavantaṃ prabhutvaṃ tameva rājādhipatirbabhūva |saṅkīrṇanāgāśvapatirnarāṇāṃ sumaṅgalyaṃ satataṃ dīrghamāyuḥ || 10||

कर्कोटको नाम सर्पो योद्वष्टी विष उच्यते ।तस्य सर्पस्य सर्पत्वं तस्मै सर्प नमोऽस्तुते ॥ ११॥

karkoṭako nāma sarpo yodvaṣṭī viṣa ucyate |tasya sarpasya sarpatvaṃ tasmai sarpa namo'stute || 11||

सर्पगायत्रीभुजङ्गेशाय विद्महे सर्पराजाय धीमहि ।तन्नो नागः प्रचोदयात् ॥ १२॥

sarpagāyatrībhujaṅgeśāya vidmahe sarparājāya dhīmahi |tanno nāgaḥ pracodayāt || 12||

नमो॑ अस्तु स॒र्पेभ्यो॒ ये के च॑ पृथि॒वीमनु॑ ।ये अ॒न्तरि॑क्षे॒ ये दि॒वि तेभ्यः॑ स॒र्पेभ्यो॒ नमः॑ ॥ये॑ऽदो रो॑च॒ने दि॒वो ये वा॒ सूर्य॑स्य र॒श्मिषु॑ ।येषा॑म॒प्सु सदः॑ कृ॒तं तेभ्यः॑ स॒र्पेभ्यो॒ नमः॑ ॥या इष॑वो यातु॒धाना॑नां॒ ये वा॒ वन॒स्पती॒+॒रनु॑ ।ये वा॑ व॒टेषु॒ शेर॑ते॒ तेभ्यः॑ स॒र्पेभ्यो॒ नमः॑ ॥ ४। २। ८॥

namo astu sarpebhyo ye ke ca pṛthivīmanu |ye antarikṣe ye divi tebhyaḥ sarpebhyo namaḥ ||ye'do rocane divo ye vā sūryasya raśmiṣu |yeṣāmapsu sadaḥ kṛtaṃ tebhyaḥ sarpebhyo namaḥ ||yā iṣavo yātudhānānāṃ ye vā vanaspatī+ranu |ye vā vaṭeṣu śerate tebhyaḥ sarpebhyo namaḥ || 4| 2| 8||

तैत्तिरीयसंहिता

taittirīyasaṃhitā