शुक्राष्टोत्तरशतनामस्तोत्रम् Shri Shukra Ashtottarashatanama Stotram

शुक्र बीज मन्त्र ॐ द्राँ द्रीं द्रौं सः शुक्राय नमः ॥शुक्रः शुचिः शुभगुणः शुभदः शुभलक्षणः ।शोभनाक्षः शुभ्ररूपः शुद्धस्फटिकभास्वरः ॥ १॥

śukra bīja mantra oṃ drām̐ drīṃ drauṃ saḥ śukrāya namaḥ ||śukraḥ śuciḥ śubhaguṇaḥ śubhadaḥ śubhalakṣaṇaḥ |śobhanākṣaḥ śubhrarūpaḥ śuddhasphaṭikabhāsvaraḥ || 1||

दीनार्तिहारको दैत्यगुरुः देवाभिवन्दितः ।काव्यासक्तः कामपालः कविः कळ्याणदायकः ॥ २॥

dīnārtihārako daityaguruḥ devābhivanditaḥ |kāvyāsaktaḥ kāmapālaḥ kaviḥ kaḷyāṇadāyakaḥ || 2||

भद्रमूर्तिर्भद्रगुणो भार्गवो भक्तपालनः ।भोगदो भुवनाध्यक्षो भुक्तिमुक्तिफलप्रदः ॥ ३॥

bhadramūrtirbhadraguṇo bhārgavo bhaktapālanaḥ |bhogado bhuvanādhyakṣo bhuktimuktiphalapradaḥ || 3||

चारुशीलश्चारुरूपश्चारुचन्द्रनिभाननः ।निधिर्निखिलशास्त्रज्ञो नीतिविद्याधुरन्धरः ॥ ४॥

cāruśīlaścārurūpaścārucandranibhānanaḥ |nidhirnikhilaśāstrajño nītividyādhurandharaḥ || 4||

सर्वलक्षणसम्पन्नः सर्वापद्गुणवर्जितः ।समानाधिकनिर्मुक्तः सकलागमपारगः ॥ ५॥

sarvalakṣaṇasampannaḥ sarvāpadguṇavarjitaḥ |samānādhikanirmuktaḥ sakalāgamapāragaḥ || 5||

भृगुर्भोगकरो भूमिसुरपालनतत्परः ।मनस्वी मानदो मान्यो मायातीतो महाषयः ॥ ६॥

bhṛgurbhogakaro bhūmisurapālanatatparaḥ |manasvī mānado mānyo māyātīto mahāṣayaḥ || 6||

बलिप्रसन्नोऽभयदो बली बलपराक्रमः ।भवपाशपरित्यागो बलिबन्धविमोचकः ॥ ७॥

baliprasanno'bhayado balī balaparākramaḥ |bhavapāśaparityāgo balibandhavimocakaḥ || 7||

घनाशयो घनाध्यक्षो कम्बुग्रीवः कळाधरः ।कारुण्यरससम्पूर्णः कळ्याणगुणवर्धनः ॥ ८॥

ghanāśayo ghanādhyakṣo kambugrīvaḥ kaḷādharaḥ |kāruṇyarasasampūrṇaḥ kaḷyāṇaguṇavardhanaḥ || 8||

श्वेताम्बरः श्वेतवपुः चतुर्भुजसमन्वितः ।अक्षमालाधरोऽचिन्त्यः अक्षीणगुणभासुरः ॥ ९॥

śvetāmbaraḥ śvetavapuḥ caturbhujasamanvitaḥ |akṣamālādharo'cintyaḥ akṣīṇaguṇabhāsuraḥ || 9||

नक्षत्रगणसञ्चारो नयदो नीतिमार्गदः ।वर्षप्रदो हृषीकेशः क्लेशनाशकरः कविः ॥ १०॥

nakṣatragaṇasañcāro nayado nītimārgadaḥ |varṣaprado hṛṣīkeśaḥ kleśanāśakaraḥ kaviḥ || 10||

चिन्तितार्थप्रदः शान्तमतिः चित्तसमाधिकृत् ।आधिव्याधिहरो भूरिविक्रमः पुण्यदायकः ॥ ११॥

cintitārthapradaḥ śāntamatiḥ cittasamādhikṛt |ādhivyādhiharo bhūrivikramaḥ puṇyadāyakaḥ || 11||

पुराणपुरुषः पूज्यः पुरुहूतादिसन्नुतः ।अजेयो विजितारातिर्विविधाभरणोज्ज्वलः ॥ १२॥

purāṇapuruṣaḥ pūjyaḥ puruhūtādisannutaḥ |ajeyo vijitārātirvividhābharaṇojjvalaḥ || 12||

कुन्दपुष्पप्रतीकाशो मन्दहासो महामतिः ।मुक्ताफलसमानाभो मुक्तिदो मुनिसन्नुतः ॥ १३॥

kundapuṣpapratīkāśo mandahāso mahāmatiḥ |muktāphalasamānābho muktido munisannutaḥ || 13||

रत्नसिंहासनारूढो रथस्थो रजतप्रभः ।सूर्यप्राग्देशसञ्चारः सुरशत्रुसुहृत् कविः ॥ १४॥

ratnasiṃhāsanārūḍho rathastho rajataprabhaḥ |sūryaprāgdeśasañcāraḥ suraśatrusuhṛt kaviḥ || 14||

तुलावृषभराशीशो दुर्धरो धर्मपालकः ।भाग्यदो भव्यचारित्रो भवपाशविमोचकः ॥ १५॥

tulāvṛṣabharāśīśo durdharo dharmapālakaḥ |bhāgyado bhavyacāritro bhavapāśavimocakaḥ || 15||

गौडदेशेश्वरो गोप्ता गुणी गुणविभूषणः ।ज्येष्ठानक्षत्रसम्भूतो ज्येष्ठः श्रेष्ठः शुचिस्मितः ॥ १६॥

gauḍadeśeśvaro goptā guṇī guṇavibhūṣaṇaḥ |jyeṣṭhānakṣatrasambhūto jyeṣṭhaḥ śreṣṭhaḥ śucismitaḥ || 16||

अपवर्गप्रदोऽनन्तः सन्तानफलदायकः ।सर्वैश्वर्यप्रदः सर्वगीर्वाणगणसन्नुतः ॥ १७॥

apavargaprado'nantaḥ santānaphaladāyakaḥ |sarvaiśvaryapradaḥ sarvagīrvāṇagaṇasannutaḥ || 17||

एवं शुक्रग्रहस्यैव क्रमादष्टोत्तरं शतम् ।सर्वपापप्रशमनम् सर्वपुण्यफलप्रदम् ॥ १८॥

evaṃ śukragrahasyaiva kramādaṣṭottaraṃ śatam |sarvapāpapraśamanam sarvapuṇyaphalapradam || 18||

यः पठेच्छ्रुणुयाद्वापि सर्वान्कामानवाप्नुयात् ॥ १९॥

yaḥ paṭhecchruṇuyādvāpi sarvānkāmānavāpnuyāt || 19||