शनि अष्टोत्तरशतनामस्तोत्रम् Shri Shani Ashtottarashatanama Stotram

शनि बीज मन्त्र ॐ प्राँ प्रीं प्रौं सः शनैश्चराय नमः ॥शनैश्चराय शान्ताय सर्वाभीष्टप्रदायिने ।शरण्याय वरेण्याय सर्वेशाय नमो नमः ॥ १॥

śani bīja mantra oṃ prām̐ prīṃ prauṃ saḥ śanaiścarāya namaḥ ||śanaiścarāya śāntāya sarvābhīṣṭapradāyine |śaraṇyāya vareṇyāya sarveśāya namo namaḥ || 1||

सौम्याय सुरवन्द्याय सुरलोकविहारिणे ।सुखासनोपविष्टाय सुन्दराय नमो नमः ॥ २॥

saumyāya suravandyāya suralokavihāriṇe |sukhāsanopaviṣṭāya sundarāya namo namaḥ || 2||

घनाय घनरूपाय घनाभरणधारिणे ।घनसारविलेपाय खद्योताय नमो नमः ॥ ३॥

ghanāya ghanarūpāya ghanābharaṇadhāriṇe |ghanasāravilepāya khadyotāya namo namaḥ || 3||

मन्दाय मन्दचेष्टाय महनीयगुणात्मने ।मर्त्यपावनपादाय महेशाय नमो नमः ॥ ४॥

mandāya mandaceṣṭāya mahanīyaguṇātmane |martyapāvanapādāya maheśāya namo namaḥ || 4||

छायापुत्राय शर्वाय शरतूणीरधारिणे ।चरस्थिरस्वभावाय चञ्चलाय नमो नमः ॥ ५॥

chāyāputrāya śarvāya śaratūṇīradhāriṇe |carasthirasvabhāvāya cañcalāya namo namaḥ || 5||

नीलवर्णाय नित्याय नीलाञ्जननिभाय च ।नीलाम्बरविभूषाय निश्चलाय नमो नमः ॥ ६॥

nīlavarṇāya nityāya nīlāñjananibhāya ca |nīlāmbaravibhūṣāya niścalāya namo namaḥ || 6||

वेद्याय विधिरूपाय विरोधाधारभूमये ।भेदास्पदस्वभावाय वज्रदेहाय ते नमः ॥ ७॥

vedyāya vidhirūpāya virodhādhārabhūmaye |bhedāspadasvabhāvāya vajradehāya te namaḥ || 7||

वैराग्यदाय वीराय वीतरोगभयाय च ।विपत्परम्परेशाय विश्ववन्द्याय ते नमः ॥ ८॥

vairāgyadāya vīrāya vītarogabhayāya ca |vipatparampareśāya viśvavandyāya te namaḥ || 8||

गृध्नवाहाय गूढाय कूर्मांगाय कुरूपिणे ।कुत्सिताय गुणाढ्याय गोचराय नमो नमः ॥ ९॥

gṛdhnavāhāya gūḍhāya kūrmāṃgāya kurūpiṇe |kutsitāya guṇāḍhyāya gocarāya namo namaḥ || 9||

अविद्यामूलनाशाय विद्याऽविद्यास्वरूपिणे ।आयुष्यकारणायाऽपदुद्धर्त्रे च नमो नमः ॥ १०॥

avidyāmūlanāśāya vidyā'vidyāsvarūpiṇe |āyuṣyakāraṇāyā'paduddhartre ca namo namaḥ || 10||

विष्णुभक्ताय वशिने विविधागमवेदिने ।विधिस्तुत्याय वन्द्याय विरूपाक्षाय ते नमः ॥ ११॥

viṣṇubhaktāya vaśine vividhāgamavedine |vidhistutyāya vandyāya virūpākṣāya te namaḥ || 11||

वरिष्ठाय गरिष्ठाय वज्रांकुशधराय च ।वरदाभयहस्ताय वामनाय नमो नमः ॥ १२॥

variṣṭhāya gariṣṭhāya vajrāṃkuśadharāya ca |varadābhayahastāya vāmanāya namo namaḥ || 12||

ज्येष्ठापत्नीसमेताय श्रेष्ठाय मितभाषिणे ।कष्टौघनाशकर्याय पुष्टिदाय नमो नमः ॥ १३॥

jyeṣṭhāpatnīsametāya śreṣṭhāya mitabhāṣiṇe |kaṣṭaughanāśakaryāya puṣṭidāya namo namaḥ || 13||

स्तुत्याय स्तोत्रगम्याय भक्तिवश्याय भानवे ।भानुपुत्राय भव्याय पावनाय नमो नमः ॥ १४॥

stutyāya stotragamyāya bhaktivaśyāya bhānave |bhānuputrāya bhavyāya pāvanāya namo namaḥ || 14||

धनुर्मण्डलसंस्थाय धनदाय धनुष्मते ।तनुप्रकाशदेहाय तामसाय नमो नमः ॥ १५॥

dhanurmaṇḍalasaṃsthāya dhanadāya dhanuṣmate |tanuprakāśadehāya tāmasāya namo namaḥ || 15||

अशेषजनवन्द्याय विशेषफलदायिने ।वशीकृतजनेशाय पशूनाम्पतये नमः ॥ १६॥

aśeṣajanavandyāya viśeṣaphaladāyine |vaśīkṛtajaneśāya paśūnāmpataye namaḥ || 16||

खेचराय खगेशाय घननीलाम्बराय च ।काठिन्यमानसायाऽर्यगणस्तुत्याय ते नमः ॥ १७॥

khecarāya khageśāya ghananīlāmbarāya ca |kāṭhinyamānasāyā'ryagaṇastutyāya te namaḥ || 17||

नीलच्छत्राय नित्याय निर्गुणाय गुणात्मने ।निरामयाय निन्द्याय वन्दनीयाय ते नमः ॥ १८॥

nīlacchatrāya nityāya nirguṇāya guṇātmane |nirāmayāya nindyāya vandanīyāya te namaḥ || 18||

धीराय दिव्यदेहाय दीनार्तिहरणाय च ।दैन्यनाशकरायाऽर्यजनगण्याय ते नमः ॥ १९॥

dhīrāya divyadehāya dīnārtiharaṇāya ca |dainyanāśakarāyā'ryajanagaṇyāya te namaḥ || 19||

क्रूराय क्रूरचेष्टाय कामक्रोधकराय च ।कळत्रपुत्रशत्रुत्वकारणाय नमो नमः ॥ २०॥

krūrāya krūraceṣṭāya kāmakrodhakarāya ca |kaḷatraputraśatrutvakāraṇāya namo namaḥ || 20||

परिपोषितभक्ताय परभीतिहराय च ।भक्तसंघमनोऽभीष्टफलदाय नमो नमः ॥ २१॥

paripoṣitabhaktāya parabhītiharāya ca |bhaktasaṃghamano'bhīṣṭaphaladāya namo namaḥ || 21||

इत्थं शनैश्चरायेदं नांनामष्टोत्तरं शतम् ।प्रत्यहं प्रजपन्मर्त्यो दीर्घमायुरवाप्नुयात् ॥इति श्रीशनि अष्टोत्तरशतनामस्तोत्रं सम्पूर्णम् ।

itthaṃ śanaiścarāyedaṃ nāṃnāmaṣṭottaraṃ śatam |pratyahaṃ prajapanmartyo dīrghamāyuravāpnuyāt ||iti śrīśani aṣṭottaraśatanāmastotraṃ sampūrṇam |