गकारादिगोरक्षसहस्रनामस्तोत्रम् Gakaradi Gorakshasahasranamastotram

श्रीनाथाय नमो गुरवेदेया द्वो मङ्गलानां भुवि ततिमनिशं यस्य दृक्पातमात्रप्रादुर्भूतप्रभावा द्रचयति भुवनं विश्वयोनिः समग्रम् ।क्षोणीभारं विधत्ते शिरसि फणिपत्तिः शम्भुरति प्रपञ्चंसोऽयं श्रीआदिनाथः सुरनिकरशिरोरत्ननीराजिताङ्घ्रिः ॥ १॥

śrīnāthāya namo guravedeyā dvo maṅgalānāṃ bhuvi tatimaniśaṃ yasya dṛkpātamātraprādurbhūtaprabhāvā dracayati bhuvanaṃ viśvayoniḥ samagram |kṣoṇībhāraṃ vidhatte śirasi phaṇipattiḥ śambhurati prapañcaṃso'yaṃ śrīādināthaḥ suranikaraśiroratnanīrājitāṅghriḥ || 1||

अहो ! नमः श्रीयुतपादपद्मं मत्स्येन्द्रनाथस्य मनोज्ञमूर्तेः ।सापत्न्यभावं प्रविहाय यत्र चक्रे निवासं कमला च गीश्च ॥ २॥

aho ! namaḥ śrīyutapādapadmaṃ matsyendranāthasya manojñamūrteḥ |sāpatnyabhāvaṃ pravihāya yatra cakre nivāsaṃ kamalā ca gīśca || 2||

यश्चादौ पद्मयोनिर्विसृजति निखिलं स्वस्वकर्मानुकूलंयश्चान्ते रुद्रनामा प्रलय इव जनं मोहलीनं करोति ।यः स्थाने विष्णुदेहस्त्रिजगदवनकृत् सिद्धयोगात्मकोऽसौगोरक्षो वाञ्छितानां ततिमनवरतं वः प्रदेयात् त्रिमूर्तिः ॥ ३॥

yaścādau padmayonirvisṛjati nikhilaṃ svasvakarmānukūlaṃyaścānte rudranāmā pralaya iva janaṃ mohalīnaṃ karoti |yaḥ sthāne viṣṇudehastrijagadavanakṛt siddhayogātmako'saugorakṣo vāñchitānāṃ tatimanavarataṃ vaḥ pradeyāt trimūrtiḥ || 3||

अथ सहस्रनामस्तोत्रम् ॥गोरक्षानिपुणो गुह्यो गोभारार्तिनिषूदनः ।गीर्वाणादारातिविद्रावी गोपदानुगतिर्गुणी ॥ ४॥

atha sahasranāmastotram ||gorakṣānipuṇo guhyo gobhārārtiniṣūdanaḥ |gīrvāṇādārātividrāvī gopadānugatirguṇī || 4||

गोभास्वान् गण्डमुद्रश्च गुणवद् व्यूहमानदः ।गोवृत्तिदश्च गोराजो गोलोकावासिपूजितः ॥ ५॥

gobhāsvān gaṇḍamudraśca guṇavad vyūhamānadaḥ |govṛttidaśca gorājo golokāvāsipūjitaḥ || 5||

गुह्यकप्रेतक्रव्यादशाकिनी ग्रहभञ्जकः ।गतोपसर्गो ग्रन्थज्ञो गौरभूतिविभूषितः ॥ ६॥

guhyakapretakravyādaśākinī grahabhañjakaḥ |gatopasargo granthajño gaurabhūtivibhūṣitaḥ || 6||

गोराङ्गो गण्डमुद्रास्यो गौतमीनाथ एव च ।गन्धात्मा गौतमत्राता गुरुतत्त्वार्थपारभृत् ॥ ७॥

gorāṅgo gaṇḍamudrāsyo gautamīnātha eva ca |gandhātmā gautamatrātā gurutattvārthapārabhṛt || 7||

गोरण्णाथों गवांनाथो गोमान् गोब्रह्मपालकः ।गतक्रूरो गभीरात्मा गभस्तिशतचक्रभृत् ॥ ८॥

goraṇṇāthoṃ gavāṃnātho gomān gobrahmapālakaḥ |gatakrūro gabhīrātmā gabhastiśatacakrabhṛt || 8||

गणपो गणनाथश्च गणस्वामी गिरिप्रियः ।गुरुदयो गुरुप्रार्च्यो गुरुदेवो गवेषकः ॥ ९॥

gaṇapo gaṇanāthaśca gaṇasvāmī giripriyaḥ |gurudayo guruprārcyo gurudevo gaveṣakaḥ || 9||

गगनो गतिमान् गौरतेजा गम्भीरशुद्धभूः ।गतपाप्मा च ग्रन्थाग्र्यो ग्रामवासिजनार्थदः ॥ १०॥

gagano gatimān gauratejā gambhīraśuddhabhūḥ |gatapāpmā ca granthāgryo grāmavāsijanārthadaḥ || 10||

गुरुभर्गो गतव्यग्रो ग्रहपीडादिघस्मरः ।ग्रामरक्षणसन्दक्षा गर्वकक्षहुताशनः ॥ ११॥

gurubhargo gatavyagro grahapīḍādighasmaraḥ |grāmarakṣaṇasandakṣā garvakakṣahutāśanaḥ || 11||

गर्मुदद्भुतरूपाढ्यो गान्धर्वीभीभयात्मकः ।गीर्वाणेतरगोत्रघ्नो गणेशाशेषदर्पहा ॥ १२॥

garmudadbhutarūpāḍhyo gāndharvībhībhayātmakaḥ |gīrvāṇetaragotraghno gaṇeśāśeṣadarpahā || 12||

गीर्वाणगणदुर्दर्शो गोब्रह्मभयभञ्जनः ।गतक्षोभो ग्रन्थनेता गूढकालयमान्तक ॥ १३॥

gīrvāṇagaṇadurdarśo gobrahmabhayabhañjanaḥ |gatakṣobho granthanetā gūḍhakālayamāntaka || 13||

ग्रस्तासाध्यमहारोगो गुणवन्महदर्थदः ।गुरुधर्माग्रगण्यात्मा ग्रहपीडादिमर्दकः ॥ १४॥

grastāsādhyamahārogo guṇavanmahadarthadaḥ |gurudharmāgragaṇyātmā grahapīḍādimardakaḥ || 14||

गुणाकारो गुणान्तःस्थो गुणत्रयनिषेधकृत् ।गोकोटि ग्रोग्रहेशानो ग्रस्तमायो गदप्रियः ॥ १५॥

guṇākāro guṇāntaḥstho guṇatrayaniṣedhakṛt |gokoṭi grograheśāno grastamāyo gadapriyaḥ || 15||

गुण्याक्षरो गविष्ठश्च ग्लानिहा ग्लानिवारकः ।गुहाशापूरको गण्यो गोपतापनिराकरः ॥ १६॥

guṇyākṣaro gaviṣṭhaśca glānihā glānivārakaḥ |guhāśāpūrako gaṇyo gopatāpanirākaraḥ || 16||

गङ्गाधरेष्टमन्त्रात्मा गुहागूढो गतभ्रमः ।गोपको गतसर्वाधिर्गतिज्येष्ठो गुहाक्षरः ॥ १७॥

gaṅgādhareṣṭamantrātmā guhāgūḍho gatabhramaḥ |gopako gatasarvādhirgatijyeṣṭho guhākṣaraḥ || 17||

गतभावो गताभावो गताविद्यो गुणाग्रहः ।गुहाध्येयो गुहाज्ञेयो गाढाङ्गो गूढविग्रहः ॥ १८॥

gatabhāvo gatābhāvo gatāvidyo guṇāgrahaḥ |guhādhyeyo guhājñeyo gāḍhāṅgo gūḍhavigrahaḥ || 18||

ग्लास्नुतापापहर्तो च गङ्गाधरपरेश्वरः ।गुरुर्जितप्रियाकारो ग्लानम्लानिनिषूदकः ॥ १९॥

glāsnutāpāpaharto ca gaṅgādharapareśvaraḥ |gururjitapriyākāro glānamlāniniṣūdakaḥ || 19||

गभस्ति गर्वसंहर्ता गोकश्मलनिरासकृत् ।गातृगीतो गुणागारो गुहाशायी गणाग्रणीः ॥ २०॥

gabhasti garvasaṃhartā gokaśmalanirāsakṛt |gātṛgīto guṇāgāro guhāśāyī gaṇāgraṇīḥ || 20||

गुहाकमलमार्तण्डो गौणदुस्सहभावनः ।ग्रन्थसंशयसंहर्ता गुरुमत्स्येन्द्रशिक्षितः ॥ २१॥

guhākamalamārtaṇḍo gauṇadussahabhāvanaḥ |granthasaṃśayasaṃhartā gurumatsyendraśikṣitaḥ || 21||

गुणाग्रण्योऽथ गन्धेष्टो गिरिनारनिजासनः ।गणकप्रवणाग्रण्यो गदाधरभयापहा ॥ २२॥

guṇāgraṇyo'tha gandheṣṭo girināranijāsanaḥ |gaṇakapravaṇāgraṇyo gadādharabhayāpahā || 22||

गीर्वाणदुस्सहद्योतो गभीरो गतिरोचनः ।गभस्तिकोटिसत्तेजा गन्धवाहादिकप्लवः ॥ २३॥

gīrvāṇadussahadyoto gabhīro gatirocanaḥ |gabhastikoṭisattejā gandhavāhādikaplavaḥ || 23||

गुरुक्रमो गणाधीशो गौरस्यो गुणभूषितः ।गणप्राज्ञो गणश्लाघ्यो गणसंविद्गणाग्र्यभूः ॥ २४॥

gurukramo gaṇādhīśo gaurasyo guṇabhūṣitaḥ |gaṇaprājño gaṇaślāghyo gaṇasaṃvidgaṇāgryabhūḥ || 24||

गुणातीतोऽथ गुणभृद् गुणतत्त्वार्थविद्विभुः ।गुणस्त्रष्टा गणेशश्च गणदेववरप्रदः ॥ २५॥

guṇātīto'tha guṇabhṛd guṇatattvārthavidvibhuḥ |guṇastraṣṭā gaṇeśaśca gaṇadevavarapradaḥ || 25||

ग्रन्थारम्भश्च ग्रन्थान्तो ग्रन्थकृद् ग्रन्थपारदृक् ।गन्तव्यो ग्रन्थपारीणो ग्रन्थान्तर्यामिगुम्फकः ॥ २६॥

granthārambhaśca granthānto granthakṛd granthapāradṛk |gantavyo granthapārīṇo granthāntaryāmigumphakaḥ || 26||

गतपाणिर्गताङ्घ्रिश्च ग्रहोता गतिसर्वभृत् ।गुप्तचक्षुर्गुणालोको ग्रन्थद्रष्टा गुणश्रुतिः ॥ २७॥

gatapāṇirgatāṅghriśca grahotā gatisarvabhṛt |guptacakṣurguṇāloko granthadraṣṭā guṇaśrutiḥ || 27||

गुरुसंसारदुःखघ्नो गौरभास्वत्सुशोमनः ।गौरलक्षणसंलक्ष्यो गुरुद्रोहिबहिष्करः ॥ २८॥

gurusaṃsāraduḥkhaghno gaurabhāsvatsuśomanaḥ |gauralakṣaṇasaṃlakṣyo gurudrohibahiṣkaraḥ || 28||

गुणाच्छेद्यवपुर्गम्यो गुणमाहात्म्यवेदितः ।गौरभूर्गौरिमुद्रश्च गलव्यालोपवीतकः ॥ २९॥

guṇācchedyavapurgamyo guṇamāhātmyaveditaḥ |gaurabhūrgaurimudraśca galavyālopavītakaḥ || 29||

गोमतीतीरतापघ्नो गुर्वीच्छादो गवेषकृत् ।गौतमापत्तिहर्ता च गोमतीपदपावनः ॥ ३०॥

gomatītīratāpaghno gurvīcchādo gaveṣakṛt |gautamāpattihartā ca gomatīpadapāvanaḥ || 30||

गौघृष्णिर्गुरुज्ञातो गौरज्ञानोपदेशकः ।गोमद्वासिजनानन्दो गुरुविज्ञानसंस्कृतः ॥ ३१॥

gaughṛṣṇirgurujñāto gaurajñānopadeśakaḥ |gomadvāsijanānando guruvijñānasaṃskṛtaḥ || 31||

गवाम्भर्तार्थ गोनाथो गोपनाथेननाथितः ।गोष्ठप्रियो गवाधारो गोधुग् गोगुब् गुहादरः ॥ ३२॥

gavāmbhartārtha gonātho gopanāthenanāthitaḥ |goṣṭhapriyo gavādhāro godhug gogub guhādaraḥ || 32||

गोत्रभित्पूजिताङ्घ्रिश्च गौतमाश्रमखेदहृत ।गोमन्नाथो गुणाभेद्यो हावासी ग्रहाग्रहः ॥ ३३॥

gotrabhitpūjitāṅghriśca gautamāśramakhedahṛta |gomannātho guṇābhedyo hāvāsī grahāgrahaḥ || 33||

ग्रन्थाद्यो ग्रन्थभाषार्थो ग्रन्थसारार्थविद्वरः ।गुहाकञ्जाशयो गोदृग् ग्रन्थसिद्धान्तशाश्वतः ॥ ३४॥

granthādyo granthabhāṣārtho granthasārārthavidvaraḥ |guhākañjāśayo godṛg granthasiddhāntaśāśvataḥ || 34||

गौरहृत्कञ्जासंवासी गायकेष्टफलार्थदः ।गन्धर्वपालिवर्षिष्ठो गुणानन्तविलासयुक् ॥ ३५॥

gaurahṛtkañjāsaṃvāsī gāyakeṣṭaphalārthadaḥ |gandharvapālivarṣiṣṭho guṇānantavilāsayuk || 35||

गन्धानुलिप्तदिव्याङ्गो गुणनाथो गुणिप्रियः ।गिरीशार्चितपादाब्जो गोसर्पिःपानचञ्चलः ॥ ३६॥

gandhānuliptadivyāṅgo guṇanātho guṇipriyaḥ |girīśārcitapādābjo gosarpiḥpānacañcalaḥ || 36||

गङ्गावीचिविधौतोत्त मातङ्गश्च गतविज्वरः ।गन्धर्ववेदसम्पन्नो गुणरक्षो गणैकदृक् ॥ ३७॥

gaṅgāvīcividhautotta mātaṅgaśca gatavijvaraḥ |gandharvavedasampanno guṇarakṣo gaṇaikadṛk || 37||

गुणग्रामो गुणारामो गाननाथो गणाक्षयः ।गुरुशास्त्रार्थनैपुण्यो गुणोत्तीर्णो गदाग्रणीः ॥ ३८॥

guṇagrāmo guṇārāmo gānanātho gaṇākṣayaḥ |guruśāstrārthanaipuṇyo guṇottīrṇo gadāgraṇīḥ || 38||

गुरुसन्देहसञ्छेत्ता गुह्ययोगप्रदीपकः ।गुह्यार्को गुरुनाथश्च गोत्रकेतुर्गतक्लमः ॥ ३९॥

gurusandehasañchettā guhyayogapradīpakaḥ |guhyārko gurunāthaśca gotraketurgataklamaḥ || 39||

गीतागीतविशेषज्ञो गोकष्टशतशातकः ।गोचरो ग्रन्थविध्नघ्नो गर्वमानविभञ्जनः ॥ ४०॥

gītāgītaviśeṣajño gokaṣṭaśataśātakaḥ |gocaro granthavidhnaghno garvamānavibhañjanaḥ || 40||

गवीशो गौरभूर्गोमी गर्भस्थपरिपालकः ।गोकालशेश्सम्पायी गोपीयूषसुखासनः ॥ ४१॥

gavīśo gaurabhūrgomī garbhasthaparipālakaḥ |gokālaśeśsampāyī gopīyūṣasukhāsanaḥ || 41||

गिर्यरण्याश्रमस्थायी गोकोटिपायसादनः ।गर्गशास्त्रप्रवीणात्मा गर्गशास्त्रार्थसिद्धदिः ॥ ४२॥

giryaraṇyāśramasthāyī gokoṭipāyasādanaḥ |gargaśāstrapravīṇātmā gargaśāstrārthasiddhadiḥ || 42||

गरीयान् गुणसम्पन्नो गृहिसन्तापमोचनः ।गर्भत्राता च गृष्टीशो गोगृष्टिगणपालकः ॥ ४३॥

garīyān guṇasampanno gṛhisantāpamocanaḥ |garbhatrātā ca gṛṣṭīśo gogṛṣṭigaṇapālakaḥ || 43||

गिरिनारगुहावासी गीर्वाणागमसर्ववित् ।गोष्ठप्रियो गीताशानो गजाश्वान्तविभूतिदः ॥ ४४॥

girināraguhāvāsī gīrvāṇāgamasarvavit |goṣṭhapriyo gītāśāno gajāśvāntavibhūtidaḥ || 44||

गवेन्द्रो गानसंवेद्यो गीर्वाणगणसंस्तुतः ।गङ्गातीरप्रियावासो गन्धाकृष्टमधुव्रतः ॥ ४५॥

gavendro gānasaṃvedyo gīrvāṇagaṇasaṃstutaḥ |gaṅgātīrapriyāvāso gandhākṛṣṭamadhuvrataḥ || 45||

गौरयोगप्रसन्नात्मा गणानीकशुभावहः ।गलशोभिबृहन्नोदो गुम्फप्रणयपण्डितः ॥ ४६॥

gaurayogaprasannātmā gaṇānīkaśubhāvahaḥ |galaśobhibṛhannodo gumphapraṇayapaṇḍitaḥ || 46||

गूढोऽत्मा? गणकाग्रण्यो गिरिरैवतवासकृत् ।गिरिरैवततापघ्नो गिरिरैवतपालकः ॥ ४७॥

gūḍho'tmā? gaṇakāgraṇyo giriraivatavāsakṛt |giriraivatatāpaghno giriraivatapālakaḥ || 47||

गिर्यर्बुदशिरःस्थायी गिर्यर्बुदसदाचरः ।गिर्यर्बुदशिरःस्थाता गिर्यर्बुदसुखासनः ॥ ४८॥

giryarbudaśiraḥsthāyī giryarbudasadācaraḥ |giryarbudaśiraḥsthātā giryarbudasukhāsanaḥ || 48||

गुजारिशतविक्रान्तो कीतकीर्तिर्गुरुद्युतिः ।गुहार्थदो गुहस्वामी गवीशो गोभयापहः ॥ ४९॥

gujāriśatavikrānto kītakīrtirgurudyutiḥ |guhārthado guhasvāmī gavīśo gobhayāpahaḥ || 49||

गुण्यालयो गुरुश्रेयान् गुरुहत्याविमोचनः ।गुणोत्कर्षो गुणाध्यक्षो गुण्येतरनिषेधकृत् ॥ ५०॥

guṇyālayo guruśreyān guruhatyāvimocanaḥ |guṇotkarṣo guṇādhyakṣo guṇyetaraniṣedhakṛt || 50||